მწვანე ალუბალი

🐌 წინა კვირას ჩვენს მარწყვებს რომ ვაკვირდებოდით აღმოვაჩინეთ, რომ ისინი ლოკოკინებს დაუგემოვნებიათ. არც მზესუმზირის ფოთლები გამორჩენიათ და ჩვენც მათ ნაჭამ მცენარეებს დავაკვირდით.

🔍 ასევე შევამჩნიეთ, რომ სადაც ლოკოკინებს გაუვლიათ მბზინავი კვალი დაუტოვებიათ და გადავწყვიტეთ კარგად დავკვირვებოდით. მოვიძიეთ წიგნები, სადაც ლოკოკინებს დავათვალიერებდით და მათზე წავიკითხავდით. ჩვენს ეზოში რამდენიმე ლოკოკინაც მოვძებნეთ და ახლოდან დავათვლიერეთ.

🐚 აღმოვაჩინეთ, რომ მბზინავ კვალს მათი ლორწო ტოვებს, რომელიც ხელითაც გავსინჯეთ. გამადიდებელი შუშით დავაკვირდით ნიჟარის ზოლებს და ფერები წიგნში ნაპოვნ ნახატს შევადარეთ, დაკვირვება რომ დავასრულეთ ლოკოკინები კვლავ ბალახში გავუშვით.

🪵 ჯგუფში მომზადებული პროვოკაციის დახმარებით, ბავშვებმა ცომისა და ბუნებრივი მასალებისგან განსხვავებული ლოკოკინები დაამზადეს.

#კვლევა #მწვანეალუბალი 💚🌿🧚🏼

თიხა რბილია და ფუმფულა, ცოტა ცივი, მიწასავით.
თიხა შეგიძლია -
ჩაჭყლიტო,
დაამრგვალო,
გააბრტყელო,
რამე ჩაარჭო,
გახვრიტო,
მოწიწკნო,
ანაბეჭდები დატოვო,
ფორმები გამოჭრა,
რამე ააშენო….
წყალს თუ დაასხამ შეგიძლია ტყლაპოდ აქციო,
თუ გაახმობ შეგიძლია დანაყო და დაფხშვნა.
თიხით ყველაფრის გაკეთება შეგიძლია…

#თიხა #მწვანეალუბალი 💚🌿🧚🏼

ბავშვებს ძალიან მოეწონათ ქართული მითოლოგიური პერსონაჟების ამბების მოსმენა🧌🧙🏼🧚🏼‍♂️
წიგნში ნანახი სხვადასხვა უცნაური, ზღაპრული და ფრთიანი არსებების გაცოცხლებას კი სხვადასხვა მასალებით ეცადნენ🧶🖌️🎨🎭
#ზღაპარი #მითოლოგია #შემოქმედებითობა #მწვანეალუბალი 🧚🏼💚

ამ ზაფხულს, საბურთალოს ფილიალში, ბავშვებს პატარა ნატურალისტების საზაფხულო პროგრამაში ვიწვევთ. 🌸🌿💚

ბავშვები იკვლევენ ბუნებას, წავლენ ექსკურსიებზე და თავიანთ დაკვირვებებს, ხელოვნების სხვადასხვა ტექნიკით გამოხატავენ.

პროგრამის თემებია: მცენარეები, მწერები, ფრინველები და წყლის ბინადრები. 🐜🐞🌿🦜

ასაკი: 3–7 წელი
დეტალებისათვის მოგვწერეთ პირად შეტყობინებაში ან დაგვირეკეთ 598641719 💚🌿

რეგისტრაციის ბმული 🔗🌸💚

https://docs.google.com/forms/d/e/1FAIpQLSeG2TKnZWCHcKYA4eprJrylEbDzxcSaeQj1XHkP6-bqhyHLUQ/viewform

#მწვანეალუბალი

ფიგურების გამოჭრით და მათი ჯოხებზე დაწეპებით ბავშვები ჯადოსნურ პერსონაჟებს აცოცხლებენ. 🌿🐒🐖🐈🦣
#ფიგურები
#თეატრი

#მწვანეალუბალი

მუზეუმები, თავისი საინტერესო ექსპონატებით, საოცარი სივრცეა ბავშვის ცნობისმოყვარეობის გასაღვივებლად.

ცნობისმოყვარეობით კი იწყება ყველანაირი სწავლა.

მუზეუმი ბავშვებს კითხვების დასმისკენ უბიძგებს.

რა არის ეს?
ვინ გააკეთა?
რისთვის და როგორ?

ამ კითხვებს ბავშვები კვლევისკენ მიჰყავს.

ბავშვები გამოთქვამენ საკუთარ ვარაუდებს, ეძებენ კავშირებს სხვადასხვა თემას შორის და ნელ-ნელა სწავლობენ ანალიტიკურად ფიქრს.

ამავე დროს ვითარდება მათი ესთეტიკური და შემოქმედებითი აღქმაც.

ამიტომაც გვიყვარს მწვანე ალუბალში მუზეუმებში სტუმრობა 💚🌿

ეს ამბავი ასე დაიწყო,

ბავშვები ჯარისკაცობანას თამაშობდნენ და „სამხედრო საბუთები“ დასჭირდათ.
მასწავლებელმა გადაწყვიტა, ამ საბუთების დასაბეჭდად საბეჭდი მანქანა გამოეტანა.

ამ ძალიან საინტერესო და ძველი ნივთით ბავშვები დაინტერესდნენ და კითხვების დასმა დაიწყეს:

რა არის?
როგორ მუშაობს?
რატომ აქვს ამდენი ღილაკი?
რა ხმა აქვს?

მერე აღმოაჩინეს, რომ ღილაკებზე კაკუნით ფურცელზე კვალი ჩნდებოდა,
და ძალიან გაერთნენ იმაზე, რომ ეს კვალი კი უბრალოდ ლაქა, ან ხაზი კი არ იყო, ასოებად და სიტყვებად იკითხებოდა. 🤓

მწვანე ალუბალში, ძალიან გვიყვარს ბავშვებისათვის, ნამდვილი ნივთების შეთავაზება და დაკვირვება, როგორ აღმოჩენებს გააკეთებენ ბავშვები 💚

ხშირად ასე იწყება ნამდვილი კვლევა 📠

აქვე შეგახსენებთ,
რომ თუ სექტემბრისთვის ეძებთ ბაღს, სადაც ნამდვილი პროცესი ბავშვის ინტერესიდან იწყება,
მხოლოდ მაისის ბოლომდე მოქმედებს ადრეული რეგისტრაციის ფასდაკლება🍒🌿

#კვლევა #არტეფაქტები
#მწვანეალუბალი 😊🌸💚