NEU ეროვნული საგანმანათლებლო უნივერსიტეტი/National Educational University

“NEU ეროვნულ საგანმანათლებლო უნივერსიტეტსა და „საქართველოს ინტელექტუალური საკუთრების ეროვნულ ცენტრს“ („საქპატენტი“) შორის ურთიერთთანამშრომლობის მემორანდუმი გაფორმდა.

თანამშრომლობა მიზნად ისახავს ინტელექტუალური საკუთრების სფეროში ცნობიერების ამაღლებას, ერთობლივი საგანმანათლებლო და შემეცნებითი აქტივობების განხორციელებას, ასევე სტუდენტებისა და აკადემიური პერსონალისთვის ახალი შესაძლებლობების შექმნას.

მემორანდუმს ხელი მოაწერეს „NEU ეროვნული საგანმანათლებლო უნივერსიტეტის“ რექტორმა სალომე პირველმა და „საქართველოს ინტელექტუალური საკუთრების ეროვნული ცენტრის“ („საქპატენტი“) თავმჯდომარემ სოსო გიორგაძემ.

NEU ეროვნული საგანმანათლებლო უნივერსიტეტი/National Educational University
საქპატენტი • Sakpatenti

NEU - ს ინიციატივით საერთაშორისო სტუდენტები ქართულ კულტურულ მემკვიდრეობას გაეცნენ 🇬🇪

NEU ეროვნული საგანმანათლებლო უნივერსიტეტის” ბიზნესის ადმინისტრირების ინგლისურენოვანი საბაკალავრო საგანმანათლებლო პროგრამის სტუდენტებმა სასწავლო - შემეცნებითი ვიზიტის ფარგლებში მოინახულეს სვეტიცხოვლის ისტორიული კომპლექსი.

ვიზიტის მიზანი იყო სტუდენტებისათვის ქართული კულტურის, ისტორიისა და სულიერი მემკვიდრეობის გაცნობა, რაც მათ ეხმარება უკეთ გაიაზრონ ქვეყნის ტრადიციები, ღირებულებები და მრავალსაუკუნოვანი ისტორია.

NEU განსაკუთრებულ მნიშვნელობას ანიჭებს საერთაშორისო სტუდენტების ინტეგრაციას ქართულ საზოგადოებაში და მათთვის არა მხოლოდ ხარისხიანი განათლების, არამედ მრავალფეროვანი კულტურული გამოცდილების შეთავაზებას.

🇬🇪

🇬🇪🇮🇹 Erasmus+ კიდევ ერთი წარმატებული ისტორია NEU - ში ✊

Erasmus+ პროგრამის ფარგლებში NEU - ის ბიზნესის ადმინისტრირების საბაკალავრო საგანმანათლებლო პროგრამის სტუდენტი - გიორგი მარგიანი სწავლას იტალიის ერთ - ერთ უძველეს და პრესტიჟულ უნივერსიტეტში - University of Naples Federico II გააგრძელებს.

აკადემიური მობილობა სტუდენტს შესაძლებლობას მისცემს საერთაშორისო საგანმანათლებლო გარემოში გაიღრმაოს პროფესიული ცოდნა, შეიძინოს ინტერკულტურული გამოცდილება და გაეცნოს ევროპული უმაღლესი განათლების საუკეთესო პრაქტიკებს.

სტუდენტთა საერთაშორისო მობილობის ხელშეწყობა NEU - ის ერთ - ერთ მნიშვნელოვან პრიორიტეტს წარმოადგენს. უნივერსიტეტი აქტიურად თანამშრომლობს ევროპულ პარტნიორ უნივერსიტეტებთან და სტუდენტებს სთავაზობს საერთაშორისო აკადემიურ სივრცეში ინტეგრაციის მრავალფეროვან შესაძლებლობებს.

NEU ქმნის შესაძლებლობებს.
NEU მონაწილეობს მომავლის შექმნაში.

