Bsc and Msc in Applied Biosciences

04/06/2018

გამოყენებითი ბიომეცნიერებებისა და ბიოტექნოლოგიის საბაკალავრო და სამაგისტრო პროგრამების სტუდენტებო!

გვინდა გაცნობოთ სასიამოვნო სიახლე: ერასმუს+ პროგრამის ფარგლებში გამოყენებითი ბიომეცნიერებებისა და ბიოტექნოლოგიის მიმართულებით კიდევ ერთი საერთაშორისო მობილობის პროექტი დაფინანსდა, რომელშიც თსუ-ის პარტნიორს წარმოადგენს ლუნდის უნივერისიტეტი (შვედეთი).

საერთაშორისო მობილობის კონკურსში მონაწილეობას შეძლებენ საბაკალავრო პროგრამის დამამთავრებელი კურსისა და სამაგისტრო პროგრამის ორივე კურსის სტუდენტები!

ამდენად, 2018-2019 სასწავლო წლის გაზაფხულის სემესტრში საშუალება გეძლევათ მონაწილეობა მიიღოთ საერთაშორისო მობილობაში გამოყენებითი ბიომეცნერებებისა და ბიოეტქნოლოგიის მიმართულებაზე მიმდინარე 2 საერთაშორისო პროექტის ფარგლებში, რომლებიც ERASMU+ მხარდაჭერით ხორციელდება!

მასპინძელ უნივერსიტეტებს შორის არიან: ტერამოს უნივერსიტეტი (იტალია); კვების, ცხოველთა ჯანდაცვის, აგრარული და გარემოს შემსწავლელი მეცნიერებების ინსტიტუტი - VetAgro-Sup (საფრანგეთი); ლუბლიანას უნივერსიტეტი (სლოვენია); ვროცლავის უნივერსიტეტი (პოლონეთი); ლუნდის უნივერსიტეტი (შვედეთი), ოდესის ტექნოლოგიური უნივერსიტეტი (უკრაინა) და სხვა.

საკონკურსო პირობები შემუშავების პროცესშია. ამავდროულად, გთხოვთ გაითვალისწინოთ, რომ გადამწყვეტი მნიშვნელობა მიენიჭება სტუდენტის აკადემიურ მოსწრებას და ინგლისური ენის ცოდნას! კონკურსის დაზუსტებულ პირობებსა და დამატებით დეტალებს მოგვიანებით გაცნობებთ.

ნუ გაუშვებთ ხელიდან ევროპულ უნივერსიტეტებში ცოდნის გაღრმავების შესაძლებლობას! ნაბიჯ-ნაბიჯ იარეთ წარმატებისაკენ! გისურვებთ სასწავლო წლის წარმატებით დასრულებას!

07/11/2011

07/11/2011

07/11/2011

07/11/2011

ივ. ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტზე 2009 წლიდან მოქმედებს ახალი საბაკალავრო პროგრამა - “გამოყენებითი ბიომეცნიერება და ბიოტექნოლოგია”, რომელიც მომზადებულია ევროკავშირის მხარდაჭერით, ტემპუსის პროექტის ფარგლებში. პროგრამის შემუშავებაში თსუ-სთან ერთად მონაწილეობდნენ უცხოელი პარტნიორები: დასავლეთ ინგლისის უნივერსიტეტი (UWE) და კონსორციუმის წევრები – დუბლინის ტექნოლოგიების უნივერსიტეტი (DIT) და თესალონიკის არისტოტელეს სახელობის უნივერსიტეტი (AUT).
www.biosciences-tempus.ge

2011 წლის სექტემბრიდან ამოქმედდა ახალი სამაგისტრო პროგრამა "გამოყენებითი ბიომეცნიერებები". TEMPUS-ის პროექტის ფარგლებში შემუშავებულ ახალ სამაგისტრო პროგრამაში „გამოყენებითი ბიომეცნიერებები“ თსუ-სთან ერთად ჩართულია პარტნიორი ადგილობრივი და ევროპული უნივერსიტეტები: ქუთაისის სახელმწიფო უნივერსიტეტი, საქართველოს აგრარული უნივერსიტეტი, ერევნის სახელმწიფო უნივერსიტეტი (სომხეთი), სომხეთის სახელმწიფო აგრარული უნივერსიტეტი, ალიკანტეს უნივერსიტეტი (ესპანეთი), დასავლეთ ინგლისის უნივერსიტეტი (UWE), სალონიკის არისტოტელეს უნივერსიტეტი (AUT, საბერძნეთი) და კომპანია P&B (პორტუგალია)
www.biosciences-tempus.org

საბაკალავრო და სამაგისტრო პროგრამების ლაბორატორიები აღჭურვილია უახლესი სამეცნიერო აპარატურით. ლაბორატორიაში წარიმართება მოლეკულურ ბიოლოგიაში და ბიოტექნოლოგიაში გამოყენებული თანამედროვე მეთოდების სწავლება, ლაბორატორიებში სტუდენტები დაეუფლებიან მოლეკულურ-გენეტიკური კვლევის მეთოდებს, ფიზიკურ-ქიმიური, იმუნოლოგიური, ჰისტოლოგიურ-მორფოლოგიური და სხვა დიაგნოსტიკური კვლევის ტექნოლოგიებს; გამოიყენებენ მიკრობიოლოგიური კვლევის მეთოდებს. ესენია: პოლიმერაზული ჯაჭვური რეაქციის მეთოდი - პჯრ (PCR); ადამიანის, ცხოველური და მცენარეული უჯრედების ქსოვილური კულტურების მიღება და გამოყენება სხვადასხვა in vitro ექსპერიმენტებისათვის; HPLC - მაღალი წნევის თხევად ქრომატოგრაფზე და სხვა ქრომატოგრაფიულ სისტემებზე მუშაობა და მათი გამოყენება სამედიცინო - ფარმაცევტული დანიშნულებით, აგრეთვე აგრარული და კვების ბიოტექნოლოგიების მიზნით.

ივ. ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტი გთავაზობთ ახალ საბაკალავრო პროგრამას - “გამოყენებითი ბიომეცნიერება და ბიოტექნოლოგია”, რომელიც მომზადებულია ევროკავშირის მხარდაჭერით ტემპუსის პროექტის ფარგლებში. პროგრამა უზრუნველყოფს მა