წმ. ანდრიას ქართული უნივერსიტეტი • SANGU

საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი ღრმა მწუხარებას გამოთქვამს სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია II-ის გარდაცვალების გამო.

მისი უწმინდესობა და უნეტარესობა იყო უნივერსიტეტის დამფუძნებელი და მისი სულიერი მისიის შთამაგონებელი. მისი ხედვა განათლების, სულიერებისა და ეროვნული ფასეულობების ერთიანობაზე დღემდე განსაზღვრავს სანგუს განვითარებას და თითოეული სტუდენტის, თანამშრომლისა და კურსდამთავრებულის გზას.

ქართული ეკლესიისა და საზოგადოების წინაშე მისი ღვაწლი განუზომელია.

ვუსამძიმრებთ სრულიად საქართველოს, საქართველოს მართლმადიდებელ ეკლესიას და თითოეულ მოქალაქეს ამ უდიდეს დანაკლისს.

▪️ სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია II-ის გარდაცვალებასთან დაკავშირებით 2026 წლის 18 მარტს, 14:00 საათზე შედგება საქართველოს მართლმადიდებელი ეკლესიის წმინდა სინოდის სხდომა, რომლის შემდეგაც გამოცხადდება სხვა დამატებითი დეტალები უწმინდესისა და უნეტარესის დაკრძალვის თაობაზე.

▪️ სინოდის სხდომის დასრულების შემდეგ მის უწმინდესობასა და უნეტარესობას, სრულიად საქართველოს კათოლიკოს-პატრიარქ ილია II-ს საპატრიარქო რეზიდენციიდან გადაასვენებენ ყოვლადწმინდა სამების სახელობის საპატრიარქო ტაძარში.

▪️ საქართველოს საპატრიარქოში 18 მარტს პანაშვიდი არ იგეგმება.

🎓 SANGU-ში ჩაბარება გაქვს გადაწყვეტილი? ნუ დაელოდები სექტემბერს, გაიცანი შენი მომავალი მეგობრები და კურსელები დღესვე 👇

📚 გაწევრიანდი ჩვენს აბიტურიენტთა ჯგუფში, დასვი ნებისმიერი კითხვა და მიიღე პასუხი პირდაპირ ჩვენგან ან შენი მომავალი კურსელებისგან.

👉 https://www.facebook.com/groups/878290034802462

სტუდფესტი 2026 🎓 ჩვენი უნივერსიტეტი კიდევ ერთხელ მასპინძლობს ყველაზე ენერგიულ და დაუვიწყარ სტუდენტურ ფესტივალს — სტუდფესტი 2026! სტუდფესტი არის სივრცე, სადაც სტუდენტები წარმოაჩენენ თავიანთ ნიჭს, კრეატიულობასა და ენერგიას. ფესტივალის ფარგლებში გაიმართება მრავალფეროვანი ღონისძიებები — მუსიკა, ცეკვა, სპორტული აქტივობები, კულტურული და შემოქმედებითი წარმოდგენები. ეს არის შესაძლებლობა სტუდენტებისთვის გაერთიანდნენ, შექმნან ახალი იდეები, გაიცნონ ერთმანეთი და უნივერსიტეტის ცხოვრება კიდევ უფრო საინტერესო გახადონ. თუ სპორტი შენი ცხოვრების განუყოფელი ნაწილია, არ გამოტოვო შესაძლებლობა გახდე სტუდენტური ფესტივალი 2026-ის მონაწილე! თუ გსურს რომ სწორედ შენ წაეადგინო SANGU ამ მასშტაბურ ღინისძირბაზე, მაშინ იჩქარეთ და დარეგისტრირდით ახლავე: ⬇️ https://forms.gle/oMM8p1EkxRoRr7zz6 ❗️სარეგისტრაციო ბმული განკუთვნილია მხოლოდ სპორტული აქტივობებისთვის გელოდებით ყველას ერთად, რომ შევქმნათ დაუვიწყარი მომენტები, სავსე პოზიტიური ემოციებითა და სტუდენტური ენერგიით! ✨ #სტუდფესტი2026 #სტუდენტურიცხოვრება #უნივერსიტეტი

🎓 უნივერსიტეტის ცხოვრებაში სტუდენტური თვითმმართველობა მნიშვნელოვან როლს ასრულებს. ეს არის სივრცე, სადაც სტუდენტებს შეუძლიათ საკუთარი ინტერესების დაცვა, იდეების გაზიარება და უნივერსიტეტის საზოგადოებრივ ცხოვრებაში აქტიურად ჩართვა.

💬 ინტერვიუში სანგუს სტუდენტური თვითმმართველობის პრეზიდენტი ნიკოლოზ კოკაია გვიზიარებს საკუთარ გამოცდილებას, საუბრობს სტუდენტური ცხოვრების გამოწვევებზე, განხორციელებულ პროექტებსა და სამომავლო გეგმებზე.

📖 სრულად წაიკითხეთ ინტერვიუ აქ:
https://bit.ly/4sCtR2c

📢 საქართველოს საპატრიარქოს წმ. ანდრია პირველწოდებულის სახელობის ქართულ უნივერსიტეტში 2026-2027 სასწავლო წლისთვის მიღება განახლებულ საბაკალავრო პროგრამებზე ცხადდება!

წელს SANGU სტუდენტებს ინოვაციური მიდგომით ხვდება – ყველა საბაკალავრო პროგრამა 3-წლიანია (180 ECTS კრედიტი), რაც საშუალებას გაძლევს, უფრო მოკლე დროში დაეუფლო სასურველ პროფესიას და მიიღო ევროპული სტანდარტის განათლება.

