10/06/2026
სსიპ საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის სოციალური მუშაკების ორგანიზებით, Სსიპ ქალაქ თბილისის N61 საჯარო სკოლაში, გაიმართა შეხვედრა მომავალი პირველკლასელების მშობლებთან.
შეხვედრის მიზანი მომავალი პირველკლასელების სკოლაში ეფექტური ტრანზიციის პროცესის ხელშეწყობა გახლდათ. პირველი კლასი ბავშვის ცხოვრებაში ახალი და მნიშვნელოვანი ეტაპია, ამ პროცესს ახლავს მღელვარება, შიშები და მოლოდინები.
ტრანზიცია - განიხილება, როგორ პროცესი, რომელიც გულისხმობს ბავშვის შესვლას ან/და გადასვლას სხვადასხვა სოციალური, საგანმანათლებლო მომსახურებიდან ან ოჯახიდან ზოგადი განათლების სისტემაში.
შეხვედრის ფარგლებში მშობლებს ჰქონდათ შესაძლებლობა გაცნობოდნენ სასკოლო სოციალური მუშაობის არსს, რომელიც გულისხმობს მოსწავლის მხარდაჭერას სკოლაში ადაპტაციის, სწავლასა თუ თანატოლებთან ურთიერთობის პროცესში. პრაქტიკული სავარჯიშოების დახმარებით მშობლებმა გააცნობიერეს ტრანზიციის პროცესთან დაკავშირებული ემოციები. გაირკვა, რომ ყველაზე მეტი შიში ადაპტაციას და ემოციურ მდგომარეობას უკავშირდება - "შეეგუება თუ არა?", „ეყოლება თუ არა მეგობრები“ ....
სოციალურმა მუშაკებმა, მშობლებთან ერთად იმუშავეს იმ მარტივ, მაგრამ დიდი მნიშვნელობის მქონე, შვილთან კომუნიკაციის ფორმებზე, რომლებიც ბავშვისათვის იქნება მხარდამჭერი ამ პროცესში: „მე მჯერა შენი“, „მე ყოველთვის მოვუსმენ შენს ამბებს.“, „შეგიძლია მასწავლებელს უთხრა, თუ რაიმე დაგჭირდება.“...
