Ilia Vekua Sukhumi Institute of Physics and Technology

28/09/2026

🥀 27 სექტემბერი — სოხუმის დაცემის დღე

27 სექტემბერი… დღე, რომელიც საქართველოს უახლეს ისტორიაში ყველაზე მძიმე და მტკივნეულ თარიღად დარჩა. დღე, რომელმაც ათასობით ადამიანის სიცოცხლე, უამრავი ოჯახის სიმშვიდე და მთელი თაობების მომავალი შეცვალა.

აფხაზეთი… ჩვენი ტკივილი, ჩვენი მონატრება, ჩვენი განუყოფელი ისტორია. მიწა, სადაც ჩვენი წინაპრების ნაკვალევია, სადაც ჩვენი სახლების კედლებში მოგონებები დარჩა, სადაც დღესაც გველოდებიან ჩვენი ბავშვობის ქუჩები, ზღვის სურნელი და ის დღეები, რომლებიც არასოდეს დაგვიბრუნდება.

27 სექტემბერი მხოლოდ ერთი ქალაქის დაცემის დღე არ არის. ეს არის ათასობით დევნილი ადამიანის ცრემლი, დატოვებული სახლების სიჩუმე, დაკარგული ახლობლების მონატრება და იმ ტკივილის გახსენება, რომელსაც წლები ვერ აქრობს.

დღეს ქედს ვიხრით ყველა იმ ადამიანის ხსოვნის წინაშე, ვინც აფხაზეთის ომს შეეწირა. პატივს მივაგებთ გმირებს, რომლებმაც სიცოცხლე სამშობლოს შესწირეს, და გულისტკივილით ვიხსენებთ ყველას, ვისთვისაც ეს დღე სიცოცხლის სამუდამო ტკივილად იქცა.

აფხაზეთი ჩვენს გულებშია — ჩვენს ენაში, ჩვენს სიმღერებში, ჩვენს ისტორიასა და ჩვენს მეხსიერებაში. მანძილი ვერ წაშლის სიყვარულს, დრო ვერ გააქრობს მონატრებას და ვერავინ წაგვართმევს იმ იმედს, რომ ოდესმე აფხაზეთში მშვიდობა, ურთიერთპატივისცემა და ადამიანური თანაცხოვრება დაისადგურებს.

დიდება აფხაზეთის ომში დაღუპულთა ნათელ ხსოვნას!

აფხაზეთი ჩვენი ტკივილია, ჩვენი მონატრებაა და ჩვენი განუყოფელი საქართველოა.

უფალმა ნათელში ამყოფოს დაღუპულთა სულები და მშვიდობა მოუტანოს ჩვენს სამშობლოს.

23/09/2026

🚀 მიიღეთ მონაწილეობა NCP_WIDERA.NET-ის ონლაინ საშუამავლო ღონისძიებასა და საინფორმაციო დღეზე!

ევროპული კვლევების სივრცისა და Horizon Europe-ის WIDERA მიმართულების ეროვნული საკონტაქტო პირების ქსელი (NCP_WIDERA.NET) გიწვევთ ERA Knowledge Day & Brokerage Event 2027-ზე.

📅 თარიღი: 16 დეკემბერი, 2026

📍 ფორმატი: ონლაინ

ღონისძიება ეძღვნება WIDERA-ს 2026–2027 წლების სამუშაო პროგრამით გათვალისწინებულ ERA 2027-ის კონკურსებს. ევროკომისიის საინფორმაციო დღე კი წარადგენს WIDERA - Destination 3-ის - Reforming and enhancing the European research and innovation system - 2027 წლის კონკურსებს.

💡 რატომ უნდა მიიღოთ მონაწილეობა?

• წინასწარ დაგეგმილი ორმხრივი (B2B) ონლაინ შეხვედრები საერთაშორისო მონაწილეებთან;
• შესაძლებლობა, გაწევრიანდეთ საგრანტო განაცხადის მომზადებაში ან იპოვოთ პარტნიორები თქვენი პროექტის იდეისთვის;
• ევროკომისიის საინფორმაციო დღეზე დეტალურად გაეცნობით 2027 წლის კონკურსების პირობებსა და პრიორიტეტებს.

👥 ვისთვის არის განკუთვნილი?

• უმაღლესი საგანმანათლებლო და სამეცნიერო-კვლევითი დაწესებულებებისთვის;
• კვლევის მენეჯერებისა და ადმინისტრატორებისთვის;
• ინდუსტრიის, მცირე და საშუალო ბიზნესის (SMEs), სტარტაპებისა და ინოვაციების ჰაბებისთვის;
• სამოქალაქო და არასამთავრობო სექტორისთვის;
• საჯარო უწყებებისა და პოლიტიკის შემქმნელებისთვის.

