26/08/2026
ძვირფასო მშობლებო, მოგეხსენებათ დაწყებით საფეხურზე სასკოლო ფორმის ტარება სავალდებულოა. ახალი სასწავლო წლის მზადების პროცესში გიზიარებთ ინფორმაციას ფორმების მიღებასთან, შეძენასა და მოქმედ წესებთან დაკავშირებით:
პირველ კლასელთა ფორმების გაცემა მოხდება N117 საჯარო სკოლის სპორტ დარბაზში. (გთხოვთ, ისარგებლოთ სკოლის უკანა ეზოს შემოსასვლელით, რადგან სკოლის წინა მხარეს მიმდინარეობს სარეაბილიტაციო სამუშაოები).
217 საჯარო სკოლის პირველკლასელთათვის ფორმების გაცემის დღე იქნება 5 სექტემბერი 11:00 – 19:00 საათი
ასევე სასკოლო ფორმების შეძენა შესაძლებელი იქნება ონლაინ ელექტრონული პლატფორმის მეშვეობით – formebi.emis.ge
ფორმები უფასოდ გადაეცემა შემდეგ კატეგორიას:
- სოციალურად დაუცველები (ქულა 65 001-ზე ნაკლები);
- მინდობით აღზრდაში მყოფი ბავშვები;
- მცირე საოჯახო ტიპის სახლებისა და თავშესაფრების ბენეფიციარები;
- თბილისის ბავშვთა სახლის აღსაზრდელები;
ასევე, 65001-დან 12001 ქულამდე ოჯახის 1-6 კლასის მოსწავლეს, რომელიც მრავალშვილიანი ოჯახის წევრია.
საჯარო სკოლებში ჩარიცხული უკრაინელი მოსწავლეები.
ახალი სტატუსის მიღება: თუ მოსწავლე წლის განმავლობაში მოიპოვებს ბენეფიციარის სტატუსს, მშობელმა წერილობით უნდა მიმართოს შპს „საგანმანათლებლო რესურსებს“. განაცხადი განიხილება 10 სამუშაო დღეში.
ზომის შეუსაბამობის ან ქარხნული წუნის შემთხვევაში, ფორმის გადაცვლა/დაბრუნება შესაძლებელია მიღებიდან ან შეძენიდან 14 კალენდარული დღის ვადაში.
პირობა: ნივთს შენარჩუნებული უნდა ჰქონდეს სასაქონლო იერსახე, ეტიკეტი და არ უნდა ეტყობოდეს მოხმარების კვალი.
სასკოლო ფორმის ტანსაცმელი შედგება:
ა) ბიჭისთვის − 1 პიჯაკისა და 2 შარვლისაგან;
ბ) გოგოსთვის − 1 პიჯაკის, 1 შარვლისა და 1 ქვედაკაბისაგან.
