აჩრდილი

თანაპარტიელებისა და ასევე მთლიანი რუსული საზოგადოებისგან განსხვავებით, ბოლშევიკური პარტიის ლიდერის მიხვედრილობა, ამავდროულად, ერთი შეხედვით, მარგინალური პოზიცია, და მისი გარდაქმნა წამყვან აზრად მუშებსა და სამხედროებში, თითქოს განმაცვიფრებელია და რუსი რევოლუციონერის გენიალურობის მაჩვენებელი, რაც მარქსიტულ ენაზე, ალთიუსერის მიხედვით ითარგმნება, როგორც კონკრეტულ ვითარებათა კონკრეტული ანალიზი. თავად ლენინი პარტიის შიგნით სიტუაციურ მიუხვედრებლობას იმით ხსნიდა, რომ ადამიანთა აზროვნება კონსერვატორულია, ხოლო რევოლუციონერთა კი — განსაკუთრებით. მათი ქცევები და მეთოდები ჯერ კიდევ ძველი წესრიგიდან მომდინარეობს და, მაშასადამე, ართულებს ახალ დროში გადასვლას.

საბა კოხრეიძე – ორხელისუფლებიანობა: პარადოქსი და აუცილებლობა    ორხელისუფლიანობის (Двоевластие) ცნება,  ოდესღაც რევოლუციური დამუხტულობის ყველაზე კონკრეტული გამოხატულება, დღესა...

აჩრდილის პოდკასტის მეხუთე ეპიზოდში, კინოკრიტიკოს ალექსანდრე გაბელიასთან ერთად, კინოს შესახებ ვისაუბრეთ. მიმოვიხილეთ კინოს საწყისი, ადრეული პერიოდები. ვიმსჯელეთ ახალ ტალღებზე, რევოლუციურ კინოზე, ამბოხისა და სოლიდარობის გამომხატველ კინოსურათებზე და ზოგადად კაპიტალიზმთან კრიტიკულ პოზიციაში მყოფ ნამუშევრებზე.

აჩრდილის პოდკასტი #5 კინო და ამბოხი აჩრდილის პოდკასტის მეხუთე ეპიზოდში, კინოკრიტიკოს ალექსანდრე გაბელიასთან ერთად, კინოს შესახებ ვისაუბრეთ. მიმოვ....

დღეს ხშირად გავიგებთ ფრაზას, რომ ახალი მსოფლიო წესრიგი მყარდება. გლობალური პოლიტიკის მესაჭეები გვამცნობენ ძველი ლიბერალური მსოფლიოს კვდომას და ახალი, ტრადიციებზე, კონსერვატორულ ღირებულებებზე დამყარებული ქვეყნიერების დაბადებას. მათი თქმით, ერთპოლუსიან მსოფლიოს ჩაანაცვლებს მრავალპოლუსიანი. იმპერია, რომელიც მსოფლიო წესრიგს ბოლო 30 წლის განმავლობაში განსაზღვრავდა, აღიარებს სხვა იმპერიების უფლებას დაეპატრონონ მსოფლიოს იმ ნაწილებს, რომელზე პრეტენზიასაც ისინი აცხადებენ.

რას გვთავაზობდა ე.წ. ლიბერალური წესრიგი, რომლის გარანტორიც ერთი ბატონი იყო? დაქვემდებარებული სახელმწიფოების ნგრევას, მათი რესურსების მითვისებას, უუფლებო მშრომელების სასაკლაოებზე ხოცვას, მათი მშობლიური ქვეყნებიდან აყრას და გადასახლებას.

რას გვთავაზობს ახალი რიტორიკით შეიარაღებული გაბატონებული კლასი? მსოფლიოს ბუნებით მდგომარეობაში არსებობას, სუსტის გათელვას, პატარა ქვეყნების რეგიონული და მსოფლიო იმპერიების უკანა ეზოდ ქცევას, შეიარაღებაზე გამალებულ მუშაობას, მშრომელთა მასების ახალ სასაკლაოებზე გარეკვას.

