Consulting NT

31/07/2024

რა არის სააღრიცხვო პოლიტიკა და რატომ არის ის მნიშვნელოვანი ყველა კომპანიისათვის?

საერთაშორისო სტანდარტი - "ფინანსური ანგარიშგების წარდგენა" - სააღრიცხვო პოლიტიკას შემდეგნაირად განმარტავს: "სააღრიცხვო პოლიტიკა არის განსაკუთრებული პრინციპების, საფუძვლების, შეთანხმებების, წესებისა და პრაქტიკული გამოცდილების ერთობლიობა, რომელიც გამოიყენება საწარმოში ფინანსური ანგარიშგების მომზადების და წარდგენის პროცესში"

საწარმოს სააღრიცხვო პოლიტიკს შერჩევა ხდება საწარმოს საფინანსო და იურიდიული სამსახურის მონაწილეობით. პასუხისმგებლობა სააღრიცხვო პოლიტიკაზე ეკისრება კომპანიის ხელმძღვანელს.

სააღრიცხვო პოლიტიკის შერჩევისას აუცილებელია ბუღალტრული აღრიცხვის საერთაშორისო სტანდარტებით ძირითადი დაშვებების გათვალისწინება.

სააღრიცხვო პოლიტიკა ითვალისწინებს აქტივების აღიარებისა და შეფასების მეთოდებს, მათი ფინანსურ ანგარიშგებაში ასახვის წესს. კაპიტალის და ვალდებულებათა, შემოსავლებისა და ხარჯების ფინანსურ ანგარიშგებაში ასახვის მეთოდების განსაზღვრას.

27/07/2024

📣7 ოქტომბრიდან ვიწყებთ ბუღალტრული აღრიცხვის სრულ პრაქტიკულ კურსს, დამწყებთათვის.

👉კურსი მოიცავს:

✅ ბუღალტრული აღრიცხვის პრინციპების შესწავლას;

✅რეალურ ქეისებზე დაყრდნობით პირველად საბუღალტრო დოკუმენტებთან მუშაობას;

✅ საგადასახადო კოდექსის ძირითადი ასპექტების მიმოხილვას;

✅ პროგრამა ORIS - ის მიმოხილვას;

✅ შემოსავლების სამსახურის ვებპორტალზე RS.GE - ზე მუშაობას;

❗️საფასური მოიცავს სრული კურსს.

💌 დეტალური ინფორმაციისა და სილაბუსის გასაცნობათ მოგვწერეთ პირად შეტყობინებაში.

♻️ დარეგისტრირდით: https://url1.io/Vpyzp

28/12/2023

კონსალტინგ ენთი გილოცავთ დამდეგ შობა-ახალ წელს!

კარიერული წინსვლის, წარმატების და სიკეთის მომტანი წელი გქონოდეთ!🥂❤️

07/02/2023

25/11/2021

📌უსასყიდლო მიწოდების დაბეგვრის საკითხი დღგ-ს ახალი რეფორმის მიხედვით👇

✅საქონლის უსასყიდლოდ მიწოდება, მხოლოდ იმ შემთხვევაში დაიბეგრება, თუ შესაბამის პირს ამ ხარჯზე დღგ აქვს ჩათვლილი;

✅მომსახურების უსაყიდლოდ გაწევა მხოლოდ იმ შემთხვევაში დაიბეგრება, თუ ეს საქმიანობა არ გამომდინარეობს გადამხდელის საქმიანობის მიზნიდან ან გაწეულია თანამშრომლის პირადი სარგებლობისთვის;

✅უსასყიდლო მიწოდება დაიბეგრება მიწოდებული საქონლის „თვითღირებულებიდან“ და არა საბაზრო ფასიდან;

✅ამასთანავე, საქონლის გადაცემა/გამოყენება, ნიმუშის ან მცირე ღირებულების საჩუქრის სახით არ დაიბეგრება;

🎯კანონპროექტი "დღგ-ს რეფორმა" შემუშავდა საგადასახადო კანონმდებლობის ევროკავშირის დღგ-ის დირექტივასთან (2006/112/EC) დაახლოების მიზნით ☑

24/11/2021

📌სამშენებლო სფეროში ხშირად დაშვებული შეცდომა 👇

🟣ვინაიდან მცირე მეწარმისთვის გადახდილი თანხა წყაროსთან არ იბეგრება, ხოლო გადასახადის არაგადამხდელი ფიზიკური პირისთვის გადახდილი თანხა წყაროსთან იბეგრება საშემოსავლოს 20% იანი განაკვეთით, სამშენებლო სფეროს წარმომადგენლები ხშირად მოგვმართავენ კითხვით შეუძლიათ თუ არა სამშენებლო სამუშაოების შესასრულებლად დაქირავებულ პირებად ჰყავდეთ მცირე მეწარმედ რეგისტრირებული პირები და ამგვარად თავი აარიდონ საშემოსავლო გადასახადს.

