TSU Institute Of Caucasology/ თსუ კავკასიოლოგიის ინსტიტუტი

18/08/2026

2026-2027 სასწავლო წლის შემოდგომის სემესტრში მაგისტრატურის საგანმანათლებლო პროგრამებზე დოკუმენტაციის მიღება მოხდება ელექტრონულად შემდეგ მისამართზე:

https://uni-can.tsu.ge/login?returnUrl=%2F (მისამართი გააქტიურდება 20 აგვისტოს).



თსუ-ს მიმღებ კომისიაში წარმოსადგენი დოკუმენტაციის ნუსხა:



ა) ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დამოწმებული ასლი (თსუ-ს კურსდამთავრებულისთვის - უნივერსიტეტის/შესაბამისი ფაკულტეტის მიერ, ხოლო სხვა შემთხვევაში - ნოტარიულად დამოწმებული ასლი; 2026 წლის კურსდამთავრებულთათვის - ცნობა აკადემიური ხარისხის მინიჭების თაობაზე);

ბ) პირადობის დამადასტურებელი მოწმობის (პასპორტის) ასლი;

გ) უცხო ენის ცოდნის დამადასტურებელი საერთაშორისო სერტიფიკატის/შეფასებისა და გამოცდების ეროვნული ცენტრის პროექტის - "CERTUS"-ის ფარგლებში გაცემული სერტიფიკატის ნოტარიულად დამოწმებული ასლი (ასეთის არსებობის შემთხვევაში);

დ) ქართული ენის B2 დონეზე ცოდნის დამადასტურებელი სერტიფიკატის ნოტარიულად დამოწმებული ასლი (საჭიროებისა და ასეთის არსებობის შემთხვევაში);

ე) წვევამდელის სამხედრო-სააღრიცხვო მოწმობის ასლი (ან სამხედრო ბილეთი);

ვ) უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში);

ზ) ფოტოსურათი (3X4) – 2 ცალი;

თ) სხვა დოკუმენტი, თუ ასეთს ითვალისწინებს სამაგისტრო პროგრამა.



რეგისტრაციის პროცესში წარმოშობილი დაბრკოლების/სირთულის შემთხვევაში შეგიძლიათ მიმართოთ ფაკულტეტის ადმინისტრაციას.



საკონტაქტო პირები: ზაალ გოგენია [email protected]; [email protected]; ტელ.: 2 25 04 84 (შიდა 1734 ).



აღნიშნული დოკუმენტები ელექტრონულად უნდა ატვირთოთ (21 – 27 აგვისტო) ელექტრონულ მისამართზე: https://uni-can.tsu.ge/login?returnUrl=%2F



18 და 21სექტემბერს (ხელშეკრულების გაფორმების პერიოდში) იგივე დოკუმენტები (შესაბამისი წესით დამოწმებული) მატერიალურად უნდა წარმოადგინოთ შესაბამის ფაკულტეტზე.



თსუ ჰუმანიტარულ მეცნიერებათა ფაკულტეტის სამაგისტრო პროგრამების ჩამონათვალი და მათი მოკლე დახასიათება იხილეთ აქ

დეტალური ინფორმაცია სამაგისტრო პროგრამების შესახებ და და საგამოცდო საკითხები იხილეთ ფაკულტეტის ვებგვერდზე აქ



წარმატებებს გისურვებთ!

