Georgian Anti-Doping Control and Education Agency

⚠️ BPC-157 საშიში ექსპერიმენტული ნივთიერებაა და აკრძალულია!

BPC-157 არ არის დამტკიცებული ადამიანებში კლინიკური გამოყენებისთვის არცერთი გლობალური მარეგულირებელი ორგანოს მიერ. მისი უსაფრთხოება, ეფექტიანობა და შესაძლო გვერდითი მოვლენები სრულყოფილად შესწავლილი არ არის, ამიტომ გამოყენებამ შესაძლოა ჯანმრთელობას სერიოზული საფრთხე შეუქმნას.

მსოფლიო ანტიდოპინგური სააგენტოს (WADA) 2026 წლის აკრძალული სიის მიხედვით, BPC-157 შეტანილია S0 — დაუმტკიცებელი ნივთიერებების კატეგორიაში და აკრძალულია ნებისმიერ დროს — როგორც შეჯიბრების პერიოდში, ისე მის მიღმა.

მოვუწოდებთ სპორტსმენებსა და სპორტსმენის დამხმარე პერსონალს:

🔹 არ გამოიყენონ დაუმტკიცებელი ან უცნობი შემადგენლობის პრეპარატები;
🔹 გამოყენებამდე აუცილებლად გადაამოწმონ ნებისმიერი პროდუქტის შემადგენლობა;
🔹 საჭიროების შემთხვევაში კონსულტაცია გაიარონ ექიმთან ან ანტიდოპინგურ ორგანიზაციასთან.

✅ ინფორმირებული არჩევანი იცავს სპორტსმენის ჯანმრთელობას, რეპუტაციასა და პროფესიულ კარიერას.

WADA-ს დელეგაცია GADCEA-ს სამუშაო ვიზიტით ეწვია World Anti-Doping Agency

მსოფლიო ანტიდოპინგური სააგენტოს (WADA) მაღალი რანგის წარმომადგენლები ოფიციალური სამუშაო ვიზიტით საქართველოს ანტიდოპინგური კონტროლის და განათლების სააგენტოს (GADCEA) ეწვივნენ.

ვიზიტის ფარგლებში გაიმართა შეხვედრები GADCEA-ს გუნდთან, საქართველოს სპორტის სამინისტროს წარმომადგენლებთან და სპორტის მინისტრთან, ბატონ შალვა გოგოლაძესთან.

შეხვედრებზე განხილული იყო საქართველოს ანტიდოპინგური სისტემის განვითარების მიმდინარე პროცესები, სააგენტოს საქმიანობის ძირითადი მიმართულებები, საერთაშორისო თანამშრომლობის გაძლიერება და სამომავლო პრიორიტეტები.

ვიზიტმა კიდევ ერთხელ დაადასტურა GADCEA-სა და WADA-ს შორის მჭიდრო თანამშრომლობა, რომლის მიზანია სუფთა სპორტის პრინციპების გაძლიერება და საქართველოში ეფექტიანი ანტიდოპინგური სისტემის განვითარება.

GADCEA — საქართველოში ერთადერთი ანტიდოპინგური სააგენტო, რომელიც აღიარებულია როგორც მსოფლიო ანტიდოპინგური სააგენტოს (WADA), ისე საქართველოს სპორტის სამინისტროს მიერ World Anti-Doping Agency

მსოფლიო ანტიდოპინგურმა სააგენტომ (WADA) ოფიციალურად დაადასტურა საქართველოს ანტიდოპინგური კონტროლისა და განათლების სააგენტოს (GADCEA) მიერ მსოფლიო ანტიდოპინგური კოდექსის მიღება და სააგენტოს ეს მნიშვნელოვანი ნაბიჯი მიულოცა.

ოფიციალურ წერილში WADA აღნიშნავს, რომ GADCEA-ს საქმიანობა მსოფლიო ანტიდოპინგური მოძრაობის ნაწილია და ემსახურება სუფთა სპორტის, სამართლიანი კონკურენციისა და სპორტის კეთილსინდისიერების დაცვას. სააგენტო ასევე გამოხატავს GADCEA-სთან მჭიდრო თანამშრომლობის გაგრძელების მზადყოფნას სუფთა სპორტისა და სპორტსმენების ინტერესების დასაცავად.

