სკოლა-პანსიონი კომაროვი • Komarovi Campus School

14 აპრილი დედაენის დღეა!

ქართული ენა ჩვენი იდენტობის, ისტორიისა და კულტურის უმთავრესი საყრდენია. ის აერთიანებს თაობებს და ინარჩუნებს ერის თვითმყოფადობას.

48 წლის წინ, ამ დღეს, საქართველოს მოსახლეობამ მშვიდობიანი გამოსვლებით დაიცვა ქართული ენის სახელმწიფოებრივი სტატუსი და კიდევ ერთხელ დაამტკიცა საზოგადოების ერთიანობის ძალა.

სასკოლო გარემო განსაკუთრებულ როლს ასრულებს ენისადმი სიყვარულისა და პასუხისმგებლობის ჩამოყალიბებაში.
ქართული ენა მხოლოდ საგანი არ არის, ის აზროვნების, კულტურისა და ეროვნული თვითშეგნების საფუძველია.

გილოცავთ დედაენის დღეს!

„აპრილის კვირეულის“ ფარგლებში წარმოგიდგენთ კომაროვის სკოლის მოსწავლეების მიერ შექმნილ პოსტერებს.

გილოცავთ აღდგომის ბრწყინვალე დღესასწაულს! 🌟💜

1991 წლის 31 მარტი, საქართველოს უახლეს ისტორიაში ერთ-ერთი უმნიშვნელოვანესი თარიღია.

35 წლის წინ, კითხვაზე:
,,თანახმა ხართ თუ არა, აღდგეს საქართველოს სახელმწიფოებრივი დამოუკიდებლობა 1918 წლის 26 მაისის აქტის საფუძველზე?“

ხალხმა თითქმის ერთხმად, 98.08%-მა უპასუხა:-დიახ.

ეს იყო ხმა თავისუფლებისთვის.
ხმა, რომელმაც ისტორიის მიმართულება შეცვალა.

გვჯერა, რომ თავისუფლება იწყება ცოდნით,
იმ ცოდნით, რომელიც გვასწავლის, რას ნიშნავს არჩევანის თავისუფლება და რა ფასად მოდის ის.

#31მარტი #დამოუკიდებლობა #კომაროვი🇬🇪✊

კომაროვის სკოლა მხოლოდ მაღალი სტანდარტის განათლების მიღების ადგილი არ არის, ეს არის სივრცე, სადაც თაობები ერთმანეთთან მჭიდროდ ერთიანდებიან და ერთი დიდი ოჯახის ნაწილად იქცევიან.

☑️ამ კავშირის ნათელი მაგალითია წარმატებული კურსდამთავრებულების სტუმრობა კომაროვის სკოლაში. ამჯერად სკოლას „მეთერსის“ თანადამფუძნებლები ესტუმრნენ. მათ მოსწავლეებს საკუთარი ემოციები გაუზიარეს და აღნიშნეს, რომ კომაროვში გატარებული წლები მათი ცხოვრების ერთ-ერთი ყველაზე ძვირფასი პერიოდი იყო.

📌 გაიხსენეს ის მნიშვნელოვანი ეტაპიც, როცა სკოლას ამთვარებდნენ და საბანკეტო სამოსზე ბევრს ფიქრობდნენ. სწორედ ამ მოგონებამ შთააგონა ისინი, რომ პანსიონში მცხოვრებ გოგონებს საბანკეტო კაბები თავად შეუკერონ და საჩუქრად გადასცენ.

დღეს უკვე წარმატებული კომაროველები საკუთარ თავს კვლავ იმ მოსწავლეებში ხედავენ, რომლებიც სასკოლო განათლებას იღებენ და მათ მსგავს გზას გადიან.

🟣მხარდაჭერა და სიყვარული, ეს არის ის ღირებულებები, რომლებსაც კომაროვის კურსდამთავრებულები მუდმივად უბრუნებენ საკუთარ სკოლას.
ადგილი, სადაც თითოეული თაობა მომდევნოს სითბოთი და პასუხისმგებლობით ხვდება.

კომაროვის სკოლის ორგანიზებით გაიმართა ევროპის უნივერსიტეტების კონსორციუმის (EUC) წარმომადგენლების შეხვედრა, რომლის ფარგლებშიც მოსწავლეებს საერთაშორისო განათლების მრავალფეროვანი შესაძლებლობები გააცნეს.

შეხვედრაში მონაწილეობდნენ ისეთი პრესტიჟული უნივერსიტეტები, როგორიცაა IE University (ესპანეთი), Bocconi University (იტალია), Modul University Vienna (ავსტრია), Constructor University (გერმანია) და Brussels School of Governance (ბელგია).

