შპს "სკოლა-ლიცეუმი ლამპარი"

პროფესიული ორიენტაციის ხელშეწყობის მიზნით დავგეგმეთ და ჩავატარეთ შეხვედრა სკოლის ექიმთან , ნაილი ხურციძესთან.

შეხვედრა მოეწყო. მოსწავლეთა ინტერესებისა და მოთხოვნების გათვალისწინებით, რადგან მათ განსაკუთრებული ინტერესი გამოავლინეს სამედიცინო სფეროს მიმართ.

შეხვედრის ფარგლებში. ექიმმა მოსწავლეებს დეტალურად გააცნო ექიმის პროფესიის თავისებურებები, სწავლების ეტაპები, საჭირო უნარები და პასუხისმგებლობები, რაც ამ სფეროს თან ახლავს. მან ასევე ისაუბრა სამედიცინო სფეროში არსებული გამოწვევებისა და შესაძლებლობების შესახებ, გააზიარა პირადი გამოცდილება და პრაქტიკული მაგალითები, რამაც მოსწავლეებს უკეთ გააცნობიერებინა პროფესიის რეალური მხარე.

განსაკუთრებული ყურადღება გამახვილდა იმაზე, რომ შრომის ბაზარზე ამჟამად მაღალი მოთხოვნაა როგორც ექიმებზე, ასევე ექთნებზე.ექიმმა ხაზი გაუსვა ამ პროფესიების მნიშვნელობას საზოგადოებისთვის და მოსწავლეებს მოუწოდა, თუ მათ აქვთ ინტერესი და შესაბამისი უნარები, სერიოზულად დაფიქრდნენ ამ მიმართულებით პროფესიის არჩევაზე.

შეხვედრა წარიმართა ინტერაქტიულ ფორმატში – მოსწავლეებმა დასვეს შეკითხვები, მიიღეს ამომწურავი პასუხები და აქტიურად ჩაერთნენ დისკუსიაში. აღნიშნულმა აქტივობამ მნიშვნელოვნად შეუწყო ხელი მათ ინფორმირებულობასა და პროფესიული არჩევანის შესახებ

საბუნებისმეტყველო კათედრაზე ჩატარდა შემეცნებითი და საინტერესო კონფერენცია თემაზე — „ქიმია ჩვენს ირგვლივ“.

კონფერენციის მიზანი იყო მოსწავლეებში ქიმიისადმი ინტერესის გაღვივება, მათთვის ყოველდღიურ ცხოვრებაში მიმდინარე ქიმიური პროცესების გააზრება და იმის დანახვა, რომ ქიმია მხოლოდ ფორმულები და ლაბორატორია არ არის — ის ჩვენს ირგვლივ, ჩვენს ყოველდღიურობაშია.

მონაწილეებმა წარმოადგინეს საინტერესო ნაშრომები, განიხილეს გარემოში მიმდინარე ქიმიური მოვლენები და წარმოაჩინეს, თუ როგორ უკავშირდება ეს მეცნიერება ბუნებას, ჯანმრთელობასა და თანამედროვე ტექნოლოგიებს. კონფერენციამ ხელი შეუწყო ანალიტიკური აზროვნების განვითარებას, კვლევის უნარების გაღრმავებასა და მეცნიერული ხედვის ჩამოყალიბებას.

ეს იყო დღე, რომელმაც კიდევ ერთხელ დაგვანახვა — ქიმია მხოლოდ საგანი კი არა, სამყაროს შეცნობის ერთ-ერთი ყველაზე საინტერესო გზა არის.@

სკოლა-ლიცეუმ ლამპარში , ეკოკლუბის ინიციატივით და სკოლის დირექციის მხარდაჭერით განხორციელდა საინტერესო და შემეცნებითი ვიზიტი ილიას სახელმწიფო უნივერსიტეტში, საბუნებისმეტყველო მეცნიერებების ფაკულტეტზე.

მოსწავლეებმა დაათვალიერეს ეკოლოგიის ლაბორატორია — სივრცე, სადაც თეორია ცოცხლდება და მეცნიერება რეალურ გამოცდილებად იქცევა. თითოეული დეტალი მათთვის ახალი აღმოჩენა იყო, თითოეული აპარატი — ცოდნისკენ გადადგმული კიდევ ერთი ნაბიჯი.

ვიზიტის ყველაზე შთამბეჭდავი ნაწილი კი პრაქტიკული აქტივობები აღმოჩნდა. სტუდენტების დახმარებით მოსწავლეებმა თავად ჩაატარეს საინტერესო ცდები, დაკვირვებით შეისწავლეს პროცესები და მიღებულ შედეგებზე დაყრდნობით საკუთარი დასკვნებიც გააკეთეს.

ეს დღე მხოლოდ ვიზიტი არ ყოფილა — ეს იყო გამოცდილება, რომელმაც ბავშვებში ცნობისმოყვარეობა, კვლევის სურვილი და მეცნიერებისადმი ინტერესი კიდევ უფრო გააღვივა. სწორედ ასეთი შეხვედრები ქმნის მომავალს, სადაც ცოდნა და პრაქტიკა ერთიანდება.

სამგორის რაიონის გამგეობის ორგანიზებით, გაიმართა მედალოსანი მოსწავლეების დაჯილდოება.
რაიონში არსებული საჯარო და კერძო სკოლების 2024 წელს სკოლადამთავრებულ ოქროს და ვერცხლის მედალოსან მოსწავლეებს შოთა რუსთაველის "ვეფხისტყაოსანი" გადაეცათ.
ღონისძიებას სამგორის რაიონის გამგებელი კახა სამხარაძე, ვარკეთილის მაჟორიტარი დეპუტატი ვაჟა კოკაია, ქვემო სამგორის მაჟორიტარი დეპუტატი ზაქარია წიკლაური და მასივის მაჟორიტარი დეპუტატი გიორგი დოხტურიშვილი ესწრებოდნენ.

წიგნები 235 ოქროს და ვერცხლის მედალოსან მოსწავლეს გადაეცა.

მასწავლებელი მისი საქმიანობის შედეგებით შეფასდება – სქემის ახალი მოდელის დათქმა 14 ნოემბერს, განათლების სამინისტროში თბილისის საჯარო სკოლების 200-ზე მეტ მასწავლებელთან, დირექტორებთან და რესურსც....

მეტალები გარემოში,მეტალთა საერთო ქიმიური თვისებები,მძიმე მეტალები იყო საპრეზენტაციო თემა მე-11 -ე კლასისთვის ქიმიაში.პრეზენტაციამ საინტერესოდ ჩაიარა