დავით მიქელაძის მომავალ მეცნიერთა ფონდი - www.fsf.ge

ვით მიქელაძე თავისუფალი უნივერსიტეტის ბიზნესის სკოლის ESM ერთ–ერთი საუკეთესო კურსდამთავრებულია, რომელიც 2010 წლის 2 იანვარს ავტოკატასტროფაში დაიღუპა.

დათოს ძალიან უყვარდა ფიზიკა და უნდოდა ფიზიკოსობა, მაგრამ, ბიზნესის სკოლაში ჩააბარა. უნივერსიტეტში სწავლის პირველივე დღეს დაწერა სამოტივაციო წერილი, რომელშიც ახსნა, თუ რატომ მიიღო ეს გადაწყვეტილება:

„ . . . მე გადავწყვიტე, გავმხდარიყავი ფიზიკოსი. დავდიოდი სხვადასხვა კონფერენციებზე, ოლიმპიადებზე, ვცდილობდი გამეგო რაც შეიძლება მეტი სამყაროს შესახებ, შემეფასებინა ქვეყნის შესაძლებლობები და ბოლოს მივხვდი:

საქართველოში უამრავი მეცნიერია, რომელიც ქმნის ჩვენს მომავალს, მაგრამ საქართველოში არავის შეუძლია ამ მომავლის დანახვა.

ქვეყანაში არ მოიძებნება არც ერთი ადამიანი, ვინც დაინტერესდებოდა მეცნიერებით, ვინც გაიაზრებდა თუ რა სარგებლობის მოტანა შეუძლია თუნდაც ერთ ისეთ გამოგონებას, რომელიც ფიზიკის ინსტიტუტში უსაქმოდ დევს და ელოდება თავის შანსს, რომელიც შეიძლება არც მიეცეს.

და მე გადავწყვიტე, რომ ჩემი ძალები და შესაძლებლობები მომავლის დანახვის გამომეყენებინა. მე აქ უფრო მეტის გაკეთება შემიძლია, ვიდრე იგივე ფიზიკის ლაბორატორიაში, რადგან იქ დანადგარებთან ჩემზე ბევრად ღირსეული და ნიჭიერი ხალხი დგას ... „

ჩვენ წელს გავხსენით ფიზიკის სკოლა. როდესაც ფიზიკის სკოლასთან დაკავშირებულ შეხვედრებს ვმართავდით, ბევრს ვმსჯელობდით, რომ მნიშვნელოვანია, მეცნიერებებით დაინტერესებულ აბიტურიენტებს ხელი შევუწყოთ. ამ ფონდის დაფუძნების იდეა ბიზნესის სკოლის დეკანმა, ქალბატონმა ნინო ალადაშვილმა გამოთქვა – ის მოგვიყვა დათოს ისტორიას და წაგვიკითხა მისი სამოტივაციო წერილი.

ჩვენ ვეცდებით, დათოს იდეები რეალობად ვაქციოთ. ფონდში შემოსული თანხით გავცემთ სასწავლო გრანტებს დათოსავით ნიჭიერ ახალგაზრდებზე, რათა მათ შეძლონ გახდნენ მეცნიერები.

ჩვენ იმედი გვაქვს, რომ ძალიან ბევრ ადამიანს გაუჩნდება სურვილი მონაწილეობა მიიღოს იმ დიდ საქმეში, რასაც საქართველოში მეცნიერებების განვითარება ჰქვია.


როგორ განვახორციელო შემოწირულობა?
– დავით მიქელაძის მომავალ მეცნიერთა ფონდის ვებ – გვერდიდან
TBC Pay-ის ან Pay Box-ის ტერმინალების მეშვეობით
– ნაღდი ანგარიშსწორებით თავისუფალი უნივერსიტეტის ბუღალტერიაში
– საბანკო გადარიცხვის გზით:

დავით მიქელაძის მომავალ მეცნიერთა ფონდის საბანკო რეკვიზიტები:

o სს ,,თი-ბი-სი ბანკის” მარჯანიშვილის ფილიალი, ბანკის კოდი: TBCBGE22, ანგარიშის ნომერი: GE02TB7746136080100001 (GEL/USD/EURO)

o სს „საქართველოს ბანკის“ ცენტრალური ფილიალი, ბანკის კოდი: BAGAGE22, ანგარიშის ნომერი: GE12BG0000000890314900 (GEL/USD/EURO)