ილიაუნის ტურიზმის მენეჯმენტის ცენტრი

22/05/2026

23/12/2025

🟣 10 დეკემბერს ილიას სახელმწიფო უნივერისტეტში, ილიაუნისა და იაპონიის საერთაშორისო თანამშრომლობის სააგენტოს (JICA) ორგანიზებით პროფესორმა ნორიაკი ნიშიამამ წაიკითხა საჯარო ლექცია „ადგილობრივი მოსახლეობის მონაწილეობაზე დაფუძნებული კულტურული მემკვიდრეობის დაცვა და ტურიზმის მდგრადი განვითარება“.
▪️ პროფესორი ნორიაკი ნიშიამა ურბანული დაგეგმვის, ტურიზმის დიზაინისა და კულტურული მემკვიდრეობის მართვის აღიარებული სპეციალისტია იაპონიაში. იაპონიის კულტურის საქმეთა სააგენტოსა და მიწის, ინფრასტრუქტურის, ტრანსპორტისა და ტურიზმის სამინისტროს კომიტეტების წევრი და UNESCO-ის მსოფლიო მემკვიდრეობის ნომინაციის პროექტების მრჩეველია.

25/11/2025

📢 ილიაუნის ტურიზმის მიმართულების სტუდენტების კიდევ ერთი წარმატება !
20 ნოემბერს, კურორტების განვითარების სააგენტოს ორგანიზებით სტუდენტთა სამეცნიერო კონფერენცია - „საქართველოს კურორტების მდგრადი განვითარების ტენდენციები და მიდგომები“ გაიმართა.
კონფერენციაში მონაწილეობა მიიღეს საქართველოში აკრედიტირებული უნივერსიტეტების ბაკალავრიატისა და მაგისტრატურის საფეხურის სტუდენტებმა.
კონფერენციის ფინალურ ეტაპზე გავიდა ილიაუნის, ტურიზმის მიმართულების სამი სტუდენტი, თორნიკე ესართია, ნანა დევაძე და ლანა ხითარიშვილი.
კონფერენციაზე გამოვლინდა სამი საუკეთესო ნაშრომი, საიდანაც ერთერთი თორნიკე ესართიას თემა „კურორტ წაყლტუბოს მართვის თანამედროვე მოდელი„ იყო.
ხოლო ნანა დევაძის ნაშრომი, რომელიც მრავალძალის განვითარებას შეეხებოდა, დასახელდა პერსპექტიულ პროექტად, რომლის განხორციელებაც მომავალში იგეგმება.

