Millennium School • ათასწლეულის სკოლა

01/10/2026

ორგანიზაციით სწავლის პროგრამა - ეს ათასწლეულში შექმნილი სასწავლო მოდელია, რომელიც აქამდე ალბათ ალტერნატიული პროგრამის სახელით გსმენიათ. ახალი სახელი მარტივად გამოხატავს მთავარს - უკვე მესამე წელია, ამ პროგრამაში ჩართული მოსწავლეები საზოგადოებისთვის ღირებული საქმისთვის ორგანიზაციებს ქმნიან და ამ გზით ივითარებენ პიროვნულ და აკადემიურ კომპეტენციებს.🔍

ყოველწლიურად პროგრამაში მოსწავლეების სხვადასხვა გუნდი ერთვება და თითოეული მათგანი საკუთარ ორგანიზაციას ქმნის. პირველმა გუნდმა საგანმანათლებლო ორგანიზაცია დააფუძნა. გასულ წელს X კლასელებმა კვლევითი ინსტიტუტი დააარსეს, რომლის განვითარებასა და მის ფარგლებში სწავლას დღემდე აგრძელებენ. წელს კი X კლასელებმა მედია ორგანიზაციის შექმნა დაიწყეს.💡

ამ ორგანიზაციების ამბებსა და შედეგებს მათი გვერდებიდანაც გაგიზიარებთ ხოლმე.🔗

იხილეთ მეტი: https://www.millennium-school.org/organisational-based-learning-program

03/08/2026

ათასწლეულის სკოლის ალტერნატიულ პროგრამაში მათემატიკისა და სტატისტიკის მასწავლებლის ვაკანსია გვაქვს. 🌍

თუ ჩვენი გუნდის წევრი გახდები, ჩაერთვები ალტერნატიული საგანმანათლებლო პროგრამების შექმნასა და განვითარებაში. გექნება შესაძლებლობა, მათემატიკის გამოყენებით მოსწავლეებთან ერთად დაგეგმო და წარმართო სასწავლო პროცესი, რომლის შედეგებიცა და შექმნილი პროექტებიც სწავლების პროცესშივე იქნება საზოგადოებისთვის ღირებული. 🤝

ვეძებთ კანდიდატს, რომელსაც:
🟪 აქვს უმაღლესი განათლება მათემატიკის, სტატისტიკის, ეკონომიკის ან მონაცემთა მეცნიერების მიმართულებით;
🟨 აქვს ინტერესი, იმუშაოს ინტერდისციპლინარულ საკითხებზე;
🟩 აქვს მათემატიკური და სტატისტიკური მოდელების გამოყენების გამოცდილება.

სამუშაო დატვირთვა: კვირაში 5 საათი.
განაცხადის მიღების ბოლო ვადა: 12 აგვისტო.

განაცხადის მარტივად გასაკეთებლად შეავსე მოცემული ფორმა: https://www.millennium-school.org/joinus

ალტერნატიული პროგრამების შესახებ მეტი ინფორმაციის სანახავად შეგიძლია გაეცნო მოცემულ ბმულებს:
https://www.millennium-school.org/alternative-programs

10/07/2026

💫 ეს ნინია, რომელიც ვიდეოში თავის კვლევით ნაშრომზე, მისი შექმნის პროცესზე და წარდგენის გამოცდილებებზე გვიყვება.
ნინი ათასწლეულის სკოლის ალტერნატიული პროგრამის მოსწავლეა, რომელმაც წელს სხვა მოსწავლეებთან ერთად კვლევითი ინსტიტუტი „ინსაითი“ შექმნა. მან მთელი სემესტრი იმუშავა თავის ნაშრომზე - „როგორ აღიქვამენ მე-10 კლასელი მოსწავლეები სასკოლო ყოველდღიურობის გავლენას სწავლისადმი მოტივაციაზე კერძო და საჯარო სკოლებში?“, წარადგინა სხვადასხვა სივრცეში და მათ შორის ილიას სახელმწიფო უნივერსიტეტის განათლების სკოლის კონფერენციაზე, სადაც მკვლევრებთან და სტუდენტებთან ერთად ერთადერთი მოსწავლე იყო.

👩‍🎓 ერთადერთი მოსწავლე მკვლევრებს შორის - ჩვენი ალტერნატიული პროგრამების შექმნის მთავარი იდეაც სწორედ სკოლის ისეთ სივრცედ გარდაქმნაა, რომელშიც მსგავსი გამოცდილებების მიღება იქნება შესაძლებელი.

📄 ვიდეოსთან ერთად ნინის კვლევის პოსტერსაც გიზიარებთ, სადაც მეტი შეგიძლიათ გაიგოთ მის ნაშრომზე. https://dub.sh/nini

24/06/2026

ზაფხული, არდადეგები და  ბევრი თავისუფალი დრო ეკრანებისთვის. ეს ის დროა, როცა ბევრი დილემა ჩნდება, მათზე დასაფიქრებლად და გასაღების საპოვნელად რამდენიმე მათგანს და რეკომენდაციების ნაწილს ქარდებით გიზიარებთ.💛

მთავარი კი, ვფიქრობთ, ბალანსშია-გამოგვივიდეს ერთდროულად დასვენებაც, გართობაც და განვითარებაც. 🚀

იმისთვის, რომ ეს დრო მოსწავლეებისთვის და არა მარტო,  საინტერესოდ, სასარგებლოდ წარიმართოს, შევიმუშავეთ და გიზიარებთ რეკომენდაციების ვრცელ ფაილს. 

იმედი გვაქვს, დაგეხმარებათ ამ მნიშვნელოვანი ბალანსის პოვნაში. 🔍

იხილეთ მეტი: dub.sh/summerplan

16/06/2026

15/06/2026

როგორც შეგპირდით, ჩეხეთში მოგზაურობის ყველა გამოცდილებას ოლიმპიადაში მონაწილე მოსწავლეების გადაღებული ვლოგით გიზიარებთ, რომლებიც ამავდროულად ათასწლეულის დასაქმების პროგრამაშიც არიან ჩართულნი და მათი ერთ-ერთი დავალება ვლოგის შექმნა იყო. 📹

მათი ჩეხეთში მოგზაურობა სწავლის ბევრი, განსხვავებული გზა იყო-ავტობუსიდან ოლიმპიადაზე გამარჯვებამდე, გამოცდილებებით, რომელიც ყველგან გროვდება და ვლოგის შექმნით, სადაც თვითრეფლექსიით თავად გვიზიარებენ მნიშვნელოვან მომენტებს. 🇨🇿

შეგახსენებთ, რომ ათასწლეულის რობოტიკის ლიგის 3 სხვადასხვა ასაკობრივი კატეგორიის გუნდი ჩეხეთის მსოფლიო რობოტიკის ოლიმპიადის რეგიონალურ ტურნირში მონაწილეობდა და ერთ-ერთი მე-2 ადგილით დაბრუნდა.🥈

12/06/2026

2025/2026 სასწავლო წელი და ბევრი გზა ინდივიდის თვითგამოხატვისთვის, ახლის შექმნისა და საზოგადოებისთვის ღირებული საქმისთვის. 🚀