13/08/2026
ჯერ არ ნახული აპლიკაცია, თავისი უსაზღვრო შესაძლებლობებით !
მადლობა აპლიკაციის ავტორს.
ყველაფერია ერთ სივრცეში რაც მგალობელს ან გალობის მკვლევარს სჭირდება დღეს.
🎼 ჯერ არნახული სიახლე — galobani.ge-ზე!
galobani.ge-ს დაემატა სრულიად ახალი კატეგორია — „ნოტების გაჟღერება“, სადაც ქართული ტრადიციული გალობის ნოტები პროგრამულად არის განთავსებული.
ეს სიახლე უამრავ ახალ შესაძლებლობას გვაძლევს:
🔹 ნოტების პროგრამულად გაჟღერება — შესაძლებელია საგალობლის ნოტების პირდაპირ საიტზე მოსმენა.
🔹 სამივე ხმის დამოუკიდებლად მართვა — სურვილისამებრ შეგვიძლია ნებისმიერი ხმის ჩართვა ან გამორთვა და თითოეული პარტიის ცალკე მოსმენა.
🔹 ტემპისა და ტონალობის სრული კონტროლი — შესაძლებელია გაჟღერების ტემპისა და ტონალობის სურვილისამებრ შეცვლა, რაც განსაკუთრებით მოსახერხებელია სწავლისა და ვარჯიშის დროს.
🔹 ნოტებზე გადაადგილება — შეგვიძლია საგალობლის ნებისმიერ მონაკვეთზე გადავახვიოთ და მოსმენა სასურველი ადგილიდან გავაგრძელოთ.
🔹 ბგერის ვიზუალური მონიშვნა — გაჟღერების პროცესში ნოტებში მონიშნულია კონკრეტული ბგერა, რომელიც ამ მომენტში ისმის, რაც მოსმენილისა და ნოტის ერთმანეთთან დაკავშირებას მნიშვნელოვნად ამარტივებს.
🔎 უნიკალური ფუნქცია — საგალობლის მელოდიური საძიებელი
galobani.ge-ზე ჩაშენდა კიდევ ერთი უნიკალური შესაძლებლობა — მელოდიური საძიებელი.
ახლა შესაძლებელია კონკრეტული მელოდიური ფრაგმენტის მოძებნა საგალობლებში.
🎵 მელოდიის მითითება შეგვიძლია ასოებითა და ინტერვალებით, ტექსტობრივი ფორმით.
🎹 ასევე შესაძლებელია მელოდიის ფრაგმენტის ელექტრონული პიანინოს საშუალებით ჩაწერა და მისი მოძებნა საგალობლებში.
სისტემა დაგვეხმარება აღმოვაჩინოთ, რომელ საგალობელში, კონკრეტულად რომელ ადგილას და რომელ ხმაში გვხვდება ჩვენ მიერ მითითებული მელოდიური ფრაგმენტი.
მოძიებული შედეგიდან კი შესაძლებელია შესაბამისი მონაკვეთის მაშინვე გაჟღერება და მოსმენა.
ეს ფუნქცია განსაკუთრებით საინტერესო და სასარგებლო შეიძლება იყოს როგორც გალობის შემსწავლელთათვის, ისე მკვლევრებისა და მუსიკოსებისთვის.
📖 ამ ეტაპზე galobani.ge-ზე განთავსებულია გელათის სკოლის ძლისპირები.
სამომავლოდ დაემატება აღმოსავლეთის სკოლისა და დასავლეთის ტრადიციის მწუხრის, ცისკრის, წირვისა და სხვა მსახურებების საგალობლები.
🙏 განსაკუთრებული მადლობა წალკის სოფელ სამების ჯვრის მამათა მონასტრის მსახურებს — მონაზონ გიორგი ასკურავასა და მონაზონ ექვთიმე კრუპიცკის — ელექტრონული ნოტების მოწოდებისთვის.
რეკომენდირებულია ზემოთ ხსენებული ფუნქციონალის პერონალურ კომპიუტერებზე გამოყენება.
🌐 ეწვიეთ galobani.ge-ს და თავად გამოსცადეთ ახალი შესაძლებლობები!