25/11/2025

25/11/2025

აგროტურიზმი, როგორც რეგიონული განვითარების გზა საქართველოში

18 ნოემბერს გერმანიის საერთაშორისო თანამშრომლობის საზოგადოება GIZ-ისა და მისი პარტნიორების ორგანიზების მიერ ჩატარდა სიმპოზიუმი „აგროტურიზმი როგორც რეგიონული განვითარების გზა საქართველოში“. სიმფოზიუმის იდეა იყო აგროტურიზმის, როგორც რეგიონული განვითარების კატალიზატორის და როლის გამოვლენა.
სიმპოზიუმი გაიმართა „იაგოს მარნის“ საკონფერენციო ოთახში, სადაც ორგანიზატორების მიერ სპეციალური მოწვევით იმყოფებოდნენ ილიას სახელმწიფო უნივერსიტეტის ტურიზმის მიმართულების პროფესორ-მასწავლებლები და სტუდენტები. სადაც საშუალება ქონდათ შეხვედროდნენ წარმატებულ აგროტურისტულ მეურნეებს, დარგის სპეციალისტებსა და ექსპერტებს. გაცნობოდნენ ადგილობრივი პროდუქტის მწარმოებლებსა და მათ იდეებს.
შეხვედრაზე ერთ-ერთი სადისკუსიო თემა იყო აგროტურისტული ბიზნესებისა და ილიაუნის ბიზნესისი, განათლებისა და ტექნოლოგიების ფაკულტეტთან ტურიზმის მიმართულებით თანამშრომლობა - აგროტურიზმი აკადემიის მიღმა, სადაც გაჟღერდა სტუდენტების და პროფესორ-მასწავლებლების ინტერესი ბიზნესის წარმომადგენლების პრაქტიკოსების სასწავლო პროცესების ჩართვის თაობაზე.
ბიზნესის წარმომადგენლების მხრიდან გაჟღერდა რამოდენიმე თემა, თუ რაში ხედავდნენ სტუდენტების როლს და ჩართულობას თავიანთ ბიზნესში. მათ შორის: ამბის თხრობის პრაქტიკა, საოპერაციო პროცესების ოპტიმიზაცია, პროდუქტის შექმნის პროცესში ჩართულობა, ინფორმაციის გავრცელება, როგორიც არის ბლოგების შექმნა და სხვ.
პროფესორ-მასწავლებლებმა აქცენტი გააკეთეს ტრანსდისციპლინარული სწავლებისა და კვლევების დანერგვაზე; სილაბუსების სასწავლო თემატიკაში აგროტურისტული მეურნეობების ჩართვაზე, სადაც აკადემია და ბიზნესი თავის როლს შეიტანს სოფლის განვითარების საკითხებში. გაჟღერდა UNESCO -ს პროექტის იდეა „საუკეთესო სოფლის მოდელი“, რომლის პრაქტიკა უკვე არსებობს ევროპის და ევროპასთან ასოცირებულ ქვეყნებში, მათ შორის ალბანეთში, სადაც მთავარი ადგილობრივი განვითარების ჯგუფები, ბიზნეს წარმომადგენლები და სტუდენტები არიან, რომლებსაც ზურგს უმაგრებენ პროფესორ-მასწავლებლები და დარგის სპეციალისტები.
სიმფოზიუმი წარმოადგენს ერთგვარ პლატფორმას რომელიც აერთიანებს სხვადასხვა დაინტერესებულ მხარეს თავიანთი საქმის განვითარების პროცესის ოპტიმიზაციისთვის.
შემდგომ ეტაპზე ილიაუნის ტურიზმის მიმართულების პროფესორ მასწავლებლები მოამზადებენ პროექტს - ტრანსდისციპლინარული სწავლების და კვლევის გამოყენება ტურიზმის ბიზნესის უკეთესი მომავლისთვის.

11/11/2025

ტურიზმის მენეჯმენტის ცენტრი იაპონიის საერთაშორისო თანამშრომლობის სააგენტოსთან (JICA) ერთად გეგმავს პროფესორ ნორიაკი ნიშიამას საჯარო ლექცია თემაზე: „ადგილობრივი მოსახლეობის ჩათულობაზე დაფუძნებული მემკვიდრეობის მდგრადი დაცვა და ტურიზმის მდგრადი განვითარება“
პროფესორი ნიშიამა არის წამყვანი ექსპერტი ურბანულ დაგეგმვაში, ტურიზმის დიზაინსა და კულტურული მემკვიდრეობის მართვაში. მას მიღებული აქვს ინჟინერიის დოქტორის ხარისხი კიოტოს უნივერსიტეტიდან. წარსულში ხელმძღვანელობდა საერთაშორისო თანამშრომლობის პროექტებს ფიჯიში, ირანში და პერუში. ასევე არის იაპონიის ეროვნული საკონსულტაციო საბჭოების წევრი, მათ შორის კულტურის საქმეთა სააგენტოსა და მიწის, ინფრასტრუქტურის, ტრანსპორტისა და ტურიზმის სამინისტროსთან არსებული კომიტეტების წევრი.
ასევე არის:
• UNESCO-ს მსოფლიო მემკვიდრეობის ნომინაციის პროექტების მრჩეველი (მაგ. კინტაიკიოს ხიდი, ლევუკა ფიჯიში)
• იაპონიის ეკოტურიზმის ჯილდოს მიმნიჭებელი კომისიის წევრი (გარემოს დაცვის სამინისტრო)
• ავტორი გავლენიანი კვლევებისა DMO-ს განვითარების, ადგილობრივი მოსახლეუბის ჩართულობაზე დაფუძნებული ტურიზის და ლანდშაფტის დაგეგმვის თემატიკაზე.
• ურბანული დაგეგმვის იაპონიის საზოგადოების საბჭოს წევრი
საჯარო ლექციის ჩატარების თარიღია 10 დეკემბერი 16:00 საათი, ილიას სახელმწიფო უნივერისტეტის E კორპუსი 405 აუდიტორია.
ლექცია საინტერესო იქნება როგორც ტურიზმის სტუდენტებისთვის, ასევე ილიაუნის სხვა მიმართულების სტუდენტებისთვის.
საჯარო ლექციის მიზანია სტუდენტებმა მიიღონ საერთაშორისო ექსპერტიგან იაპნიის გამოცდილება გამოცდილება და სამომავლოდ გაითვალიწინონ თუ რა მნიშვნელობა აქვს ადგილობრივი მოსახლეობის ჩათულობას ტურიზმში, მემკვიდრეობის მდგრად დაცვას და ტურიზმის მდგრად განვითარებას.