ახალი ე.წ. კონსერვატორული რიტორიკა, რომელიც ადამიანებს ყოფს პირველ და მეორე ხარისხოვნად, უფლების მქონედ და უუფლებოდ, მოდად იქცა. ის მოდაა, როგორც აღმოსავლეთით, ისე დასავლეთით. ის მოდად იქცა ჩვენს ქვეყანაშიც: ტრადიციებზე, ოჯახის სიწმინდეზე, გმირულ წარსულზე, ნათელ მომავალზე დაშაქრული სიტყვებით მოლაპარაკე „ქართული ოცნება“ ცდილობს, რომ საქართველო იქცეს რესურსების რეზერვუარად, ბუნებრივი სიმდიდრეების ათვისების არეალად, შრომითი ექსპლუატაციის, ცენზურის, ჩაგვრის სივრცედ.

როდესაც გარე თუ შინაური წარმომადგენლები გაბატონებული კლასისა ახალი პოლიტიკური ფორმით იმოსებიან, არ უნდა მივაქციოთ ყურადღება მათ სიტყვებს, პათოსის მხურვალებას, სერიოზულ გამომეტყველებას, ყოვლისგანმჭვრეტელ მზერას, არამედ — უნდა ვიკითხოთ, ვისთვისაა ხელსაყრელი მათი ქმედებები, მათი პრაქტიკული ნაბიჯები? ხელსაყრელია ის მათთვის, ვისაც საკუთარი თავის, საკუთარი სამუშაო ძალის გარდა არაფერი აბადია? თუ ხელსაყრელია მათთვის, ვინც სხვის შრომას ითვისებს, მაგრამ თავის ნამოქმედარს ტრადიციებზე, გმირულ წარსულზე, ოჯახის სიწმინდეზე ყბედობით ფარავს?

" არა, პოლიტიკაში დიდად საყურადღებო ის კი არ არის, თუ უშუალოდ ვ ი ნ იცავს განსაზღვრულ შეხედულებებს. საყურადღებო ის არის, ვისთვისაა ხელსაყრელი ეს შეხედულებანი, ეს წინადადებანი, ეს ზომები".

ვ. ი. ლენინი – ვისთვისაა ხელსაყრელი? დღეს ხშირად გავიგებთ ფრაზას, რომ ახალი მსოფლიო წესრიგი მყარდება. გლობალური პოლიტიკის მესაჭეები გვამცნობენ ძველ...

აჩრდილის პოდკასტის მეოთხე ეპიზოდში ვისაუბრეთ მიმდინარე პოლიტიკურ საკითხებზე, როგორც გლობალურ, ასევე, ადგილობრივ კონტექსტში.

აჩრდილის პოდკასტი #4 ორგანიზების დროა აჩრდილის პოდკასტის მეოთხე ეპიზოდში ვისაუბრეთ მიმდინარე პოლიტიკურ საკითხებზე, როგორც გლობალურ, ასევე, ადგილობრ....

აჩრდილის პოდკასტის მესამე ეპიზოდში ვისაუბრეთ პოლიტიკური პარტიების რაობის შესახებ; რა ისტორიული კონტექსტი ახლავს პარტიული პოლიტიკის დასაბამს? როგორია კლასიკური პოლიტიკური პარტია? როგორი პარტიები არსებობენ დღეს? შესაძლებელია საქართველოში მემარცხენე შეფერილობის მქონე პოლიტიკური პარტიის ჩამოყალიბება?

სტუმარი: ლევან ლორთქიფანიძე

აჩრდილის პოდკასტი #3 პარტიები: თეორია და პრაქტიკა აჩრდილის პოდკასტის მესამე ეპიზოდში ვისაუბრეთ პოლიტიკური პარტიების რაობის შესახებ; რა ისტორიული კონტექსტი ახლ.....

აჩრდილის პოდკასტის მეორე ეპიზოდში ვისაუბრეთ პროპაგანდის შესახებ. რა არის პროპაგანდა? როდის იქცა ის პოლიტიკური და ეკონომიკური ძალაუფლების თავზე მოხვევის და გავრცელების ინსტრუმენტად?

აჩრდილის პოდკასტი #2 პროპაგანდის ფაბრიკა აჩრდილის პოდკასტის მეორე ეპიზოდში ვისაუბრეთ პროპაგანდის შესახებ. რა არის პროპაგანდა? როდის იქცა ის პოლიტიკური .....

500-მდე ადმინისტრაციული წესით დაკავებული, 40-მდე სისხლის სამართლის საქმით დაპატიმრებული, 300-ზე მეტი საპოლიციო ძალადობის მსხვერპლი,

წამება, სასტიკი მოპყრობა, ღირსების შელახვა:

ასეთია რეჟიმის პასუხი ერთთვიან სახალხო წინააღმდეგობაზე, რომელმაც ლეგიტიმაციის მილევის ფონზე, ხალხი მტრად მონიშნა და პოლიციურ ტერორს დაეყრდნო.

პოლიტიკის მიზანი - მოქალაქეთა კეთილდღეობა, პოლიციის მიზანმა - მოქალაქეთა დამორჩილებამ ჩაანაცვლა, და ძალაუფლების სამსახურში მყოფი მარიონეტული პარლამენტიც, მიჯრით იღებს და ამკაცრებს კანონებს აქტიური პროტესტის ჩასახშობად.

ეს ავტორიტარიზმია. დღეს, ჩვენ, გარე იმპერიული საფრთხეების გარდა, პოლიციურ ძალადობაზე დამყარებული ოლიგარქიული, ავტორიტარული რეჟიმის გაბატონების საფრთხის მომსწრენი ვართ.

თუმცა, ნებისმიერი სახალხო პოლიტიკის დასაწყისი, პოლიციურის დასასრულია. ეს დაგვანახა 2012 წლის მოვლენებმაც. და რადგან ჩვენ პოლიციურ რეჟიმთან წინააღმდეგობის კოლექტიური მეხსიერება გვაქვს, ვალდებულნიც ვართ არ დავუშვათ მისი შემობრუნება - არც დღეს და არც მომავალში.

სწორედ ეს არის მიზეზი, რის გამოც ერთი თვეა სახალხო თვითორგანიზებისა და სიმტკიცის არნახული მაგალითის მონაწილენი ვართ. ხალხმა იცის, რომ მზარდ ძალადობრივ რეჟიმზე გამარჯვება სასიცოცხლო მნიშვნელობისაა.

ეს ორმაგად ასეა სამართლიანი ბრაზის გამოხატვისთვის დაჭერილთათვის და მათი ოჯახებისთვის. მათი თავისუფლება რეჟიმზე გამარჯვებაზე გადის.

გავერთიანდეთ მსვლელობით პოლიციური და ავტორიტარული რეჟიმის წინააღმდეგ!

თავისუფლება თანამებრძოლებს!

ძალაუფლება ხალხს!

მეგობრებო, გვინდა გაცნობოთ ახალი წამოწყების შესახებ; გთავაზობთ აჩრდილის პოდკასტის პირველ ეპიზოდს. ვისაუბრეთ „პოლიციური სახელმწიფოს“ მახასითებლებზე. რას ნიშნავს პოლიციური სახელმწიფო? სინამდვილეში, ეს ორი ცნება ერთმანეთის გადამფარავი ხომ არ არის? შესაძლებელია პოლიციის რეფორმა?

პ.ს. გამოიწერეთ ჩვენი youtube არხი, რომელზეც ყოველ კვირა, ავტვირთავთ ახალ ეპიზოდებს.

აჩრდილის პოდკასტი #1 ღირსების ორდენით დიქტატურაში აჩრდილის პოდკასტის პირველ ეპიზოდში, ჩვენს ქვეყანაში შექმნილი ვითარებიდან გამომდინარე, ვისაუბრეთ „პოლიციური ს.....

