16/09/2026
ჩვენს სკოლაში ახალი სასწავლო წელი დაიწყო. სკოლის პირველ დღეს თავისი ჩუმი ჯადოქრობა დაჰყვება. ეს ის ზღურბლია, საიდანაც ბავშვი აღმოჩენებით სავსე დიდ სამყაროში დგამს ნაბიჯს. ირგვლივ კი ისეთი გარემო ხვდება, რომელიც მზადაა, ჩაეხუტოს და გზა გაუკვალოს.
პირველ დღეს ეს მხარდაჭერა სრულიად ხელშესახები იყო: მეექვსეკლასელები ამაყად ედგნენ გვერდით თავიანთ პატარა მეწყვილეებს, ამხნევებდნენ და გზას უნათებდნენ სასკოლო ცხოვრებაში.
დილის ლამაზ განწყობას კიდევ უფრო განსაკუთრებული ელფერი შესძინეს ჩვენმა მეთორმეტეკლასელებმა. ისინი პატარებს გულთბილად მიესალმნენ, სკოლაში გატარებული წლების შესახებ მოუყვნენ და ის გამოცდილება თუ თბილი რჩევები გაუზიარეს, რაც აქ ზრდის, სიხარულისა და სწავლის 12 წლის მანძილზე დააგროვეს.
გარდა ამისა, პატივი გვხვდა წილად, გვემასპინძლა გერმანიის საელჩოს წარმომადგენლებისთვის, რომლებმაც ეს მნიშვნელოვანი დღე ჩვენთან ერთად აღნიშნეს. ტრადიციისამებრ, მათ თითოეულ პირველკლასელს ფერადი Schultüte - ტრადიციული სასკოლო საჩუქრები გადასცეს.
თინათინ შუბლაძე