თსუ ჰუმანიტარულ მეცნიერებათა ფაკულტეტის ადმინისტრაცია

18/08/2026

https://tsu.ge/ka/faculty/%E1%83%B0%E1%83%A3%E1%83%9B%E1%83%90%E1%83%9C%E1%83%98%E1%83%A2%E1%83%90%E1%83%A0%E1%83%A3%E1%83%9A%20%E1%83%9B%E1%83%94%E1%83%AA%E1%83%9C%E1%83%98%E1%83%94%E1%83%A0%E1%83%94%E1%83%91%E1%83%90%E1%83%97%E1%83%90%20%E1%83%A4%E1%83%90%E1%83%99%E1%83%A3%E1%83%9A%E1%83%A2%E1%83%94%E1%83%A2%E1%83%98/news/%E1%83%9B%E1%83%98%E1%83%A6%E1%83%94%E1%83%91%E1%83%90-%E1%83%9B%E1%83%90%E1%83%92%E1%83%98%E1%83%A1%E1%83%A2%E1%83%A0%E1%83%90%E1%83%A2%E1%83%A3%E1%83%A0%E1%83%98%E1%83%A1-%E1%83%A1%E1%83%90%E1%83%92%E1%83%90%E1%83%9C%E1%83%9B%E1%83%90%E1%83%9C%E1%83%90%E1%83%97%E1%83%9A%E1%83%94%E1%83%91%E1%83%9A%E1%83%9D-%E1%83%9E%E1%83%A0%E1%83%9D%E1%83%92%E1%83%A0%E1%83%90%E1%83%9B%E1%83%94%E1%83%91%E1%83%96%E1%83%94-2026-2027-%E1%83%A1-%E1%83%AC-%E1%83%A8%E1%83%94%E1%83%9B%E1%83%9D%E1%83%93%E1%83%92%E1%83%9D%E1%83%9B%E1%83%98%E1%83%A1-%E1%83%A1%E1%83%94%E1%83%9B%E1%83%94%E1%83%A1%E1%83%A2%E1%83%A0%E1%83%A8%E1%83%98____________________?fbclid=IwdGRzaATxlB1jbGNrBPGT63Bkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEeHrGXunBItvfGTo0GVScWBFjOrxtdAxfre94uKj3TJhJjGfFsXDPpWQ9pj6o_aem_brEyaMe-8agXEl_P05xtsQ

გამოცხადდა მიღება თსუ ჰუმანიტარულ მეცნიერებათა  ფაკულტეტის მაგისტრატურის საგანმანათლებლო პროგრამებზე 2026-20...

03/08/2026

https://shorturl.at/P2e2nhttps://shorturl.at/P2e2n

01/08/2026

კავკასიოლოგთა III საერთაშორისო ლინგვისტურ-ანთროპოლოგიური კონგრესი, მიძღვნილი ივანე ჯავახიშვილის დაბადებიდან 150 წლისთავისადმი.

თსუ ჰუმანიტარულ მეცნიერებათა ფაკულტეტის კავკასიოლოგიის სასწავლო-სამეცნიერო ინსტიტუტი გაცნობებთ, რომ ივანე ჯავახიშვილის სახელობის თბილისის სახელმწიფო უნივერსიტეტში გაიმართება კავკასიოლოგთა III საერთაშორისო ლინგვისტურ-ანთროპოლოგიური კონგრესი, რომელიც ჩატარდება თბილისში 2026 წლის 16-18 ოქტომბერს.

კონგრესის მიზანია, კომპლექსურად წარმოადგინოს კავკასიის ლინგვისტური, ანთროპოლოგიური, კულტურულ-ისტორიული პორტრეტი არქაული პერიოდებიდან თანამედროვე ვითარებამდე, ამიტომ სამეცნიერო ფორუმი იმუშავებს შემდეგი მიმართულებებით:
v იბერიულ-კავკასიურ ენათა სტრუქტურისა და ისტორიის აქტუალური საკითხები. ისტორიულ-შედარებითი, აღწერითი და არეალურ-ტიპოლოგიური კვლევები;
v კავკასიის ხალხთა ანთროპოლოგია;
v კავკასიის ისტორია და წყაროთმცოდნეობა;
v ისტორიული გეოგრაფიისა და დემოგრაფიის საკითხები;
v კავკასიის ეთნოლოგია/ეთნოგრაფია;
v კავკასიის პალეოგრაფია;
v ქართულ-კავკასიურ ურთიერთობათა ისტორიულ-ფილოლოგიური ასპექტები;
v ლიტერატურათმცოდნეობა და ლიტერატურის ისტორია;
v კავკასიის არქეოლოგიური კულტურები;
v კავკასიის ხალხთა ფოლკლორი, მითოლოგია, კულტურა/კულტურის ისტორია;
v კავკასიის ხელოვნებათმცოდნეობა და ხელოვნების ისტორია;
v კავკასიის ჰერალდიკა და ნუმიზმატიკა.
ყოველ მონაწილეს შესაძლებლობა ექნება, სურვილისამებრ, შექმნას საავტორო პანელი.