დაგროვილი აგრესიისა თუ აღშფოთების გამო, რაც ყოველ ჩვენგანშია, ძალზედ რთულია ცივი გონების შენარჩუნება. ამასთან, მოვლენების შეფასება კონკრეტული სინამდვილის წინააღმდეგობივი ბუნებიდან გამომდინარე, განსაკუთრებით თუ მოვლენა ისტორიული მნიშვნელობისაა, გარკვეულ დროით დისტანციას მოითხოვს.
სანამ ანალიზს დავიწყებთ და კვლავ მივუსხდებით საწერ მაგიდას, მანამ ჩვენ თვალწინ და უშუალოდ, ხალხის პრაქტიკული ჩართულობით ცხოვრება იცვლება. ისტორიულ მოვლენას იმიტომ ეწოდება ისტორიული, რომ ყოფა ისე ვეღარ გაგრძელდება, როგორც უწინ იყო. სწორედ ასეთ მომენტს ვუმზერთ დღეს, როდესაც მხოლოდ ორი ძირითადი მიმართულებით განვითარებაა შესაძლებელი — ამბოხის ჩახშობის შემთხვევაში, ფაშისტური და რეპრესიული აპარატის კიდევ უფრო მეტად გაძლიერება გარდაუვალია. სახელმწიფო აპარატთან შეზრდილი განგსტერული კაპიტალიზმი, კიდევ უფრო გაშლის ფრთებს და თავისი მყრალი სუნით წინააღმდეგობის ყველა კერას გაგუდავს. სპეკულიანტების, ბანდიტებისა და თაღლითების ბატონობა ხალხს სრულად დააკარგვინებს იმას, რასაც საყოველთაო და საერთო ბუნების რესურსებზე წვდომა და ზოგადად ჩვენი სიცოცხლის შენარჩუნება ჰქვია. წინააღმდეგობის გამარჯვების შემთხვევაში გვაქვს კიდევ ერთი რთული და დამღლელი გზა გასავლელი, რასაც ვუწოდებთ დემოკრატიის შესაძლებლობას.
დღესდღეობით, ყოველდღიური გაჭირვება და პაუპერიზაცია ადამიანებს აკარგვინებს საზოგადოებრივ ცხოვრებაში მონაწილების შესაძლებლობას და მათ მხოლოდ საკუთარი თავის გატანაზე ფიქრს აიძულებს. ეს განსაკუთრებით საქართველოს პერიფერიებში იგრძნობა. დემოკრატიის შესაძლებლობამ უნდა მიგვიყვანოს სამოქალაქო საზოგადოების პოლიტიკურ საზოგადოებად გარდაქმნამდე — ე.ი. ხალხის პოლიტიკაში ჩართვამდე საერთო, საყოველთაო ინტერესებისათვის. ამ პროცესში მუდმივად იარსებებს ზემოხსენებულ ვითარებაში მოხვედრის საშიშროება, მაგრამ, ასევე, ამ პროცესში უნდა გამოიკვეთოს მთავარი — კაპიტალისა და შრომის ბაზისური წინააღმდეგობა. ჩვენს ქვეყანაში უნდა დასრულდეს ფაშისტური სოციალური პოლიტიკა, როდესაც მშრომელი მხოლოდ მაშინ გვახსენდება, როგორც კი რაიმე პოლიტიკური მოტივით მათ გაფიცვისკენ და გვერდში დგომისკენ მოვუწოდებთ. ახლა მაინც უნდა ვხედავდეთ, თუ რა ძალა აქვს თითოეულ ავტობუსის მძღოლს, მეტროს მემანქანეს, დასუფთავების სამსახურის პერსონალს, სხვადასხვა საწარმოში დასაქმებულ მშრომელს. მათ მიმართ სამართლიანი დამოკიდებულების გარეშე, ჩვენ ვერ შევძლებთ ეკონომიკურ თანასწორობაზე დაფუძნებული საზოგადოების აშენებას.
