School Of Technology • Ilia State university

📣 შიდა მობილობა ტექნოლოგიის სკოლის საბაკალავრო პროგრამებზე 2025-2026 სასწავლო წლის გაზაფხულის სემესტრისთვის

დამატებითი ინფორმაციისთვის ეწვიეთ ბმულს: 🔗 https://shorturl.at/956aW

📣 გარე მობილობა 2025-2026 სასწავლო წლის გაზაფხულის სემესტრისთვის ტექნოლოგიის სკოლის საბაკალავრო საგანმანათლებლო პროგრამებზე

დეტალური ინფორმაცია იხილეთ ბმულზე: 🔗 https://shorturl.at/tyyY2

🌍 ახალი საერთაშორისო შესაძლებლობები ილიაუნისთვის

18 ნოემბერს ილიას სახელმწიფო უნივერსიტეტის რექტორმა ნინო დობორჯგინიძემ შეხვედრები გამართა ლიუბეკის ტექნიკური უნივერსიტეტის რექტორთან, დოქტ. მურიელ ჰელბიგთან, ვიცე-რექტორთან, პროფ. კარენ კაბოსა და გამოყენებითი მეცნიერებების, ელექტრული, ელექტრონული და კომპიუტერული ინჟინერიის მიმართულებების პროფესორებთან.

📡ლიუბეკის ტექნიკურ უნივერსიტეტთან გაფორმდა თანამშრომლობის მემორანდუმი, რომლის მიზანია ტექნოლოგიის სფეროში კვლევითი პროექტების მხარდაჭერა, გერმანელ და ქართველ სტუდენტებსა და აკადემიურ პერსონალს შორის მობილობისა და ტექნოლოგიური მიმართულების პროგრამების სტუდენტებისთვის სეზონური სკოლების ორგანიზების ხელშეწყობა.

ვრცლად იხილეთ: https://tinyurl.com/4485k5tb

📸 Technische Hochschule Lübeck

🟣 ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი გამართავს საჯარო შეხვედრებს სამუშაო გარემოში არსებული გამოწვევებისა და მათი ეფექტური გადაჭრის გზებზე სასაუბროდ.

🔹 შეხვედრებს გაუძღვება ორგანიზაციული ფსიქოლოგი საბა ჩიხლაძე, რომელიც სტუდენტებთან, აკადემიურ პერსონალთან და სხვადასხვა სფეროს პროფესიონალებთან ერთად განიხილავს პიროვნული გადაწყვეტილებების, ურთიერთობების და ძალაუფლების გავლენას სამუშაო გარემოზე.

📌 მომხსენებელი სამუშაო გარემოს სირთულეების ილუსტრაციისთვის განიხილავს შექსპირის ტრაგედიებს, როგორც თეორიულ და ანალიტიკურ პარადიგმას.

📅 თარიღი და დრო: 22, 23, 24, 26 დეკემბერი, 17:00 საათი
📝 მონაწილეობისთვის, გთხოვთ გაიარეთ რეგისტრაცია: https://forms.gle/zDzfwz34tP2GyKu98

ვრცლად: https://shorturl.at/6L9KC

🟣 27 ნოემბერს ილიას სახელმწიფო უნივერსიტეტმა უმასპინძლა საქართველოს ხელოვნური ინტელექტის ასოციაციის მიერ ორგანიზებულ საჯარო ლექციების ციკლის პირველ ღონისძიებას „AI და მედიცინა: ხელოვნური ინტელექტი დიაგნოსტიკაში“.

👤 ექიმმა-რადიოლოგმა, პროფესორმა მიხეილ ოკუჯავამ და AI სტარტაპ „ბიტერიუმის“ თანადამფუძნებელმა ქეთევან ბოსიკაშვილმა განიხილეს, როგორ ცვლის ხელოვნური ინტელექტი თანამედროვე დიაგნოსტიკის პროცესს, რა შესაძლებლობებს ქმნის ტექნოლოგია მედიცინისთვის და რა გამოწვევებთან უწევთ გამკლავება პროფესიონალებს. შეხვედრაში მონაწილეობდნენ სხვადასხვა ფაკულტეტის სტუდენტები, პროფესორები, ექიმები, მკვლევრები და ჯანდაცვის სფეროს წარმომადგენლები.

