სკოლა ოპიზა - School Opiza

📚📖 📜 სკოლა "ოპიზას" მე-7 ბ კლასმა ისტორიის კურსი საინტერესო პრეზენტაციით დაასრულა - თემა "რომი" თავად მოსწავლეთა სურვილით შეირჩა, რაც ამ პროგრამული მასალის შესახებ ცოდნის გაღრმავების სურვილით იყო განპირობებული.
✅მოსწავლეებმა გულდასმით იმუშავეს და რომის მრავალსაუკუნოვანი ისტორიის სხვადასხვა ასპექტი საკუთარი ხედვით წარმოაჩინეს.
✅პრეზენტაცია საინტერესოსა და საჭიროს კარგი სინთეზი იყო კვლევის, ანალიზის, შეფასების, ჯგუფური მუშაობის და თანამშრომლობითი უნარების განვითარებისთვის.
- - -
ისტორიის პედაგოგი - მარინა თევზაძე
დამრიგებელი - ლალი კოკოლიშვილი

📚🇬🇪2 ივნისს მე-9 ა კლასში გაიმართა სასწავლო პროექტის ,,პირველი დემოკრატიული რესპუბლიკა" პრეზენტაცია.საგანი ,,საქართველოსა და მსოფლიოს ისტორია" (დამრიგებელი: ირა ჩხაიძე, მასწავლებელი: მარინა თევზაძე).
⭕️პროექტი საოგადოებრივი მეცნიერებების კათედრის დამოუკიდებლობის დღისადმი მიძღვნილი ღონისძიებების ფარგლებში ჩატარდა.
✅️თემა პროგრამულია, პროექტის ფარგლებში კი დამატებით მოსწავლეებმა მოინახულეს საბჭოთა ოკუპაციის მუზეუმი, შეისწავლეს მრავალგვარი ისტორიული წყარო, გამოიყენეს საქართველოს ეროვნულ არქივში დაცული დოკუმენტური ფილმები, ასევე - სასწავლო-შემეცნებითი, მხატვრულ-დოკუმენტური ფილმები და თავიანთი შთაბეჭდილებები პრეზენტაციის სახით წარუდგინეს სასკოლო საზოგადოებას. პროექტის მიზანიც ეს იყო: სამშობლოს წარსულის შესწავლა, წინაპართა ღვაწლის დაფასება, დაშვებული შეცდომების გაანალიზება, ადგილობრივი თუ საერთაშორისო კონტექსტის გააზრება, რაც მათ არა მხოლოდ გაუღრმავებს ინტერესს წარსულის მოვლენების ობიექტური შესწავლისა და შეფასების მიმართ, არამედ დაეხმარება შეგნებული, აქტიური და პატრიოტული სულისკვეთების მოქალაქეებად ჩამოყალიბებაში.
✔️ პრეზენტაციას ესწრებოდნენ სკოლა ,,ოპიზას" დირექტორის მოადგილე სასწავლო-აღმზრდელობით დარგში ქ-ნი მაია თევზაძე, სკოლის ხარისხის მართვის მენეჯერი გიორგი გეთიაშვილი და ჩვენი სკოლის აღზრდილი, ისტორიის მასწავლებელი მარიამ ხორბალაძე, რომლებმაც შეაფასეს გაწეული შრომა , მადლობა გადაუხადეს და სამომავლოდ წარმატებები უსურვეს ყველა მონაწილეს საინტერესო პრეზენტაციისთვის.

🌞🌏🎊🥳✨მე-4 კლასების მიერ მოწყობილი ლამაზი, მხიარული და ფერადი დღესასწაული - ასე აღნიშნეს სასკოლო ცხოვრების ერთი ეტაპის დასასრული და ახლის დასაწყისი

