Greenwich Academy გრინვიჩ აკადემია

🔥🦠🌡️ მაღალი ტემპერატურა ნამდვილად საგანგაშოა?

ჰოც და არაც. მოდით, განვიხილოთ დეტალურად.
🔴 სიცხე არ არის ავადმყოფობა. ეს მხოლოდ სიმპტომია, რომელიც გვიჩვენებს, რომ ორგანიზმში ვირუსული, ან ბაქტერიული ინფექციაა და თქვენი სხეული მას ებრძვის. როდესაც ორგანიზმში ინფექცია ხვდება, იმუნური სისტემა აქტიურდება, ის სიცხის დროს უფრო სწრაფად და მონდომებით მუშაობს. ორგანიზმი იწყებს გახურებას, რათა დააზიანოს, ,,დაწვას"ვირუსი.

📌36.5-37.0°C - სრულიად ნორმალური ტემპერატურაა;
📌37,1 - 37,9°C - მცირედით ამაღლებულია ტემპერატურა;
📌38,0 -38,9°C - ეს საშუალო სიცხეა;
📌39°C და მეტი - ეს უკვე მაღალი სიცხეა.

🔴 როდესაც ადამიანს ეწყება კანკალი, თითქოს სციოდეს - ნიშნავს, რომ სხეულისთვის ახლანდელი ტემპერატურა არ არის საკმარისი ამა თუ იმ ინფექციის დასამარცხებლად და ის ამაღლებს სიცხეს.

🔴 როდესაც ავადმყოფი ლოგინში წევს და თავის წამოწევის ძალაც კი არ აქვს, მისმა სისუსტემ არ მოგატყუოთ - ამ დროს იმუნური სისტემა მაქსიმალურადაა დატვირთული და მუშაობს ინფექციის დასამარცხებლად. როგორც კი ვირუსი დასუსტდება, ტემპერატურაც კლებას დაიწყებს (თუ დაავადებას მეორეული გართულებები არ მოყვა).

🔴 სიცხის დამწევი წამლის მიცემის მიუხედავად, თუ ორგანიზმს მაღალი ტემპერატურა ბრძოლის იარაღად სჭირდება, სიცხე მაინც მაღლა აიწევს იმ გრადუსამდე, სადამდეც მდგომარეობა მოითხოვს - თქვენი სხეული გონიერია.

🔴 სწორედ ამიტომ, თუ მაღალი ტემპერატურა არ გრძელდება ზედიზედ 2 დღეზე მეტი, ან თუ ბავშვი არ არის კრუნჩხვებისკენ მიდრეკილი - არ ჩაერიოთ საქმეში სიცხის დამწევი მედიკამენტებით, ეს თქვენს იმუნიტეტს ასუსტებს და ამით მხოლოდ ახანგრძლივებთ ავადმყოფობას.
აღნიშნული უფრო ეხება დაავადების გამოვლენის პირველ ფაზას, ორ-სამ დღეს, როდესაც ვირუსი, ან ბაქტერიები აქტიურ რეპლიკაციას (გამრავლებას) ახორციელებენ! ამ დროს განსაკუთრებით მნიშვნელოვან საქმეს აკეთებს გაზრდილი ტემპერატურა. 👉 მეტი დაზღვევისთვის აუცილებლად იყავით კავშირზე ექიმთან!

🔴 ნუ ებრძვით სიცხეს. ებრძოლეთ სიცხის გამომწვევ მიზეზს: ვირუსს, ბაქტერიულ ინფექციას, თუ ანთებას - რა თქმა უნდა, ექიმის მითითებებით.
ასევე, ეცადეთ მიიღოთ ისეთი საშუალებები, რომლებიც ეხმარება იმუნიტეტს - ვიტამინები და მინერალები, შერჩეული ექიმის მიერ.
დალიეთ ბევრი სითხე - ნატურალური წვენები, ჩაი, ფრეში, კომპოტები.

🔴 შუა საუკუნეებში მოღვაწეობდა ცნობილი შვეიცარელი ექიმი და დიდებული მეცნიერი პარაცელსუსი (Philippus Aureolus Theophrastus Bombastus von Hohenheim, Paracelsus, 1493 წ.-1541 წ.), მას მიაწერენ ფრთიან გამონათქვამს, რომელიც დღესაც აქტიურად გამოიყენება:
"მითხარი როგორ მოვახერხო, რომ პაციენტს მისცეს სიცხე და ნებისმიერ დაავადებას განვკურნავ!" 😊😇

ჯანმრთელობას გისურვებთ ♥️

⚜️კრიზისი, სირთულეები, დამუხრუჭებულობის განცდა არის ის საფასური, რომელსაც ვიხდით ყოველ ახალ ეტაპზე ასვლის წინ.

