საქართველოს ანტიდოპინგური კონტროლის და განათლების სააგენტო GADceA

  • Home
  • Georgia
  • Tbilisi
  • საქართველოს ანტიდოპინგური კონტროლის და განათლების სააგენტო GADceA

საქართველოს ანტიდოპინგური კონტროლის და განათლების სააგენტო GADceA Contact information, map and directions, contact form, opening hours, services, ratings, photos, videos and announcements from საქართველოს ანტიდოპინგური კონტროლის და განათლების სააგენტო GADceA, Education, University str, Tbilisi.

Agency ensures fair play through testing, results management, and education, in line with the World Anti-Doping Code.
სააგენტო უზრუნველყოფს სამართლიან თამაშს ტესტირების, შედეგების მართვისა და განათლების გზით, მსოფლიო ანტიდოპინგური კოდექსის შესაბამისად.

საქართველოს ანტიდოპინგური კონტროლისა და განათლების სააგენტოს (GADCEA) და ცენტრალური ევროპის ანტიდოპინგური ორგანიზაციის (...
27/09/2026

საქართველოს ანტიდოპინგური კონტროლისა და განათლების სააგენტოს (GADCEA) და ცენტრალური ევროპის ანტიდოპინგური ორგანიზაციის (CEADO) მენტორობის პროგრამის ფარგლებში საქართველოში დოპინგ-კონტროლის ოფიცრების პროფესიული განვითარებისა და გადამზადების მხარდაჭერა გრძელდება.

მენტორობის პროგრამის ფარგლებში, GADCEA-ს დოპინგ-კონტროლის ოფიცრების პროფესიულ გადამზადებასა და პრაქტიკული უნარების გაძლიერებაში მონაწილეობა მიიღეს უცხოელმა კოლეგებმა. ტრენინგის ჩასატარებლად საქართველოში სერბეთიდან ჩამოვიდნენ დოპინგ-კონტროლის ოფიცრები Zorana Stankovic, Aleksandra Pucar და Vladimir Sekulic, ხოლო ბულგარეთიდან — Boris Georgiev Kadinov.

ტრენინგი დოპინგ-კონტროლის პროცესის პრაქტიკულ საკითხებსა და შესაბამისი პროცედურების ეფექტიანად განხორციელებას დაეთმო. ტრენინგის დასრულების შემდეგ მონაწილეებმა მიღებული ცოდნა და გამოცდილება პრაქტიკაში გამოიყენეს და დოპინგ-კონტროლის მისიებში მიიღეს მონაწილეობა.

საერთაშორისო გამოცდილების გაზიარება და პრაქტიკული თანამშრომლობა მნიშვნელოვანია დოპინგ-კონტროლის სფეროში პროფესიული კომპეტენციების გაძლიერებისა და პროცესების მუდმივი გაუმჯობესებისთვის.

საქართველოს ანტიდოპინგური კონტროლისა და განათლების სააგენტომ (GADCEA) სხვადასხვა სპორტული ფედერაციის სამედიცინო პერსონალ...
21/09/2026

საქართველოს ანტიდოპინგური კონტროლისა და განათლების სააგენტომ (GADCEA) სხვადასხვა სპორტული ფედერაციის სამედიცინო პერსონალისთვის სუფთა სპორტისა და დოპინგის პრევენციის საკითხებზე ტრენინგი ჩაატარა.

შეხვედრა დაეთმო აკრძალულ ნივთიერებებს, საკვები დანამატების გამოყენებასთან დაკავშირებულ რისკებს, სამედიცინო პერსონალის პასუხისმგებლობებსა და თერაპიული გამოყენების გამონაკლისის (TUE) მიღების წესს. ყურადღება გამახვილდა სამედიცინო პერსონალის როლზე სპორტსმენთა ჯანმრთელობის დაცვასა და ანტიდოპინგური წესების დარღვევის პრევენციაში.

სააგენტო ამ მიმართულებით ტრენინგებს აგრძელებს. საგანმანათლებლო შეხვედრების მიზანია, სპორტსმენებთან მომუშავე სპეციალისტებს ჰქონდეთ ცოდნა, რომელიც ყოველდღიურ საქმიანობაში ინფორმირებული გადაწყვეტილებების მიღებაში დაეხმარებათ.

#სუფთასპორტი #ანტიდოპინგურიგანათლება

GADCEA-ში დოპინგ-კონტროლის ოფიცერთა პროფესიული გადამზადების ტრენინგი გაიმართა.საქართველოს ანტიდოპინგური კონტროლისა და გა...
16/09/2026

GADCEA-ში დოპინგ-კონტროლის ოფიცერთა პროფესიული გადამზადების ტრენინგი გაიმართა.

