ვალდორფის ბაღი გლდანში • Waldorfkindergarten In Gldani

ვალდორფის პედაგოგიკა და მისი უპირატესობები

ვალდორფის საბავშვო ბაღი, ვალდორფის პედაგოგიკის შემადგენელი ნაწილია, რომელიც ავსტრიელი ფილოსოფოსისა და პედაგოგის რუდოლფ შტაინერის ზოგად ადამიანთმცოდნეობას ეფუძნება;

პირველი ვალდორფის სკოლა გაიხსნა გერმანიაში, ქ. შტუტგარტში 1919 წელს. ვალდორფის პედაგოგიკა უკვე 90 წელს ითვლის. დღეისთვის მსოფლიოს 60 ქვეყანაში 1000-მდე ვალდორფის სკოლა და 2000-მდე ვალდორფის საბავშვო ბაღი არსებობს;

ვალდორფის პედაგოგიკის მიხედვით, ბავშვის განვითარებაში განსაკუთრებული ადგილი უჭირავს პირველ შვიდწლეულს. ამ პერიოდში ძირითადად ყალიბდება ფიზიკური სხეული და მნიშვნელოვანია ამ პროცესის ხელშეწყობა; ის რაც განვითარების ამ ეტაპზე ხდება, იქნება ეს პოზიტიური თუ ნეგატიური, გავლენას ახდენს მის ჯანმრთელობასა და იმ უნარების ჩამოყალიბებაზე, როგორებიცაა გამართული მეტყველება, აზროვნება და კონცენტრაცია;

 ...