სსიპ ქალაქ თბილისის N21 საჯარო სკოლა

🌞📚 „საზაფხულო წიგნის დეტექტივები“ ბიბლიოთეკაში შედგა! ❤️
ბავშვებისთვის საზაფხულო არდადეგების კიდევ უფრო საინტერესოდ დასაწყებად, სასკოლო ბიბლიოთეკაში ძალიან მხიარული და საგანმანათლებლო აქტივობა ჩატარდა! ✨
დიდი მადლობა ამ შესანიშნავი იდეისა და აქტივობის ორგანიზებისთვის დამრიგებელ, თამარ მაისურაძეს, რომელმაც პატარებს დაუვიწყარი დღე აჩუქა და წიგნიერების გარშემო გააერთიანა. 🥰📖
ასევე, მადლობას ვუხდით ჩვენს ძვირფას, მასწავლებელებს ქეთევან ბურნაძეს, რომელიც სიყვარულით შემოუერთდა აქტივობას, მხარი დაუჭირა ბავშვებს და მათთან ერთად იმოგზაურა წიგნების ჯადოსნურ სამყაროში. ♥️

📖 აქტივობის ფარგლებში ბავშვებმა ერთმანეთს გაუზიარეს “შეფუთული წიგნები” გაცვალეს შთაბეჭდილებები, რათა ზაფხულში ახალი ლიტერატურა წაიკითხონ. მათ სახლიდან წამოიღეს უკვე წაკითხული წიგნები, რომელიც ძალიან უყვართ და თვლიან, რომ მათ კლასელებსაც დააინტერესებს. 🥰❤️

ახლა ჩვენს მოსწავლეებს წინ საინტერესო საზაფხულო თავგადასავლები ელოდებათ! სექტემბერში კი, სკოლაში დაბრუნებისას, ისინი კვლავ შეხვდებიან ერთმანეთს, გაუზიარებენ ახალ შთაბეჭდილებებს და წიგნებს თავის მფლობელებს დაუბრუნებენ. 🧡❤️
#საზაფხულოარდადეგები #წიგნისდეტექტივები #სასკოლობიბლიოთეკა #წიგნიერება #კითხვისდროა #გაუცვალეწიგნი #განათლება ✨

✨ ინტეგრირებული საგაკვეთილო პროცესი 3დ კლასში - “მხიარული სუფრა“ და ჯანსაღი ცხოვრების პოპულარიზაცია! ☀️🥗
3დ კლასში, დამრიგებელ ირინე კევლიშვილისა და საგნის „მე და საზოგადოება“ მასწავლებლის ერთობლივი მხარდაჭერით, უაღრესად თბილი, ფერადი და სახალისო საგაკვეთილო პროცესი ჩატარდა! 👩‍🏫✨
აქტივობის მთავარი თემა გახლდათ ჯანსაღი ცხოვრების პოპულარიზაცია - ბავშვებმა, პედაგოგების დახმარებით, სურათებისა მიხედვით და იპროვიზირებული რეცეპტების მიხედვით, მხოლოდ სასარგებლო და ჯანსაღი ინგრედიენტებით სხვადასხვა ფორმის ორიგინალური კერძები თავად მოამზადეს. 🥒🥕 „გვირილა“, „ბუ“, „ველოსიპედი“, „წიწილები“ თუ „თევზი“ - პატარებმა ნამდვილი შემოქმედებითი ფანტაზია გამოავლინეს და საოცრად ლამაზი, ფერადი სუფრა გააწყვეს! 🦉🌼🚲
🍏💪 მნიშვნელოვანი და სასიხარულო ის იყო, რომ ამ პროცესაი მშობლებიც მონაწილებიდნენ. გაკვეთილის კულმინაცია კი კიდევ უფრო ემოციური და თბილი გამოდგა - პატარებმა თავისივე ხელით მომზადებული ჯანსაღი საკვები მშობლებთან ერთად მიირთვეს. 🥰❤️ ამ ლამაზ და ხალისიან პროცესს ყველა უდიდესი სიხარულითა და აღფრთოვანებით აკვირდებოდა! 🧡
უდიდესი მადლობა ყველას - ჩვენს გულისხმიერ მასწავლებლებს, მზრუნველ მშობლებსა და, რა თქმა უნდა, საოცარ მოსწავლეებს ასეთი ლამაზი, ფერადი და გემრიელი დღის შექმნისთვის! 🍓🍎❤️
#სადამრიგებლოსაათი #მედასაზოგადოება #ინტეგრირებულიგაკვეთილი #მხიარულისუფრა #ჯანსაღიკვება #3დკლასი

🏫 IV ეტაპი — საყოველთაო ონლაინ რეგისტრაცია დაიწყო!

