1963 წელს კერამიკის კათედრის ბაზაზე შეიქმნა მინა-პლასტმასის განყოფილება.1967 წლიდან მინის მხატვრული დამუშავების სპეციალობა შეუერთდა კერამიკის კათედრას და ეწოდება კერამიკა - მინის კათედრა.2005 წლიდან სპეციალობა დამოუკიდებელ მიმართულებად არსებობს დიზაინის ფაკულტეტის შემადგენლობაში.მინა, როგორც მასალა, ცალკე ერთეულად აღარ მოიაზრება. მისი ურთიერთსინთეზი სხვადასხვა მასალასთან (ლითონი, თიხა და სხვა) საკმაოდ რთული ტექნოლოგიური პროცესია. სწორედ მრავალფეროვანი მასალების ურთიერთგამოყენებამ შესძინა მინას განუმეორებელი ელფერი. ამიტომაც იგი ფართოდ გამოიყენება არქიტექტურაში, ექსტერიერსა თუ ინტერიერში. თანამედროვე მინის ტექნიკის და ტექნოლოგიების საშუალებებით იქმნება ახალი ვიზუალური რეალობა არსებულ რეალობაში. ამ კუთხით დანახული დარგის განვითარების პოლიტიკა და სტრატეგია აისახა მინის მიმართულების პროგრამებში. ეს პროგრამები უზრუნველყოფილია მაღალი პროფესიონალური კადრებითა და თანამედროვედ მოწყობილი ბაზებით.
მიმართულების ხელმძღვანელი: ასოცირებული პროფესორი თამარ გრიგოლია
მხატვრული მინა:
მხატვრული მინის საბაკალავრო პროგრამა ორიენტირებულია სხვადასხვა ტიპის მხატვრულ - სადიზაინერო, მინის ტექნოლოგიებით დამუშავებულ კლასიკური და თანამედროვე ვიტრაჟის, მინის დეკორატიული ქანდაკების, ფერწერული მინის პლასტების, მოზაიკა ექსტერიერში და ინტერიერში, განათების სისტემების, დეკორატიული სივრცობრივი ობიექტების შესწავლაზე.
საბაკალავრო პროგრამის გავლის შემდეგ კურსდამთავრებულებს შეუძლიათ შეასრულონ მაღალმხატვრული ნამუშევრები; დასაქმდეს მინის მცირე საწარმოში; ხელოვნებისა და კულტურის დაწესებულებებში; არქიტექტურულ ობიექტბზე გაფორმებითი სამუშაოებისათვის; მიიღოს მონაწილეობა საგალერეო,საგამოფენო, სალონურ საქმიანობაში....
მხატვრული მინის საბაკალავრო პროგრამა მოიცავს 240 კრედიტს ..პროგრამა აკრედიტებულია..
სწავლება მიმდინარეობს ქართულ ენაზე..
სწავლის დასრულების შემდეგ სტუდენტს ენიჭება ხელოვნების ბაკალავრის კვალიფიკაცია..
ხელოვნების მაგისტრი მხატვრული მინის დიზაინი სპეციალობით
სამაგისტრო პროგრამა ითვალისწინებს მხატვრული მინის ძირითადი პრინციპების საფუძვლიან შესწავლა - გაცნობიერებას შემოქმედებით,სამრეწველო -გამოყენებით სფეროში.ამ სფეროებისათვის აუცილებელი კრეატიული და ტექნოლოგიური კვლევითი უნარების ჩამოყალიბებასა და განვითარებას.
კურსდამთავრებულს შეეძლება დამოუკიდებლად განახორციელოს ორიგინალური,ექსკლუზიური მინის მასალის ტექნოლოგიური კვლევა და კვლევისშედეგებზე დაყრდნობით მოახდინოს საკუთარი ჩანაფიქრის მოდიფიცირება სხვადასხვა სინთეზური მასალების გამოყენებით.
მხატვრული მინის დიზაინის მიმართულება მოიცავს 125 კრედიტს.. სამაგისტრო პროგრამა აკრედიტებულია.
სწავლება მიმდინარეობს ქართულ ენაზე.
სწავლის დასრულების შემდეგ სტუდენს ენიჭება ხელოვნების მაგისტრის კვალიფიკაცია:
