თბილისის 117-ე საჯარო სკოლის სამეურვეო საბჭო

საჯარო გაცნობისათვის ქვეყნდება სკოლის 2016 წლის ბიუჯეტის პროექტი.

სამეურვეო საბჭოს განცხადება

2015 წლის 17 დეკემბერს 15.00 საათზე სსიპ ქალაქ თბილისის N 117 საჯარო სკოლის ბიბლიოთეკაში გაიმართება სამეურვეო საბჭოს მორიგი სხდომა.
დღის წესრიგის პროექტი:
1. სკოლის დირექტორის ფინანსური და სასწავლო პროცესის მიმდინარეობის ანგარიში 2014 წლის 1 დეკემბრიდან 2015 წლის 1 დეკემბრამდე პერიოდისთვის.
2. სკოლის 2016 წლის ბიუჯეტის პროექტის განხილვა–დამტკიცება.
სხდომა საჯაროა და ყველა დაინტერესებულ პირს შეუძლია დაესწროს.

სამეურვეო საბჭოს წევრთა საყურადღებოდ!

2015 წლის 3 ნომებერს 14.00 საათზე სსიპ ქალაქ თბილისის N 117 საჯარო სკოლის ბიბლიოთეკაში გაიმართება სამეურვეო საბჭოს მორიგი სხდომა.
დღის წესრიგის პროექტი:
1. სამეურვეო საბჭოში მოსწავლეთა თვითმმართველობის წარმომადგენლის შეყვანის თაობაზე;
2. სკოლის მანდატურთა შემადგენლობის განახლების თაობაზე.

საჯარო სამართლის იურიდიული პირი
ქ. თბილისის N117 საჯარო სკოლის
სამეურვეო საბჭოს
სხდომის ოქმი N 23
თბილისი 30.09.2015
სხდომის დაწყების დრო: 15.00
სხდომის დასრულების დრო: 15.55

სხდომას ესწრებოდნენ: 1. მანანა მაზმიშვილი
2. ნელი ბუაძე
3.ეთერ ნანობაშვილი-ნადირაშვილი
4. თამარ ფხაჭიაშვილი
5.ნინო სამხარაძე
6.ვარდო გოქსაძე
7. ნინელი ფოლადაშვილი
8. მაია ქობულაძე
9.თამარ ბერიშვილი
10. ნატო ალავიძე

არ ესწრებოდნენ: ეკა მამასახლისი, დოდო ხარშილაძე, მარიამ ჭანტურია,ნინო მახარობლიძე
დღის წესრიგი:
1.სამეურვეო საბჭოში ახალი წევრის შეყვანა
2.დისციპლინარული კომიტეტის არჩევა
3.ინფორმაცია კლასგარეშე მუშაობის კოორდინატორის დანიშვნის შესახებ
4. სანიტარულ-ჰიგიენური კომისიის შექმნა
სხდომა გახსნა საბჭოს თავჯდომარემ, რომელმაც საბჭოს წევრებს გააცნო დღის წესრიგის პროექტი ვინაიდან შენიშვნები და წინადადებები არ ყოფილა დღის წესრიგთან დაკავშირებით მ. მაზმიშვილმა კენჭისყრაზე დააყენა საკითხი. საბჭოს წევრებმა კენჭისყრის შედეგად, ერთხმად (მომხრე - 10, წინააღმდეგი - 0, თავი შეიკავა - 0)
დაადგინეს: დამტკიცდეს დღის წესრიგი წარმოდგენილი სახით.
მოისმინეს: I.პირველ საკითხზე სიტყვით გამოვიდა სამეურვეო საბჭოს თავმჯდომარე მანანა მაზმიშვილი. მან საბჭოს წევრებს აცნობა, რომ ქალბატონი ნონა გოგოლაძე სხვა სკოლაში გადავიდა სამუშაოდ. შესაბამისად, მას აღარ აქვს უფლება იყოს სამეურვეო საბჭოს წევრი. ამიტომ საჭიროა მისი ჩანაცვლება იმ კანდიდატურით, რომელმაც სამეურვეო საბჭოს არჩევნების დროს მოიპოვა სხვებზე უკეთესი შედეგი. სამეურვეო საბჭოს საარჩევნო კომისიის მონაცემებით ასეთ შედეგს ფლობს ქალბატონი ნინელი ფოლადაშვილი (3 ხმა). იგი თანახმაა ჩაანაცვლოს ქალბატონი ნონა გოგოლაძე სამეურვეო საბჭოში.
აზრი გამოთქვეს: ნ. სამხარაძემ, თ. ფხაჩიაშვილმა, მ. მაზმიშვილმა და კენჭისყრაზე დააყენეს:
ა) ნონა გოგოლაძისათვის უფლებამოსილების შეწყვეტა
ბ) ნინელი ფოლადაშვილის სამეურვეო საბჭოს წევრად შემოყვანა
კენჭისყრის შედეგად ერთხმად
დაადგინეს:
1. შეუწყდეს სამეურვეო საბჭოს წევრის უფლებამოსილება ნ. გოგოლაძეს;
2. სამეურვეო საბჭოს წევრად დამტკიცდეს ნ. ფოლადაშვილი.

