Niko Bagrationis skola - liceumi. ნიკო ბაგრატიონის სკოლა - ლიცეუმი

🇬🇪 გილოცავთ საქართველოს დამოუკიდებლობის დღეს! 🇬🇪

2026 წლის კურსდამთავრებულთა ბოლო ზარი განსაკუთრებულად ემოციური და სიმბოლური აღმოჩნდა. ჩვენი მოსწავლეების მაისურებზე აღბეჭდილნი იყვნენ ზვიად გამსახურდია და მერაბ კოსტავა - ადამიანები, რომლებმაც საკუთარი ცხოვრება საქართველოს თავისუფლებასა და ეროვნულ ღირსებას მიუძღვნეს.

განსაკუთრებული მნიშვნელობა შეიძინა ამ არჩევანმა სწორედ 26 მაისს - საქართველოს დამოუკიდებლობის დღეს.
ეს მხოლოდ მაისურის დიზაინი არ არის - ეს არის ისტორიის, ეროვნული მეხსიერებისა და პატრიოტიზმის გამოხატვა.

ვამაყობთ ჩვენი კურსდამთავრებულებით, რადგან ახალგაზრდობაში ყველაზე ღირებული მხოლოდ წარმატება კი არა, საკუთარი ქვეყნის ისტორიის ცოდნა, პატივისცემა და ეროვნული ფასეულობების გაფრთხილებაა.
პატრიოტიზმი ხმამაღალი სიტყვები არ არის - იგი იწყება მეხსიერებით, ღირსებით, თავისუფლების სიყვარულით და იმ ადამიანების დაფასებით, რომლებმაც საქართველოსთვის ყველაზე რთულ დროს იბრძოლეს.

🔔ბოლო ზარი დაირეკა - დასრულდა ბავშვობის ერთი ლამაზი ეტაპი და დაიწყო ახალი გზა, სავსე ოცნებებით, მიზნებითა და შესაძლებლობებით.

✨გილოცავთ ამ განსაკუთრებულ დღეს და გისურვებთ წარმატებულ, ბედნიერ და ნათელ მომავალს! 💕

🎓ძვირფასო მეთორმეტეკლასელებო,

✨დღეს თქვენს ცხოვრებაში განსაკუთრებული დღეა - სრულდება ერთი მნიშვნელოვანი ეტაპი და იწყება სრულიად ახალი გზა. სკოლა მხოლოდ შენობა, გაკვეთილები და გამოცდები არ ყოფილა. ეს იყო ადგილი, სადაც გაიზარდეთ, შეიცვალეთ, ისწავლეთ, იოცნებეთ, შეცდომებიც დაუშვით და გამარჯვებებიც იზეიმეთ. აქ გაიცანით ადამიანები, რომლებიც თქვენი ცხოვრების ისტორიაში ყოველთვის განსაკუთრებულ ადგილს დაიკავებენ.

⭐️წლები, რომლებიც სკოლაში გაატარეთ, სავსეა მოგონებებით - პირველი დღეებით, მღელვარებით, მეგობრობით, სირთულეებით, დაუვიწყარი ექსკურსიებით, სიცილით, ემოციებითა და იმ პატარა მომენტებით, რომლებიც წლების შემდეგ ყველაზე ძვირფასი გახდება. თითოეულ თქვენგანს საკუთარი ისტორია აქვს, მაგრამ ყველას ერთი საერთო რამ გაერთიანებთ - თქვენ გადალახეთ გზა, რომელმაც უფრო ძლიერი, უფრო დამოუკიდებელი და უფრო ჩამოყალიბებული ადამიანები გაგხადათ.