⚜️თვითმყოფადობის, გამბედაობისა და ორიგინალობის საფასური არის უხერხულობის, ზოგჯერ კი მეტიც, სირცხვილის განცდა და შენკენ მომართული კრიტიკული ყურადღება.

⚜️ადამიანური სიახლოვის საფასური არის გონივრული კომპრომისი და კეთილი ყურადღება.

⚜️რაღაც, ან ვიღაც მავნეზე მიჯაჭვულობისგან გათავისუფლების საფასური არის ტკივილი.

⚜️⚜️⚜️ მაგრამ როცა იცი, რომ საფასურს იხდი რაღაც უფრო დიდის შესაძენად - ნუ დარჩები ძუნწის როლში.
იმ ძუნწის, რომელიც არაფერს ხარჯავს, არაფერს ცვლის და მაინც ფლანგავს თავის დროს, თავის თავს, თავის ღირსებას, სიცოცხლეს და შესაძლებლობებს.

🌿🌞 უახლესი კვლევები - ვიტამინი D ახალგაზრდობას და სიცოცხლეს ახანგრძლივებს!

🟢 ბოლოდროინდელმა კვლევებმა (VITAL Project) აჩვენა, რომ თქვენს რაციონში D ვიტამინის ყოველდღიურ დამატებას შეუძლია შეანელოს ბიოლოგიური დაბერების პროცესი და გაახანგრძლივოს სიცოცხლე. ამერიკელმა მეცნიერებმა თავიანთი დასკვნები The American Journal of Clinical Nutrition (AJCN)-ში გამოაქვეყნეს.

🟢 ამ ფართომასშტაბიანმა სამეცნიერო პროექტმა დაადასტურა არა მხოლოდ აღნიშნული ნივთიერების გავლენა დაბერების ბიომარკერებზე, არამედ ანთებებსა და ქრონიკული დაავადებებზეც - შემცირების სახით.

🟢 როგორ მოქმედებს D ვიტამინი?
ასაკის მატებასთან ერთად მოკლდება ტელომერები - ქრომოსომების ბოლოებში არსებული დამცავი ,,ქუდები". უჯრედის ყოველი გაყოფისას ტელომერებს აკლდებათ სასიცოცხლო რესურსი და როდესაც ისინი ძალიან მოკლდებიან, უჯრედი კარგავს დაყოფის და აღდგენის უნარს.

🟢 D ვიტამინი კი ხელს უწყობს ტელომერების სიგრძის შენარჩუნებას და ამით ანელებს უჯრედების ბიოლოგიურ დაბერებას.

🟢 კვლევაში მონაწილეობდა 50 წელს გადაცილებული თითქმის 26,000 ქალი და მამაკაცი. მონაწილეებს, რომლებიც ყოველდღიურად იღებდნენ 2,000 სე (საერთაშორისო ერთეული) D ვიტამინს, დაუდასტურდათ ბიოლოგიური დაბერების შენელება.

🟢 მნიშვნელოვანია გვახსოვდეს:
ორგანიზმი D ვიტამინს მზის სხივების ზემოქმედებით გამოიმუშავებს და საკვებიდან იღებს. მისი დეფიციტის თავიდან ასაცილებლად რეკომენდებულია დღიური დოზა არ იყოს 600-2000 სე-ზე ნაკლები - ასაკისა და სხვა ფაქტორების გათვალისწინებით.
D ვიტამინის დანამატის სახით მიღების დაწყებამდე, ან დოზის შეცვლამდე, გაესაუბრეთ ოჯახის ექიმს, რათა თავიდან ავირიდოთ რაიმე სახის შეცდომა.

გისურვებთ ხალისს და ჯანმრთელობას!

ეგვიპტის დედაქალაქ კაიროს აღმოსავლეთ რაიონის, ელ-აბასიას ფსიქიატრიული საავადმყოფოდან 1960 წელს უსაფრთხოების სამსახურის დაუდევრობის გამო 243 პაციენტი გაიქცა! ისინი ქალაქის ქუჩებში მიმოიფანტნენ და სერიოზულ პრობლემებს ქმნიდნენ... 😳

კლინიკის ადმინისტრაციულმა დირექტორმა დაუყოვნებლივ დაურეკა საავადმყოფოს მთავარ ექიმს, დოქტორ ჯამალს და კატეგორიულად მოითხოვა, რომ სასწრაფოდ მოეგვარებინა სიტუაცია.

