ქართული ენის, ლიტერატურისა და ფოლკლორის მიმართულება

==სადღაც შორიდან,უსიერი ტყეებიდან მოდის თოვლის ბაბუა,რომ სიახლეებით, სიურპრიზებით გაანებივროს ახალი წლის მომლოდინე ადამიანები,განსაკუთრებით ბავშვები,
=="კალმოსნებმა" -უმცროსკლასელებმა მთელი გზა გამოიარეს მასთან ერთად,შთამბეჭდავად ასახეს ლამაზი თავგადასავლები,სირთულეები,საოცრებები.ბოლომდე გაიზიარეს კარსმომდგარი შობა-ახალი წლის მღელვარე მოლოდინი.
==უფროსკლასელებმა კი, გურამ თიკანაძის ფოტოსტუდიელებთან ერთად,მათ მიერ გადაღებულ ფოტოებში იპოვეს აზრი,იდეა,თემა და შთამბეჭდავად შეასხეს ხორცი.
=საახალწლო განწყობას ქმნიდა ის მუსიკაც,რომლის თანხლებაც ფოტოსა და ესეს რაღაც ლამაზ, ფიქრიან ანტურაჟს უქმნიდა. მშვიდი გარემო,ღიმილი,ოპტიმიზმი,უკეთესის მოლოდინი - ასეთი იყო ორი ნიჭიერი პედაგოგის,სტუდიების ხელმძღვანელების - ნინულა ჩიქოვანისა და ქეთევან სამადაშვილის ტანდემი.
==მათი შემდგომი კოლაბორაციაც უდაოდ ისევ კეთილი ნაყოფის გამომღები იქნება...

==უკვე დეკემბრის შუა რიცხვებია - გვიახლოვდება შობა-ახალი წელი.იმატებს სადღესასწაულო განწყობა, ინტერესიც იმისა, თუ როგორ ხვდებიან ამ ბედნიერ დღეებს საქართველოს მთასა და ბარში.
==ყველა კუთხეში და წარმატებულად იმოგზაურეს ჩვენმა გოგო - ბიჭებმა - გააცოცხლეს ტრადიციები, სადღესასწაულო სუფრები, ისაუბრეს მეკვლის ფენომენზე, ჩიჩილაკსა და ნაძვის ხეზე, ალილოზე...
==ღონისძიების ორგანიზატორმა, პედაგოგმა მაკა წირღვავამ და სტუდია "კალმოსნის" ხელმძღვანელმა ქეთევან სამადაშვილმა ვრცელი, საინტერესო მასალა მიაწოდეს აღსაზრდელებს ზოგადად ქრისტიანობასა და ამ ბედნიერ, წლის პირველ დღესთან დაკავშირებით.
==ასე ზეიმობდა ქართული სიტყვა, პოეზია, ხალხური სიმღერა, ფანდურის თანხლებით და იქმნებოდა იდეალური განწყობა ახალი, ცეცხლოვანი რაშის წელთან შესახვედრად...

=="შენ ისე ღრმა ხარ, ქართულო ცაო, შენ ისე ღრმა ხარ!..."-"საქართველოო ლამაზო, სხვა საქართველო სად არის?!' - და მოდის ანკარა ნაკადივით პოეტი ქალბატონის ლექსები - ძალიან მშობლიური, ძალიან გულიანი და ხელიხელსაგოგმანები...
ჩვენი მოსწავლეებიც ეზიარნენ ამ მადლს, უფრო ახლოს გაეცნენ ქ-ნი ანას ბავშვობას, პირველ ლექსებს, პოეტად კურთხევის უზენაეს აქტს და მსმენელამდეც ლამაზად მიიტანეს.
ჩვენი პედაგოგები კი ქართული სიტყვის ოსტატების შეხედულებებს კითხულობდნენ და, შეძლებისდაგვარად, ასე ხდიდნენ სრულყოფილს იმას, რაც ასე ძვირფასია ქართველი კაცისათვის.
ვიმედოვნებთ, რომ მკითხველ- დამფასებელი არასოდეს მოაკლდება "პოეტების დაი, მგალობელი ანას" ქართულ საგალობელს და "ისევ გაფრინდება ცისკენ მერანი"...

"იმ ღამეს ჭყვიშთან ვერ დიოდა მშვიდად რიონი,თურმე იმ ღამეს დაიბადა გალაკტიონი"-ქართული პოეზიის უგვირგვინო მეფე,სიმბოლისტი და რეალისტი,პარნასის მარადიული მკვიდრი...
დღეს დიდი პოეტის დაბადების დღეა,134 წელი გავიდა იმ საკრალური 1891 წლის 17ნოემბრიდან,თუმცა მის უკვდავებასთან წილნაყარ პოეზიას - ორიგინალურსა და ნათარგმნს -უმრავლდება და უმრავლდება მკითხველი,მოთაყვანე...
მარადიული ნათელი მეფეს სიტყვისას,ლექსისას!!!