✨დღეს უკვე ცხოვრების ახალი ეტაპის წინ დგახართ. წინ გელით არჩევანი, პასუხისმგებლობა, ახალი შესაძლებლობები და ახალი ოცნებები. გახსოვდეთ, რომ წარმატება მხოლოდ მიღწეული მიზნები არ არის - წარმატებაა, როცა ინარჩუნებთ ადამიანობას, ღირსებას, შრომისმოყვარეობას და რწმენას საკუთარი თავის მიმართ. ცხოვრება ყოველთვის მარტივი არ იქნება, მაგრამ ყველაზე მნიშვნელოვანი სწორედ ის არის, რომ არასოდეს დაკარგოთ წინსვლის სურვილი.

✨არ შეგეშინდეთ შეცდომების - ისინი გამოცდილებად იქცევა. არ თქვათ უარი ოცნებებზე - სწორედ ისინი გვაძლევს ძალას, რომ წინ წავიდეთ. გჯეროდეთ საკუთარი შესაძლებლობების, რადგან თითოეულ თქვენგანში დიდი პოტენციალია. ზოგჯერ გზა რთული იქნება, ზოგჯერ - გაურკვეველი, მაგრამ თუ საკუთარ თავს არ უღალატებთ, აუცილებლად იპოვით თქვენს ადგილს ცხოვრებაში.

💕მადლობა იმ სითბოსთვის, ენერგიისთვის და მოგონებებისთვის, რომლებიც ამ წლების განმავლობაში შექმენით. თქვენ ტოვებთ სკოლას, მაგრამ სკოლა ყოველთვის შეინახავს თქვენს ნაბიჯებს და ისტორიებს.

🌸გისურვებთ წარმატებას ცხოვრების ყველა ეტაპზე, გამბედაობას, ბედნიერებასა და იმ ადამიანებად დარჩენას, რომლებიც სიკეთეს, განათლებასა და ადამიანურ ღირებულებებს აფასებენ.

✨იარეთ თავდაჯერებით, იოცნებეთ და არასოდეს შეწყვიტოთ განვითარება.

⭐️გილოცავთ სკოლის დამთავრებას და ცხოვრების ახალი ეტაპის დაწყებას!⭐️

სიყვარულით და საუკეთესო სურვილებით,
სკოლის ადმინისტრაცია ❤️

30 წლის იუბილესთან დაკავშირებით ნიკო ბაგრატიონის სახელობის სკოლა-ლიცეუმი აცხადებს დამატებით მიღებას 2026-2027 სასწავლო წლისთვის.

🎓მე-11_მე-12 კლასები მთლიანად ეთმობა აბიტურის პროგრამას, სადაც მოსწავლეები ინტენსიურად ემზადებიან საჭირო საგნებში და წარმატებულად აბარებენ ეროვნულ გამოცდებს!

🎓თუ გსურთ, რომ თქვენი შვილები ზოგადსაგანმანათლებლო საგნების გარდა , ერთ სივრცეში დაეუფლონ ლოგიკას და უნარჩვევებს, ცეკვას, მუსიკას, სიმღერას, კიკბოქსინგსა და კარატეს - დაგვიკავშირდით:
📞577 57 05 57
📞577 57 15 57

🎓მე-6 კლასის ჩათვლით ფუნქციონირებს გახანგრძლივებული, სადაც ლიცეანტები ცხელი სადილის შემდგომ სრულყოფილად ამზადებენ გაკვეთილებს, ყოველდღიურად აქვთ ინგლისური ენის დამატებითი გაკვეთილები და სხვადასხვა აქტივობები!

🎓მისამართი: ქ.თბილისი, ჯანო ბაგრატიონის ქუჩა #6 (ყაზბეგის გამზირისა და მიცკევიჩის ქუჩებს შორის, ყოფილი რობაქიძის უნივერსიტეტის შენობა).

#სკოლა #აბიტურიენტები

👑 ნიკო (ბური) ბაგრატიონი ოჯახთან ერთად 👨‍👩‍👧

ნიკო ბაგრატიონი იყო მე-19 და მე-20 საუკუნის დამდეგის ერთ-ერთი გამოჩენილი მოღვაწე, დაიბადა 1868 წ. მუხრანში გიორგი და ანა ბაგრატიონების ოჯახში. ეკუთვნოდა ქართლის ბაგრატიონთა მუხრანბატონების შტოს და იყო არჩილ II-ის შთამომავალი. მშობლებმა იგი მეომრად და მსროლელად აღზარდეს.