📚📖 ✍ 📜 🇬🇪 სკოლა „ოპიზაში“ კალიგრაფიის კონკურსი — „წერით შენახული მემკვიდრეობა“ დასრულდა!
✅ ქართული დამწერლობა ჩვენი კულტურული იდენტობის უმნიშვნელოვანესი ნაწილია. სწორედ ამ ტრადიციის პოპულარიზაციასა და მოსწავლეებში წერის კულტურის განვითარებას მიეძღვნა სკოლა „ოპიზას“ მრავალეტაპიანი კალიგრაფიის კონკურსი.
✅კონკურსის პირველ ეტაპზე 30 მოსწავლე დარეგისტრირდა. წარმოდგენილი ნამუშევრებიდან ჟიურიმ შემდეგ ტურში გადასასვლელად 14 მონაწილე შეარჩია.
✅ პროექტის ერთ-ერთი ყველაზე საინტერესო ნაწილი მეორე ეტაპი აღმოჩნდა: ნახევარფინალისტებს კალიგრაფიის მასტერკლასი ჩაუტარა მოწვეულმა კალიგრაფმა მედეა ყირიმელმა. შეხვედრამ ბავშვებს ახალი ტექნიკა გააცნო და უდიდესი შთაგონება მისცა (მასტერკლასის შესახებ დეტალები და შთაბეჭდილებები შეგიძლიათ იხილოთ კალიგრაფის ფეისბუქ პოსტზე - https://www.facebook.com/medea.Kirimelli/posts/27221770807450737).
✅მასტერკლასის დასრულების შემდეგ, 14-ვე მონაწილემ ახალი ნამუშევრები შექმნა, რომელთაგან სპეციალურმა კომისიამ 3 საუკეთესო შეარჩია.
მოხარულები ვართ წარმოგიდგინოთ გამარჯვებულები:
🥇 I ადგილი — ანი შათირიშვილი (VIIბ კლასი)
🥈 II ადგილი — ნია წიწილაშვილი (VIIIბ კლასი)
🥉 III ადგილი — ნატა საჯაია (VIIIბ კლასი)
გამარჯვებულებს გადაეცათ საგანგებოდ ამ დღისთვის დამზადებული, ულამაზესი პერსონალიზებული ჯილდოები, რომელთა თემატური დიზაინიც (კალამი და გრაგნილი) სპეციალურად კალიგრაფიის კონკურსისთვის შეიქმნა. ამასთან ერთად, სკოლამ საპრიზო ადგილებზე გასული მოსწავლეები დააჯილდოვა „სულაკაურის გამომცემლობის“ სხვადასხვა ნომინალის სასაჩუქრე ვაუჩერებით, ვან გოგის თემატიკის სპეციალური კალიგრაფიული კალმებითა და ბლოკნოტებით. ❤️
✅კომისიის გარდა, გამარჯვებული სასკოლო საზოგადოებამაც გამოავლინა. ნომინაციაში „ხალხის რჩეული“ გაიმარჯვა მე-6ბ კლასის მოსწავლემ, ელენე მჭედლიშვილმა, რომელსაც სკოლისგან სიმბოლური საჩუქარი გადაეცა.
✅სკოლა კვლავაც აქტიურად გააგრძელებს მსგავსი შემოქმედებითი და საგანმანათლებლო კონკურსების მოწყობას, რათა ჩვენს მოსწავლეებს მისცეს საკუთარი ნიჭის აღმოჩენის, განვითარებისა და აღიარების შესაძლებლობა.
🌟 ვულოცავთ თითოეულ მონაწილესა და გამარჯვებულს! მადლობას ვუხდით მათ ქართული დამწერლობის სიყვარულისა და საუკეთესო ნამუშევრებისთვის.
- - -
ორგამიზატორი - ქართული ენის კათედრა