მოისმინეს: მ. მაზმიშვილის ინფორმაცია დისციპლინური კომიტეტის არჩევის შესახებ. მან სამეურვეო საბჭოს წევრებს აცნობა, რომ ზოგადი განათლების შესახებ საქართველოს კანონის 38-ე მუხლის 1-ლი პუნქტის „ლ“ ქვეპუნქტის შესაბამისად, დისციპლინური გადაცდომების განხილვის მიზნით, სკოლის წესდებით გათვალისწინებულია დისციპლინური კომიტეტის არჩევა, რომლის შემადგენლობაშიც შედიან მშობლები, მასწავლებლები და მოსწავლეები თანაბარი რაოდენობით. მოსაწვლეთა კონტინგენტის გათვალისწინებით მიზანშეწონილი იქნება დისციპლინურ კომიტეტში არჩეულ იქნას ორ-ორი მასწავლებელი, მშობელი და სშუალო საფეხურის მოსწავლე.
მ. მაზმიშვილმა საბჭოს წევრებს გააცნო პედადგოგიური საბჭოს მიერ შემოთავაზებული კანდიდატების სია: პედაგოგები - ტასიკო ქეშელაშვილი და მაია ტურაშვილი, მშობლები - მარინე ნარიმანიძე და ნ. იობაშვილი. მ. მაზმიშვილმა ასევე აღნიშნა, რომ მან უკვე დანიშნა მოსწავლეთა თვითმართველობის არჩევნები და მას შემდეგ, რაც ჩამოყალიბდება საშუალო საფეხურის თვითმართველობა, მოსწავლეთა კვოტით სამეურვეო საბჭოს ერთ წევრს და დისციპლინური კომისიის ორ წევრს სწორედ მოსწავლეთა თვითმართველობა აირჩევს და წარმოადგენს.
აზრი გამოთქვეს: თ. ბერიშვილმა, ე. ნანობაშვილმა, ნ. მახარობლიძემ.
სამეურვეო საბჭოს თავჯდომარემ კენჭისყრაზე დააყენა დისციპლინურ კომიტეტში ასარჩვად წარმოდგენილი კანდიდატურები. საბჭოს წევრებმა კენჭისყრის შედეგად ერთხმად
დაადგინეს:
ა) შეიქმნას დისციპლინური კომიტეტი 6 წევრის შემადგენლობით.
ბ) დისციპლინურ კომიტეტში მასწავლებლის კვოტით არჩეულ იქნან ტ. ქეშელაშვილი და მ. ტურაშვილი, მშობლის კვოტით მ. ნარიმანიძე და მ. იობაშვილი.
გ) დისციპლინურ კომიტეტში მოსწავლეთა კვოტით წევრების არჩევა და წარდგინება ეთხოვოს საშუალო საფეხურის თვითმმართველობას .
მოისმინეს: სკოლის დირექტორ მაია მეტონიძის ინფორმაცია. მან საბჭოს წევრებს ამცნო, რომ უფრო და უფრო იზრდება მოთხოვნები მოსწავლეთა თვითმმართველობის მიმართ, მალე ჩასატარებელია არჩევნები, ამიტომ მას გადაწყვეტილი აქვს ხელშეკრულებით აიყვანოს კლასგარეშე მუშაობის კოორდინატორი, რომელიც მოახდენს სხვადასხვა ღონისძიებებისა და ექსკურსიების ორგანიზებას, ხელმძღვანელობას გაუწევს მოსწავლეთა თვითმმართველობის მუშაობას. აქამდე იამზე ჭეიშვილი ასრულებდა ამ მოვალეობას, მაგრამ მან ასაკის გამო უარი თქვა ამ სამუშაოს შესრულებაზე. კოორდინატორის ანაზღაურება განისაზღვრება 350 ლარის ოდენობით, ანგარიშსწორება მოხდება არასაბიუჯეტო შემოსავლებიდან.
სკოლის დირექტორმა აღნიშნულ პოზიციაზე დაასახელა ეკა ბოჭორიშვილის კანდიდატურა, იგი დაახასითა როგორც ენერგიული, საქმის მცოდნე ადამიანი. ეკა განათლებით იურისტია, ამჟამად არის სკოლის სამოქალაქო განათლების მასწავლებელი, ნამუშევარია მანდატურად, აქვს ბავშვებთან ურთიერთობის და კლასსგარეშე მუშაობის გამოცდილება.
აზრი გამოთქვეს: ეთერ ნანობაშვილმა, რომელმაც აღნიშნა, რომ ეკა ბოჭორიშვილს დადებითად ახასიათებს და მის შესახებ ბევრი კარგი აქვს გაგონილი.
საბჭოს თავმჯდომარემ სხდომაზე მოიწვია ქ-ნი ეკა ბოჭორიშვილი, რომელიც გაეცნო სამეურვეო საბჭოს.
საბჭოს კენჭისყრის შედეგად, ერთხმად:
დაადგინა: ცნობად იქნას მიღებული 117-ე საჯარო სკოლის კლასგარეშე მუშაობის კოორდინატორად ეკა ბოჭორიშვილის დანიშვნის თაობაზე სკოლის დირექტორის ინფორმაცია.
მოისმინეს: სანიტარულ-ჰიგიენური კომისიის შექმნის შესახებ.
სამეურვეო საბჭოს თავმჯდომარემ აღნიშნა, რომ ასეთი კომისია გასულ სასწავლო წელს შეიქმნა, მან დიდი როლი შეასრულა სკოლაში სანიტარული მდგომარეობის გაუმჯობესების საქმეში, ამ მხრივ ამჟამად გაცილებით უკეთესი მდგომარეობაა. სასურველია გაგრძელდეს ამ კომისიის მუშაობა.
კომისიის წევრებად დასახელდნენ ნატო ალავიძე და თამარ ბერიშვილი.
საბჭოს წევრებმა კენჭისყრის შედეგად ერთხმად
დაადგინეს :
შეიქმნას 117-ე სკოლის სანიტარულ-ჰიგიენური კომისია შემდეგი შემადგენლობით: ნატო ალავიძე და თამარ ბერიშვილი.