💰 მონაწილეობა უფასოა, თუმცა რეგისტრაცია სავალდებულოა.

👉 დარეგისტრირდით და შექმენით თქვენი პროფილი ბმულზე:

15/09/2026

for {{event.locationCountry}}

15/04/2026

18/03/2026

სსიპ სოხუმის ილია ვეკუას ფიზიკა-ტექნიკის ინსტიტუტი ღრმა მწუხარებას გამოთქვამს საქართველოს სულიერი მამის, უწმინდესისა და უნეტარესის, სრულიად საქართველოს კათოლიკოს-პატრიარქის-ილია მეორის გარდაცვალების გამო.

26/10/2025

საერთაშორისო სამეცნიერო კონფერენცია „თანამედროვე მასალები და ტექნოლოგიები“ ICAMT 2025
2025 წლის 15-17 ოქტომბერს ქ. თბილისში გაიმართა სოხუმის ილია ვეკუას ფიზიკა-ტექნიკის ინსტიტუტის 80 წლის იუბილესადმი მიძღვნილი საერთაშორისო სამეცნიერო კონფერენცია „თანამედროვე მასალები და ტექნოლოგიები“. კონფერენციის მიზანს წარმოადგენდა ახალი მასალების, თანამედროვე ტექნოლოგიებისა და უახლესი სამეცნიერო კვლევების სფეროში აღიარებული საერთაშორისო ინსტიტუციების წარმომადგენელთა შეხვედრის ორგანიზება. ღონისძიება მოიცავდა გამოცდილების გაზიარებას, თანამედროვე პრობლემების ანალიზს, ახალი კვლევითი შედეგების განხილვას, საქართველოს მასალათმცოდნეობისა და ხელსაწყოთმშენებლობის პოტენციალის წარმოჩენას, ასევე მეცნიერებისა და ტექნოლოგიების უახლესი მიღწევების ინტეგრაციას საერთაშორისო პროექტებში.
კონფერენცია მოიცავდა მოწინავე მასალებსა და ტექნოლოგიებთან დაკავშირებული თემების ფართო სპექტრს:

-თანამედროვე ნახევარგამტარი მასალები: ტექნოლოგია, კვლევა;
-ფოტოელექტრული და თერმოელექტრული ხელსაწყოები;
- ნანომასალები: ტექნოლოგია, კვლევა;
-მაიონიზებელი გამოსხივების დეტექტორები;
-კრიოგენული ტექნიკა და ზეგამტარი მასალები: ტექნოლოგია, კვლევა;
- თანამედროვე პოლიმერული და მეტალოკერამიკული კომპოზიციური მასალები;
-მრავალფუნქციური მასალები ბიომედიცინასა და სამედიცინო ტექნოლოგიებში
-თანამედროვე მასალების სტრუქტურული კვლევის მეთოდები.
საერთაშორისო კონფერენციის საზეიმო გახსნას ესწრებოდნენ საქართველოს განათლების, მეცნიერებისა და ახალგაზრდობის სამინისტროს, თავდაცვის სამინისტროს, სახელმწიფო სამხედრო სამეცნიერო-ტექნიკური ცენტრი „დელტას“, შოთა რუსთაველის საქართველოს ეროვნული სამეცნიერო ფონდის წარმომადგენლები, ასევე სხვადასხვა სამეცნიერო ინსტიტუტებისა და უნივერსიტეტების ოფიციალური პირები.

კონფერენციაზე წამოდგენილი იყო 4 პლენარული , 32 ზეპირი და 52 სასტენდო მოხსენება;

მოხსენებები წარმოდგენილი იყო სხვადასხვა ქვეყნებიდან: საქართველო, უკრაინა, აშშ, მოლდოვა, სომხეთი, ჩინეთი, რუმინეთი, იტალია, თურქეთი, გერმანია, უზბეკეთი, რუსეთი, ბულგარეთი, ბელორუსი, ყაზახეთი, ჰოლანდია.

საერთაშორისო სამეცნიერო კონფერენციის წარმატებითჩატარებამ ხელი შეუწყო საქართველოს მეცნიერებისა და ტექნოლოგიების საერთაშორისო ჩართულობის გაძლიერებას, ადგილობრივი პოტენციალის წარმოჩენას და ახალი სამეცნიერო პროექტების განვითარების საფუძვლის შექმნას.

21/10/2025