Nino's activities ნინოს საქმიანობა

06/04/2026

კალიგრაფიის კონკურსი

კონკურსის მიზანია ლამაზი და სწორად წერის უნარის განვითარება, ასოების სწორად ფორმირება, ხელწერის გაუმჯობესება და ინგლისური ანბანის უკეთ დამახსოვრება. ასევე, კონკურსი ხელს უწყობს მოსწავლეების მოტივაციის ამაღლებას და ინტერესის გაძლიერებას ინგლისური ენის მიმართ.

კონკუსრის შედეგად გამოვლინდნენ გამორჩეული მონაწილეებიც, თუმცა ყველა მოსწავლემ მიიღო დადებითი გამოცდილება და მოტივაცია მომავალშიც გააუმჯობესოს თავისი უნარები.

06/04/2026

მასწავლებელთა ფორუმი 2026

05/04/2026

გადაუდებელი პირველადი დახმარება
Alte University • ალტე უნივერსიტეტი

05/04/2026

მეცხრე და მეათე კლასის მოსწავლეები, Nino Uchava და Maka Egikashvili-ის ხელმძღვანელობით ესტუმრნენ ალტე უნივერსიტეტს, სადაც მათ გაიარეს პირველადი გადაუდებელი დახმარების ტრენინგ კურსი. ტრენინგის ფარგლებში მოსწავლეებმა შეიძინეს მნიშვნელოვანი ცოდნა და პრაქტიკული უნარები, რომლებიც აუცილებელია კრიტიკულ სიტუაციებში სწორი და სწრაფი რეაგირებისთვის.

პირველადი დახმარების ცოდნა განსაკუთრებით მნიშვნელოვანია, რადგან ის ხშირად გადამწყვეტ როლს ასრულებს ადამიანის სიცოცხლის გადარჩენაში. მოსწავლეებმა ისწავლეს, როგორ მოიქცნენ სხვადასხვა გადაუდებელ სიტუაციაში, როგორ გაუწიონ დახმარება დაშავებულს და როგორ იმოქმედონ მშვიდად და ეფექტურად სტრესულ გარემოში.

მოსწავლეების უსაფრთხოება და ცნობიერების ამაღლება ჩვენი ერთ-ერთი მთავარი პრიორიტეტია. სწორედ ამიტომ, მსგავსი პრაქტიკული ტრენინგები მათ ეხმარება არა მხოლოდ თეორიული ცოდნის გაღრმავებაში, არამედ რეალურ ცხოვრებაში საჭირო უნარების განვითარებაში. მიღებული გამოცდილება მომავალში მათ საშუალებას მისცემს, საჭიროების შემთხვევაში, სწორად და დროულად დაეხმარონ სხვებს.

Alte University • ალტე უნივერსიტეტი მადლობა ალტე უნივერსიტეტს მასპინძლობისთვის ❣️

04/04/2026

Speech competition

04/04/2026

Speech Competition

N 158 საჯარო სკოლაში ჩატარდა ინგლისურენოვანი კონკურსი Speech Competition VI–VII და VIII–IX კლასების მოსწავლეებისთვის. ( პედაგოგები- Nino Uchava, Maka Egikashvili, Tekla Mamatsashvili ) ღონისძიების მიზანი იყო მოსწავლეებში კომუნიკაციური უნარების განვითარება, საჯაროდ გამოსვლის შიშის დაძლევა და ინგლისური ენის პრაქტიკული გამოყენების ხელშეწყობა.

მიზნები:
1. ინგლისურ ენაზე ზეპირი მეტყველების განვითარება.
2. საჯაროდ გამოსვლის უნარის ჩამოყალიბება და თავდაჯერებულობის გაზრდა.
3. კრიტიკული და შემოქმედებითი აზროვნების წახალისება.
4. ლექსიკური მარაგისა და გამოთქმის გაუმჯობესება.
5. მოსწავლეთა მოტივაციის ამაღლება უცხო ენის შესწავლის პროცესში.

მიღწეული შედეგები:
1. მოსწავლეებმა შეძლეს საკუთარი აზრების მკაფიოდ და ლოგიკურად გადმოცემა ინგლისურ ენაზე.
2. გაუმჯობესდა მათი გამოთქმა და მეტყველების სისწრაფე.
3. გაიზარდა თავდაჯერებულობა აუდიტორიის წინაშე გამოსვლისას.
4. მოსწავლეებმა გამოავლინეს კრეატიულობა და საინტერესო თემების შერჩევის უნარი.
კონკურსმა შექმნა პოზიტიური და მოტივაციური სასწავლო გარემო
გამარჯვებულები
VI–VII კლასები:

🥇 I ადგილი -ნანა კობახიძე ( VI კლასი)
🥈 II ადგილი - ლანა გორგოძე( VI კლასი)
🥉 III ადგილი -დავით ტატიაშვილი ( VI კლასი)

VIII–IX კლასები:

🥇 I ადგილი - მართა ნიკოლაიშვილი ( IX კლასი)
🥈 II ადგილი - ანასტასია ჭაჭაშვილი ( VIII კლასი)
🥉 III ადგილი- დაჩი დემეტრაშივილი ( IX კლასი)

02/04/2026

Autism Awareness Day

აუტიზმის საერთაშორისო დღესთან დაკავშირებით კლასში ჩავატარეთ შემეცნებითი და შემოქმედებითი აქტივობები.