სამეურვეო საბშჭოს თავმჯდომარე მ. მაზმიშვილი
მდივანი: ნ. ბუაძე

სსიპ ქალაქ თბილისის N117 საჯარო სკოლის სამეურვეო საბჭოს თავმჯდომარის
განკარგულება N5
თბილისი 29.09.2015

1. საჯარო სკოლის წესდების მე-10 მუხლის მე-3 პუნქტის შესაბამისად, საბაზო და საშუალო საფეხურის მოსწავლეთა თვითმმართველობების არჩევნები დაინიშნოს 2015 წლის 24 ოქტომბერს;
2. საბაზო და საშუალო საფეხურების მოსწავლეთა თვითმმართველობებში თითოეული კლასის მოსწავლეები ირჩევენ თითო წარმომადგენელს, მომდევნო სასწავლო წელს სამეურვეო საბჭოს მიერ მოსწავლეთა შესაბამისი თვითმმართველობის ახალი არჩევნების ჩატარებამდე;

3. საბაზო და საშუალო საფეხურის მოსწავლეთა თვითმმართველობების არჩევნებში მონაწილეობის მიღების უფლება აქვს, შესაბამისად, საბაზო და საშუალო საფეხურის ყველა მოსწავლეს;

4. საბაზო და საშუალო საფეხურების თითოეული კლასის მოსწავლე ხმას აძლევს ერთ კანდიდატს, შესაბამისად, საბაზო ან საშუალო საფეხურის მოსწავლეთა თვითმმართველობაში ასარჩევად გამარჯვებულად ითვლება მოსწავლე, რომელიც შესაბამის კლასში მეტ ხმას მოიპოვებს;

5. მოსწავლეები, რომელთაც სურთ არჩეულნი იყვნენ საბაზო ან საშუალო საფეხურის თვითმმართველობაში, რეგისტრაციას გადიან შესაბამისი კლასის დამრიგებელთან არჩევნების ჩატარებამდე არა უგვიანეს 3 დღით ადრე, დამრიგებლის არარსებობის შემთხვევაში კი – სკოლის დირექტორთან;
6. მოსწავლეთა თვითმმართველობის წევრობის კანდიდატების მიერ წინასაარჩევნო აგიტაციისა და კამპანიის წარმოებაზე ვრცელდება საჯარო სკოლის სამეურვეო საბჭოს წევრობის კანდიდატების მიერ წინასაარჩევნო აგიტაციისა და კამპანიის წარმოებისათვის დადგენილი წესი;

7. არჩევნებისა და ხმის მიცემის პროცესის ტექნიკური მხარდაჭერა ეთხოვოს სკოლის დირექციასა და კლასის დამრიგებლებს;

8. აღნიშნული განკარგულება გამოქვეყნდეს სამეურვეო საბჭოს გვერდზე ინტერნეტში, სკოლის ფოიეში - საჯარო განცხადებების ადგილზე, ხოლო ასლი გადაეცეს სკოლის დირექტორს ქ–ნ მაია მეტონიძეს.