საქართველოს ანტიდოპინგური კონტროლისა და განათლების სააგენტოში (GADCEA) დოპინგ-კონტროლის ოფიცრებისა (DCO) და სისხლის ნიმუშის აღების ოფიცრებისთვის (BCO) პროფესიული გადამზადების ტრენინგი ჩატარდა.

ტრენინგი მოიცავდა დოპინგ-კონტროლის პროცესის ძირითად ეტაპებს, პროცედურების სწორად შესრულებასთან დაკავშირებულ მოთხოვნებსა და პრაქტიკაში არსებულ საკითხებს. განსაკუთრებული ყურადღება დაეთმო DCO-სა და BCO-ს პასუხისმგებლობებს, ნიმუშის აღების პროცედურებს, დოკუმენტაციის სწორად წარმოებასა და სპორტსმენის უფლებების დაცვას.

ტრენინგის მნიშვნელოვანი ნაწილი დაეთმო პრაქტიკული შემთხვევების განხილვასა და გამოცდილების გაზიარებას.

GADCEA მომავალშიც გააგრძელებს DCO-ებისა და BCO-ების პროფესიული განვითარების მხარდაჭერას და გადამზადების ტრენინგების ჩატარებას, რაც მნიშვნელოვანია დოპინგ-კონტროლის პროცესის ხარისხისა და მაღალი სტანდარტების დაცვისთვის.

#სუფთასპორტი #ანტიდოპინგურიგანათლება

იცოდე შენი უფლებები!დოპინგ-კონტროლის დროს მნიშვნელოვანია, იცოდე შენი უფლებები. თუ რამე გაურკვეველია, დასვი კითხვა და მოი...
08/09/2026

იცოდე შენი უფლებები!

დოპინგ-კონტროლის დროს მნიშვნელოვანია, იცოდე შენი უფლებები. თუ რამე გაურკვეველია, დასვი კითხვა და მოითხოვე განმარტება.

შენ გაქვს უფლება:

- დასვა კითხვები და მიიღო ინფორმაცია პროცედურის შესახებ;
- შეამოწმო დოპინგ-კონტროლის ოფიცრის (DCO) უფლებამოსილების დამადასტურებელი დოკუმენტი;
- თან გყავდეს წარმომადგენელი და, საჭიროების შემთხვევაში, თარჯიმანიც;
- საპატიო მიზეზით მოითხოვო დოპინგ-კონტროლის სადგურზე გამოცხადების გადავადება. ამისთვის საჭიროა DCO-ს ნებართვა;
- დოპინგ-კონტროლის ფორმაში დააფიქსირო შენი შენიშვნა ან პრეტენზია;
- თუ არასრულწლოვანი ხარ ან შეზღუდული შესაძლებლობა გაქვს, მოითხოვო წესებით გათვალისწინებული დახმარება და პროცედურის შენს საჭიროებებზე მორგება;
- მიიღო შევსებული დოპინგ-კონტროლის ფორმის ასლი.

ხელმოწერამდე ყურადღებით წაიკითხე ფორმა.

გადაამოწმე მონაცემები და დარწმუნდი, რომ შენი შენიშვნები სწორად არის ჩაწერილი. თუ პრეტენზია გაქვს, დააფიქსირე ფორმაში და განაგრძე პროცედურის წესების დაცვა.

საკუთარი უფლებების ცოდნა ისეთივე მნიშვნელოვანია, როგორც ანტიდოპინგური ვალდებულებების შესრულება.

საქართველოს ანტიდოპინგური კონტროლისა და განათლების სააგენტო — GADCEA
#სუფთასპორტი #ანტიდოპინგურიგანათლება

2026 წლის 2-4 სექტემბერს, სტრასბურგში, საქართველოს ანტიდოპინგური კონტროლისა და განათლების სააგენტოს (GADCEA) ხელმძღვანელ...
04/09/2026

2026 წლის 2-4 სექტემბერს, სტრასბურგში, საქართველოს ანტიდოპინგური კონტროლისა და განათლების სააგენტოს (GADCEA) ხელმძღვანელმა, პროფ. ხათუნა საგანელიძემ, საქართველოს დელეგატის სტატუსით მონაწილეობა მიიღო ევროპის საბჭოს ფარგლებში გამართულ მაღალი დონის შეხვედრებში:

🔹 მსოფლიო ანტიდოპინგური სააგენტოს საკითხებზე ევროპის სპეციალური კომიტეტის (CAHAMA) 72-ე შეხვედრაში;

🔹 ანტიდოპინგური კონვენციის მონიტორინგის ჯგუფის (T-DO) 63-ე შეხვედრაში.

