School Genius - სკოლა გენიოსი

💰პროექტის „მოიწვიე ფინედუ კლასში“ ფარგლებში, მეექვსეკლასელებს „ფინედუს“ წარმომადგენელი ესტუმრა. მოსწავლეებმა ინტერაქციულ რეჟიმში ისწავლეს დაზოგვის მნიშვნელობა, ბიუჯეტის დაგეგმვა და გონივრული ფინანსური გადაწყვეტილებების მიღება.
#ფინედუ

მუსიკალური პროექტი ,,იავნანა”
5(ბ) კლასი

🌍22 აპრილი🌎
✨დედამიწის დღე ჩვენს სკოლაში ✨

🌟 **მენტალური განვითარების აკადემია** 🌟

👧🧒სკოლაში არსებული მენტალური განვითარების აკადემია გთავაზობთ სკოლამდელი მზაობის 3 თვიან პროგრამასა და 4–10 წლის ბავშვებისთვის საინტერესო, შემეცნებით და სახალისო გაკვეთილებს, რომლებიც ავითარებს ბავშვის აზროვნებას, ლოგიკას და სოციალურ უნარებს 💡

📚 ბავშვები შეისწავლიან:
🔹 კონცენტრაციის განვითარებას;
🔹 მეხსიერების გაძლიერებას;
🔹 ლოგიკური და კრიტიკული აზროვნების უნარებს;
🔹 ემოციურ და სოციალურ უნარებს.

აკადემიაში თქვენს შვილს დახვდება:
💛 მეგობრული გარემო და ინდივიდუალური მიდგომა
🎯 პროფესიონალი პედაგოგები

🕰️გაკვეთილები ჩატარდება კვირაში 3 დღე
📍 მისამართი: კასტელის 9, სკოლა ,,გენიოსი”

📞 ტელ: 579 23 21 96

✨ ჩაწერა უკვე დაწყებულია!
დეტალური ინფორმაციისთვის დაგვიკავშირდით მითითებულ ნომერზე ან ლინკის სახით მოცენულ ფეისბუქ გვერდზე
💫 მენტალური განვითარების აკადემია - გაზარდეთ თქვენი შვილის პოტენციალი 💫

https://www.facebook.com/profile.php?id=61566206866975

📚 14 აპრილი
დედაენის დღე ჩვენს სკოლაში 🇬🇪

უმცროსკლასელებმა განსაკუთრებული აქტივობებით აღნიშნეს დედაენის დღე — მათ მოხატეს თეფშები ქართული ანბანის თემატიკით და დიდი მონდომებით „გამოაძერწეს“ დედაენის წიგნი.

გაიმართა საინტერესო პრეზენტაციები ბარბარიზმებზე და მათ სწორ ქართულ შესატყვისებზე, რაც ძალიან მნიშვნელოვანი და სასარგებლო აღმოჩნდა მოსწავლეებისთვის.

მოსწავლეებმა მიიღეს ინფორმაცია ქართული ანბანის შესახებ — მისი ისტორია, უნიკალურობა და მნიშვნელობა.

მაღალ კლასებში კი გაიმართა დებატები, სადაც მოსწავლეებმა აქტიურად იმსჯელეს ქართული ენის დაცვასა და მნიშვნელობაზე.

✨ ერთად ვუფრთხილდებით ჩვენს ენას!

9 აპრილი — თავისუფლებისა და ერთიანობის სიმბოლო. 🇬🇪 დღე, რომელმაც ჩვენი ქვეყნის ისტორია სამუდამოდ შეცვალა. 🇬🇪

კვირის განმავლობაში მოსწავლეებთან ერთად 9 აპრილის თემაზე ვმუშაობდით. ბავშვებმა ნახეს დოკუმენტური მასალები, გამართეს დისკუსია და დიდი მონდომებით შექმნეს კედლის გაზეთები.
სასიამოვნოა ის ფაქტი, რომ ახალ თაობას ასე მძაფრად ესმის, რას ნიშნავს სამშობლოს სიყვარული და დამოუკიდებლობისთვის ბრძოლა. ჩვენი ვალია, არასდროს დავივიწყოთ გმირები, რომლებმაც საკუთარი სიცოცხლის ფასად მოგვიტანეს თავისუფლება.

#9აპრილი #ჩვენიისტორია

📚🌿 ინტეგრირებული გაკვეთილი – ქართული ენა და ლიტერატურა & ბუნებისმეტყველება 🌿📚

მესამე „გ“ კლასში განხორციელდა საინტერესო და მრავალფეროვანი ერთობლივი პროექტი თემაზე: „ფესვი, ღერო, ფოთოლი“.