მანანა მაზმიშვილი

სამეურვეო საბჭოს თავმჯდომარე

სსიპ ქალაქ თბილისის N117 საჯარო სკოლის სამეურვეო საბჭოს წევრთა საყურადღებოდ!
მიმდინარე წლის 7 სექტემბერს 10.00 საათზე გაიმართება სამეურვეო საბჭოს მორიგი სხდომა, სკოლის ბიბლიოთეკაში.

სსიპ ქალაქ თბილისის N117 საჯარო სკოლის სამეურვეო საბჭოს
სხდომის ოქმი N17
თბილისი 19.03.2015
სხდომის დაწყების დრო: 14.05
სხდომის დასრულების დრო: 16.43
სხდომას ესწრებოდნენ:
1. მანანა მაზმიშვილი – მასწავლებელი,
2. ნელი ბუაძე – მასწავლებელი,
3. ნინო სამხარაძე – მასწავლებელი,
4. ნონა გოგოლაძე – მასწავლებელი,
5. ეთერ ნანობაშვილი–ნადირაშვილი – მასწავლებელი,
6. თამარ ფხაჭიაშვილი – მასწავლებელი,
7. ნინო ყაველაშვილი – მშობელი,
8. ნონა ჯოჯუა – მშობელი,
9. ვარდო გოქსაძე – მშობელი,
10. მარიამ ჭანტურია – მოსწავლეთა თვითმმართველობის წარმომადგენელი
11. დოდო ხარშილაძე – თბილისის მერიის წარმომადგენელი.
სხდომას არ ესწრებოდნენ: ეკა მამასახლისი, მაია ყოლბაია და მაიკო ქობულაძე
დღის წესრიგი:
1. სსიპ 117-ე საჯარო სკოლის შინაგანაწესის დამტკიცება (მომხ. მ. მაზმიშვილი)
2. სსიპ 117-ე საჯარო სკოლის სანიტარულ–ჰიგიენური მდგომარეობის განხილვა (მომხ. ვ. გოგსაძე)
I. მოისმინეს :
სამეურვეო საბჭოს თავმჯომარის მანანა მაზმიშვილის ინფორმაცია 117-ე საჯარო სკოლის ახალი რედაქციის შინაგანაწესის დამტკიცების შესახებ. მ. მაზმიშვილმა აღნიშნა, რომ შინაგანაწესის პროექტის ბეჭდური ვერსია ხელმისაწვდომი იყო, როგორც სამეურვეო საბჭოს წევრებისათვის, ისე სკოლის დაინტერესებული სხვა პირებისათვის (მასწავლებლებისათვის, მოსწავლეთა თვითმმართველობისათვის). საკმარისი იყო აგრეთვე დროც, რათა ყველა გაცნობიდა პროექტს და სამეურვეო საბჭოსათვის მოეწოდებინათ საკუთარი შენიშვნები. მ. მაზმიშვილმა სამეურვეო საბჭოს წარუდგინა საკუთარი შენიშვნები:
ა) წარმოდგენილ პროექტში რიგი პუნქტებისა მონიშნულია მუქად და შემოტავაზებულია ალტერნატიული ვარიანტები (მაგალითად, მუხ. 3, პ. 5,9,10; მუხ. 4; მუხ. 7, მუხ. 11, მუხ. 29). აუცილებელია, ამ ალტერნატიული წინადადებებიდან შერჩეულ იქნას ნორმის ვარიანტი, რომელიც შეესაბამება სამეურვეო საბჭოს მიერ დამტკიცებულ სასკოლო წლიურ გეგმას;
ბ) მე–9 მუხლი რედაქციულად გასამართია (გადასანომრია პუნქტები);
გ) მიზანშეწონილია მე–11 მუხლში შრომის ანაზღაურების გაცემის ვადად დაფიქსირდეს პერიოდი მიმდინარე კალენდარული თვის 25 რიცხვიდან, არა უგვიანეს ამ თვის დასრულებიდან 5 დღისა;
დ) მე–17 მუხლის პირველ პუნქტში ზ) და ი) ქვეპუნქტები შინაარსობრივად იდენტურია;
ე) დასაზუსტებელია ან საერთოდ ამოსაღებია შინაგანაწესის პროექტის მე–20 მუხლის მე–8 პუნქტში ფრაზა „როდესაც სკოლას აქვს დასაბუთებული ინტერესი“;
ვ) 21–ე მუხლის მე–2 პუნქტიდან ამოსაღებია გ) და დ) ქვეპუნქტები, ვინაიდან აღნიშნული ზნეობრივ–ეთიკური რეგულაციები განსაზღვრულია მასწავლებლისა და დირექტორის ეთიკის კოდექსებში;
ზ) 21–ე მუხლის მე–2 პუნქტის ი) ქვეპუნქტში უნდა დაკონკრეტდდეს რა ითვლება სკოლის მიმდებარე ტერიტორიად;