შეხვედრების ფარგლებში განხილული იყო მსოფლიო ანტიდოპინგური პროგრამის მიმდინარე და სამომავლო პრიორიტეტები, 2027 წლის მსოფლიო ანტიდოპინგური კოდექსისა და საერთაშორისო სტანდარტების ეროვნულ დონეზე იმპლემენტაცია, ევროპის ქვეყნების კოორდინირებული თანამშრომლობა, განათლებისა და მეცნიერების მიმართულებები, ასევე სუფთა სპორტისა და სპორტის კეთილსინდისიერების დაცვის საკითხები.

შეხვედრებში საქართველოს მონაწილეობა მნიშვნელოვანია ევროპულ ანტიდოპინგურ სტრუქტურებთან თანამშრომლობის გაძლიერების, საერთაშორისო პროცესებში ქვეყნის აქტიური ჩართულობისა და საქართველოში თანამედროვე, დამოუკიდებელი და მსოფლიო სტანდარტებთან შესაბამისი ეროვნული სისტემის განვითარებისათვის.

📢 ანტიდოპინგური განათლების ტრენერთა შესარჩევი კონკურსისაქართველოს ანტიდოპინგური კონტროლისა და განათლების სააგენტო (GADCE...
02/09/2026

📢 ანტიდოპინგური განათლების ტრენერთა შესარჩევი კონკურსი

საქართველოს ანტიდოპინგური კონტროლისა და განათლების სააგენტო (GADCEA) აცხადებს კონკურსს ანტიდოპინგური განათლების ტრენერთა ჯგუფის — Educator Pool-ის — შესაქმნელად.

ვეძებთ პასუხისმგებლიან და მოტივირებულ კანდიდატებს, რომლებსაც შეუძლიათ ინფორმაციის მარტივად და გასაგებად გადაცემა, აინტერესებთ სპორტი და განათლება და სურთ წვლილი შეიტანონ სუფთა და სამართლიანი სპორტის განვითარებაში.

ანტიდოპინგურ სფეროში წინასწარი გამოცდილება სავალდებულო არ არის — შერჩეული კანდიდატები გაივლიან GADCEA-ს სპეციალურ მომზადებასა და საბოლოო შეფასებას.

ტრენერები პირისპირ და ონლაინ ფორმატში იმუშავებენ სპორტსმენებთან, მწვრთნელებთან, ექიმებთან, სპორტსმენის დამხმარე პერსონალთან, ფედერაციებისა და სხვა სპორტული ორგანიზაციების წარმომადგენლებთან.

✅ აუცილებელი მოთხოვნები:

• უმაღლესი განათლება;
• ქართული ენის ძალიან კარგი ცოდნა და თავისუფლად საუბარი;
• ინგლისური ენის ცოდნა მინიმუმ B1 დონეზე;
• ჯგუფთან მუშაობისა და ინფორმაციის გასაგებად გადაცემის უნარი;
• პასუხისმგებლობა, სანდოობა და პროფესიული ეთიკის დაცვა;
• GADCEA-ს სპეციალური მომზადების გავლისა და წინასწარ შეთანხმებული გრაფიკით მუშაობის მზადყოფნა.

უპირატესობად ჩაითვლება ტრენინგის, სწავლების, ფასილიტაციის გამოცდილება, სპორტულ სფეროში მუშაობა და საქართველოს რეგიონებში ტრენინგების ჩატარების შესაძლებლობა.

📩 კანდიდატმა უნდა გამოაგზავნოს:

• CV;
• მოკლე სამოტივაციო წერილი — არაუმეტეს ერთი გვერდისა.

📅 განაცხადების მიღების ბოლო ვადა: 25 სექტემბერი, 2026 წელი
📧 ელფოსტა: [email protected]
✉️ ელფოსტის სათაური: Educator Call

მხოლოდ მოკლე სიაში გადასულ კანდიდატებს დაუკავშირდებიან გასაუბრებისთვის.

გასაუბრების წარმატებით გავლა ავტომატურად არ ნიშნავს ტრენერის სტატუსის მიღებას. სააგენტოს სახელით ტრენინგების ჩატარების უფლება ექნებათ მხოლოდ იმ კანდიდატებს, რომლებიც დაასრულებენ სპეციალურ მომზადებას, წარმატებით გაივლიან საბოლოო შეფასებას და მიიღებენ GADCEA-ს ავტორიზაციას.