📅 2026-2027 სასწავლო წლისთვის საჯარო სკოლების პირველ კლასში საყოველთაო ონლაინ რეგისტრაცია 15 ივნისს, 09:00 საათზე დაიწყო და 3 ივლისის 24:00 საათამდე გაგრძელდება.

🌐 რეგისტრაციის გავლა შესაძლებელია ვებგვერდზე:
https://registration.emis.ge/

🎥 რეგისტრაციის ვიდეოინსტრუქცია:
https://www.youtube.com/watch?v=dGDKJGVYR4w

📖 რეგისტრაციის შესახებ დეტალური ინფორმაციის სანახავად ეწვიეთ ბმულს: https://emis.ge/posts/129

☎️ დამატებითი ინფორმაციისთვის:

📞 0 32 2 200 220
📧 [email protected]

#საყოველთაორეგისტრაცია #პირველკლასელთარეგისტრაცია #პირველიკლასი #საჯაროსკოლა #განათლება

✨🗺️ დაუვიწყარი მოგზაურობა საქართველოს ულამაზეს კუთხეებში! 🇬🇪❤️
ჩვენმა საოცარმა მოსწავლეებმა მაყურებელს ნამდვილი დღესასწაული და დაუვიწყარი მზესუმზირასავით თბილი მოგზაურობა აჩუქეს! მათ დიდი სიყვარულითა და მონდომებით წარმოადგინეს საქართველოს რეგიონები.
თითოეული კუთხის მხატვრული გაფორმება კიდევ უფრო შთამბეჭდავი გახადა იმ ფილმების მუსიკალურმა ფონმა, რომლებიც სწორედ ამ მხარეებშია გადაღებული. 🎬🎶 მუსიკისა და თეატრალური შესრულების ჰარმონიულმა შერწყმამ მაყურებელს საშუალება მისცა, მთელი გულით ემოგზაურა საქართველოს ულამაზეს კუთხეებში და ახლოდან ეგრძნო მათი უნიკალური სული. ✨🎭
🙏 უღრმესი მადლობა გვინდა გადავუხადოთ ჩვენს ძვირფას მასწავლებელს, ალექსანდრე ლაცაბიძეს, და მოწვეულ რეჟისორს ამხელა შრომისთვის, პროფესიონალიზმისთვის, გვერდში დგომისა და იმ შემოქმედებითი ენერგიისთვის, რომელიც ამ საოცარ სანახაობაში ჩადეს! ❤️🙌
ვამაყობთ ჩვენი ნიჭიერი ბავშვებითა და შემოქმედებითი გუნდით! 🌟 ჩახუტება და სიყვარული თითოეულ მათგანს! 🧡
#21საჯაროსკოლა #საქართველოსკუთხეები #ჩვენიაქტივობა #შემოქმედებითიახალგაზრდობა #მადლობაშრომისთვის

🏺 თიხის შემოქმედებითი ვორქშოფი „სკოლის დღეები 2026“-ის ფარგლებში! 🎨

პროექტის ფარგლებში, ჩვენს სკოლაში კიდევ ერთი საინტერესო და ნაყოფიერი აქტივობა მოეწყო - ამჯერად მოსწავლეებმა თიხაზე მუშაობის ხელოვნებაში სცადეს ძალები.
შემოქმედებით ვორქშოფში მონაწილეობას მე-3 კლასიდან მე-8 კლასის ჩათვლით ბავშვები იღებდნენ. აღსანიშნავია, რომ ამ იდეის განხორციელებისთვის საჭირო თიხა მოსწავლეებს ბატონმა მამუკა ბერიაშვილმა აჩუქა. სკოლა დიდ მადლობას უხდის მას მხარდაჭერისა და ბავშვებისთვის ამ სასიამოვნო შესაძლებლობის გაზიარებისთვის! 🧡
სამუშაო პროცესი ძალიან საინტერესო გამოდგა. ბავშვებმა გამოიჩინეს მონდომება და შექმნეს ორიგინალური, კრეატიული და გულით შესრულებული ნამუშევრები, რომლებიც მათ ინდივიდუალიზმს უსვამს ხაზს.
მადლობა თითოეულ მონაწილეს და ჩვენს მასწავლეველს სოფიო დავითაშვილს ამ შემოქმედებითი დღების შექმნისთვის! 🌟