ამასთან, უნდა ვახსენოთ მემარცხენეობის იარლიყს ამოფარებული შავრაზმული ძალები, რომლებიც — დასავლურ იმპერიალიზმთან აბსტრაქტული ბრძოლისას, პოლიტიკ-ეკონომიის ცალმხრივი წაკითხვის პროცესში — არა მარტო მოსწყდნენ რეალობას და დაკარგეს ყოველგვარი კრიტიკული ანალიზის უნარი, არამედ გარდაიქმნენ ხალხთმოძულე ფაშისტებად. პოლიციის რეპრესიული აპარატის აპოლოგეტობა და რეაქციონერთა ბანაკში ყოფნა გვაფიქრებინებს, რომ ისინი თავიდანვე მეშჩანური ინტერესებით მოქმედებდნენ და მხოლოდ პირადი სარგებლის მოხვეჭაზე ფიქრობდნენ. მეტიც, პოლიტ-ეკონომიური კატეგორიების ცალმხრივი წაკითხვა არ გულისხმობს მხოლოდ მარქსიზმის ვერგაგებას, მისი ბოროტად გამოყენება საზოგადოებაში მთლიანად მეცნიერულ აზროვნებაზე ჩირქის მოცხებაა. ისინი — ვისაც თავიანთი ქვეყნის ჩაგრული ხალხის ამოოხვრა არ ესმით — შეუძლებელია სოლიდარულები იყვნენ სხვა ჩაგრულების მიმართ. ისინი, ვინც ე.წ. გეოპოლიტიკურ გადანაწილებას აფარებენ თავს და ფატალისტური ბოდვით ცდილობენ უიმედობის დათესვას, იმ რუხ ზონაში არიან, რომელიც მუდმივად ახლავს ყოველ ფაშისტურ რეჟიმს.
რამდენიმე სიტყვის თქმა გვსურს მათზეც, ვინც გარედან მოვლენილ „მესიას“ და „მხსნელს“ ელის. თანამედროვე მსოფლიო კვლავაც იმპერიალისტურ ძალთა სისხლიანი ჭიდილის არეალია. ამ მსოფლიო წესრიგში არ არსებობს რომელიმე ჰეგემონიური ძალა, რომელიც სუფთა სინდისით, ემანსიპატორული განზრახვით ცდილობს პერიფერიაში მცხოვრები ადამიანების ყვლეფისგან, ძარცვისგან, რეპრესიებისგან, ხოცვა-ჟლეტისგან დაცვას. ის, ვისგანაც „ხსნას“ ველით, სხვა, ჩვენი მსგავსი ხალხებისთვის, ბოროტების მახვილია. ჩვენი ბედი ჩვენვე გვეკუთვნის, ნუ დავემსგავსებით მათ, ვინც ერთი ხელით კოლონიალიზმს აკრიტიკებს, მაგრამ საკუთარი თავის გადასარჩენად ნებისმიერ უცხო ძალას მიეყიდება.
სამწუხაროდ, დღეს ჩვენს სამშობლოში ფაშიზმის ბაცილა გამოღვიძებულია; ბაცილა, რომელიც ყოველ დროში, ყოველ ხალხში მიძინებულია და თუკი გასაქანს ნახავს შავი ჭირის ეპიდემიასავით იფეთქებს. სწორედ ამიტომ, ჩვენი ბრძოლა არ გადის „გეოპოლიტიკურ არჩევანზე“, ჩვენ ვიბრძვით ფაშიზმის წინააღმდეგ. გვჯერა, რომ ამ ბაცილას ისევ მივაძინებთ, მაგრამ არ უნდა დავივიწყოთ, რომ ტუნელის ბოლოს სინათლის გამოჩენა, არ გვაზღვევს ბაცილის ახალი მატარებლის გამოჩენისგან.
ყოველი მომავალი წამი შესაძლებლობის ახალი ჰორიზონტია!
თავისუფლება, თანასწორობა, სოლიდარობა!