Multinational Weekend School შაბათ-კვირის მრავალეროვანი სკოლა

მონაწილეობის მიღება შეუძლიათ თბილისსა და საქართველოს რეგიონებში მცხოვრებ სხვადასხვა ეთნიკური ჯგუფის წარმომადგენელ 18-დან 28 წლამდე აქტიურ ახალგაზრდებს.

პროგრამის მონაწილეთა სასტუმროს, კვებისა და ტრანსპორტირების ხარჯებს უზრუნველყოფს რონდელის ფონდი.

პერიოდი: 24-27 სექტემბერი, 2022

სასწავლო პროგრამის ჩატარების ადგილი: თბილისი, რონდელის ფონდი, შიო ჩიტაძის ქუჩა 3ა

სამუშაო ენა: ქართული

კონკურსში მონაწილეობის მისაღებად ძირითადი მოთხოვნებია: 18-დან 28 წლამდე აქტიური ახალგაზრდა, საქართველოში, რეგიონებსა თუ დედაქალაქში, მცხოვრები ეთნიკური უმცირესობის თემის წარმომადგენელი.

შერჩევის პროცესი: დაინტერესებულ პირებს ვთხოვთ გამოაგზავნონ შევსებული სააპლიკაციო ფორმა შემდეგ მისამართზე: [email protected]; ელფოსტის საგანში გთხოვთ მიუთითოთ პროექტის დასახელება:

განაცხადის მიღების ბოლო ვადაა: 15 სექტემბერი, 2022 წელი

შერჩეულ კანდიდატებს ჩაუტარდებათ გასაუბრება.

დამატებითი ინფორმაციისთვის მიმართეთ პროგრამის კოორდინატორს - სოფი ბოკუჩავას: ტელ.: 2 47 35 55; ელ. ფოსტა: [email protected]

მოკლევადიანი სასწავლო პროგრამა “მონაწილეობითი პოლიტიკა და ეროვნული უმცირესობები” მოკლევადიანი სასწავლო პროგრამა

https://www.facebook.com/FormulaMediaSchool/photos/a.134211361919061/244014200938776/?type=3

📣📣📣 ფორმულას მედია სკოლა ევროპის საბჭოს საქართველოს ოფისის მხარდაჭერით, კამპანია #მევირჩევთანასწორობას ფარგლებში იწყებს განაცხადების მიღებას სამაუწყებლო მედიის ჟურნალისტისა და ოპერატორის 12 კვირიან უფასო სასერტიფიკატო კურსებზე ეთნიკური უმცირესობებისთვის ქვემო ქართლის რეგიონიდან.

📌 ორივე მიმართულებით მეცადინეობები, როგორც თეორიულ, ისე პრაქტიკულ კომპონენტში წარიმართება ტელეკომპანია ფორმულას შენობაში (თბილისი, ვაჟა-ფშაველას გამზირი 45) და მონაწილეებს ექნებათ შესაძლებელობა უშუალოდ ჩაერთონ მედია პროდუქტების მომზადებაში.

კურსის დამთავრების შემდეგ კი საუკეთესო მონაწილეებს ექნებათ შესაძლებლობა სტაჟირება გაიარონ ან/და ითანამშრომლონ ტელეკომპანია ფორმულასთან.

📅 განაცხადები მიიღება 2021 წლის 26 აგვისტოდან 2021 წლის 10 სექტემბრის ჩათვლით. სასწავლო პროცესი დაიწყება 2021 წლის 20 სექტემბერს.

თითოეული კურსის საკონტაქტო დრო მოიცავს 80 საათს. თეორიული და პრაქტიკული მეცადინეობები ჩატარდება კვირაში 3 დღე, დღეში 2 საათი.

📌 კურსებზე დარეგისტრირება შეუძლიათ 16 – 30 წლამდე ახალგაზრდებს - დამწყებ ჟურნალისტებსა და ოპერატორებს, სტუდენტებს, სამოქალაქო აქტივისტებს და მათ ვინც დაინტერესებულია სამაუწყებლო მედიის ჟურნალისტისა და ოპერატორის პროფესიით.

👇 კურსებზე დასარეგისტრირებლად უნდა შეავსოთ ქვემოთ მითითებული მარტივი სააპლიკაციო ფორმა:

https://forms.gle/v373QjUeEfvAcbGU6

„კავკასიური სახლის“ შაბათ-კვირის სკოლის 25-ე ნაკადის კურიოზები

2019 წლის 21 დეკემბერს „კავკასიური სახლის“ შაბათ-კვირის სკოლა მასპინძლობდა ქალაქ რუსტავის ვოკალური სტუდია „აპრილის“ მოსწავლეებს. მათ საქმაოდ დიდი ოსტატობით წარმოადგინეს თავიანთი შემოქმედება და აუდიტორიის დიდი მოწონებაც დაიმსახურეს. პროექტს აფინანსებს ევროპული ფონდი „ჰორიზონტი“.

