სკოლა "კრწანისი მარჯი"

სკოლა "კრწანისი მარჯის" VI კლასში ჩატარდა შემაჯამებელი გაკვეთილი ბუნებაში ,,პირველი ნაბიჯები ქიმიისკენ" (პედ. ქ.ციხელაშვილი).
მოსწავლეები 2 ჯგუფად იყვნენ დაყოფილები შემდეგი სამუშაოების შესასრულებლად, რომელიც მოიცავდა 5 დავალებას - ნივთიერებების ამოცნობა, სხეული და ნივთიერება, ნარევების მომზადება, ფიზიკური და ქიმიური მოვლენები, ჟანგბადის მოლეკულის შედგენა.
მოსწავლეებმა წარმატებით დაძლიეს დავალებები და გაკვეთილმა საინტერესოდ ჩაიარა.

სკოლა "კრწანისი მარჯიში" ჩატარდა ღონისძიება "მხიარული სტარტები და მათემატიკა", რომელშიც მონაწილეობა მიიღეს მესამე, მეოთხე და მეხუთე კლასის მოსწავლეებმა. ღონისძიების მთავარი მიზანი იყო ბავშვებს გამოეცადათ საკუთარი გონებრივი შესაძლებლობები ექსტრემალურ გარემო-პირობებში და გამოევლინათ მათი სპორტული შესაძლებლობები 🏃‍♀️🏃🏃‍♀️🏃⛹️‍♀️⛹️🤼‍♀️🤸‍♀️
ჟიურის წევრები იყვნენ მოსწავლეთა თვითმართველობის წარმომადგენლები.
მათემატიკის პედაგოგები თამარ წყაროზია და ნინო კვინჩია, კლასის დამრიგებლები მაკა ფხაკაძე და ნანა ტიკარაძე.

სკოლა "კრწანისი მარჯის" VII-VIII კლასებს შორის ჩატარდა გუნდური შეჯიბრება "ჭიდილი", რომელიც მოიცავდა ძირითადი და საბუნებისმეტყველო საგნებიდან ზოგად და პროგრამულ შეკითხვებსა და ამოცანებს. მოსწავლეები 3 გუნდად იყვნენ წარმოდგენილი "პირამიდა", "პლიუსი" და "პიკასო". შეჯიბრში პირველი ადგილი დაიკავა ჯგუფმა "პირამიდამ", მეორე "პიკასომ", ხოლო მესამე ადგილზე გავიდა ჯგუფი "პლიუსი". გამარჯვებულ მოსწავლეებს გადაეცათ დიპლომები. წამყვანობისა და ორგანიზატორობისათვის ასევე დაჯილდოვდნენ სკოლის მოსწავლეები ლიზი ძაბირაძე და ლუკა არუდაშვილი (პედ. თ.წყაროზია, ნ.ყაველაშვილი);

სკოლა "კრწანისი მარჯის" მე-2 კლასში ჩატარდა ღონისძიება თემაზე "ვისი გორისა ვარ". მოსწავლეებმა წარმოადგინეს საქართველოს სხვსდასხვა კუთხეები და ქვეყნები, ეროვნების მიხედვით. ისაუბრეს თავისი გვარის წარმომავლობის შესახებ (პედ. მაკა ფხაკაძე).

სკოლა "კრწანისი მარჯის" V კლასში ჩატარდა ღია გაკვეთილი რუსულ ენასა და ლიტერატურაში (პედ. ნინა ცერცვაძე), რომელიც მიძღვნილი იყო ალექსანდრე პუშკინის დაბადების დღისადმი. მოსწავლეებმა სპექტაკლით წარმოადგინეს საინტერესო ფაქტები მწერლის ცხოვრებიდან.

სკოლა „კრწანისი მარჯიში“ აღინიშნა ეროვნული სამოსის დღე, სკოლის მოსწავლეებმა კოსტიუმირებულად წარმოადგინეს ეროვნული და სხვადასხვა ქვეყნის სამოსი, ასევე შესაბამისი სამზარეულოთი უმასპინძლეს სკოლას. ღონისძიებამ მხიარულად და საინტერესოდ ჩაიარა, რომელიც დატვირთული იყო ცეკვით, სიმღერით, პრეზენტაციებით.

2022 წლის გამოშვება, ბოლო ზარი სკოლა "კრწანისი მარჯიში".
გილოცავთ ცხოვრების მნიშვნელოვანი ეტაპის დასასრულს, გისურვებთ წარმატებებით სავსე, საინტერესო, ბედნიერ მომავალს.
ჩვენ თქვენ გვეამაყებით 👩‍🎓👩‍🎓
სკოლის დირექცია 💖