ლიცენზირებული უნივერსიტეტების ხელმძღვანელთა საყურადღებოდ: ვინაიდან იმუშავებს სტუდენტთა სპეციალური სექცია, გთხოვთ, გააცნოთ საინფორმაციო წერილი სტუდენტებს (ბაკალავრი მესამე კურსიდან და ზემოთ, მაგისტრი/მაგისტრანტი, დოქტორანტი), რომლებიც უფლებამოსილნი არიან, წარდგნენ კონგრესის წინაშე მომხსენებელთა სტატუსით.
სამუშაო ენები: ქართული, ინგლისური და რუსული.
მასალები მიიღება 2026 წლის 30 ივლისამდე.
ტექნიკური მოთხოვნები:
v ფაილის რედაქტორი — MS Word;
v ფაილის სათაურის ფორმატი — გვარი_სახელი.doc(x)
v გვერდის ზომა — A4;
v შრიფტი ძირითადი ტექსტისათვის — Sylfaen
v შრიფტის ზომა — 11, ხაზებს შორის ინტერვალი — 1.15;
v შრიფტი საენათმეცნიერო ტრანსკრიფციისათვის — ICL_Symbol (ისეთი სიმბოლოებისთვის, რომლებიც შეიძლება არ აღმოჩნდეს ამ შრიფტში, გთხოვთ გამოიყენოთ TITUS Bitstream Unicode ან გამოგვიგზავნოთ თქვენ მიერ შერჩეული შრიფტის TrueType ან OpenType ფორმატის ფაილი);
v ტექსტის მოცულობა — მაქს. 1000 სიტყვა.
მასალები მიიღება მხოლოდ ელექტრონული სახით მისამართზე: [email protected]
სარეგისტრაციო ფორმა იხ. ბმულზე: https://forms.gle/1NhNW4hLPLGNBVun8

კონგრესის ჩატარების ფორმატი — ჰიბრიდული.
აუცილებელი განმარტება: ავტორი, რომელიც არ წარმოადგენს მოხსენებას/პრეზენტაციას მის მიერ არჩეული ფორმატით, ვერ მიიღებს მონაწილის სერთიფიკატს და, შესაბამისად, მასალებიც არ გამოქვეყნდება.

პატივისცემით
კონგრესის საორგანიზაციო კომიტეტი

16/07/2026

გილოცავთ! ფილოლოგიის სადოქტორო პროგრამის დოქტორანტ ელვირა ასლანოვის სადისერტაციო ნაშრომის - „აზერბაიჯანული ენის ყაზახური დიალექტი საქართველოში“ საჯარო დაცვა.წარმატებები ჩვენს ძვირფას კოლეგას!

15/07/2026

პარასკევს, 17 ივლისს, 14.00 საათზე, არნ. ჩიქობავას კაბინეტ-მუზეუმში შედგება
დოქტორანტ ნინო ბენდუქიძის კოლოკვიუმი თემაზე:

"ვითარებითობის გამოხატვა აფხაზურ-ადიღურ ენებში",

ხელმძღვანელი : ასოც. პროფ ნანა მაჭავარიანი;

რეცენზენტი : პროფ. მერაბ ჩუხუა.

26/06/2026

2026 წლის 7 ივლისს, 16:00 საათზე თსუ I კორპ. 201 აუდიტორიაში გაიმართება ფილოლოგიის სადოქტორო პროგრამის დოქტორანტ ელვირა ასლანოვის სადისერტაციო ნაშრომის - „აზერბაიჯანული ენის ყაზახური დიალექტი საქართველოში“ საჯარო დაცვა.

26/06/2026

https://www.tsu.ge/ka/faculty/%E1%83%B0%E1%83%A3%E1%83%9B%E1%83%90%E1%83%9C%E1%83%98%E1%83%A2%E1%83%90%E1%83%A0%E1%83%A3%E1%83%9A%20%E1%83%9B%E1%83%94%E1%83%AA%E1%83%9C%E1%83%98%E1%83%94%E1%83%A0%E1%83%94%E1%83%91%E1%83%90%E1%83%97%E1%83%90%20%E1%83%A4%E1%83%90%E1%83%99%E1%83%A3%E1%83%9A%E1%83%A2%E1%83%94%E1%83%A2%E1%83%98/events/4702

2026 წლის  7 ივლისს, 16:00 საათზე  თსუ I კორპ. 201  აუდიტორიაში  გაიმართება ფილოლოგიის სადოქტორო პროგრამის დოქ...