📝 პლატფორმა „AI და მედიცინა: ხელოვნური ინტელექტი დიაგნოსტიკაში“ ცოდნისა და გამოცდილების გაზიარების ახალი, განსხვავებული შესაძლებლობაა. მისი მიზანია სხვადასხვა მიმართულების სტუდენტების, პროფესიონალებისა და აკადემიური პერსონალის გაერთიანება AI-ის განვითარებით გამოწვეულ ცვლილებებზე მსჯელობისა და ამ ცვლილებებისთვის მომზადებისთვის. ამისთვის დაგეგმილია მრავალფეროვანი შეხვედრები.

📣 3 დეკემბერს, 19:00 საათზე, ილიას სახელმწიფო უნივერსიტეტის არქიტექტურის პროგრამის ორგანიზებით ილიაუნის H105 აუდიტორიაში გაიმართება შვეიცარიელი ლანდშაფტის არქიტექტორის, ლუდგერ კრაბეს საჯარო ლექცია „ურბანული ცვლილებები და მდგრადი საჯარო სივრცეების მნიშვნელობა“.

📝 მომხსენებელი განიხილავს ბაზელში დაარსებული სახელოსნოს, ბრიუმის (BRYUM), პროექტებს და ღია სივრცეებზე დაფუძნებულ ურბანული დაგეგმარების მიდგომებს, რომლებიც ადამიანების ყოველდღიურობასა და გარემოს აუმჯობესებენ.

📌 დისკუსია სტუდენტური არქიტექტურული ვორკშოპის „მდგრადი დიზაინი მწვანე სივრცეებისთვის“ საჯარო პროგრამის ნაწილია. ვორკშოპი ილიას სახელმწიფო უნივერსიტეტში 3-7 დეკემბერს გაიმართება. მისი მიზანია ურბანული მწვანე სივრცეების მოწყობისას მდგრადი გადაწყვეტებისა და თანამონაწილეობითი პრაქტიკების შესახებ ცოდნის გაღრმავება. ღონისძიების მხარდამჭერია ჰაინრიჰ ბიოლის ფონდის თბილისის ოფისი.

🌐 სამუშაო ენა: ინგლისური
📅 დრო: 3 დეკემბერი, 19:00 საათი
📍 მისამართი: ილიას სახელმწიფო უნივერსიტეტის H105 აუდიტორია, ქ. ჩოლოყაშვილის გამზ. N3/5

სრული ინფორმაციისთვის: https://shorturl.at/UhF6M

დასწრება თავისუფალია.

📣 5 დეკემბერს, 19:00 საათზე, ილიას სახელმწიფო უნივერსიტეტის არქიტექტურის პროგრამის ორგანიზებით ილიაუნის H105 აუდიტორიაში გაიმართება საჯარო დისკუსია „მდგრადი დიზაინი კლიმატის კრიზისის ეპოქაში – საქართველოს გამოცდილება“.

👥 საჯარო დისკუსიაზე გარემოს დაცვის სპეციალისტები კახა ბახტაძე და სალომე დვალი ისაუბრებენ, რა სურათია საქართველოში და როგორია ურბანულ და არქიტექტურულ სფეროებში დაგროვებული გამოცდილება.

🌐 სამუშაო ენა: ქართული
📅 დრო: 5 დეკემბერი, 19:00 საათი
📍 მისამართი: ილიას სახელმწიფო უნივერსიტეტის H105 აუდიტორია, ქ. ჩოლოყაშვილის გამზ. N3/5

სრული ინფორმაციის სანახავად ეწვიეთ: https://shorturl.at/5afQr

დასწრება თავისუფალია.

