დანტე - თბილისის კომიტეტი • Dante - Tbilisi

-მუხრანელი, საქართველოს მაშინდელი სრულუფლებიანი ელჩი იტალიაში, ბატ. ზაალ გოგსაძე და პროფესორი, იტალიანისტი, ქალბ. ნინო ცერცვაძე, რომელიც ამჟამად ,,დანტე ალიგიერის საზოგადოების თბილისის კომიტეტის” პრეზიდენტი გახლავთ.
,,დანტე ალიგიერის საზოგადოების თბილისის კომიტეტის” დაარსების ერთ-ერთი მიზეზი გახლდა ისიც, რომ ჩვენს ქვეყანაში ევროპასთან ინტეგრაციის დიდი სურვილის ფონზე მნიშვნელოვნად იმატა იტალიური ენისა და კულტურის შესწავლით დაინტერესებულ პირთა რიცხვმა.
,,დანტე ალიგიერის საზოგადოების თბილისის კომიტეტის” საქმიანობის მიზნები იგივეა, რაც ამ საზოგადოებისა ზოგადად: საქართველოში იტალიური ენისა და კულტურის პოპულარიზაცია.
,,დანტე ალიგიერის საზოგადოების თბილისის კომიტეტის” წესდება მთლიანად შესაბამისობაში მოდის ამ საზოგადოების ცენტრალური კომიტეტის დებულებასთან, აქედან გამომდინარე, ის წარმოადგენს არაკომერციული მიზნების მქონე ნებაყოფილობით საზოგადოებას.
,,დანტეს” თბილისის კომიტეტის ოფისი მდებარეობს კ.ქუთათელაძის #6, საქართველოს მხატვართა კავშირის” შენობაში. საიჯარო ხელშეკრულების საფუძველზე.
დღიდან მისი დაარსებისა ,,დანტე ალიგიერის საზოგადოების თბილისის კომიტეტი”, გარდა მასთან არსებულ ენის შემსწავლელ კურსებზე იტალიური ენისა და კულტურის მაღალხარისხიანი სწავლებისა, მთელ ქართულ საზოგადოებას სთავაზობს მრავალფეროვან ,,კულტურულ პაკეტს” მთელი რიგი ისეთი საგანმანათლებლო და კულტურული ღონისძიებებისა, როგორებიცაა ლიტერატურული საღამოები, შეხვედრები, კონფერენციები, გამოფენები, კინოფორუმები და სხვ. აღსანიშნავია, რომ დანტე ალიგიერის საზოგადოების თბილისის კომიტეტთან”, არსებულ ენის კურსებზე იტალიური ენისა და კულტურის შემსწავლელ პირთა რიცხვი საგრძნობლად გაიზარდა.
თბილისის ,,დანტეს” კომიტეტთან ფუნქციონირებს აგრეთვე PLIDA-ს (Progetto Lingua Italiana Dante Alighieri) სასერტიფიკაციო ცენტრი, რომლის ლიცენზია მას ,,დანტე ალიგიერის საზოგადოების” ცენტრალური კომიტეტის სამეცნიერო საბჭომ მიანიჭა 2007 წელს. აღნიშვნის ღირსია ის ფაქტიც, რომ მსოფლიოში მოქმედი 500 საზღვარგარეთის კომიტეტიდან მხოლოდ 200-ს გააჩნია PLIDA-ს სასერტიფიკაციო ცენტრი, რაც ამ ცენტრში მომუშავე ქართველი იტალიანისტების მაღალ კვალიფიკაციაზე მეტყველებს.
ასევე „დანტე ალიგიერის საზოგადოება-თბილისის კომიტეტის“ წიაღში 2011 წელს დაარსდა „დანტეს“ ხელოვნების სკოლა.
სკოლის მიზანია მოზარდში შემოქმედებითი უნარების, მსოფლმხედველობის, ესთეტიკური გემოვნებისა და სულიერი ღირებულებების სამყაროში სწორი ორიენტაციის უნარების გამომუშავება, რაც ააქტიურებს ადამიანის აზროვნებას, გონების აქტივობა კი უდიდესი სიკეთეა, რომელსაც ხელოვნება იძლევა.
„დანტეს ხელოვნების სკოლა“ თავისი სპეციფიკით და სწავლების თანამედროვე მეთოდებით განსხვავდება საქართველოში არსებული სხვა ხელოვნების სკოლებისა თუ სამხატვრო სტუდიებისაგან.
სკოლის მთავარი პრიორიტეტია იტალიური ენის შესწავლით ქართველი მოზარდი ვაზიაროთ იტალიურ კულტურასა და ხელოვნებას, როგორც ზოგადად ევროპული კულტურის საფუძველს. კულტურასთან ზიარება კი ხელოვნების ცალკეული დარგების შესწავლის გარეშე შეუძლებელია, ამიტომ ჩვენი სკოლის მეორე განმასხვავებელი ნიშანი არის ის, რომ აქ ხელოვნების დარგების შესწავლა ხდება არა ცალ-ცალკე, არამედ მათ სინთეზში, როგორც ერთიანი შემოქმედებითი პროცესი (ყოველივე ამას მოზარდი ადრეულ ასაკში უნდა ეზიაროს. ამიტომ ამ პროცესს უნდა მიეცეს ისეთი მიმართულება, რომელშიც ორგანულად შერწყმულია კრეატივი და შრომა.
ხელოვნების სკოლის სასწავლო მეთოდური პროგრამები შემუშავებულია ასაკობრივი შკალის მიხედვით. სკოლაში მოზარდები ეუფლებიან თავისუფალ ხატვას - ფერწერას, ძერწვას, თიხაზე მუშაობას, აპლიკაციას, დეკორატიული ფიგურების შექმნას, დიზაინისა და მაკეტირების ელემენტებს, მითოლოგიას, ხელოვნების ისტორიასა და იტალიურ ენას.