თ) 22–ე მუხლის მე–4 პუნქტის ა) ქვეპუნქტში მოცემული გადაცდომა (მოსწავლეზე ემოციური ან ფსიქოლოგიური ზეწოლა), რისთვისაც დადგენილია დისციპლინური სანქცია – სასტიკი საყვედური, არ არის გათვალისწინებული ამავე შინაგანაწესის 21–ე მუხლში, სადაც მოცემულია დისციპლინური გადაცდომების ჩამონათვალი. შესაბამისად, ეს პუნქტი ან საერთოდ უნდა ამოღებულ იქნას ან უნდა დაემატოს 21–ე მუხლსაც. ამ შემთხვევაში, მნიშვნელოვანია დეტალურად გაიწეროს ის ინდიკატორები, რომელთა საფუძველზეც უნდა მოხდეს ამგვარი ზეწოლის ფაქტის დადგენა–დადასტურება.
ი) მნიშვნელოვანია, რომ შინაგანაწესში დაემატოს ნორმა, სადაც განისაზღვრება დისციპლინური პასუხისმგებლობის ვადაზე ადრე მოხსნის ვადა, მაგალითად, დისციპლინური სახდელის დადებიდან 6 თვეში;
კ) ყოვლად მიუღებელია 23–ე მუხლის მე–6 პუნქტის შინაარსი, რომლის შესაბამისადაც, დისციპლინური დევნა შეიძლება დაიწყოს დარღვევის ჩადენიდან ან გამოვლენიდან 3 წლის განმავლობაში. მიზანშეწონილია აქაც, ისევე როგორც ადმინისტრაციულ სამართალდარღვევათა კოდექსში დაფიქსირდეს 2 თვიანი ხანდაზმულობის ვადა.
აზრი გამოთქვეს:
ნელი ბუაძემ, რომელმაც აღნიშნა, რომ აქვს რიგი შენიშვნებისა და წინადადებებისა. კერძოდ:
ა) მუხლი 6. ვაკანტურ ადგილზე კონკურსის გამოცხადების შესახებ განცხადება, გარდა ელექტრონული საშუალებებისა მიზანშეწონილია გამოიკრას სკოლის საინფორმაციო დაფაზეც, ხოლო კანდიდატის შერჩევა მოხდეს ყოველთვის კონკურსის წესით;
ბ) მუხლი 11. სკოლის ანგარიშზე სახელფას თანხის არსებობის შემთხვევაში, ხელფასი გაიცეს მიმდინარე თვის 25 რიცხვიდან თვის ბოლომდე, როგორც ეს ხდება სხვა საჯარო სკოლებში და ხდებოდა ჩვენს სკოლაში ადრე;
გ) მე–17 მუხლის პირველი პუნქტის ბ) ქვეპუნქტი ამოსაღებია, ვინაიდან უვადო შრომის ხელშეკრულების პირობებში, ხელშეკრულების მოქმედების ვადის გასვლა ვერ გახდება შრომითი ურთიერთობის შეწყვეტის საფუძველი;
დ) სასურველია 22–ე მუხლით გათვალისწინებული სანქცია – 10 დღის ხელფასის დაკავება, შეიცვალოს 5 დღის ხელფასის ოდენობის სანქციით;
ე) გაუგებარია და ამოსაღებია 22–ე მუხლის მე–4 პუნქტში გამოყენებულია ტერმინი: ემოციური და ფსიქოლოგიური ზეწოლა.
ვ) 22–ე მუხლის მე–6 პუნქტის ბ) ქვეპუნქტში დაემატოს სიტყვა „განზრახ“ (სკოლისათვის განზრახ მნიშვნელოვანი ზარალის მიყენება);
ზ) 23–ე მუხლის მე–6 პუნქტით გათვალისწინებული, სახდეელის დადების 3 წლიანი ხანდაზმულობის ვადა აბსურდულია და უნდა შემცირდეს 2 თვემდე;
თ) ვინაიდან, დისციპლინარული სახდელის მოქმედების პერიოდში არ გამოიყენება წახალისების ფორმები ,საჭიროა დისციპლინური სახდელის ვადაზე ადრე მოხსნის შესაძლებლობის განსაზღვრა, ვინაიდან შესაძლებელია ამ პერიოდში მასწავლებელმა დიდი წვლილი შეიტანა სკოლის წარმატებაში (ვთქვათ რესპუბლიკურ დონეზე განახორციელოს პროექტი, მისმა მოსწავლემ გაიმარჯვოს რესპუბლიკურ ოლიმპიადაში ან რაიმე მსგავსი );
ი) შინაგანაწესს უნდა დაემატოს 42–ე მუხლი, სადაც აღინიშნება, რომ შინაგანაწესის განუყოფელ ნაწილებს წარმოადგენს მოსწავლის ქცევის კოდექსი, მასწავლებლის ეთიკის კოდექსი და დირექტორის ეთიკის კოდექსი.
ქ–ნმა ნელი ბუაძემ, არა შენიშვნის, არამედ სამსჯელო თემად დასვა მასწავლებლის ოჯახის წევრის გარდაცვალების ან ქორწინების შემთხვევაში, პედაგოგისათვის 3 დღიანი შვებულების მიცემისა და მისთვის ხელფასის შენარჩუნების საკითხი.
ნონა ჯოჯუამ, რომელმაც ყურადღება გაამახვილა მოსწავლეთა ქცევის კოდექსზე და განსაკუთრებით მოსწვლეთა ჩაცმულობაზე; მისი აზრით კარგი ქნება თუ შემოვიღებთ სასკოლო ფორმას; სხვა შემთხვევაში უნდა განისაზღვროს ჩაცმის ნორმები, დაუშვებელია შორტებით, ძალიან ღრმა დეკოლტეთი, დახეული ჯინსითა და ვულგარული სამოსით სკოლაში სიარული.
მარიამ ჭანტურიამ, რომელმაც მხარი არ დაუჭირა ქ–ნი ნონა ჯოჯუას წინადადებას სასკოლო ფორმების შემოღების თაობაზე.
საბჭოს თავმჯდომარემ კენჭისყრაზე დააყენა წარმოდგენილი სკოლის შინაგანაწესის დამტკიცების საკითხი, სხდომაზე გამოთქმული შენიშვნების გათვალისწინებით (გარდა ქ–ნ ნ. ჯოჯუას წინადადებისა, სასკოლო ფორმების შემოღების თაობაზე, რომელიც სადავო გახადა მოსწავლეთა თვითმმართველობის წარმომადგენელმა).
კენჭისყრის შედეგად, ხმათა უმრავლესობით (მომხრე – 10, წინააღმდეგი –0, თავი შეიკავა – მარიამ ჭანტურიამ), სამეურვეო საბჭომ
დაადგინა:
1. დამტკიცდეს სსიპ ქალაქ თბილისის N117 საჯარო სკოლის შინაგანაწესი სამეურვეო საბჭოს სხდომაზე გამოთქმული წინადადებებისა და შენიშვნების გათვალისწინებით გადამუშავებული რედაქციით;
2. ეთხოვოს სსიპ ქალაქ თბილისის N117 საჯარო სკოლის დირექტორს ამ დადგენილების პირველი პუნქტის შესაბამისად გადამუშავებული შინაგანაწესის სამეურვეო საბჭოს თავმჯდომარისათვის ხელმოსაწერად წარდგენა და საჯაროდ გამოქვეყნება.
II. მოისმინეს სამეურვეო საბჭოს წევრ ვარდო გოგსაძის ინფორმაცია სკოლის სანიტარულ–ჰიგიენური მდგომარეობის შესახებ. ქალბატონმა ვარდომ განაცხადა, რომ სანიტარულ–ჰიგიენური კომისია კვირაში ერთხელ ამოწმებს სკოლაში სისუფთავის მდგომარეობას. გამოვლინდა, რომ ყველა სველ წერტილში არის ტუალეტის ქაღალდი და საპონი, მაგრამ არ ხდება ქლორით დამუშავება, საპირფარეშოებში (განსაკუთრებით დაწყებითი კლასების ბლოკში) არაა საკმარისი სისუფთავე, ხშირად სუნია. არ ხდება კლასების დალაგება სველი წესით, მტვერია.
აზრი გამოთქვეს:
დოდო ხარშილაძემ, რომელმაც აღნიშნა, რომ ქლორით დამუშავება არ უნდა მოხდეს ყოველდღიურად, ამისათვის უნდა გამოიყენონ ქლორიანი ანალიზი-10% ხსნარი, რომელიც რეკომენდირებულია სველი წესით დალაგებისათვის და არ ახასიათებს სპეციფიური სუნი. მისი აზრით, სასურველია ასევე, სკოლამ აიყვანოს ექიმი.
ნონა ჯოჯუამ, რომელმაც დასვა წინადადება – ეთხოვოს სკოლის დირექციას, რომ მოაწესრიგოს კანალიზაცია საპირფარეშოებში.
კენჭისყრის შედეგად, ხმათა უმრავლესობით (მომხრე – 10, წინააღმდეგი –0, თავი შეიკავა – მარიამ ჭანტურიამ), სამეურვეო საბჭომ
დაადგინა:
1. სკოლის სანიტარულ–ჰიგიენური მდგომარეობა ჩაითვალოს გაუმჯობესებულად;
2. სკოლის დირექციას მიეცეს რეკომენდაცია უზრუნველყოს სკოლის სანიტარულ–ჰიგიენური მდგომარეობის შემდგომი გაუმჯობესება, შემდეგი ღონისძიებებით:
ა) დამლაგებელთა სამსახურებრივი მოვალეობების ურთიერთშენაცვლება;
ბ) სველი წესით დასუფთავებითი სამუშაოების სიხშირის ზრდა;
გ) საჭიროების შემთხვევაში დამატებითი სადეზინფექციო საშუალებების შეძენისა და დეზინფექციის ჩატარება.