For the English version, please see the link: https://shorturl.at/exGR2

🔵 ილიას სახელმწიფო უნივერსიტეტის არქიტექტურისა და ურბანული კვლევების ლაბორატორია (ცენტრი) ახორციელებს პროექტს „საბურთალოს ურბანული ცვლილებები“, რომელიც, ერთი მხრივ, შეისწავლის საბურთალოს ურბანული ტრანსფორმაციის პროცესს მე-19 საუკუნის ბოლოდან 1990-იან წლებამდე, მეორე მხრივ, საბინაო მშენებლობის არქიტექტურულ მახასიათებლებსა და თავისებურებებს.

📌 2 დეკემბერს, 18:00 საათზე, პროექტის ფარგლებში ონლაინ გაიმართება მესამე სემინარი.

📝 პირველ ნაწილში (18:00-19:00) ნაჩვენები იქნება ფილმი „ჩემი სოციალისტური სახლი“ (რეჟისორები: იულია სტატიკა და ადრიან ქატუ, 2021), შემდეგ გაიმართება (19:00-19:40) დისკუსია ფილმის ერთ-ერთ ავტორთან, იულია სტატიკასთან.

🎥 ფილმი გვიყვება ბუქარესტში, სოციალისტურ საცხოვრებელ ბლოკში მცხოვრები ხუთი ქალის გამოცდილებაზე და მათ მოგონებებს კომუნისტური ეპოქის დროინდელ რუმინეთში.

📅 დრო: 2 დეკემბერი, 18:00 საათი
🖥️ ფორმატი: ონლაინ
🔗 ზუმის ბმული: https://shorturl.at/POIlv

ვრცლად: https://shorturl.at/lX2py

საერთაშორისო ჰაკათონი DIGIEDUHACK 2025

🔵 14-16 ნოემბერს ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრის ორგანიზებით გაიმართება ჰაკათონი DIGIEDUHACK 2025: Rethinking Education in the Age of Digital Skillსაერთაშორისო პროექტის DigiEduHack ფარგლებში.

📌 პროექტი EIT-ის (ინოვაციისა და ტექნოლოგიის ევროპული ინსტიტუტი) ციფრული განათლების სამოქმედო გეგმით ხორციელდება. DigiEduHack 2019 წლიდან აქტიურად მიმდინარეობს მთელი ევროპის გარეთ და მის ფარგლებს გარეთ და მონაწილე გუნდებს აერთიანებს განათლების უკეთესი მომავლის შესაქმნელად.

👥 მონაწილეობა შეუძლიათ 16 წლის ზემოთ სტუდენტებს, მასწავლებლებს, მოსწავლეებს, ანტრეპრენერებს, ინოვატორებსა და ციფრული განათლებით დაინტერესებულ ნებისმიერ პირს.

🚀 მონაწილეები იმუშავებენ ინოვაციურ იდეებზე, რომლებიც ხელს შეუწყობს განათლების განვითარებას ციფრული ტექნოლოგიების საშუალებით. პროექტების მიზანია ცოდნის გავრცელების ხელშეწყობა, ინკლუზიურობის ზრდა და თანამედროვე გამოწვევებზე პასუხი.

📌 12 ნოემბერს, 19:00 საათზე, ონლაინ გაიმართება საინფორმაციო შეხვედრა ჰაკათონის შესახებ. დაინტერესებულ პირებს დასწრება შეუძლიათ ბმულის საშუალებით: https://meet.google.com/coc-updt-voi

🔗 სარეგისტრაციო ბმული: https://forms.gle/H4ftpgJpm5KGcXCc7
📅 რეგისტრაციის ბოლო ვადა: 13 ნოემბერი, 23:59 საათი
📍 ღონისძიება გაიმართება ილიას სახელმწიფო უნივერსიტეტის ბაზაზე

ვრცლად: https://shorturl.at/y5C4F