კერძო სკოლა ჰელიოსი / Private School Helios

სასწავლო ვიზიტი ფრანგული კულტურის ცენტრში. 🇫🇷 ჰელიოსის მეხუთეკლასელებმა მედიათეკა დაათვალიერეს, ანიმაციურ ფილმს უყურეს და თემატურ თამაშებში ჩაერთნენ. 📖

აღსანიშნავია, რომ მოსწავლეები მედიათეკის მკითხველები გახდნენ და შესაბამისი ბარათებიც გადაეცათ. 🎫
დღის ბოლოს მათ ფრანგული კერძები დააგემოვნეს და სკოლას კმაყოფილები დაუბრუნდნენ. 🍽️✅

მეცხრეკლასელების კულტურული ვიზიტი სოხუმის თეატრში. 🎭
მოსწავლეები დაესწრნენ სპექტაკლს „ვერის უბნის მელოდიები“, რამაც მათზე დიდი შთაბეჭდილება მოახდინა. 🎶

მსგავსი აქტივობები ხელს უწყობს მოზარდებში ხელოვნებისადმი ინტერესის გაღვივებასა და კულტურული ცნობიერების ამაღლებას. ✅

7ბ კლასის მოსწავლეთა ვიზიტი თბილისის ბოტანიკურ ბაღში მნიშვნელოვანი საგანმანათლებლო გამოცდილება აღმოჩნდა. 🌿 პროექტზე დაფუძნებული სწავლების ფარგლებში, მოსწავლეები უშუალოდ დააკვირდნენ მცენარეთა მრავალფეროვნებას და ბიოლოგიურ პროცესებს. 🔍

მსგავსი პრაქტიკული აქტივობები ავითარებს კვლევით უნარებს, ზრდის სწავლის მოტივაციას და ხელს უწყობს გარემოსადმი პატივისცემის ჩამოყალიბებას. ✨

14 აპრილი ქართული ენის დღეა! 🇬🇪📖

1978 წლის ამ დღეს ქართველმა ხალხმა ერთიანობით დაიცვა დედაენის სახელმწიფო სტატუსი. ეს თარიღი გვახსენებს, რომ ენა ჩვენი უმთავრესი საუნჯეა, რომელსაც გაფრთხილება და მოფრთხილება სჭირდება. ✨🌿

სკოლა ჰელიოსი გილოცავთ აღდგომის ბრწყინვალე დღესასწაულს ♥️

,,საქართველოს ისტორიაში ყოფილა დიდებული წამები და ეს წამი არის ერთ-ერთი უდიდებულესი. როდესაც ამ 70 წლის მანძილზე, ამ ტანჯვასა და ვაებაში, ამ სისხლის ღვრაში, პირველად, ასე შეკრული, ასე მთლიანი, წარმოდგა ქართველი ერი ღვთის წინაშე.”- მერაბ კოსტავა

ქედს ვიხრით იმ გმირების წინაშე, რომლებმაც საკუთარი სიცოცხლის ფასად მოგვიტანეს თავისუფლება. ეს დღე ჩვენი ერთიანობის მარადიული სიმბოლოა. 🥀

ლიტერატურული დისკუსია მე-8ა კლასში: „სოლომონ მორბელაძე“. 📖

პრეზენტაციისას მოსწავლეებმა დეტალურად განიხილეს პერსონაჟთა მოტივები და დავით კლდიაშვილის შემოქმედებითი ხედვა.

🔍 მათ აქტიურად გამოხატეს საკუთარი პოზიცია ნაწარმოებში დასმული პრობლემების შესახებ და პარალელები დღევანდელობასთან გაავლეს. 🤝

მათემატიკა სულაც არ არის მოსაწყენი, როცა საქმეში ლოგიკური ამოცანები და აზარტი ერთვება 🧩

ზუსტად ასეთი ამბავი გვქონდა VIა და VIბ კლასებში. ბავშვები ორ ტურად შეეჯიბრნენ ერთმანეთს ლოგიკურ თავსატეხებში. პაექრობა იმდენად დაძაბული და თანაბარი იყო, რომ გამარჯვებულის გამოვლენა საკმაოდ რთული აღმოჩნდა ⏳

საბოლოოდ, გუნდმა „ვარსკვლავებმა“ აჯობა ყველას და დამსახურებულად გაიმარჯვა! ⭐🏆

ასე გამოიყურება 5ა კლასის თვალით დანახული სამყარო 🌍🌿

ჩვენმა მოსწავლეებმა დღეს „ეკოსისტემის“ შესახებ იმსჯელეს. ჯგუფებად დაიყვნენ და ერთმანეთს აუხსნეს, როგორ უკავშირდება ცოცხალი ბუნება გარემოს - მზეს, წყალს თუ ნიადაგს ☀️💧

Vა კლასის ვიზიტი ილუზიების მუზეუმში 🏛️
მოსწავლეებმა დაათვალიერეს ილუზიების მუზეუმის ექსპოზიცია, სადაც ვიზუალური ეფექტებისა და ფანტაზიის შერწყმას გაეცნენ ✨

მუზეუმში მიღებული შთაბეჭდილებები მოსწავლეებმა მოგვიანებით სკოლაში შეაჯამეს. დისკუსიის დროს მათ ისაუბრეს კრეატიული აზროვნების მნიშვნელობაზე და იმაზე, თუ როგორ შეიძლება რეალობისა და წარმოსახვის დაკავშირება💡

მათემატიკური აღმოჩენები 3ბ კლასში! 🔢✨

ჩვენი სკოლის მესამე კლასის მოსწავლეებმა პრაქტიკული სავარჯიშოებით შეისწავლეს გაყოფისა და გამრავლების საიდუმლოებები. ბავშვებმა თამაშ-თამაშით დაასკვნეს, რომ ერთი და იგივე რაოდენობა შეიძლება სხვადასხვა რიცხვზე გაიყოს, ხოლო, თავად გაყოფა - გამრავლების შებრუნებული მოქმედებაა!

✨ მარტივად ათვისებული რთული მასალა და ბევრი ბედნიერი სახე - აი, ასეთია ჩვენთან მათემატიკის გაკვეთილი.

📞 599 51 01 37
📞 593 22 37 32
📩 [email protected]

🌸 სკოლა ჰელიოსი გილოცავთ 8 მარტს!

გისურვებთ უსაზღვრო ბედნიერებას, სიყვარულსა და ნათელ, სიხარულით სავსე დღეებს 💖