აფრიკაში ლომებზე ნადირობის სურვილით შეპყრობილი ნიკო ბაგრატიონი 1899 წელს გაემგზავრა პეტრბურგს, იქიდან პარიზში, შემდეგ მარსელის გავლით ალექსანდრიაში. მისი ჩასვლა დაემთხვა ინგლისელებისა და ბურებს შორის ომს. ნიკო ბაგრატიონი, როგორც მოხალისე ტრანსვაალში გაემგზავრა და ინგლისელების წინააღმდეგ იბრძოდა. იგი ახლოს გაეცნო ტრანსვაალის პრეზიდენტს პაულუს კრიუგერს, გამოჩენილ სარდლებს პეტრუს ჟებერსა და ლუის ბოტას.

ნიკო ბაგრატიონი სრულ თანაგრძნობას უცხადებდა ბურებს: "ბურების მდგომარეობა როგორღაც მაგონებდა ჩემს სამშობლოს და მწამდა თუ შევერკინებოდი ბურების მტრებს, ეს იმას ნიშნავდა, რომ მე ამით სამაგიეროს გადავუხდიდი ჩემი ქვეყნის მტრებსაც."–წერდა იგი მემუარებში.

ერთ–ერთი შეტაკების დროს ნიკო ბაგრატიონი ინგლისელებს ჩაუვარდა ტყვედ და ასევე ტყვედ ჩავარდნილ 100 ბურთან ერთად დახვრეტა მიუსაჯეს, თუმცა როგორც სამეფო საგვარეულოს შთამომავალს, განაჩენი წმ. ელენეს კუნძულზე გადასახლებით შეუცვალეს. საიდანაც იგი ჯერ საფრანგეთში, შემდეგ კი სამშობლოში დაბრუნდა.

საქართველოს გასაბჭოების შემდეგ ნიკო ბაგრატიონმა ღიად გაილაშქრა ბოლშევიკური რეჟიმის წინააღმდეგ. მან დაკარგა მთელი ქონება, თუმცა სასწაულით გადაურჩა ბოლშევიკურ "წმენდას", რომელმაც ფაქრობრივად მოსპო ქართველი თავად–აზნაურობა. ქალიშვილები ირინა და ნატალია საფრანგეთში გაგზავნა, თვითონ კი თავისი ცხოვრების ბოლო წლები სამშობლოში უკიდურეს სიღარიბეში გაატარა. ნიკო ბურმა დაწერა წიგნი "ბურებთან", სადაც აღწერა თავის თავგადასავლებით აღსავსე ცხოვრება.

#ეროვნულიბიბლიოთეკა
#ნიკობაგრატიონისსკოლა

2026-2027 სასწავლო წლისთვის პირველკლასელთა მიღებას აცხადებს ნიკო ბაგრატიონის (ბურის) სახელობის სკოლა-ლიცეუმი!

⚜️ თუ გსურთ, რომ თქვენი შვილი ერთ სივრცეში დაეუფლოს ხარისხიან განათლებას, უცხო ენებს, ლოგიკურ აზროვნებასა და პრაქტიკულ უნარ-ჩვევებს, ასევე შეისწავლოს მუსიკა, სიმღერა, ხატვა, ქართული ცეკვა და რელიგიის ისტორია — დროულად დაგვიკავშირდით და გაიარეთ რეგისტრაცია!

⚜️ სკოლა-ლიცეუმში ფუნქციონირებს გახანგრძლივებული პროგრამა, სადაც თბილი ოჯახური სადილის შემდეგ ლიცეანტები სრულყოფილად ამზადებენ გაკვეთილებს და მონაწილეობენ მრავალფეროვან საგანმანათლებლო თუ შემეცნებით აქტივობებში.