საბჭოს თავმჯდომარე: მანანა მაზმიშვილი
მდივანი: ნელი ბუაძე

სამეურვეო საბჭოს N17 სხდომა გადაიდო 2015 წლის 19 მარტისათვის.

სამეურვეო საბჭოს წევრთა საყურადღებოდ!
2015 წლის 27 თებერვალს 15.00 საათზე სსიპ ქალაქ თბილისის N117 საჯარო სკოლის ბიბლიოთეკაში გაიმართება სამეურვეო საბჭოს მორიგი სხდომა შემდეგი დღის წესრიგით:
1. სკოლის შინაგანაწესის განხილვა და დამტკიცება;
2. სანიტარულ-ჰიგიენური კომისიის ანგარიშის განხილვა;
3. სხვადასხვა.
მანანა მაზმიშვილი
საბჭოს თავმჯდომარე

სამეურვეო საბჭოს მიერ ჩამოყალიბდა დისციპლინური კომიტეტი შემდეგი შემადგენლობით:
ა) ზ. პიტიურიშვილი – მასწავლებელი;
ბ) ქ. შათირიშვილი – მასწავლებელი;
დ) ხ. ათანელაშვილი – მშობელი;
ე) ნ. შელია – მშობელი;
ვ) ნ. უგრეხელიძე – მოსწავლე;
ზ) გ. ნარიმანიძე – მოსწავლე.

სსიპ ქალაქ თბილისის N117 საჯარო სკოლის სამეურვეო საბჭოს
სხდომის ოქმი N14
თბილისი 04.12.2014
სხდომის დაწყების დრო: 14.15
სხდომის დასრულების დრო: 15.15
სხდომას ესწრებოდნენ:
1. მანანა მაზმიშვილი – პედაგოგი
2. ეთერ ნანობაშვილი–ნადირაშვილი – პედაგოგი
3. ნელი ბუაძე – პედაგოგი
4. ნინო სამხარაძე – პედაგოგი
5. თამარ ფხაჭიაშვილი – პედაგოგი
6. ნონა გოგოლაძე – პედაგოგი
7. ნინო ყაველაშვილი – მშობელი
8. ეკატერინე მამასახლისი – მშობელი
სხდომას ესწრებოდნენ ასევე ვარდო გოქსაძე, მაია ქობულაძე, მოსწავლეთა თვითმმართველობის წარმომადგენელი მარიამ ჭანტურია.

დღის წესრიგი:
1. სამეურვეო საბჭოში ახალი წევრების შემოყვანა
2. სამეურვეო საბჭოს ახალი მდივნის არჩევა
3. დისციპლინურ კომიტეტში მოსწავლეთა კვოტით წევრების არჩევა.
მოისმინეს: სამეურვეო საბჭოს თავმჯდომარის მ. მაზმიშვილის ინფორმაცია საბჭოში ახალი წევრების შემოყვანის შესახებ. მან აღნიშნა, რომ 2014 წლის 7 ნოემბრის არჩევნებში ხმების უმრავლესობა მოიპოვეს მეორე საფეხურის მშობელმა ვარდო გოგსაძემ და მესამე საფეხურის მშობელმა მაია ქობულაძემ. საქართველოს კანონმდებლობის შესაბამისად ისინი რეგისტრაციაში გატარდნენ სსიპ განათლების მართვის საინფორმაციო სისტემაში ამავე უწყების ხელმძღვანელის 2014 წლის 21 ნოემბრის N1.2/3594 ბრძანების საფუძველზე. საჭიროა კენჭი ეყაროს მათი სამეურვეო საბჭოში შემოყვანის საკითხს. გარდა ზემოაღნიშნულისა, სამეურვეო საბჭოში წევრად უნდა იქნას შემოყვანილი მოსწავლეთა თვითმმართველობის მიერ წარმოდგენილი კანდიდატურა – მარიამ ჭანტურია.
აზრი გამოთქვეს: ნელი ბუაძემ, ნინო სამხარაძემ

