მზიანი სახლის ბანაკები • Sunny House Camps

☀ „მზიანი კლუბი“ არის სივრცე, რომელიც 13-16 წლის მოზარდებისთვის ის საყვარელი და სანდო ადგილია, სადაც თანატოლებთან ერთად შეუძლიათ ისწავლონ, იხალისონ, დაისვენონ, სერიოზულ თემებზე ისაუბრონ, უფროსების მიერ მომზადებულ ტრენინგს დაესწრონ ან თავად დააორგანიზონ მათ საჭიროებებზე მორგებული ღონისძიებები.
👨‍👩‍👦 მშობლებო, რატომ უნდა დაარეგისტრიროთ თქვენი შვილები „მზიან კლუბში“?
- შეხვედრები არის დაგეგმილი პროფესიონალი ტრენერებისა და ახალგაზრდული მუშაკების მიერ. პროგრამა ითვალისწინებს ასაკობრივ თავისებურებებს და მოზარდების საჭიროებებს, არის ორიენტირებული სოციალური უნარების განვითარებაზე.
- მოზარდები სწავლობენ ურთიერთობებს, გუნდში მუშაობას, თანამშრომლობას, ხდებიან უფრო გახსნილები და პოზიტიურები.
- ესწრებიან როგორც საგანმანათლებლო სესიებს, ასევე აწყობენ გასართობ და შემეცნებით ღონისძიებებს, დადიან ლაშქრობებში, გეგმავენ სოციალურ პროექტებს და კეთილ საქმეებს.

🤩 მოზარდებო, რატომ უნდა დარეგისტრირდეთ „მზიან კლუბში“?
- აქ ყოველთვის მოგისმენენ და მხარს დაგიჭერენ;
- აქ თავს კომფორტულად იგრძნობთ;
- შეძლებთ იმ თემებსა და საკითხებზე მსჯელობას, რომლებიც თქვენთვის აქტუალური და მნიშვნელოვანია;
- მზიანში არ ვატარებთ გაკვეთილებს - მრავალფეროვანი მეთოდებით და თამაშებით ვსწავლობთ ერთმანეთისგან - როგორ გავხდეთ უკეთესები და ვიპოვოთ ის გარემო, სადაც ყოფნა ძალიან სასიამოვნოა და სადაც დაბრუნების სურვილი ყოველთვის გაქვს

მზიანი სახლის ბანაკი აწყურში 2025

I ნაკადი - 25 ივლისი - 3 აგვისტო
II ნაკადი - 5 - 14 აგვისტო

🌅 როგორია მზიანი სახლის ბანაკის პროგრამა და სად იმართება?
რატომ უყვართ ბავშვებს ჩვენთან ზაფხულის გატარება და რატომ ბრუნდებიან კვლავ და კვლავ?

🏡 ⛺️აწყურის ბანაკში ყველაზე ლამაზი ხედებია - ვარჯიშობ, თამაშობ, მეგობრებთან კისკისებ თუ კოცონთან მღერი - დღისით ბევრი სიმწვანე და ღამე ულევი ვარსკვლავია.

🥰 ბანაკში უკვე ტრადიციად ქცეულია საიდუმლო მეგობარზე ზრუნვა და მზის ამოსვლის შეგებება, სპორტის სხვადსხვა აქტივობების ჩემპიონატები და ღამე კარავში გატარება.

🏠 მონაწილეები და ლიდერები კოპწია კოტეჯებში ცხოვრობენ და თავისი საყვარელი ოთახებიც კი აქვთ (ჰო, მე-5 და მე-13-ე უკვე დაკავებულია ;)).

🧋 სასადილოში ყველანი რაზმების მიხედვით სხდებიან და სადილის დროს თითო რაზმიდან თითო სადღეგრძელოსაც აჟღერებენ (თავიდან ერიდებათ და მერე სადღეგრძელოების სათქმელად რიგი დგას :))

🐠 უწკრიალეს ნაკადულებზე ხიდებით გადავდივართ და ხანდახან ხელნაკეთი ანკესებით ოქროს თევზებს ვიჭერთ

სანამ ჩვენი ბანაკები დაიწყებოდა, ჩვენ ულამაზეს აწყურის ბაზაზე ბლექსის უსაყვარლესი და უყოჩაღესი ახალგაზრდები მივიღეთ ♡♡♡ გვიხარია, რომ კიდევ ერთ ჯგუფს შევაყვარეთ ეს გარემო, ვამოტივირეთ და უფრო მეტად პოზიტიურები და ლაღები გავუშვით სახლებში ♡♡♡

🥰და, აი, დადგა ის დრო, რომ გამოვაცხადოთ "მზიანი სახლის ბანაკების" შესახებ!!!

წელს 2 ნაკადი გვექნება!

🌸ორივე ნაკადზე ისეთ პროგრამას გიმზადებთ, რომ მონაწილეები მთელი წელი შთაბეჭდილებების ქვეშ იქნებიან და მშობლები და მეგობრები ამოუწურავ ისტორიებს მოისმენთ ბანაკური ცხოვრებიდან!