პროექტის მიზანი იყო მოსწავლეებში ბუნებისადმი ინტერესის გაღვივება, მცენარის აგებულების გაცნობა და ამ ცოდნის გადატანა ლიტერატურულ და შემოქმედებით სივრცეში. ბავშვებმა შეისწავლეს მცენარის ძირითადი ნაწილები – ფესვი, ღერო და ფოთოლი, მათი ფუნქციები და მნიშვნელობა.

📖 ქართული ენისა და ლიტერატურის ნაწილში მოსწავლეებმა:
– წაიკითხეს მოკლე ტექსტები მცენარეებზე;
– აღწერეს ბუნება საკუთარი სიტყვებით;

🔬 ბუნებისმეტყველების ნაწილში:
– დააკვირდნენ მცენარის ნაწილებს;
– ისწავლეს მათი როლი მცენარის სიცოცხლეში;
– განიხილეს, რატომ არის თითოეული ნაწილი მნიშვნელოვანი ბუნებრივი ბალანსისთვის.

🎨 პროექტი ასევე მოიცავდა შემოქმედებით აქტივობებს. მოსწავლეებმა ჯგუფურად წარმოადგინეს საკუთარი ნამუშევრები.

🌱 ამ ინტეგრირებულმა მიდგომამ ხელი შეუწყო არა მხოლოდ ცოდნის გაღრმავებას, არამედ კრიტიკული აზროვნების, შემოქმედებითი უნარებისა და გუნდური მუშაობის განვითარებას.

🌳 ტყის საერთაშორისო დღესთან დაკავშირებით, ჩვენი სკოლის ეკო კლუბის წევრებმა ჩაატარეს შემეცნებითი შეხვედრა, რომლის მიზანი იყო დაწყებითი კლასის მოსწავლეებში ტყის მნიშვნელობის გააზრება და გარემოს მიმართ პასუხისმგებლობის ჩამოყალიბება.
🐝 შეხვედრის ფარგლებში მოსწავლეებმა წარმოადგინეს თოჯინების თეატრი, სადაც განიხილეს ტყის როლი ადამიანების ცხოვრებაში და ის, თუ როგორ უნდა მოვუაროთ და გავუფრთხილდეთ ბუნებას.
👩‍🏫 ღონისძიება განსაკუთრებულად საინტერესო და გასაგები იყო დაწყებითი კლასის მოსწავლეებისთვის, რომელთაც ინფორმაცია მათთვის მარტივ და სახალისო ფორმაში მიეწოდათ.

2026 წლის 17 მარტს, 93 წლის ასაკში გარდაიცვალა სრულიად საქართველოს კათოლიკოს-პატრიარქი, უწმინდესი და უნეტარესი — ილია II.

1977 წლიდან იგი მსახურობდა კათოლიკოს-პატრიარქად და თითქმის ნახევარი საუკუნის განმავლობაში უძღვებოდა საქართველოს მართლმადიდებელ ეკლესიას.

სკოლა მწუხარებას გამოთქვამს აღნიშნული დანაკარგის გამო და სამძიმარს უცხადებს საქართველოს სამოციქულო ავტოკეფალურ მართლმადიდებელ ეკლესიას, წმინდა სინოდს, სასულიერო პირებსა და მრევლს.
მისი მრავალწლიანი მოღვაწეობა და ღვაწლი მნიშვნელოვანი ნაწილი იყო ქვეყნის სულიერი და საზოგადოებრივი ცხოვრების.

ნათელში იყოს მისი სული. 🕯️

🇬🇪105 წელი გავიდა საბჭოთა რუსეთის მიერ საქართველოს ოკუპაციიდან. ეს იყო დღე, როდესაც 70 წლით დასამარდა ჩვენი ქვეყნის დამოუკიდებლობა, დემოკრატია, თავისუფალი აზრი, ადამიანის ღირსება, კანონის უზენაესობა, თავისუფალი ნება, ინდივიდი. სკოლა გენიოსში საზოგადოებრივ მეცნიერებათა კათედრის ინიციატივით მთელი კვირის ფარგლებში განხორციელდა სხვადასხვა სახის შემეცნებით-საგანმანათლებლო აქტივობები: საველე გაკვეთილი კოჯორში იუნკერთა მემორიალთან, ვიზიტი ოკუპაციის მუზეუმში, ფილმების ჩვენება, პოსტერების, კედლის გაზეთების, საინფორმაციო ბროშურების მომზადება და გამოფენა. კვირის ბოლოს მოსწავლეებმა შექმნეს შთაბეჭდილებების კედლის გაზეთი, სადაც გადმოსცეს საკუთარი აზრი და განწყობა 1921 წლის თებერვლის ისტორიულ მოვლენასთან მიმართებაში