განსაკუთრებული მადლობა Ieva Lukosiute-Stanikuniene-ს, Stefan Trinks-სა და Sebastien Gillot-ს პროფესიონალიზმის, ნდობისა და მუდმივი მხარდაჭერისთვის. მათი ექსპერტული ხელმძღვანელობა, კონსტრუქციული თანამშრომლობა და პროცესის თითოეულ ეტაპზე ჩართულობა გადამწყვეტი იყო GADCEA-ს ჩამოყალიბებისა და საქართველოში WADA-ს მიერ აღიარებული ანტიდოპინგური სისტემის შექმნის პროცესში.

რა ხდება დოპინგ-კონტროლის დროს?

დოპინგ-კონტროლი სუფთა სპორტისა და სამართლიანი კონკურენციის დაცვის მნიშვნელოვანი მექანიზმია.

პროცესი რამდენიმე ეტაპს მოიცავს:

* სპორტსმენის შერჩევას ტესტირებისთვის;

* დოპინგ-კონტროლის ოფიცრის მიერ შეტყობინების გადაცემას;

* სპორტსმენის იდენტიფიკაციის დადასტურებას;

* ნიმუშის (შარდის ან სისხლის) აღებას დადგენილი პროცედურების შესაბამისად;

* ნიმუშის უსაფრთხოდ შეფუთვასა და აკრედიტებულ ლაბორატორიაში გაგზავნას.

სანდო და გამჭვირვალე დოპინგ-კონტროლი იცავს სპორტის სამართლიანობას და ქმნის თანაბარ პირობებს ყველა სპორტსმენისთვის. დაგვიკავშირდით 511484040

საქართველო არის ქვეყანა, რომელსაც შეუძლია დაამტკიცოს თავისი სიძლიერე, ნიჭი და გამარჯვების უნარი ყოველგვარი თაღლითობისა და აკრძალული საშუალებების გარეშე.

საქართველოს ანტი-დოპინგური კონტროლისა და განათლების სააგენტოს (GADCEA) შექმნა მნიშვნელოვანი ნაბიჯია სუფთა სპორტის, სამართლიანი კონკურენციისა და სპორტსმენთა უფლებების დაცვის მიმართულებით. ჩვენი მიზანია თანამედროვე, დამოუკიდებელი და საერთაშორისო სტანდარტებზე დაფუძნებული ანტი-დოპინგური სისტემის განვითარება, რომელიც დაეხმარება სპორტსმენებს წარმატების მიღწევაში პატიოსანი გზით.

ჩვენ გვჯერა, რომ ნამდვილი გამარჯვება მიიღწევა შრომით, თავდადებით, პროფესიონალიზმითა და სამართლიანი თამაშის პრინციპების დაცვით.

ეს მხოლოდ ახალი სააგენტოს შექმნა არ არის — ეს არის ახალი პასუხისმგებლობა, ახალი ხედვა და ახალი შესაძლებლობა საქართველოს სპორტისთვის.

ერთად დავამტკიცოთ, რომ ქართული სპორტის ძალა მის სისუფთავეში, ღირსებასა და სამართლიანობაშია.

Clean Sport. Strong Nation. Fair Future. დაგვიკავშირდით 511484040

საქართველოს ანტიდოპინგური კონტროლისა და განათლების სააგენტო (GADCEA) საქართველოში ანტიდოპინგური სისტემის განვითარებასა და სუფთა სპორტის პრინციპების გაძლიერებაზე მუშაობს.

ჩვენი პრიორიტეტებია:

• სპორტსმენების განათლება;

• ეფექტური ანტიდოპინგური პროგრამების განხორციელება;

• სუფთა სპორტის კულტურის გაძლიერება.

გვჯერა, რომ სუფთა სპორტი იწყება ცოდნით, პასუხისმგებლობითა და სწორი არჩევანით. დაგვიკავშირდით 511484040

🚫 სანამ რაიმე მედიკამენტს ან დანამატს მიიღებ, გადაამოწმე!

აკრძალული ნივთიერებები შეიძლება აღმოჩნდეს როგორც მედიკამენტებში, ისე საკვებ დანამატებში — ზოგჯერ კი ეტიკეტზე მითითების გარეშეც.

✅ გადაამოწმე ნებისმიერი პროდუქტი გამოყენებამდე.
✅ მიიღე გადაწყვეტილებები პასუხისმგებლობით.
✅ დაიცავი შენი ჯანმრთელობა და სპორტული კარიერა.

დაფიქრდი, გადაამოწმე, შემდეგ გამოიყენე! დაგვიკავშირდი 511484040

#ანტიდოპინგი