სკოლა უღრმეს მადლობას უხდის ქალბატონ თინათინ ნაუმენკოსა და ბატონ მამუკა ბერიაშვილს, მოსწავლეებისთვის თიხის ჩუქებისთვის.🧡

#სკოლისდღეები2026 #თიხისვორქშოფი #შემოქმედებითიაქტივობა

🔔 სკოლის დღეების ერთერთი დამაგვირგვინებელი აკორდი! 🔔
✨ ტრადიციად ქცეული საზოგადოებრივი მეცნიერებების ყოველწლიური კონფერენცია ,,21-ე სკოლა 21-ე საუკუნეში” წელსაც განსაკუთრებული და შთამბეჭდავი აღმოჩნდა!
🎭 კონფერენცია საზეიმოდ გახსნა მე-10 კლასის მოსწავლეების თეატრალიზებულმა ეპიზოდმა “საკადრისი პასუხი“, სადაც მათ თამარის ეპოქის ისტორიული მოვლენის საინტერესო ინტერპრეტაცია შესთავაზეს აუდიტორიას.
🌍 საბაზო და საშუალო საფეხურის მოსწავლეებმა ისტორიის, გეოგრაფიისა და სამოქალაქო განათლების მიმართულებით მრავალფეროვანი, აქტუალური და სიღრმისეული პროექტები წარადგინეს.
🎓 ღონისძიებას ესწრებოდა მოწვეული კომპეტენტური ჟიური, რომელმაც მონაწილეებს პროფესიული და საინტერესო რეკომენდაციები გაუზიარა, ბოლოს კი გამარჯვებული პროექტები გამოავლინა:
🥇 „საუკუნეებში დაკარგული მტევნები“ (მე-9 კლასი)
👥 მოსწავლეები: ლევან ილაშვილი, ნიკოლოზ სალამიძე, საბა ლაბარტყავა;
👩‍🏫 პედაგოგი: მ. მიქელაშვილი;
🥇 „დახურულ კარს მიღმა - გაუჩინარებული ახალშობილების საქმე“ (მე-10 კლასი)
👥 მოსწავლეები: მარიამ ჟორჟოლიანი, ნიცა შუბითიძე, ელენე ალაფიშვილი;
👩‍🏫 პედაგოგი: თ. ჯანელიძე;
🥇 „სარკეებში ჩაკარგული დედოფალი“ (მე-9 კლასი)
👥 მოსწავლეები: ნიცა კუპრაშვილი, ნინა ოზიაშვილი, დემეტრე ფრუიძე, იოანე სინჯიკაშვილი;
👩‍🏫 პედაგოგი: მ. ჯანელიძე.
💡 კონფერენციამ კიდევ ერთხელ მკაფიოდ წარმოაჩინა ჩვენი მოსწავლეების შემოქმედებითი და კრიტიკული აზროვნება, კვლევის მაღალი უნარები და აქტიური სამოქალაქო პოზიცია. ღონისძიებამ სრულად შეასრულა თავისი უმთავრესი მიზანი - წაახალისა მოზარდებში მოქალაქეობრივი პასუხისმგებლობა და მათ უმნიშვნელოვანესი გამოცდილება შესძინა.
🎉 ვულოცავთ ყველა გამარჯვებულსა და ნომინანტს!
🙌 დიდ მადლობას ვუხდით თითოეულ მოსწავლეს ასეთი აქტიური ჩართულობისთვის, პედაგოგებს - დაუღალავი შრომისა და მხარდაჭერისთვის, ხოლო ჟიურის წევრებს - ჩვენი ახალგაზრდებისთვის გაზიარებული დაუვიწყარი გამოცდილებისთვის! 🍇📜🧭

#21ესკოლა21ესაუკუნეში #სასკოლოკონფერენცია #წარმატება #ჩვენიმოსწავლეები #განათლება მომავლისთვის 😊🩷