==დღეს დიდი ქართველი პედაგოგის,მწერლისა და საზოგადო მოღვაწის იაკობ გოგებაშვილის დაბადების დღეა.
==ქართველთა სულის პური,წიგნთაწიგნი "დედა ენა"სწორედ მან შეუდგინა ერს და ლაბირინთში ხელის ცეცებით მიმავალი ჩვენებური კაცი გაიყვანა მზეზე.
==შემთხვევითი არაა ისიც,რომ 27 ოქტომბერს მასწავლებლის დღეს აღნიშნავს ჩვენი ერი,რადგან სწავლა-ცოდნა,პედაგოგი,შეგირდი,უპირველესი წიგნი და დიდი იაკობი განუყოფელია.
==სასახლის მრავალრიცხოვან პედკოლექტივს,საზოგადოდ ყველა მასწავლებელს ვულოცავთ დღევანდელ დღეს და ვუსურვებთ ,რომ ერსა და ქვეყანას კვლავაც საიმედო მომავალი აღუზარდოს!

==ადამის მოდგმისანთ სიცოცხლე გვიხარია და გვიყვარს. სამყაროსთან ერთად ვახელთ თვალს და ყოველი ოქროსფერი დღისათვის ვმადლობთ არსთა გამრიგეს.
=="სიკვდილის ყველა კარი დარაზეთო",- მოუწოდებდა გუშინდელი იუბილარი ლადო ასათიანი ყველას და საზეიმოდ სვამდა დაბადების სადღეგრძელოს.
==სამშობლოს წარსული უყვარდა, ეამაყებოდა, აწმყოს თავად აფერადებდა და უდგამდა პოეტურ სულს, მომავალი კი ძალიან ეიმედებოდა.
==ნაადრევად წავიდა, მაგრამ დაგვიტოვა "ადრე წასული კაცის ფიქრები", მტკივნეული და დიდებული, მომავლის ორიენტირი.
=="ნეტავ, ჭაბუკი ცისფერი წიგნით კვლავ თუ გაივლის ამ ხეივანში?!'- ეს თითქოსდა რიტორიკული შეკითხვა დაგვიტოვა - ლექსების კრებულებთან ერთად და შეენივთა მარადისობას, პარნასის სხვა მკვიდრთ.
==მსუბუქი იყოს მისთვის მამულის კურთხეული მიწა!!!

✔️ შენ უკვე იცი, რომ ეროვნულ სასახლეში ონლაინ რეგისტრაცია 10 სექტემბერს 11:00 საათიდან იწყება!

👫 #გაეცანით სასახლის ქართული ენის, ლიტერატურისა და ფოლკლორის მიმართულებას

📝 #რეგისტრაცია შეღავათებით მოსარგებლეთათვის 25 სექტემბერს ადგილზე დაიწყება.

📌 მიმართულებაში არსებული სერვისების შესახებ ინფორმაცია იხილეთ ბმულზე - https://shorturl.at/94CjN

✅ ყურადღებით გაეცანი რეგისტრაციის პირობებს: https://youthpalace.ge/ka/info/5

👉 დამატებითი კითხვების შემთხვევაში დაგვიკავშირდით სამუშაო დღეებში 11:00-იდან 18:00 საათამდე:

📞 (+995) 599 899 755
📞 (+995 32) 299 80 88
📞 (+995 32) 298 40 44

🧡შევხვდებით სასახლეში!

#ახალისასწავლოწელი
#წარმატებაიწყებააქ

...ქართული ანდაზა - აფორიზმები რომ უდიდეს სიბრძნეს იტევს, ეს ამბავი არ ახალია.საფიქრელად განგაწყობს და ჭეშმარიტების შეცნობაში დაგეხმარება
..ჩვენმა "კალმოსნებმა"- ხელმძღვანელი ქეთევან სამადაშვილი- ანდაზები ,სურვილის მიხედვით, გააცოცხლეს, თანამედროვე სიუჟეტებსა და პირად თავგადასავლებს მოარგეს.
..იმდენი ამბავი, ჩანახატი, მინიატურა, ნოველა დაგროვდა და ისე საინტერესო, რომ მსმენელ -მაყურებელი ტაშსა და ოვაციას, შიგადაშიგ ცრემლებსაც კი არ იშურებდა...
..წინ საზაფხულო არდადეგებია, შინაარსიანი, საინტერესო...ეჭვი არაა, ჩვენი გოგო-ბიჭები ამ და სხვა მიმართულებით გააგრძელებენ მუშაობას და ასე შეიქმნება ერთი დიდი საგა- "კალმოსანთა" საზაფხულო თავგადასავლები...
ჩვენც მოთმინებით დაველოდებით მათთან მორიგ შეხვედრასა და კალეიდოსკოპივით ჭრელაჭრულა ამბების მოსმენას.
..გზა მშვიდობისა,"კალმოსნებო"!!!