პირველ ეტაპზე მოსწავლეებს გავაცანი პრეზენტაცია აუტიზმის შესახებ, სადაც ვისაუბრეთ იმაზე, თუ რას ნიშნავს აუტიზმი, როგორ განსხვავდებიან ადამიანები ერთმანეთისგან და რამდენად მნიშვნელოვანია ერთმანეთის მიღება და მხარდაჭერა. განსაკუთრებული ყურადღება გავამახვილეთ ემპათიაზე, თანაგრძნობაზე და ინკლუზიურ გარემოზე.

პრეზენტაციის შემდეგ მოსწავლეები ჩაერთვნენ პრაქტიკულ აქტივობაში. მათ გააფერადეს სიმბოლური სურათები (აუტიზმის თემატიკაზე), რითაც კიდევ უფრო გაამყარეს მიღებული ინფორმაცია და გამოხატეს საკუთარი დამოკიდებულება თემის მიმართ. შექმნილი ნამუშევრები გამოიფინება სკოლის დერეფანში, რათა უფრო ფართო საზოგადოებამაც მიიღოს ინფორმაცია და გაიზარდოს ცნობიერება.

აქტივობის მიზნები:

1. მოსწავლეებში აუტიზმის შესახებ ცნობიერების ამაღლება.
2. ტოლერანტობისა და განსხვავებულობის მიღების განვითარება.
3. ემპათიისა და სოციალური პასუხისმგებლობის გაძლიერება.
4. ინკლუზიური გარემოს მნიშვნელობის გაცნობიერება.

მნიშვნელობა:
აღნიშნული აქტივობა ხელს უწყობს ისეთი ღირებულებების ჩამოყალიბებას, როგორიცაა თანასწორობა, პატივისცემა და მხარდაჭერა. მოსწავლეები სწავლობენ, რომ თითოეული ადამიანი უნიკალურია და საზოგადოება უფრო ძლიერია მაშინ, როდესაც ის მრავალფეროვნებას იღებს და აფასებს.

01/04/2026

ტრენინგი-ფინანსური განათლება

#განათლებისგზაზეარგაჩერდე

29/03/2026

რეგიონულ დონეზე ჩატარდა ინტელექტუალური შეჯიბრი “The Smartest Student”, რომელშიც ერთმანეთს შეხვდნენ დუშეთის პირველი საჯარო სკოლისა და 158-ე საჯარო სკოლის მოსწავლეები.
შეჯიბრი ორ ტურად გაიმართა.

პირველი ტური მოიცავდა კითხვებს ინგლისის შესახებ, სადაც მონაწილეებმა წარმოაჩინეს ზოგადი თეორიული ცოდნა აღნიშნულ საკითხზე. მეორე ტურში კი მოსწავლეებმა უპასუხეს შეკითხვებს სხვადასხვა საგნებიდან.
შეჯიბრის შედეგად გამოვლინდა გამარჯვებული.
✔️პირველი ადგილი დაიკავა 158-ე საჯარო სკოლის მოსწავლემ ელენე კაკალაშვილმა.
✔️მეორე ადგილი- ნანა კობახიძემ (158-ე საჯარო სკოლა).
✔️ხოლო მესამე ადგილი -ოთარ ჯარიაშვილი (დუშეთის პირველი საჯარო სკოლა). გამარჯვებული დაჯილდოვდა თასით, მეორე და მესამე ადგილოსნები კი მედლებით. ყველა მონაწილეს გადაეცა სერტიფიკატი.

მიზანი:
შეჯიბრის მიზანი იყო მოსწავლეთა ცოდნის გაღრმავება ინგლისურ ენაში, მათი ინტელექტუალური უნარების განვითარება, სხვადასხვა საგნებში მიღებული ცოდნის ინტეგრირება და პრაქტიკაში გამოყენება. ასევე, მნიშვნელოვანი იყო მოსწავლეთა მოტივაციის ამაღლება, ჯანსაღი კონკურენციის ხელშეწყობა და სხვადასხვა სკოლის მოსწავლეთა დაახლოება.

შედეგი:
ღონისძიება წარმატებით ჩატარდა და მონაწილეებმა წარმოაჩინეს როგორც ენობრივი, ასევე ზოგადსაგანმანათლებლო ცოდნა. შეჯიბრმა ხელი შეუწყო მოსწავლეთა თავდაჯერებულობის, კომუნიკაციისა და კრიტიკული აზროვნების უნარების განვითარებას.

12/03/2026

https://edu.aris.ge/pnews/is-rac-yvela-moswavlem-unda-icodes-rogor-amovicnot-emociebi-da-viswavlot-mati-martva.html

ავტორი ნინო უჩავა – თბილისის 158-ე საჯარო სკოლის ინგლისური ენის მასწავლებელი ემოციები ადამიანის ბუნებრივი ნაწილი...

05/03/2026