ფსიქიატრმა ცოტა ხანს იფიქრა და მერე თქვა, რომ მან გამოსავალი იპოვა. დაუძახა კლინიკის თანამშრომლებს, მატარებელივით მოაწყო ისინი ჯაჭვში და ქუჩაში გაიყვანა. ექიმი ჯამალი წინ მიდიოდა, ლოკომოტივივით მიუძღოდა დანარჩენებს და მჭახე ხმით კიოდა: -ტუუუუუტ! ტუუუუუტ 🚂 🚂 🚂თანამშრომლები, რომლებიც მას მიჰყვებოდნენ, მატარებლის ვაგონებს განასახიერებდნენ და ჩუქუ-ჩუქუ ჩუქუ-ჩუქუს გაიძახოდნენ.

..და მოხდა ზუსტად ის, რასაც ფსიქიატრი გულის სიღრმეში ელოდა: გაქცეული პაციენტები, რომლებიც ქალაქის ქუჩებში თვალს მოკრავდნენ "მატარებელს", უერთდებოდნენ მას - ჯაჭვს მონდომებით ებმებოდნენ 😁🥳

საბოლოოდ ექიმმა ჯამალის მატარებრლმა შეძლო ყველა გაქცეულის შეკრება, საავადმყოფოში ჩუქუ-ჩუქუს ძახილით და ორთქმავალის მსგავსი ქშენით დაბრუნება.

❗️❗️❗️თუმცა ❗️❗️❗️
კიდევ ერთი გაუთვალისწინებელი რამ მოხდა: საავადმყოფოში პაციენტთა დათვლისას აღმოჩნდა, რომ იმაზე მეტი ადამიანი მოსულიყო ფსიქიატრიულ კლინიკაში, ვიდრე თავდაპირველად გაიპარა... ✅😉

"რა განაპირობებს ბავშვში თანდათან „მე“-ს შესახებ ცოდნის აღმოცენებას?

როგორ გადადის ბავშვი მე-წარმოდგენით სავსე ცნობიერებაზე? არსებობს ერთი ძალზე უბრალო დაკვირვება, რომლის გაკეთება ყველას შეუძლია,... როდესაც ბავშვი თავს მიარტყამს მაგიდის კიდეს, „მე“-ს გრძნობა მას შემდეგ უფრო უძლიერდება. ეს ხელს უწყობს ბავშვში საკუთარი თავის შეცნობას. ... ბავშვი თავს სხვა საგნების მეშვეობით აღიქვამს. საკუთარ თავს უნდა უთხრათ: ბავშვი „მე“ ცნობიერებამდე ვერ მივიდოდა თუ გარე სამყაროს წინააღმდეგობას არ იგრძნობდა. ბავშვი რაიმე წინააღმდეგობის გარეშე ვერასოდეს მივიდოდა „მე“ ცნობიერებამდე. ის, რომ ბავშვი გარე სამყაროს აწყდება, თანდათან აყალიბებს მასში „მე“ ცნობიერებას."

რუდოლფ შტაინერი

დავამატებ ერთს, რაც ნაწილობრივ ზედა თეზასაც მოიცავს: თვითობის გაცნობიერება (ისე როგორც ადამიანს ესმის), თვითცნობიერების პირველი ჩანასახები ამქვეყნად მოვლენილი ბავშვის ცნობიერებაში ჩნდება სხეულის მართვის საჭიროების შეგრძნებისას და ძლიერდება სხეულის მართვის დაუფლების პროცესის პარალელურად.

ფსიქოკონსულტანტი ნატალია ზარნაძე Natalia Zarnadze

👉🇬🇧 შეამოწმე შენი ცოდნის დონე ინგლისურში, გაიცემა სახელმწიფო სერტიფიკატი! 👉 ᲞᲠᲝᲔᲥᲢ „ᲡᲔᲠᲢᲣᲡᲘᲡ“ ᲤᲐᲠᲒᲚᲔᲑᲨᲘ ᲛᲘᲛᲓᲘᲜᲐᲠᲔᲝᲑᲡ ᲠᲔᲒᲘᲡᲢᲠᲐᲪᲘᲐ 31 ᲘᲕᲚᲘᲡᲡ ᲩᲐᲜᲘᲨᲜᲣᲚᲘ ᲢᲔᲡᲢᲘᲠᲔᲑᲘᲡᲐᲗᲕᲘᲡ

🇬🇧ინგლისური ენის ცოდნის დონის დადგენის მსურველებისათვის რეგისტრაცია პროექტ „სერტუსის“ ფარგლებში 24 ივლისის 10:00 საათიდან 29 ივლისის 17:00 საათამდე გაგრძელდება. ტესტირება შეფასებისა და გამოცდების ეროვნულ ცენტრში 31 ივლისს ჩატარდება.

