22/04/2026
✍️დამსაქმებლებო, დროა ვაკანსიებს სწორი სახელები და მოლოდინები დაარქვათ!
თუ თქვენ ეძებთ ადამიანს, ვინც მისვლისთანავე დაუყოვნებლივ დამოუკიდებლად ჩაერთვება ბუღალტრულ საქმიანობაში , გარკვეული მოვალეობების ფარგლებში იმუშავებს rs-ზე, საბუღალტრო პროგრამებში, მოახდენს გადარიცხვებს, და რეალიზიცაიის ან შესყიდვების შედარებებს მოახდენს და გაუმკლავდება საგადასახადო კოდექსის მინიმალურ პრაქტიკილ ინტერპრეტაციებს ეს კადრი აღარ არის დამწყები/დამხმარე ბუღალტრი.
🗓️მაშინ გესაჭიროებათ უმცროსი ბუღალტერი ან თანაშემწე ბუღალტერი შესაბამისი გამოცდილებით — და არა დამწყები.
და როცა ასეთ პოზიციას არქმევთ „დამხმარე ბუღალტრის“ სახელს, რეალურად კი ეძებთ მზა სპეციალისტს, ამას ორი შედეგი აქვს:
👎 დამწყები პროფესიონალისთვის — ეს იმედგაცრუებაა.
▪️ადამიანი, რომელმაც ახლახან დაასრულა სწავლის ეტაპი და რეალური სამუშაოს დაწყება სურს, ხედავს, რომ შანსი არ აქვს.
▪️თქვენთვის, როგორც დამსაქმებლისთვის — ეს თვითდაზიანებაა.
ვაკანსიის შინაარსი და რეალობა აცდენილია ერთმანეთს, რის გამოც ან ვერ პოულობთ შესაფერის კანდიდატს, ან იღებთ არასწორ მოლოდინებზე აგებულ თანამშრომლობას.
დამწყები/დამხმარე ბუღალტერი ნიშნავს:
▫️ადამიანს, რომელსაც აქვს თეორიული ცოდნა და ახლა იწყებს მისი პრაქტიკაში გამოყენება;
▫️სჭირდება მენტორი, მხარდამჭერი და საშუალება — ისწავლოს, ივარჯიშოს და შეცდომაზე ისწავლოს;
▫️არ არის სრულად მზა, მაგრამ აქვს დიდი მოტივაცია, ყურადღება და ზრდის პოტენციალი.
ასეთი პოზიციები იწყება სტაჟირებით — და არც კომპანიას უნდა რცხვენოდეს ამის ღიად დაწერა, და არც კანდიდატს ასეთი შეთავაზების მიღება.
მით უმეტეს მაშინ, როდესაც საქართველოში სახელმწიფო თავად ანაზღაურებს სტაჟიორის ხელფასს 6 თვის განმავლობაში, არსებული პროგრამების ფარგლებში
👌თუ ორივე მხარე იცის, რას ნიშნავს პოზიცია, ვინ რას ელის და რა გზაზე დგას, თანამშრომლობა ორივესთვის ეფექტიანი და სასიამოვნო ხდება.
ტატა ბერიძე
ბუღალტერთა კავშირის პრეზიდენტი