26/06/2025

🟣 ილიას სახელმწიფო უნივერსიტეტის ტურიზმის პროგრამის საჯარო ლექციების ციკლის ფარგლებში ილიაუნის მოწვეული ლექტორის, დალილა ცატავას ხელმძღვანელობით გაიმართა საჯარო ლექცია/დისკუსია „ქართული სარესტორნო ბიზნესი“.
სტუდენტებს გამოცდილება გაუზიარეს ქართული გასტრონომიული და სარესტორნო ბიზნესის ცნობილმა წარმომადგენლებმა, მათ შორის იყვნენ 🔽
▪️ მერიკო გუბელაძე - რესტორატორი და ბრენდ-შეფი;
▪️ თამთა კიკალეიშვილი - რესტორატორი, ბრენდ-შეფი;
▪️ ქეთი სალაყაია - სატელევიზიო კონკურსის „შეფების ლიგა“ ჟიურის წევრი, რესტორატორი და ბრენდ-შეფი;
▪️ გიორგი იოსავა - რესტორატორი, ბრენდ-შეფი;
▪️ ალექსი ნათაძე - რესტორატორი, წისქვილი ჯგუფის ქსელების ბრენდ-შეფი;
▪️ მიშა ავსაჯანიშვილი - ტელეწამყვანი, „სამზარეულოს ომების“ ჟიურის წევრი;
▪️ მანუელ ფაუნდეს ბარანდა - სატელევიზიო კონკურსის „მასტერშეფი“ ჟიურის წევრი, ბრენდ-შეფი;
▪️ ავთანდილ ცეცხლაძე - სატელევიზიო კონკურსის „შეფების ლიგა“ ჟიურის წევრი, ბრენდ-შეფი;
▪️ რამაზ გემიშვილი - მსახიობი, კონდიტერი, ბრენდ-შეფი, რესტორატორი.
📌 შეხვედრის მიზანი იყო სტუდენტებს ახლოს გაეცნოთ ცნობილი რესტორატორები, მათი გამოცდილება და წარმატების ფორმულა, რათა სამომავლოდ გაითვალისწინონ, თუ რა მნიშვნელობა აქვს გასტრონომიულ გზამკვლევებს, სატელევიზიო შოუებს, კულინარიულ კონგრესებს, გამოფენებსა და ფესტივალებს. გაიაზრონ ამ ბიზნესის ეკონომიკური, კულტურული, აგრონომიული თუ ეთნიკური მნიშვნელობა და მისი პოტენციალი ტურისტული ბიზნესის განვითარებისათვის.

20/06/2025

ჩვენი ტურიზმის კლუბი ❤️

10/05/2025

ილიაუნის ტურიზმის სტუდენტური კლუბის ინიციატივით ,14 მაისს, 13:00 საათზე გვესტუმრება ცნობილი ბლოგერი და იუთუბერი — გიორგი დანელია 🎤

ის გაგვიზიარებს თავის მრავალფეროვან გამოცდილებას ტურიზმის სფეროში, გვიამბობს საინტერესო და შთამბეჭდავ ისტორიებს მოგზაურობებიდან და მოგვცემს რჩევებს, რაც სტუდენტებს წარმატების მიღწევაში დაეხმარება

📅 თარიღი: 14 მაისი
🕐 დრო: 13:00
📌 ლოკაცია: ჩოლოყაშვილის გამზ. N3/5, E405

გელოდებით! 🚀