სამეურვეო საბჭომ კენჭისყრის შედეგად ერთხმად (მომხრე – 8, წინააღმდეგი – 0)
დაადგინა:
1. შეყვანილ იქნან სსიპ ქალაქ თბილისის N117 საჯარო სკოლის სამეურვეო საბჭოში
ა) მეორე საფეხურის მოსწავლის მშობელი ვარდო გოგსაძე
ბ) მესამე საფეხურის მოსწავლის მშობელი მაია ქობულაძე
გ) მოსწავლეთა თვითმმართველობის წარმომადგენელი მარიამ ჭანტურია, საქართველოს კანონმდებლობით განსაზღვრული ვადით.
2. ეთხოვოს სსიპ ქალაქ თბილისის N117 საჯარო სკოლის დირექციას (მ. მეტონიძე) უზრუნველყოს სამეურვეო საბჭოს წევრ მარიამ ჭანტურიას სსიპ განათლების მართვის საინფორმაციო სისტემაში რეგისტრაცია საქართველოს კანონმდებლობით დადგენილი წესით.
მოისმინეს: სამეურვეო საბჭოს მდივნის ქ–ნ ნ. ყაველაშვილის განცხადება, რომელმაც ითხოვ, გაეთავისუფლებინათ მდივნის მოვალეობისაგან.
აზრი გამოთქვეს:
მ. მაზმიშვილმა, რომელმაც აღნიშნა, რომ ქ–ნი ნინო კეთილსინდისიერად უძღვებოდა სამეურვეო საბჭოს მდივნის მოვალეობას, რისთვისაც მას დიდ მადლობას უხდის. ამასთან, ქ–ნმა მანანამ სთხოვა სამეურვეო საბჭოს გაეთვალისწინებინა ქ–ნი ნინოს თხოვნა და დაესახელებინათ ახალი მდივნის კანდიდატურები.
ქ–ნმა თამარ ფხაჭიაშვილმა სამეურვეო საბჭოს მდივნად დაასახელა ქ–ნი ნელი ბუაძის კანდიდატურა.
ვიანიდან, სხვა კანდიდატურები არ დასახელებულა საბჭოს თავმჯდომარემ მ. მაზმიშვილმა კენჭისყრაზე დააყენა ქ–ნ ნ. ბუაძის სამეურვეო საბჭოს მდივნად არჩევის საკითხი.
სამეურვეო საბჭომ, კენჭისყრის შედეგად, ერთხმად (მომხრე – 8, წინააღმდეგი – 0)
დაადგინა:
სამეურვეო საბჭოს მდივნად არჩეულ იქნას ქ–ნი ნელი ბუაძე.
მოისმინეს: საბჭოს თავმჯდომარის ქ–ნ მანანა მაზმიშვილის ინფორმაცია, რომელმაც საბჭოს წევრებს აცნობა, რომ საბჭოს 2014 წლის 11 სექტემბრის N12 სხდომაზე მიღებული დაგდენილების შესაბამისად, საშუალო საფეხურის მოსწავლეთა თვითმმართველობამ დისციპლინურ კომიტეტში ასარჩევად წარმოადგინა ნაზი უგრეხელიძისა და გიგა ნარიმანიძის კანდიდატურები. საჭიროა მათი დისციპლინურ კომიტეტში ასარჩევად კენჭისყრის ჩატარება.
განსხვავებული აზრი არავის გამოუთქვამს.
სამეურვეო საბჭომ, კენჭისყრის შედეგად, ერთხმად (მომხრე – 8, წინააღმდეგი – 0)
დაადგინა:
სსიპ ქალაქ თბილისის N117 საჯარო სკოლის დისციპლინურ კომიტეტში საშუალო საფეხურის მოსწავლეთა თვითმმართველობის კვოტით არჩეულ იქნან:
ა) ნაზი უგრეხელიძე;
ბ) გიგა ნარიმანიძე.

სამეურვეო საბჭოს თავმჯდომარე (მ. მაზმიშვილი)
მდივანი (ნ. ბუაძე)

სამეურვეო საბჭოს განახლებული შემადგენლობა 2015 წლის იანვრისათვის:
1. მანანა მაზმიშვილი – პედაგოგი, თავმჯდომარე
2. ნელი ბუაძე – პედაგოგი, მდივანი
3. ნონა გოგოლაძე – პედაგოგი
4. ეთერ ნანონაშვილი–ნადირაშვილი – პედაგოგი
5. ნინო სამხარაძე – პედაგოგი
6. თამარ ფხაჭიაშვილი – პედაგოგი
7. მაია ქობულაძე – მშობელი
8. ნონა ჯოუა – მშობელი
9. ვარდო გოქსაძე – მშობელი
10. ეკატერინე მამასახლისი – მშობელი
11. ნინო ყაველაშვილი – მშობელი
12. მარიამ ჭანტურია – მოსწავლეთა თვითმმართველობის წარმომადდგენელი
13. დოდო ხარშილაძე – თბილისის მერიის წარმომადგენელი