თბილისის ილუზიების მუზეუმში ყოფნისას, 2019 წლის 14 დეკემბერს, შაბათ-კვირის სკოლის მოსწავლეები ჯადოსნურ გარემოში აღმოჩნდნენ. 🙂

ყველამ აღნიშნა, რომ ის, რაც ნახეს და განიცადეს, იყო ძალიან შთამბეჭდავი.

2019 წლის 17 ნოემბერს ,,კავკასიური სახლის” შაბათ-კვირის სკოლა ექსკურსიაზე იყო ზედაზენსა და ილია ჭავჭავაძის სახლ-მუზეუმში საგურამოში. მოსწავლეებს გიდი ესაუბრა საგურამოს სახლის მნიშვნელობაზე ილიას ცხოვრებაში და მის ისტორიაზე.

ნამდვილი ოქროს შემოდგომის დღე დაუდგათ კვირას, 10 ნოემბერს შიომღვიმეში ექსკურსიაზე წასულ შაბათ-კვირის სკოლის მოსწავლეებს. მათ მოინახულეს ცამეტ ასურულ მამათაგან ერთ-ერთის, შიოს მიერ მე-6 საუკუნეში დაფაძნებული ეკლესია; ასევე-იოანე ნათლისმცემლის სახელობის და ე.წ. ზედა, ღვთისმშობლის სახელობის ტაძრები. პროექტს აფინანსებს ევროპული ფონდი „ჰორიზონტი“.

ხალხური და გამოყენებითი ხელოვნების მუზეუმმა უმასპინძლა შაბათ-კვირის სკოლის მოსწავლეებს 2019 წლის 2 ნოემბერს. მათ დაათვალიერეს მე-19 საუკუნის ოქრომკედით ნაქარგობანი, ვერცხლის ჭურჭელი, სამოსი; მოისმინეს მუშტაიდის ბაღის ისტორია და სხვა. მოსწავლეებს თავიანთი ხელით დაამზადებინეს კანფეტები, მოასმენინეს და აჩვენეს კანფეტის შექმნის ისტორია და პროცესი. პროექტს აფინანსებს ევროპული ფონდი „ჰორიზონტი“.

2019 წლის 27 ოქტომბერს შაბათ-კვირის მრავალეროვანი სკოლის მოსწავლეები ექსკურსიაზე იყვნენ მარტყოფში. დაათვალიერეს მარტყოფის ღვთაების მონასტერი და იქაური სხვა ღირსშესანიშნაობანი.

მოსწავლეებს გიდობა გაუწია სკოლის ერთ-ერთმა მოსწავლე ნატალი კასრაძემ, რომელმაც კვალიფიციურად მოუთხრო მათ 13 ასურელი მამის მოღვაწეობისა და მნიშვნელობის შესახებ.ამის შემდეგ ბავშვებმა ბუნებაში ისადილეს და ითამაშეს, შემდეგ დაბრუნდნენ თბილისში.

შეგახსენებთ, რომ 6თვიანი შემეცნებით-გასართობი პროგრამა 1 თვის წინ დაიწყო და ეს უკვე რიგით მე-3 საექსკურსიო გასვლაა. ბავშვებს წინ კიდევ ბევრი საინტერესო და ხალისიანი ღონისძიება და აქტივობა ელოდებათ.

კავკასიური სახლის” შაბათ-კვირის სკოლის მოსწავლეები სალაშქროდ იყვნენ თბილისის ბოტანიკურ ბაღში 2019 წლის 19 ოქტომბერს. მოსწავლეებს გიდმა გააცნო ბაღის ისტორია, რომელიც 1845 წელს იწყება, როცა ბაღი სახელმწიფო საკუთრება გახდა და ,, ბოტანიკური ბაღი” ეწოდა; დაათვალიერებინა, მაგალითად, იაპონური კუთხე, ბუნებრივი ჩანჩქერი, წყლის მცენარეები, 1914 წელს აშენებული თაღოვანი ხიდი, საქართველოს და მსოფლიოს სხვადასხვა რეგიონების მცენარეთა მდიდარი კოლექციები, ფლორის უნიკალური, წითელ წიგნში შეტანილი ექსპონატები. მოსწავლეები ამის შემდეგ გაერთნენ ბაღის ტერიტორიაზე არსებულ ატრაქციონებზე. 14:00 საათზე დაბრუნდნენ ,,კავკასიურ სახლში” სადილზე. პროექტს აფინანსებს ევროპული ფონდი ,,ჰორიზონტი”.

2019 წლის 13 ოქტომბერს შაბათ-კვირის სკოლის მოსწავლეები იყვნენ ექსკურსიაზე მცხეთასა და წილკანში.გიდობა გაგვიწია ერთ-ერთმა მშობელმა,ისტორიის მასწავლებელმა. პროექტს აფინანსებს ევროპული ფონდი “ჰორიზონტი”.