🇬🇧 ტესტირების მონაწილეს შეუძლია ჩააბაროს როგორც მთლიანად ტესტი, ისე მისი ცალკეული ნაწილი/ნაწილები. ერთი ნაწილის ჩაბარების შემთხვევაში (მაგ.: მოსმენა), მონაწილე მიიღებს შესაბამის ცნობას. სერტიფიკატი კი, რომლის მოქმედების ვადაც 3 წელია, ტესტის სრულად (ოთხივე ნაწილის) ჩაბარების შემთხვევაში გაიცემა.

🇬🇧 დეტალური ინფორმაცია რეგისტრაციასთან და სხვა საკითხებთან დაკავშირებით იხილეთ ბმულზე, რომელსაც ნახავთ ამ პოსტის კომენტარში.

🇬🇧 აქვე შეგახსენებთ, რომ გამოსაცდელს შეუძლია მისთვის ხელსაყრელი დრო გამოქვეყნებული კალენდრიდან აირჩიოს. ყოველი რეგისტრაციის შესახებ ინფორმაცია წინასწარ გამოქვეყნდება

ონლაინ ლექცია ,,შშმ პირების სოციალიზაციის საკითხები" და მსმენელთა გამოხმაურებები ☺️🍀💓 ლექციის წამყვანი: ფსიქოკონსულტანტი #შშმ

🙈😃☑️

☺️🐯 თავისზე ნაკლებს არ ეჯიბრებიან 🐯☺️

⭐️ ფოტოზე გამოსახულია ექსპერიმენტი, რომელიც ზოოლოგებმა ჩაატარეს, როცა ცხოველების ქცევას აკვირდებოდნენ. რამდენიმე ძაღლი, რომელთა ჯიშებიც ცნობილია სწრაფი სირბილის უნარით და ასევე ერთი ლეოპარდი შეიყვანეს გვერდიგვერდ განლაგებულ პატარა სათავსოებში. ისინი გარკვეული პერიოდით იქ გააჩერეს. ამ პროცესში ძაღლებიც და ლეოპარდიც ერთმანეთს ხედავდნენ. მეცნიერები ვარაუდობდნენ, რომ სათავსოს სივიწროვე ცხოველებს აიძულებდა, კარის გაღებისთანავე მთელი სისწრაფით გამოქცეულიყვნენ გემრიელი საკვებისაკენ, რომლის სუნიც მძაფრად იგრძნობოდა. ამ ექსპერიმენტით ზოოლოგებს უნდოდათ შეემოწმებინათ ცხოველების რეაქციისა და რბენის სისწრაფე.

⭐️ დანიშნული დრო მოვიდა და ყველა კარი ერთდროულად გაიხსნა. მადისაღმძვრელი სუნით გადარეული ძაღლები თავპირისმტვრევით გამოცვივდნენ სათავსოებიდან და საკვებისკენ ქოშინით გაიქცნენ. ლეოპარდმა კი მედიდურად გამოიხედა და ადგილიდან არ დაძრულა.

⭐️ როცა ექსპერიმენტის დამკვირვებელ ერთ-ერთ მეცნიერს დაუსვეს კითხვა, თუ რატომ მოიქცა ლეოპარდი ასე, მან უპასუხა:

⭐️ - ჩვენ ახლა ვსაუბრობთ ძალიან გონიერ და დაკვირვებულ მტაცებელზე. მან ნახა, ვინ ყავდათ მის გვერდით მდებარე საკნებში. როცა ჩხაკუნის ხმა გაიგო, მიხვდა, მალე ყველა კარი გაიხსნებოდა და ჩათვალა, რომ ძაღლებთან ერთად საკვებისაკენ გაქცევა საინტერესო არ იყო - ის მათ კონკურენტებად ვერ აღიქვამდა და სირბილის იმპულსი მასში არ აღიძრა. ლეოპარდმა იცოდა, რომ ძაღლებზე ბევრად ძლიერი იყო, ინსტინქტი კი კარნახობდა, რომ საკვებს მაშინ მოიპოვებდა, როცა მოუნდებოდა და ასეთ არათანაბარ შეჯიბრში ჩართვა უბრალოდ დაეზარა. 🐯🥇🏆👑

მასალა თქვენთვის მოამზადა ,,გრინვიჩ აკადემიამ".