18/10/2017
რას წარმოადგენს TAX FREE -ს სერვისი?
უცხო ქვეყნის მოქალაქის მიერ საქართველოში უფლებამოსილ სავაჭრო ობიექტებში შეძენილ საქონელზე გადახდილი დამატებული ღირებულების გადასახადის (დღგ) თანხის დაბრუნება, რომელიც იანგარიშება დარიცხული დღგ-ის თანხიდან - საქონლის ღირებულების 18 % - შემოსავლების სამსახურის მომსახურების საფასურისა და ბანკის მიერ გაწეული მომსახურების საკომისიოს გამოკლებით. შემოსავლების სამსახურის მომსახურების საფასური შეადგენს საქონლის დღგ-ს გარეშე ღირებულების 4 %-ს, ხოლო ბანკის საკომისიო - დასაბრუნებელი დღგ-ს თანხის 3%-ს.
სად შეიძლება შევიძინოთ TAX FREE საქონელი?
საქონლის შეძენა შესაძლებელია იმ მაღაზიაში, რომელსაც აქვს TAX FREE-ს სპეციალური ქვითრის გაცემის უფლება და საქონლის მიწოდება იბეგრება დღგ-ით.
დღგ-ის თანხის დაბრუნებისათვის აუცილებელი მოთხოვნები:
იმისთვის, რომ უფლება გქონდეთ მოითხოვოთ გადახდილი დღგ-ის თანხის დაბრუნება, უნდა იყოთ უცხო ქვეყნის მოქალაქე;
დღგ-ის თანხის დაბრუნების მოთხოვნა შეიძლება საქონელზე და არა მომსახურებაზე;
შესყიდვის ღირებულება უნდა აღემატებოდეს 200 ლარს დღგ-ს თანხის გამოკლებით ერთი ქვითრის მიხედვით;
ნაყიდი საქონელი უნდა იყოს განკუთვნილი ქვეყნიდან გასატანად;
საქონლის გატანა უნდა მოხდეს ყიდვიდან არა უგვიანეს სამი თვისა;
თქვენ უნდა იქონიოთ დღგ-ის თანხის დაბრუნების სპეციალური ქვითარი;
დღგ-ის თანხის დაბრუნების სპეციალურ ქვითარში ასახული საქონელი სრულად უნდა იქნას გატანილი საქართველოს ტერიტორიიდან.
საქონელი უნდა იყოს მოთავსებული სპეციალურ დალუქულ პარკში, გარდა იდენტიფიცირებადი
საქონლისა. აუცილებელია, შენარჩუნებული იყოს ლუქის მთლიანობა;
შეფუთული საქონელი გახსნას ექვემდებარება მხოლოდ შემოსავლების სამსახურის საბაჟო
დეპარტამენტის მებაჟე-ოფიცრის მიერ თანხის დაბრუნებაზე დასტურის მიღების შემდეგ.
იდენტიფიცირებადია საქონელი, რომელზეც ქარხნული წესით დატანილია საიდენტიფიკაციო ინდივიდუალური (უნიკალური) კოდი/კომბინაცია, რაც წარდგენისას მისი იდენტიფიცირების საშუალებას იძლევა.
როგორ და სად მოითხოვოთ დღგ-ს თანხის დაბრუნება?
ქვეყნიდან გასვლისას მიმართეთ შემოსავლების სამსახურის საბაჟო დეპარტამენტის მებაჟე-
ოფიცერს და წარუდგინეთ დღგ-ის თანხის დაბრუნების სპეციალური ქვითარი, სამგზავრო
დოკუმენტი და საჰაერო გზით გადაადგილების შემთხვევაში სამგზავრო ბილეთი;
ხელთ გქონდეთ ნივთები, რომლებზეც დღგ-ს ითხოვთ, ვინაიდან მებაჟე - ოფიცერს აქვს უფლება
ფიზიკურად დაათვალიეროს ისინი;
საქონლის დათვალიერების საფუძველზე, ფაქტობრივად წარმოდგენილისა და ქვითარში მითითებული საქონლის შეუსაბამობის, ასევე, დღგ-ის თანხის დაბრუნებისათვის სხვა აუცილებელი მოთხოვნების დარღვევის შემთხვევაში, თქვენ არ დაგიბრუნდებათ დამატებითი ღირებულების გადასახადი;
მებაჟე-ოფიცერი ადასტურებს ქვითარს ბეჭდით და გიბრუნებთ ქვითრის ორიგინალს.
დღგ-ის თანხის დაბრუნება შეგიძლიათ ბანკში ნაღდი ან უნაღდო ანგარიშსწორებით საპასპორტო კონტროლის გავლის შემდეგ;
საზღვაო ნავსადგურებში დღგ-ის თანხის დაბრუნება შეგიძლიათ საბაჟო კონტროლის გავლის
შემდეგ, თუ საპასპორტო კონტროლი კანონმდებლობით დადგენილი წესით ხორციელდება
საზღვაო ტრანსპორტზე;
უნაღდო ანგარიშსწორებისას უცხოელს გადახდილი დღგ-ის თანხა უბრუნდება ქვეყნის
დატოვებიდან არა უგვიანეს 30 კალენდარული დღისა, ხოლო ნაღდი ანგარიშსწორების შემთხვევაში - უცხო ქვეყნის მოქალაქეობის დამადასტურებელი დოკუმენტისა და ქვითრის წარდგენისთანავე.
გაითვალისწინეთ!
დღგ-ის თანხა დაბრუნებას არ ექვემდებარება შემდეგ საქონელზე
მალფუჭებადი საქონელი;
სატრანსპორტო საშუალება;
ოქრო, რომლის მასა აღემატება 125 გრამს და რომელიც წარმოდგენილი არ არის სამკაულის (ნაკეთობის) სახით;
ძვირფასი ქვები;
საქონელი, რომლის გატანა საქართველოს ტერიტორიიდან საჭიროებს სპეციალურ ნებართვას
ან ლიცენზიას, გარდა საქართველოს კულტურულ ფასეულობათა საქართველოდან გატანის
ნებართვას დაქვემდებარებული საქონლისა;
ს ა ქ ა რ თ ვ ე ლ ო ს ს ა გ ა დ ა ს ა ხ ა დ ო კ ო დ ე ქ ს ი ს 1 6 8 - ე მ უ ხ ლ ი ს თ ა ნ ა ხ მ ა დ , დ ღ გ - ს გ ა ნ
გათავისუფლებული საქონელი;