==სასახლის ისტორიამ უკვე 78 სასწავლო-კვლევითი კონფერენცია მიითვალა,თანაც ისე,მას რომ ეკადრებოდა -84 წლის მასპინძელს.
==10 გამომსვლელი,ათივე საუკეთესო,მაღალ დონეზე რომ მოიტანეს ჩვენამდე თავიანთი ნაშრომი და დაადასტურეს,რომ თავადაც მიკროკოსმოსი გახლავთ თითოეული მათგანი.
==და მაინც... პირველი ადგილი ბათუმელ მაგდა მურვანიძეს ერგო თემისათვის "ემოციური ინტელექტის ჰიპოსტატები ლიტერატურაში.
==მეორე ადგილის მფლობელი სამტრედიელი ნინო ქავზინაძე გახდა,ჯემალ ქარჩხაძის "იგი"განიხილა,როგორც მიკროკოსმოსი და ადამიანის არსებობის საზრისი.
==ათივე გამომსვლელი ერუდირებული,წიგნიერი იყო,პრეზენტაციის მაღალი უნარით.
==სექციას ჩვეული ღირსებითა და ტაქტით უძღვებოდა პედაგოგი ნინო სალია,რომელიც აფასებდა თითოეულ გამომსვლელს და სამომავლო საქმიანობისაკენ უბიძგებდა.
==სექციის სტუმრები ბრძანდებოდნენ საკონფერემციო სექტორის ყოფილი ხელ-ლი,ღვაწლმოსილი პედაგოგი ნათელა ჩხეიძე და მეცნიერი,დოქტორანტი თინათინ მეტრეველი,ჩვენი მიმართულების დიდი მეგობარი.
==ამ ახალგაზრდებმა,როგორც ქოთნის ყვავილები,ისე მორწყეს,გააცოცხლეს იმედი იმისა,რომ "ჰ ო პ ლ ა ჩ ვ ე ნ ვ ც ო ც ხ ლ ო ბ თ!!!

==მშობლიურ ენასა და დამწერლობას მრავალსაუკუნოვანი ისტორია გააჩნია,გოგებაშვილის"დედაენა"საუკუნე ნახევარზე მეტს ითვლის,14 აპრილი,ანუ მშობლიური ენის დღე კი 1978 წლიდან იღებს სათავეს...
==ამ დღეს კიდევ ერთხელ დასაცავი გაუხდა ქართველს "ხმათა ხავერდების და ღმერთების ენა"- დიდი ძალისხმევის ფასად.
=="მრავალჭირვარამგადანახადი"ვუწოდეთ ამ ღონისძიებას და დავიწყეთ ჩვენი ენის საგანძურიდან იმ უმნიშვნელოვანესო ფოლიანტების გაცნობით,რომელთა ცოდნაც ესოდენ საშურია ახალი თაობისათვის.
==ყველა მნიშვნელოვანი მოვლენა,აქტი,წუხილი,სიხარული გავაშუქეთ-ენასთან დაკავშირებული.პოეზიის იშვიათი ნიმუშებიც გავიხსენეთ,პატივი მივაგეთ ენის რეფორმატორებს,ჭირისუფლებს,გამორჩეული,ქრესტომათიული წიგნების ავტორებს.
==ფინალში კიდევ ერთხელ ვიწამეთ,რომ უფალივით,მამულივით დედასავით დედაენაც ერთადერთი და განუმეორებელია!!!

---მშობლიური ენის დღისადმი მიძღვნილი ტესტირების მორიგი დღე საბაზისო და უფროსი ასაკის მოსწავლეებს დაეთმოთ.
---ამჯერად შევჩერდით ფსიქოლოგ თამარ რამიშვილის,ფრანგული ენისა და მათემატიკის პედაგოგების - ცაბუ პატარიძისა და ლია არაგვიშვილის გოგო-ბიჭებზე.
---სასიამოვნოდ გაგვაოცა მათმა სურვილმა, რაც შეიძლება მეტი ცოდნა შეიძინონ მშობლიურ ენასა და ლიტერატურაში, იმეტყველონ სწორად და დაიცვან ენის ნორმები...
---პედაგოგებმა რუსუდან ყიფიანმა, ნინო სალიამ და ნელი ნიკურაძემ აზრი გამოთქვეს, რომ ნებისმიერ დროს შეუძლიათ მსურველებს გაუწიონ დახმარება-კონსულტაცია და კიდევ უფრო შეაყვარონ მშობლიური ენა, მამული და სარწმუნოება...