აირჩიე შენი მიმართულება და გახდი SANGU-ელი👇

🤖 1450101 - ინფორმაციული ტექნოლოგიები და კიბერუსაფრთხოება
🧠 1450102 - ფსიქოლოგია
⚖️ 1450103 - სამართალი
💼 1450104 - ბიზნესის ადმინისტრირება
💻 1450105 - კომპიუტერული მეცნიერება
🌍 1450106 - საერთაშორისო ურთიერთობები
🏛️ 1450107 - ისტორია
📖 1450108 - ქართული ფილოლოგია

🔗 პროგრამებზე დეტალური ინფორმაცია იხილე ბმულზე: www.sangu.edu.ge/geo/article/sabakalavro-programebi

SANGU გილოცავთ ქალთა საერთაშორისო დღეს! 🌺

📅 პროექტის "აღმოაჩინე შენი პროფესია - ბიზნესის ადმინისტრირება" ფარგლებში, 25 თებერვალს გაიმართა მესამე, დასკვნითი შეხვედრა თემაზე „როგორ ვაკეთოთ წარმატებული ბიზნესი“

🎙 შეხვედრას გაუძღვა გია პირადაშვილი.

მოსწავლეებმა მოისმინეს რეალური ბიზნეს გამოცდილება, იმსჯელეს მეწარმეობის გამოწვევებზე, წარმატების სტრატეგიებზე და იმ გზაზე, რომელიც იდეიდან წარმატებულ ბიზნესამდე მიდის. შეხვედრა იყო პრაქტიკულ მაგალითებზე დაფუძნებული და ინტერაქტიული.

მადლობას ვუხდით გია პირადაშვილს გამოცდილების გაზიარებისთვის და ყველა მონაწილეს აქტიური ჩართულობისთვის მთელი სამდღიანი ციკლის განმავლობაში.

💼 პროექტის „აღმოაჩინე შენი პროფესია - ბიზნესის ადმინისტრირება“ ფარგლებში დღეს გაიმართა მეორე შეხვედრა უფროსკლასელებისთვის.

📅 24 თებერვალს მოსწავლეები გაეცნენ თემას
„ბანკები და ფინანსური ინსტიტუტები საქართველოში“

შეხვედრაში მონაწილეობდნენ:
ალექსანდრე ძნელაძე - საქართველოს საბანკო ასოციაციის პრეზიდენტი
დავით რუსია - საბანკო ასოციაციის ანალიტიკური დირექტორი
ლევან გოგოლაძე - ESG მიმართულების კოორდინატორი
ინგა ქარჩავა - კიბერუსაფრთხოების კოორდინატორი

მოსწავლეებმა მიიღეს ამომწურავი ინფორმაცია საბანკო სექტორის განვითარების, ფინანსური ინსტიტუტების როლის, ESG მიმართულებით კარიერული შესაძლებლობებისა და კიბერუსაფრთხოების თანამედროვე გამოწვევების შესახებ. შეხვედრა ინტერაქტიული იყო და მონაწილეებს შესაძლებლობა ჰქონდათ დაესვათ კითხვები და უშუალოდ ესაუბრათ დარგის წამყვან წარმომადგენლებთან.

შეხვედრის დასრულების შემდეგ გაიმართა ქვიზი, გამარჯვებულებს გადაეცათ საქართველოს საბანკო ასოციაციისა და სანგუს ბრენდირებული საჩუქრები.

მადლობას ვუხდით ყველა მოსწავლეს აქტიური ჩართულობისთვის. განსაკუთრებული მადლობა საქართველოს საბანკო ასოციაციას თანამშრომლობისთვის და თითოეულ სპიკერს პროფესიული გამოცდილების გაზიარებისთვის.

🧠 პროექტის „აღმოაჩინე შენი პროფესია“ ფარგლებში სანგუში გაიმართა შეხვედრა ფსიქოლოგიის მიმართულებით.

პროფესორმა დიმიტრი ნადირაშვილმა და ფსიქოლოგიის ფაკულტეტის წარმომადგენლებმა მოსწავლეებს გააცნეს ფსიქოლოგიის განვითარება მსოფლიოში და საქართველოში, პიროვნების განვითარების თავისებურებები, გავლენები ჩვენს ცხოვრებაში და ბავშვის განვითარების ეტაპები.

შეხვედრა მიზნად ისახავდა ფსიქოლოგიის საბაკალავრო პროგრამის გაცნობას და მოსწავლეების მხარდაჭერას კარიერული არჩევანის პროცესში.

💼 დაიწყო პროექტი „აღმოაჩინე შენი პროფესია - ბიზნესის ადმინისტრირება“

23 თებერვალს წმ. ანდრიას ქართულ უნივერსიტეტში გაიმართა პირველი შეხვედრა თემაზე „ბიზნეს ქეისები, მარკეტინგი და მედიის როლი“

🎙 შეხვედრას გაუძღვა გიორგი ისაკაძე - BMG-ის ავტორი და გენერალური პროდიუსერი.

მოსწავლეებმა მოისმინეს რეალური ბიზნეს ქეისები, იმსჯელეს მარკეტინგის თანამედროვე ტენდენციებზე და მედიის როლზე ეკონომიკაში. შეხვედრა ინტერაქტიული იყო და მონაწილეებს შესაძლებლობა ჰქონდათ დაესვათ კითხვები და ჩართულიყვნენ დისკუსიაში.

პროექტი გრძელდება და წინ კიდევ საინტერესო თემები გველოდება.

📍 24 თებერვალი - „ბანკები და ფინანსური ინსტიტუტები საქართველოში“
📍 25 თებერვალი - „როგორ ვაკეთოთ წარმატებული ბიზნესი“

გმადლობთ ყველა მოსწავლეს აქტიური ჩართულობისთვის.