N21 საჯარო სკოლა - ყოფილი ,,მეექვსე" და მისი პედაგოგები დიდი მწუხარებით დაემშვიდობნენ და უკანასკნელ გზაზე გააცილეს ამ სკოლის უკეთილშობილესი, ღირსეული და პროფესიონალი მოღვაწე - მათემატიკის მასწავლებელი ჰამლეტ (გოგი) ჯაბაური 🥺 რომელმაც თავისი ცხოვრების საუკეთესო წლები ამ სკოლაში გაატარა. სკოლისთვის სასიკეთო და ღირებული საქმეებით, სიკეთით, ენთუზიაზმით, დიდი პროფესიონალიზმით ერთგულად ემსახურა მოსწავლეთა აღზრდასა და განათლებას. კოლეგების მიმართ იგი განსაკუთრებული სიყვარულით, მზრუნველობით, პასუხისმგებლობითა და ერთგულებით გამოირჩეოდა და მუდამ მათ მხარდამხარ იღწვოდა. უამრავ მათგანთან გატარებული ყოველი წუთი დიდ ბედნიერებას ანიჭებდა და მათი მეგობრობა ეამაყებოდა, საოცარი იუმორით გამორჩეული საოცარ ატმოსფეროს ქმნიდა ..
მოსწავლეების დიდი სიყვარული მუდამ გულს უთბობდა და ახალისებდა - აბედნიერებდა, ყველას უპირობოდ უყვარდა მზრუნველი და სკოლის დიდი ავტორიტეტი ,,ჩვენი გოგი მასი "❤️ რომელმაც ღრმა კვალი დატოვა ჩვენს გულებში🙏იგი მუდამ ემახსოვრება მისთვის უსაყვარლეს სკოლას - ,,მეექვსეს" და იქნება მისი კეთილი საქმეების ღირსეული გამგრძელებელი ❗️

მსუბუქი იყოს მშობლიური მიწა, რომელიც გულში ჩაგიხუტებს...მშვიდად განისვენე ვალმოხდილო, ძვირფასო ადამიანო ❗️🙏🥺💔

🧠💙 მენტალური ჯანმრთელობა და სკოლა
🏫 №21 საჯარო სკოლის სასკოლო მოხალისეობის ფესტივალის ფარგლებში ჩვენი სკოლის მოსწავლეებმა ახალგაზრდობის სააგენტოს მხარდაჭერით განახორციელეს პროექტი, რომელიც მენტალურ ჯანმრთელობას და სკოლის გავლენას ეხებოდა. 🤝
პროექტის ფარგლებში 8-11 კლასების მოსწავლეებში ჩატარდა ანონიმური გამოკითხვა, რის საფუძველზეც გაიმართა ღია დისკუსია სკოლის ფსიქოლოგთან. 🗣️💭 მოსწავლეებმა ისაუბრეს მათთვის მნიშვნელოვან საკითხებზე, დასვეს კითხვები და მიიღეს პროფესიული რჩევები. 👩‍⚕️💡

ასევე მომზადდა ვიდეო, რომელშიც მოსწავლეები, მასწავლებლები და სკოლის საზოგადოების სხვა წევრები მენტალური ჯანმრთელობის მნიშვნელობაზე საუბრობენ. 🎥🎤

🙏 მადლობას ვუხდით ახალგაზრდობის სააგენტოს, ჩვენს მენტორს ანას, ფსიქოლოგ თამარს, მარიამ და ნიკა მასწავლებელს, ასევე, ყველა მონაწილეს მხარდაჭერისა და ჩართულობისთვის. 🧡
💚 ვიზრუნოთ ჩვენს მენტალურ ჯანმრთელობაზე და არ დავტოვოთ ემოციები უყურადღებოდ. 🌟🌱

#21საჯაროსკოლა #მენტალურიჯანმრთელობა #სასკოლომოხალისეობა #ახალგაზრდობისსააგენტო #მენტალურიჯანმრთელობადასკოლა #ემოციურიმხარდაჭერა #მოხალისეობა