💰 ანაზღაურება:

ანაზღაურება განისაზღვრება ჩატარებული ტრენინგების მიხედვით — საათობრივი დარიცხული ანაზღაურება შეადგენს 125 ლარს.

შემოუერთდით GADCEA-ს საგანმანათლებლო გუნდს და გახდით საქართველოში სუფთა სპორტის კულტურის განვითარების ნაწილი!

#სუფთასპორტი #ანტიდოპინგურიგანათლება

ავსტრიაში სამუშაო ვიზიტის ფარგლებში, საქართველოს ანტიდოპინგური კონტროლისა და განათლების სააგენტოს (GADCEA) წარმომადგენლე...
27/08/2026

ავსტრიაში სამუშაო ვიზიტის ფარგლებში, საქართველოს ანტიდოპინგური კონტროლისა და განათლების სააგენტოს (GADCEA) წარმომადგენლები Seibersdorf Laboratories-ის დოპინგ-კონტროლის ლაბორატორიას ეწვივნენ.

Seibersdorf-ის ლაბორატორია მსოფლიო ანტიდოპინგური სააგენტოს (WADA) მიერ აკრედიტებული დოპინგ-კონტროლის ლაბორატორიაა.

ვიზიტის ფარგლებში GADCEA-ს წარმომადგენლებს შესაძლებლობა ჰქონდათ, უშუალოდ დაკვირვებოდნენ ლაბორატორიის სამუშაო პროცესს, ნიმუშების ანალიზის ეტაპებსა და თანამედროვე ანალიტიკური მეთოდების გამოყენებას.

მსგავსი პროფესიული ვიზიტები და საერთაშორისო გამოცდილების გაზიარება მნიშვნელოვანია ანტიდოპინგური პროცესების უკეთ გაცნობის, პროფესიული შესაძლებლობების განვითარებისა და საქართველოში ანტიდოპინგური სისტემის შემდგომი გაძლიერებისთვის.

საერთაშორისო თანამშრომლობა — სუფთა და სამართლიანი სპორტისთვის.

🇬🇪🇪🇺 GADCEA და CEADO თანამშრომლობის ახალ ეტაპზე — სამუშაო შეხვედრა ვენაშივენაში, ავსტრიის ეროვნული ანტიდოპინგური სააგენტ...
27/08/2026

🇬🇪🇪🇺 GADCEA და CEADO თანამშრომლობის ახალ ეტაპზე — სამუშაო შეხვედრა ვენაში

ვენაში, ავსტრიის ეროვნული ანტიდოპინგური სააგენტოს (NADA Austria) ოფისში გაიმართა CEADO–GADCEA Mentoring Working Meeting, რომელიც საქართველოს ანტიდოპინგური სისტემის გაძლიერებისა და CEADO-ს მენტორობის პროგრამის შემდგომი ნაბიჯების დაგეგმვას მიეძღვნა.

შეხვედრაზე განისაზღვრა მენტორობის ძირითადი მიმართულებები: პოლონეთის ანტიდოპინგური სააგენტო (POLADA) GADCEA-ს მენტორობას გაუწევს ტესტირების, უნგრეთის ანტიდოპინგური ორგანიზაცია (HUNADO) — შედეგების მართვის, ხოლო სლოვაკეთის ანტიდოპინგური სააგენტო (SADA) — ანტიდოპინგური განათლების მიმართულებით.

შეხვედრაში მონაწილეობდნენ ხათუნა საგანელიძე — GADCEA-ს ხელმძღვანელი; ეკატერინე დაფქვიაშვილი — GADCEA-ს განათლების დეპარტამენტის ხელმძღვანელი; Milica Vukašinović-Vesić — ADAS-ის დირექტორი; Michael Cepic — NADA Austria-ს აღმასრულებელი დირექტორი; Olha Zavhorodnya — POLADA-ს საერთაშორისო პროექტების მენეჯერი; Žaneta Csáderová — SADA-ს დირექტორი; Tomáš Pagáč — SADA-ს დირექტორის მოადგილე და Gergely Balázs — HUNADO-ს იურიდიული დირექტორი.

მხარეებმა შეაჯამეს უკვე მიღწეული პროგრესი, განიხილეს თითოეული მიმართულებით შემდგომი ნაბიჯები და ერთობლივად შეიმუშავეს CEADO–GADCEA-ს მენტორობის პროექტის სამოქმედო გეგმა.