#სკოლაოპიზა #წერითშენახულიმემკვიდრეობა #ქართულიკალიგრაფია #კონკურსი

📚VI ბ კლასის მათემატიკის პრეზენტაცია, თემაზე: „ციფრების ევოლუცია“.
🎯მიზანი:
ციფრების განვითარების ისტორიის შესწავლა, სხვადასხვა ცივილიზაციის (ეგვიპტური, ბაბილონური, მაიას, რომაული და ინდური-არაბული) რიცხვით სისტემების გაცნობა, თანამედროვე ციფრების მნიშვნელობის გააზრება და კვლევის, პრეზენტაციისა და თანამშრომლობის უნარების განვითარება.
✅სტრუქტურა:
✔️თემის შერჩევა და ინფორმაციის მოძიება;
✔️ჯგუფებად მუშაობა და ცივილიზაციების მიხედვით მასალის განაწილება;
✔️რიცხვითი სისტემების შესწავლა და შედარება;
✔️ვიზუალური მასალისა და პრეზენტაციების მომზადება;
✔️ნამუშევრების წარდგენა და განხილვა.
📌შედეგი:
მოსწავლეებმა გაიღრმავეს ცოდნა ციფრების ისტორიისა და განვითარების შესახებ, შეძლეს სხვადასხვა რიცხვითი სისტემის ამოცნობა და შედარება, განივითარეს კვლევითი, შემოქმედებითი, საკომუნიკაციო და გუნდური მუშაობის უნარები. პროექტმა გაზარდა მათი ინტერესი მათემატიკისა და მსოფლიო ცივილიზაციების ისტორიის მიმართ.
- - -
მათემატიკის მასწავლებელი - თამილა ხუროშვილი

🎭📖 ✨ მე-3 წითელი კლასის ღონისძიება - "მეგობრობა გზად და ხიდად" და პატარების მიერ დადგმული სპექტაკლი "რწყილი და ჭიანჭველა".
- - -
დამრიგებელი - ინგა გულუაშვილი

📚📖 🇬🇪 „მამული, ენა, სარწმუნოება“ — ეს ის სიწმინდეებია, რომლებიც ქართველ კაცს საუკუნეების განმავლობაში უმტკიცებდა სულს, რწმენასა და სიყვარულს.
✨️დღეს მე-3 მწვანე კლასის მოსწავლეები სიყვარულითა და სიამაყით შეეხნენ იმ ფასეულობებს, რომლებიც ქართველობას გვინარჩუნებს. მათ გულწრფელ სიტყვებში ისმოდა სამშობლოს სიყვარული, მშობლიური ენის პატივისცემა და სარწმუნოებისადმი ერთგულება.
✨️„ღმერთი! სამშობლო! ადამიანი!“ — უწმინდესისა და უნეტარესის, ილია II-ის ეს სიტყვები ჩვენი ღონისძიების მთავარ გზავნილად იქცა🙏🇬🇪
- - -
დამრიგებელი - ინგა ლობჟანიძე

📚📖 დღეს "სკოლა ოპიზაში" წლის დამამთავრებელი გამოცდები დაიწყო. წარმატებები ჩვენს მოსწავლეებს

🎼🎶🎉❤️ტრადიციული, ფერადი და ლამაზი კონცერტი ხევის პარკში, "სკოლა ოპიზასთან" არსებული ვოკალური ანსამბლის (სტუდიის ხელმძღვანელი - ნინო რამაზაშვილი) და ჩვენი სკოლის ნიჭიერი მოსწავლეების მონაწილეობით. წამყვანები - ჩვენი ვაჩე ღვინიაშვილი და ნათია ლოლაძე. კიდევ ერთი შთამბეჭდავი და მხიარული დღე

📚📖 🇫🇷 🇬🇪 5 ივნისს, ფრანგული ენის შემსწავლელმა VIა, VIბ და VIIბ კლასების მოსწავლეებმა წარმოადგინეს პრეზენტაცია სახელწოდებით Bonjour la France (გამარჯობა, საფრანგეთო).
✅მოსწავლეებმა იმუშავეს მათთვის საინტერესო თემებზე საფრანგეთის ირგვლივ და გაგვაცნეს თანამედროვე არქიტექტურის ფუტურისტული ხაზები, ფრანგული მუსიკისა და კინოს ჯადოსნობა, მაღალი მოდის დახვეწილობა, "პატარა პრინცის" მარადიული სიბრძნე და გასტრონომიული კულტურა.
✅პრეზენტაციაზე მუშაობისას მოსწავლეებმა მნიშვნელოვნად გაიმდიდრეს ლექსიკური მარაგი, დახვეწეს საპრეზენტაციო და კვლევითი უნარები და რაც მთავარია, განივითარეს კულტურათშორისი კომპეტენცია, რაც თანამედროვე სამყაროში ერთ-ერთი უმნიშვნელოვანესი უნარია.
👏დიდი მადლობა თითოეულ მოსწავლეს და იმედს ვიქონიებთ, რომ გაგრძელება იქნება.
- - -
ფრანგული ენის პედაგოგი - ხათუნა ხომერიკი