🏃‍♂️📚 „სკოლის დღეები 2026“ გრძელდება - ინტეგრირებული „მხიარული სტარტები“ თბილისის N21 საჯარო სკოლაში!
🥰 ჩვენი სკოლის სივრცე ნამდვილ ინტელექტუალურ და სპორტულ ასპარეზად იქცა! მეოთხე კლასის მოსწავლეებმა (4ა, 4ბ, 4გ და 4დ კლასები) მონაწილეობა მიიღეს განსაკუთრებულ, ინტეგრირებულ „მხიარულ სტარტებში“.
ეს არ იყო მხოლოდ ფიზიკური აქტივობა. ჩვენმა ნიჭიერმა ბავშვებმა სპორტულ შეჯიბრებებთან ერთად ერთმანეთს სხვადასხვა საგნის ცოდნაშიც შეეჯიბრნენ:
•ქართული და მათემატიკა 📝📖
•გერმანული და ინგლისური 🇩🇪🇬🇧
•ბუნება, მე და საზოგადოება 🌱👫

✨ ეს ღონისძიება ჩვენთვის უზომოდ მნიშვნელოვანი და აქტუალურია, რადგან იგი იდეალურად აერთიანებს ბავშვების ფიზიკურ და ინტელექტუალურ განვითარებას. მოსწავლეებმა საუკეთესოდ შეამოწმეს საკუთარი შესაძლებლობები, გამოავლინეს სწრაფი აზროვნება, საგნობრივი ცოდნა და, რაც მთავარია, მეგობრული, გუნდური მუშაობის უნარი.
❤️ გულითად მადლობას ვუხდით ჩვენს ძვირფას მასწავლებლებს: ინგა თუმანიშვილს, თამარ ილურიძეს, ნინო ქევხიშვილს, თამარ მაისურაძეს, ნანა მეგრელიშვილსა და ალექსანდრე ლაცაბიძეს, ბავშვების მხარდაჭერისა და გვერდში დგომისთვის!

🌟 განსაკუთრებული მადლობა ქალბატონ, ირმა ხერგიას, ამ ლამაზი დღის ორგანიზატორობისთვის!🧡

#სკოლისდღეები2026 #მხიარულისტარტები #ინტეგრირებულიაქტივობა #გუნდურიმუშაობა

🎭 დღის ნამდვილი კულმინაცია და დარბაზის უდიდესი აღფრთოვანება - მუსიკალური სპექტაკლი „ოლივერი“! „სკოლის დღეები 2026“ გრძელდება! 🌟✨
პროექტის ფარგლებში, დღეს კიდევ ერთი სრულიად გამორჩეული და გრანდიოზული ღონისძიება გაიმართა. სკოლის სცენა მუსიკალურმა სპექტაკლმა - „ოლივერმა“ დაიპყრო, რომელშიც 4ბ, 5ა, 5ე და 9გ კლასების მოსწავლეები მონაწილეობდნენ.
ეს იყო მუსიკის, პანტომიმისა და თხრობის საოცარი ერთობლიობა, რომელსაც ბავშვებმა თავი შესანიშნავად გაართვეს და მაყურებელს ნამდვილი ხელოვნება აჩუქეს! სპექტაკლმა მთელი დარბაზი სრულიად გააოცა - ბოლო ადგილამდე სავსე დარბაზი განცვიფრებული და სუნთქვაშეკრული უსმენდა პატარა მსახიობების თითოეულ ნომერს. 😍💛
ამ მცირე, მაგრამ საოცრად ნიჭიერი „დასის“ ხელმძღვანელი, მუსიკის მასწავლებელი - ნათია კერესელიძე, განსაკუთრებით აღნიშნავს ბავშვების უდიდეს მონდომებას. იგი კოლეგების, მშობლებისა და სკოლის ადმინისტრაციის თანადგომისთვის მადლობას უხდის, რა თქმა უნდა, თავის მხრივ, სკოლაც უდიდეს მადლიერებას გამოხატავს ამ საოცარი დღესასწაულისთვის და მუდამ მყარად დგას ჩვენი შემოქმედი მასწავლებლებისა და ნიჭიერი მოსწავლეების გვერდით, რათა ყოველი საინტერესო იდეის რეალობად ქცევას შეუწყოს ხელი! 🧡
ღონისძიების დასრულებისთანავე მაყურებელში უკვე გაჟღერდა სპექტაკლის კვლავ ნახვის დიდი სურვილი, რაც მის მიმართ არსებულ უდიდეს ინტერესსა და აღიარებაზე მოწმობს!❤️
დიდი მადლობა თითოეულ მონაწილესა და მაყურებელს ამ დაუვიწყარი და ემოციური დღის შექმნისთვის! ვამაყობთ ჩვენი ბავშვებით! 🧡
#სკოლისდღეები2026 #მიუზიკლიოლივერი #სასკოლოცოვრება