▪️ კვირაში ორჯერ ტარდება ქართული ცეკვის გაკვეთილი;
▪️ შეისწავლება უცხო ენები;
▪️ მოსწავლეებს შესაძლებლობა აქვთ ჩაერთონ სხვადასხვა შემოქმედებით და განმავითარებელ აქტივობაში.

☎️ დეტალური ინფორმაციისთვის ან შეხვედრის დასანიშნად დაგვიკავშირდით:
577 57 05 57
577 57 15 57

📍 მისამართი:
ჯანო ბაგრატიონის ქ. №6
(ალ. ყაზბეგისა და მიცკევიჩის ქუჩებს შორის, ყოფილი რობაქიძის უნივერსიტეტის შენობა)

🇬🇪 ლიცეანტების შეხვედრა სამხედრო მოსამსახურეებთან 🇬🇪

ლიცეანტებს საინტერესო და შემეცნებითი შეხვედრა ჰქონდათ სამხედრო მოსამსახურეებთან, რომლის ფარგლებშიც ისაუბრეს საქართველოს სამხედრო ისტორიის, ეროვნული გმირების, პატრიოტიზმისა და თანამედროვე თავდაცვის ძალების მნიშვნელობაზე.

შეხვედრისას განსაკუთრებული ყურადღება დაეთმო საქართველოს სამხედრო ჯარის შექმნის ისტორიას, მის მიზანსა და მთავარ მოტივს - ქვეყნის დამოუკიდებლობის, თავისუფლებისა და ეროვნული ღირსების დაცვას. მოსწავლეებმა მოისმინეს საუბარი პატრიოტიზმზე, სამშობლოს სიყვარულსა და მოქალაქეობრივ პასუხისმგებლობაზე.

განიხილეს გენერალ გიორგი მაზნიაშვილის ღვაწლი და მისი როლი საქართველოს ისტორიაში. ისაუბრეს ომსა და ბრძოლას შორის განსხვავებაზე - რა არის სამართლიანი ბრძოლა, რას ნიშნავს ქვეყნის დაცვა და რამდენად მნიშვნელოვანია მშვიდობის შენარჩუნება.

შეხვედრაზე ასევე გაიხსენეს 9 აპრილის ტრაგიკული მოვლენები, საბჭოთა წითელი არმიის ძალადობრივი ქმედებები და ქართველი ხალხის ბრძოლა თავისუფლებისთვის. განსაკუთრებული პატივით ისაუბრეს ეროვნულ გმირებზე - მარო მაყაშვილზე, ზაზა დამენიაზე, გიორგი ანწუხელიძესა და ქაქუცა ჩოლოყაშვილზე, რომელთა თავდადება და გმირობა მომავალ თაობებს მაგალითს აძლევს.

მოსწავლეები გაეცნენ საქართველოს თავდაცვის ძალების სტრუქტურას, სხვადასხვა დანაყოფის ფუნქციებსა და სამხედრო სამსახურის მნიშვნელობას.

შეხვედრის ერთ-ერთი მნიშვნელოვანი ნაწილი დაეთმო კადეტთა სამხედრო სკოლას - მის მიზნებს, სასწავლო პროცესს, დისციპინასა და იმ შესაძლებლობებს, რომელსაც სკოლა ახალგაზრდებს სთავაზობს. სამხედრო მოსამსახურეებმა ლიცეანტებს გააცნეს, როგორ მიმდინარეობს სწავლება, რა უნარების განვითარებას უწყობს ხელს სამხედრო განათლება და რამდენად მნიშვნელოვანია ფიზიკური, ინტელექტუალური და ლიდერული თვისებების ჩამოყალიბება.

შეხვედრა მოსწავლეებისთვის მნიშვნელოვანი გამოცდილება აღმოჩნდა - მათ კიდევ ერთხელ გააცნობიერეს სამშობლოს სიყვარულის, ისტორიის ცოდნისა და ეროვნული ღირებულებების დაცვის მნიშვნელობა.