06/07/2026
სსიპ ქ. თბილისის N 210 საჯარო სკოლა სასიხარულო ინფორმაციას გიზიარებთ:). ❤️❤️❤️. მოგესალმებით,
გიკავშირდებით საქართველოს საზოგადოებრივ საქმეთა ინსტიტუტიდან-GIPA.
თქვენმა მოსწავლემ ნინო კედელშვილმა მონაწილეობა მიიღო და გაიმარჯვა საქართველოს გაქრისტიანების 1700 წლისადმი მიძღვნილ ვიდეო-კონკურსში. თავიდან არც კი გვჯეროდა, რომ წარმოდგენილი ვიდეო-სიუჟეტი მხოლოდ ნინოს მიერ იყო შექმნილი. თუმცა, შემდეგ როდესაც გავიცანით ნინო, დავრწმუნდით რომ ის არის ძალიან ნიჭიერი, შემოქმედებითი ხედვითა და ინდივიდუალიზმით დაჯილდოებული ახალგაზრდა.
შემდეგ ჩვენ ნინოს შევთავაზეთ მონაწილეობა მიეღო ჩვენს საზაფხულო სკოლაში, რომელშიც 24 ახალგაზრდა ჩაეწერა. ნინომ თავისი ჩვეული მორიდებითა და თავმდაბლობით ყველას შეაყვარა თავი. მან ორიგინალური ხერხით გამოავლინა გულისხმიერება, სიყვარული და სითბო მისი მეგობრებისა და ლექტორების მიმართ, თავისი ხელით გამოჭრილი ყვავილები დაგვირიგა, რითიც ყველა ძალიან გაგვახარა.
მინდოდა გამეზიარებინა ჩვენი ემოცია, რადგან ასეთი ახალგაზრდები დღეს ძალიან იშვიათად გვხვდება. ვფიქრობ, თქვენი სკოლის დიდი წვლილია ნინოს აღზრდაში და სწორედ ამიტომ პირადად გწერთ წერილს. ჩვენ ძალიან გვიხარია, რომ გავიცანით ნინო და შევიძინეთ ძალიან საინტერესო, ზრდილი და პერსპექტიული მეგობარი.
