12/06/2026
📜✨ 📜✨
სსიპ ქალაქ თბილისის №64 საჯარო სკოლაში ქართული ენისა და ლიტერატურის კათედრის ინიციატივით ჩატარდა კალიგრაფიის კონკურსი, რომლის მიზანი იყო მოსწავლეებში ქართული დამწერლობის სიყვარულის გაღვივება, ლამაზი ხელწერის განვითარება და შემოქმედებითი უნარების წახალისება.
კონკურსის ორგანიზებასა და პროცესში აქტიურად მონაწილეობდა ქართული ენისა და ლიტერატურის კათედრის წარმომადგენელი სალომე ჯინორიძე, ხოლო ჟიურის ერთ-ერთი წევრი გახლდათ ხელოვნების პედაგოგი ქეთევან ჯავახიძე.
კონკურსში მონაწილეობა მიიღო არაერთმა მოსწავლემ, რომლებმაც წარმოადგინეს გამორჩეული, საინტერესო და შემოქმედებითად შესრულებული ნამუშევრები. თითოეულ ნამუშევარში ნათლად ჩანდა შრომა, მონდომება, ინდივიდუალური სტილი და ქართული კალიგრაფიისადმი განსაკუთრებული დამოკიდებულება.
კონკურსის დასრულების შემდეგ გაიმართა მონაწილეთა დაჯილდოების ცერემონია. მონაწილეები დაჯილდოვდნენ სხვადასხვა ნომინაციაში:
🏆 „ყველაზე დეკორატიული ნამუშევარი“
🏆 „საუკეთესო ნამუშევარი ეროვნულ მოტივებზე“
🏆 „ყველაზე დინამიური ნამუშევარი“
🏆 „ყველაზე თვითმყოფადი ნამუშევარი“
🏆 „ყველაზე კლასიკური ნამუშევარი“
ნომინაციებში გამარჯვებულებთან ერთად განსაკუთრებული მადლიერება და შექება გადაეცათ ყველა მონაწილეს აქტიური ჩართულობისა და მაღალი ინტერესისათვის.
ვულოცავთ თითოეულ მონაწილეს! თქვენი ნამუშევრები იყო შთამაგონებელი, მრავალფეროვანი და ძალიან შთამბეჭდავი. გისურვებთ უდიდეს წარმატებას, ახალ იდეებსა და შემოქმედებით წინსვლას! ❤️
#კალიგრაფიისკონკურსი #64საჯაროსკოლა #ქართულიენა #კალიგრაფია #წარმატებულიმოსწავლეები
