20/09/2026
📢 სიახლე საზოგადოებრივ კოლეჯ პანაცეაში!
საზოგადოებრივი კოლეჯი პანაცეა გთავაზობთ ახალ პროფესიულ საგანმანათლებლო პროგრამას — მასაჟის თერაპია.
თუ გსურთ დაეუფლოთ პრაქტიკულ და საინტერესო პროფესიას, ეს შესაძლებლობა თქვენთვისაა.
✅სწავლა სრულად ფინანსდება სახელმწიფოს მიერ.
✅სამხედრო სავალდებულო სამსახურის გადავადება.
📆რეგისტრაცია: 21 სექტემბერი - 9 ოქტომბერი
👉რეგისტრაციისთვის დაგვიკავშირდით მითითებულ ნომრებზე:
☎️599172088; 557580044; 551220501.
ცოტა რამ ჩვენს შესახებ
1873 წელს ქალაქ თბილისში გაიხსნა კერძო სამშობიარო
სამკურნალო დაწესებულება 12 საწოლით. 1875 წელს იგი გადაკეთდა ამიერკავკასიის საბებიო ინსტიტუტად. იმჟამინდელი მეფისნაცვლის ვორონცოვის მეუღლის ოლღა თეოდორეს ასულის ინიციატივით და ხელშეწყობით, საბებიო ინსტიტუტთან 1875 წელს გაიხსნა სამეანო კურსები. ეს გახლდათ მთელ ამიერკავკასიაში პირველი საშუალო სამედიცინო კადრის მომზადების კერა. სამეანო კურსების სასწავლო პროგრამები შემუშავებული იყო მოსკოვისა და სანკტ-პეტერბურგის სამშობიარო, სამკურნალო დაწესებულებებში. პირველი გამოშვება შედგა 1878 წელს იანვარში. დაამთავრა 28 მსმენელმა.
სასწავლო პროცესი წლების განმავლობაში იხვეწებოდა და ვითარდებოდა, იცვლებოდა სასწავლებლის დასახელებაც და ბოლოს დამკვიდრდა, როგორც „თბილისის მეორე სახელმწიფო სამედიცინო სასწავლებელი“, რომელმაც სპეციალისტებთან ერთად მრავალი სახელოვანი მეცნიერი და მოქალაქე აღზარდა.
წლების მანძილზე იმდენად დიდი იყო სასწავლებლის სახელი და ავტორიტეტი, რომ მეორე სამედიცინო სასწავლებლის კურსდამთავრებულებს დიდი სიამოვნებით იღებდნენ და ზოგჯერ მოიძიებდნენ კიდეც სხვადასხვა სამედიცინო დაწესებულებები.
1996 წელს მეორე სამედიცინო სასწავლებლის ბაზაზე შეიქმნა შპს სამედიცინო ინსტიტუტი “პანაცეა.”
2011 წლის 4 ივლისს შპს სამედიცინო ინსტიტუტმა „პანაცეამ’ დააფუძნა საზოგადოებრივი კოლეჯი „პანაცეა“.