NEU საერთაშორისო აკადემიურ ქსელში 🌍

“NEU National Educational University” ოფიციალურად გახდა European Network for Academic Integrity (ENAI) - ის ინსტიტუციური წევრი.

ENAI აერთიანებს უნივერსიტეტებსა და საგანმანათლებლო ორგანიზაციებს, რომლებიც აკადემიური კეთილსინდისიერების, ეთიკური სტანდარტებისა და განათლების ხარისხის განვითარებაზე მუშაობენ.

European Network for Academic Integrity (ENAI) ქსელში NEU - ის წარმომადგენელია უნივერსიტეტის რექტორი, პროფესორი სალომე პირველი.

ეს წევრობა კიდევ ერთი მნიშვნელოვანი ნაბიჯია უნივერსიტეტის საერთაშორისო ინტეგრაციის, აკადემიური ხარისხისა და ევროპულ საგანმანათლებლო სივრცესთან დაახლოების გზაზე.

“NEU ეროვნული საგანმანათლებლო უნივერსიტეტის” ადმინისტრაციის წარმომადგენელი სოფო ალფაიძე და პროფესორი ბექა კობერიძე Erasmus+ აკადემიური მობილობის პროგრამის ფარგლებში იმყოფებოდნენ ბულგარეთის Angel Kanchev - ის სახელობის უნივერსიტეტში.

ვიზიტის ფარგლებში განხორციელდა გამოცდილების გაზიარება, აკადემიურ და ადმინისტრაციულ პერსონალთან სამუშაო შეხვედრები და სასწავლო პროცესისა და უნივერსიტეტის მართვის მექანიზმების გაცნობა.

NEU აგრძელებს საერთაშორისო პარტნიორული ქსელის გაფართოებას და აქტიურად ქმნის განვითარების შესაძლებლობებს საუნივერსიტეტო საზოგადოებისათვის 🌍🎓

“NEU National Educational University” administrative representative Sopho Alfaidze and Professor Beka Koberidze participated in an Erasmus+ academic mobility visit to Angel Kanchev University of Ruse, Bulgaria.

During the visit, they engaged in the exchange of professional experience, held working meetings with academic and administrative staff, and familiarized themselves with the university’s educational processes and institutional management practices.

NEU continues to expand its international partnership network and actively creates new development opportunities for its academic community 🌍🎓

მსოფლიოს ყველა ბავშვს ვულოცავთ ბავშვთა დაცვის საერთაშორისო დღეს 💜

გილოცავთ საქართველოს დამოუკიდებლობის დღეს 🇬🇪

𝙉𝙀𝙐 ეროვნულ საგანმანათლებლო უნივერსიტეტში იმიტირებული სასამართლო პროცესები გრძელდება.

𝙉𝙀𝙐 - ში აბიტურიენტებსა და სტუდენტებს კვლავ ეძლევათ შესაძლებლობა მონაწილეობა მიიღონ იმიტირებულ სასამართლო პროცესებში, სადაც ისინი თავად გამოცდიან:

⚖️ მოსამართლის პასუხისმგებლობას;
⚖️ ადვოკატის არგუმენტაციის ძალას;
⚖️ პროკურორის პოზიციის სიმტკიცეს.

მონაწილეები პროცესის ფარგლებში შეასრულებენ მოსამართლის 👩‍⚖️, პროკურორისა 👮‍♂️ და ადვოკატის 👩‍💼 როლებს, რაც მათ მისცემს შესაძლებლობას, რეალურ გარემოსთან მაქსიმალურად მიახლოებულ პირობებში შეიძინონ გამოცდილება.

📅 სარეგისტრაციო ვადა:
⏱️ 25.05.2026 დან - ⏱️ 31.05.2026 მდე.

🔗 სარეგისტრაციო ბმული:
https://forms.gle/dnRNf533SgERjmx68

დღევანდელი სტუდენტები - ხვალინდელი ადვოკატები, პროკურორები, მოსამართლეები და ლიდერები ⚖️

NEU შესაძლებლობაა👌
NEU პროფესიული ზრდაა👌
NEU საქმის სიყვარულია👌