თანამშრომლობა მიზნად ისახავს საქართველოში ძლიერი, დამოუკიდებელი და საერთაშორისო სტანდარტებთან შესაბამისი ანტიდოპინგური სისტემის განვითარებასა და ევროპელ პარტნიორებთან გრძელვადიანი თანამშრომლობის გაძლიერებას.

⚠️ სპორტსმენებო, ნუ შეხვალთ შეცდომაში!არ ენდოთ დაპირებას, რომ ექიმი, ნუტრიციოლოგი ან სხვა სპეციალისტი ჩვეულებრივი სისხლი...
25/08/2026

⚠️ სპორტსმენებო, ნუ შეხვალთ შეცდომაში!

არ ენდოთ დაპირებას, რომ ექიმი, ნუტრიციოლოგი ან სხვა სპეციალისტი ჩვეულებრივი სისხლისა თუ შარდის ანალიზებით შეძლებს წინასწარ დაადგინოს, „არის თუ არა დოპინგი თქვენს ორგანიზმში“ ან როდის აღარ იქნება აკრძალული ნივთიერება გამოვლენადი.

🔬 WADA-ს მიერ აკრედიტებული ანტიდოპინგური ლაბორატორიები მუშაობენ სპეციალიზებული, უახლესი ტექნოლოგიებითა და მაღალმგრძნობიარე ანალიტიკური მეთოდებით, რომლებსაც შეუძლიათ აკრძალული ნივთიერებების, მათი მეტაბოლიტებისა და შესაბამისი მარკერების აღმოჩენა ძალიან დაბალ კონცენტრაციებშიც კი.

ჩვეულებრივ კლინიკურ ლაბორატორიაში მიღებული „სუფთა“ პასუხი არ ნიშნავს, რომ ანტიდოპინგური ტესტიც უარყოფითი იქნება.

❗ ასევე არ არსებობს უნივერსალური „გამოდევნის ვადა“. ნივთიერების აღმოჩენის შესაძლებლობაზე გავლენას ახდენს მრავალი ფაქტორი — კონკრეტული ნივთიერება, დოზა, გამოყენების ხანგრძლივობა, ინდივიდუალური მეტაბოლიზმი, ნიმუშის ტიპი და გამოყენებული ანალიტიკური მეთოდი.

არ გარისკოთ კარიერა მცდარი გარანტიების გამო.

სპორტსმენი თავად არის პასუხისმგებელი იმაზე, რაც მის ორგანიზმში აღმოჩნდება.

სუფთა სპორტი იწყება ინფორმირებული გადაწყვეტილებით.

🔬 სპორტსმენებო, გახსოვდეთ — თქვენი სისხლის ან შარდის ნიმუშები შესაძლოა წლების განმავლობაში ინახებოდეს!დოპინგკონტროლის დრ...
22/08/2026

🔬 სპორტსმენებო, გახსოვდეთ — თქვენი სისხლის ან შარდის ნიმუშები შესაძლოა წლების განმავლობაში ინახებოდეს!

დოპინგკონტროლის დროს აღებული სისხლის ან შარდის ნიმუში, მათ შორის დალუქული B ნიმუში, შესაძლოა WADA-ს აკრედიტებულ ლაბორატორიაში 10 წლამდე იყოს შენახული.

ამ პერიოდის განმავლობაში ნიმუში შეიძლება განმეორებით გაანალიზდეს შესაბამისი ანტიდოპინგური ორგანიზაციის ან WADA-ს გადაწყვეტილებით:

🧬 ახალი ან გაუმჯობესებული ანალიტიკური მეთოდების გამოყენებისას;
🔎 ახალი ინფორმაციის ან გამოძიების საფუძველზე;
⚖️ შესაძლო ანტიდოპინგური წესების დარღვევის დასადგენად.

⏳ გახსოვდეს: ნივთიერება, რომლის აღმოჩენაც დღეს ვერ ხერხდება, შესაძლოა რამდენიმე წლის შემდეგ ახალი ტექნოლოგიებით გამოვლინდეს.

🏅 დრო პასუხისმგებლობას არ აუქმებს. დაიცავი საკუთარი კარიერა, შედეგი, გუნდი და სპორტის ღირსება — იასპარეზე სუფთად!

#სუფთასპორტი #ითამაშესუფთად #ანტიდოპინგი #სპორტსმენისპასუხისმგებლობა #სამართლიანისპორტი

Address

University Str
Tbilisi
0105

Website

Alerts

Be the first to know and let us send you an email when საქართველოს ანტიდოპინგური კონტროლის და განათლების სააგენტო GADceA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category