🌸ვინც ერთხელ მოხვდება ჩვენთან, იმან იცის, რომ აქ არა მხოლოდ გართობაა - აქ სწავლობენ მეგობრობას, პატივისცემას, სიყვარულს. აქ იძენენ დამოუკიდებლობას, ავითარებენ სოციალურ და პიროვნულ უნარებს.

🌟მრავალფეროვანი პროგრამა შედგენილია პროფესიონალი ტრენერების და ახალგაზრდული მუშაკების მიერ.

🏡ბანაკი ყოველ წელიწადს აწყურის საბანაკე ბაზაზე ტარდება. რატომ? იმიტომ რომ აქ არის უნიკალური საბანაკე ტერიტორია - გარე და შიდა სივრცეებით, ბორჯომ-ხარაგაულის დაცულ ტერიტორიაზე.

👨‍👨‍👧‍👦ბანაკის მონაწილეები სამ ასაკობრივ კატეგორიად არიან დაყოფილები. ვითვალისწინებთ არამხოლოდ ასაკს, არამედ იმას, თუ რომელ კლასში გადავიდა არასრულწლოვანი.

🏠ოთახებში 4-4 მოზარდია განთავსებული.
თითო რაზმში 15-20 მოზარდია, რომელსაც წარუძღვება ლიდერების წყვილი - გოგო და ბიჭი.

💫ბანაკს ჰყავს 24 საათიანი დაცვა, ექიმი.
ლიდერების მიერ ჩატარებული პროგრამის გარდა, საჭიროების შემთხვევაში მოზარდებთან მუშაობს ფსიქოთერაპევტი.

📷 მშობლებისთვის დღის განმავლობაში იწერება ლაივები, იტვირთება ფოტოები და ვიდეოები ბანაკის დახურულ ჯგუფში.

💸 საგზურის საფასური: 1200 ლარი
დედმამიშვილებისთვის: 1080 ლარი

📞 დამატებითი კითვებისთვის მოგვმართეთ: 595 37 30 47

დარეგისტრირდით აქ: https://docs.google.com/forms/d/e/1FAIpQLScNnNn-WZT388MDp_fbZdMWqr7bWkaVD-gYKLq4EgNbD3moDg/viewform?usp=pp_url

☀️ "მზიანი კლუბი" აცხადებს მიღებას!
კლუბის შეხვედრები გაიამრთება ყოველ შაბათს, 14:00 - 17:00.
მონაწილეთა ასაკი - 14-16 წელი.
მისამართი - ივ. ჯავახიშვილის 82.
პირველი შეხვედრა - 19 ოქტომბერი.
კლუბის 1 თვის ღირებულებაა 70 ლარი.
არის მხოლოდ 9 ადგილი, ასე რომ, ვისაც გაქვთ, სურვილი, არ გადადოთ, დარეგისტრირდით ❤

მზიანი სახლის ახალგაზრდული კლუბი 2024-2025 "მზიანი კლუბი" არის სივრცე, სადაც კვირაში ერთხელ 14-16 წლის ახალგაზრდებს უტარდებათ საგანმანათლებლო, შემეცნებითი, შე....

დასრულდა ჩვენი ზღაპრული 10 დღე აწყურში 🌟

ჩამოვიტანეთ ულევი სიყვარული, პოზიტივი, დაუვიწყარი მოგონებები და მომავალი ზაფხულის მოლოდინის რეჟიმზე გადავედით 🌟

🥳 წელს იყო სასწაული ნაკადი - აწყურის ვარსკვლავები ათასჯერ მეტად კაშკაშებდნენ, აწყურის მზე ასე ლამაზად არასოდეს ამოსულა და ასე ლამაზად არ დაუმშვენებია ჩვენი ყოველწლიური რიტუალი "მზის ამოსვლის შეგებება". 🌄
კოცონი უფრო გვათბობდა და უფრო გვილამაზებდა საღამოებს, ფილმები უფრო საინტერესო ხდებოდა ღია ცის ქვეშ ჩვენებებისას და პოპკორნი ასეთი გემრიელი არასოდეს ყოფილა.
🥰 ყველაფერი მოვასწარით, რაც დაგეგმილი გვქონდა - ბევრჯერ ვილაშქრეთ, კარვებშიც ვიძინეთ, ფილმებიც გადავიღეთ, ლამაზი ნაკეთობებიც შევქმენით, მააგრამ, რაც მთავარია და რასაც ყველაზე მეტად ვაფასებთ - დავმეგობრდით და ბევრი ლამაზი მოგონება შევქმენით ერთად.
😍 ყველაზე მეტად რა გვახარებს? რომ ჯერ ბანაკიდან არ ჩამოსულან, უკვე მომავალი წლის ბანაკისთვის ემზადებიან ჩვენი მონაწილეები. აქ შეძენილი მეგობრობა ყველაზე ხანგრძლივია. აქ ჩამოყალიბებული ფასეულობები - ყველაზე მყარია. აქ დაბადებული ემოციები - ყველაზე გულწრფელი.

🌟 მადლობა, რომ ჩვენთან ერთად ქმნით ამ სასწაულ გარემოს.
ფოტოებით ვერ გადმოსცემ იმას, რაც ჩვენთან ტრიალებდა.

ძაალიან ბევრი ფოტო და ვიდეო - ჩვენს დახურულ ჯგუფში, სადაც დიიდი ჟრიამულია.