პრეზენტაციისა და გამოფენის ფარგლებში მოსწავლეებმა მიიღეს ამომწურავი ინფორმაცია სასწავლო პროგრამების, მიღების პროცედურების, სტიპენდიებისა და ევროპაში სტუდენტური ცხოვრების შესახებ.

შეხვედრა ინტერაქტიულ ფორმატში გაგრძელდა, სადაც თითოეულ დაინტერესებულ მოსწავლეს შესაძლებლობა ჰქონდა მიეღო ინდივიდუალური რეკომენდაციები და დაესვა მისთვის მნიშვნელოვანი კითხვები.

მსგავსი ტიპის შეხვედრები კომაროვის სკოლაში აქტიურად ტარდება, რაც ხელს უწყობს საერთაშორისო განათლების ხელმისაწვდომობის ზრდას და მოსწავლეთა განვითარებას საერთაშორისო მასშტაბით.

🌟,,კომაროვის სკოლა არაა მხოლოდ ფიზიკა-მათემატიკური სკოლა-ეს ცხოვრების სტილია, რომელსაც ნიჭიერი ახალგაზრდები ირჩევენ და დისციპლინას საკუთარ განსაკუთრებულ ნიჭთან ერთად შესაძლებლობად გარდაქმნიან.

კომაროვი არ არის უბრალოდ სკოლა ბიჭებისა და გოგონებისთვის -ეს არის მონდომებული ადამიანების გარემო, სადაც მხარდაჭერა, დაბრკოლებების გადალახვა და მიზნისკენ ღირსეული მეთოდებით სწრაფვა ყოველდღიურობის ნაწილია.

📢ამ სკოლამ და გარემომ ჩემზე დიდი გავლენა მოახდინა მრავალი მიზეზის გამო. აქ ვისწავლე, როგორ ავდგე ყოველი წარუმატებლობის შემდეგ და განვაგრძო გზა მიზნისკენ; არ შემეშინდეს იმ გამოწვევების, რომლებიც შეიძლება შეხედულებებმა, კონკრეტულმა სიტუაციამ ან კონტექსტმა დამიწესოს.

🟣აქ იჯერებ, რომ სწორად დანახული მიზანი ყოველთვის მიღწევადია, ხოლო მისკენ მიმავალი გზა საინტერესო და მრავალწახნაგოვანია, რომელ სფეროშიც არ უნდა გააგრძელო შენი კარიერული გზა.“

რუსო სანაძე, IT პროფესიონალი, 25-წლიანი გამოცდილებით;
განათლების მეცნიერებათა დოქტორი;
თსუ-ის ასოცირებული პროფესორი;
ალტე უნივერსიტეტის IT სკოლის დეკანი, ინოვაციებისა და მეწარმეობის ცენტრის ხელმძღვანელი.

#წარმატებულიქალიკომაროველები

სკოლა-პანსიონი კომაროვი • Komarovi Campus School

🌟,,კომაროვმა მომცა არამხოლოდ მათემატიკური აზროვნება, რომელიც ცხოვრების თითქმის ყველა სფეროში გამომადგა, არამედ ადამიანური ფასეულობების მთელი სისტემა და საუკეთესო მეგობრები.

ჩემი კლასი 3 გოგოსა და 22 ბიჭისგან შედგებოდა. დღეს რომ ვუფიქრდები, ამის მიზეზი ალბათ ის გავრცელებული სტიგმა იყო, რომ ტექნიკური საგნები ბიჭების სფეროა, თუმცა კომაროვი ბევრად მეტია ვიდრე უბრალოდ საგანი, ის არ არის მხოლოდ ფიზიკა და მათემატიკა, ის არის აზროვნების განსაკუთრებული სტილი.
ხოლო როცა ანალიტიკური უნარი ერწყმის კრეატიულობას, მაშინ გავდივართ საუკეთესო შედეგებზე.

📢კომაროვში სწავლა მარტივი ნამდვილად არ არის, თუმცა ის სირთულეები და გამოწვევები რისი გადალახვაც აქ გიწევს, სამომავლოდ მხოლოდ გაძლიერებს და საკუთარი თავის რწმენას გიყალიბებს. ბევრჯერ გამიხსენებია ჩემი თავისთვის - თუ სამოსნობიდან შევძელი და საბოლოოდ როგორც მედალოსანმა დავამთავრე სკოლა, სხვა დანარჩენსაც შევძლებ.

🟣გოგონებს კი ვეტყოდი - ნუ შეიზღუდავთ თავს სტერეოტიპებით, ნიჭს და მონდომებას სქესი არ აქვს.''

Mariam Tchanturia-Mastercard-ის რეგიონული მარკეტინგის ხელმძღვანელი და University of Oxford-ის ბიზნესის სკოლის მაგისტრი.

#წარმატებულიქალიკომაროველები

სკოლა-პანსიონი კომაროვი • Komarovi Campus School