🚫აღნიშნულ კითხვაზე ჩვენი პასუხია - ა რ ა!

🚫 არსებობს არაერთი დავის გადაწყვეტილება, სადაც საგადასახადო ორგანომ აღნიშნულ ოპერაციაზე დააჯარიმა გადამხდელი იმ მოტივით, რომ მათ საშემოსავლო გადასახადისგან თავის არიდების მიზნით მცირე მეწარმეებად დაარეგისტრირეს ჩვეულებრივად დაქირავებით მომუშავე ფიზიკური პირები და ოპერაციის ფორმა არ შეესაბამებოდა მის შინაარს.

🆘დაფიქრდი, ვიდრე გადასახადების თავიდან არიდების მიზნით ოპერაციის შეფუთვაზე იფიქრებ, ხომ არ ეწინააღმდეგება მისი ფორმა და შინაარსი ერთმანეთს, ან ხომ არ შეიძლება ის დამატებითი გადასახადების დარიცხვის საფუძველი გახდეს;

✅პარალელურად, მუდმივად იფიქრე გადასახადების ოპტიმიზაციაზე, ოღონდ, შინაარსის და ფორმის თავსებადოს დაცვით და ასევე მისი კანონთან შესაბამისობის გათვალისწინებით, რაშიც ჩვენ დაგეხმარებით!

23/11/2021

❓შპს თუ ინდ. მეწარმე❓

ხშირად ბიზნესის დაწყებისას გვეკითხებიან შპს დააფუძნონ თუ ინდ. მეწარმე და რა რისკს და სარგებელს შეიცავს თითოეული მათგანი:

🆘 გადაწყვეტილების მიღებისას უნდა გავითვალისწინოთ ქვემოთ მოცემული ფაქტორი 👇

✅ინდ მეწარმე ბიზნეს ურთიერთობებში გვევლინება როგორც ფიზიკური პირი და იგი ნებისმიერ ვალდებულებაზე პასუხს აგებს პირადად, მთელი თავისი ქონებით, განსხვავებით შპს-სგან, სადაც დამფუძნებელი ფიზიკური პირი ვალდებულებებზე პასუხს პირადად არ აგებს.

✅გამოცდილებაც ასევე გვიჩვენებს, რომ ბიზნესთა უმრავლესობას შპს-სთან ურჩევნია საქმიანი ურთიერთობის დაჭერა.

22/11/2021

💣დავების საბჭოს ასობით გადაწყვეტილებიდან აშკარაა, რომ კომპანიების დიდი ნაწილი არასრულად აწარმოებს ბუღალტრულ და საგადასახადო აღირცხვას, არ ქმნის ან არ ინახავს პირველად საგადასახადო დოკუმენტებს, რის გამოც შემმოწმებლები საგადასახადო ვალდებულებების დასადგენად იყენებენ არაპირდაპირ მეთოდს

⚠️მნიშვნელოვანია გვესმოდეს როდის აქვს საგადასახადო ორგანოს არაპირდაპირი მეთოდის გამოყენების უფლება, რაც უმეტეს შემთხვევაში უსამართლო გადასახადების დარიცხვის საფუძველია:

➡️ საგადასახადო ორგანო საგადასახადო ვალდებულებების გამოანგარიშების მიზნებისთვის გამოიყენებს არაპირდაპირ მეთოდს, თუ⤵️

✅ 1) პირი არ აწარმოებს ბუღატრულ აღრიცხვას ან აღრიცხულიდან შეუძლებელია დაბეგვრის ობიექტის დადგენა:

✅2) ქვემოთ ჩამოთვლითაგან არსებობს ერთზე მეტი ნებისმიერი პირობა:

1️⃣ ადგილი აქვს აქტივების დაუსაბუთებელ ზრდას;

2️⃣ ხარჯი აჭარბებს დადეკლარირებულ შემოსავალს;

3️⃣ შემოწმების დროს არსებობს ორი ან მეტი ჯარიმა;

4️⃣ გამოვლენილია არსებითი სხვაობა წარდგენილ/დეკლარირებულ და ფაქტობრივად დაფიქსირებულ მონაცემებს შორის

🔴გახსოვდეს, მოწესრიგებული ბუღალტრული აღრიცხვა შენი ბიზნესის წარმატების აუცილებელი პირობაა 🔆

22/11/2021

🟣ვირტუალური ზონის პირი, მასთან დაკავშირებული შეღავათები და რისკები:

✅ვირტუალური ზონის პირი – იურიდიული პირი, რომელიც ახორციელებს საინფორმაციო ტექნოლოგიურ საქმიანობას და მინიჭებული აქვს შესაბამისი სტატუსი;

✅საინფორმაციო ტექნოლოგიები – კომპიუტერული საინფორმაციო სისტემების შესწავლა, მხარდაჭერა, განვითარება, დიზაინი, წარმოება და დანერგვა, რის შედეგადაც მიიღება პროგრამული უზრუნველყოფის პროდუქტები;

✅მათ დადგენილი წესით მინიჭებული აქვთ საქმიანობის სერტიფიკატი;

✅პირის რეგისტრაციას ახდენს სსიპ ანალიტიკური სამსახური

📍 შეღავათები:

☑აღნიშნული საქმიანობა გათავისუფლებულია მოგების გადასახადისგან
☑არ საჭიროებენ შრომით რესურს, უმეტეს შემთხვევაში პროგრამისტი თავად არის დაქირავებული პირი

📍რისკები:

☑საქმიანობა უნდა ხორციელდებოდეს საქართველოს ტერიტორიაზე და შექმნილი პროდუქტის მიწოდება ხდებოდეს საქართველოს ფარგლებს გარეთ (თუ საქმიანობა ფიზიკურად საქართველოს ტერიტორიაზე განხორციელებულად არ ჩაითვალა შეღავათით სარგებლობაც ვერ მოხდება)

22/11/2021

📍 პირგასამტეხლო 📍

სახელშეკრულებო ურთიერთობებში დამკვიდრებული ნების ავტონომიის პრინციპის გათვალისწინებით, პირგასამტეხლოს ოდენობის განსაზღვრა მხარეთა უფლებას წარმოადგენს, მაგრამ აღნიშნულ უფლებაში ჩარევა დასაშვებია სასამართლოს მხრიდან, რასაც ითვალისწინებს სამოქალაქო კოდექსის 420-ე მუხლი. მნიშვნელოვანია აღინიშნოს, რომ ეს მუხლი ატარებს იმპერატიულ ხასიათს და მხარეთა შეთანხმებით შეუძლებელია გამოირიცხოს სასამართლოს მიერ შეუსაბამოდ მაღალი პირგასამტეხლოს შემცირების შესაძლებლობა.

✅პირგასამტეხლოს დაკისრების წინაპირობას წარმოადგენს ხელშეკრულების ერთ-ერთი მხარის მიერ ნაკისრი ვალდებულების დარღვევა. მნიშვნელოვანია გავითვალისწინოთ პირგასამტეხლოს დაანგარიშების წესი, რათა ის მართლზომიერად იქნეს მიჩნეული და თავიდან ავირიდოთ მისი სამომავლოდ შემცირება.

📢აღნიშნულ საკითხზე გიზიარებთ უზენაესი სასამართლოს მიდგომას :👇

🟣სასამართლოს შეფასებით, პირგასამტეხლო უნდა დაანგარიშდეს არა ხელშეკრულების საერთო ღირებულებიდან, არამედ მხარის მიერ ფაქტობრივად შეუსრულებელი ან არაჯეროვნად შესრულებული ვალდებულების ღირებულებიდან.

🟣ვალდებულების ნაწილის შესრულების ვადის გადაცილებისთვის პირგასამტეხლოს ხელშეკრულების საერთო ღირებულებიდან დაანგარიშება ეწინააღმდეგება სამოქალაქო ბრუნვის უსაფრთხოებისა და კეთილსინდისიერების მინიმალურ სტანდარტს, რადგან პირგასამტეხლოს ასეთი ოდენობით დაკისრება, როგორც კრედიტორის დარღვეული უფლებების და ვალდებულების შესრულების უზრუნველყოფის ერთგვარი სანქცია, თავის ნორმატიულ დანიშნულებას ვერ შეასრულებს.

21/11/2021

🔴 ინვენტარიზაცია ბუღალტრული აღრიცხვის ერთ-ერთი მნიშვნელოვანი პროცესია, რომლის საშუალებით ზუსტდება საწარმოს სასაქონლო-მატერიალურ ფასეულობათა ფაქტიური მდგომარეობა

✔️ინვენტარიზაციას ატარებს ხელმძღვანელის ბრძანებით დანიშნული კომისია;
✔️ინვენტარიზაცია ტარდება ხელმძღვანელის მიერ განსაზღვრულ ვადებში;
✔️ინვენტარიზაციის შედეგები აისახება საინვენტარიზაციო უწყისში;
✔️საინვენტარიზაციო უწყისი ხელმოწერილ უნდა იქნეს კომისიის ყველა წევრისა და მატერიალურად პასუხისმგებელი პირის მიერ;
✔️სასაქონო-მატერიალურ ფასეულობათა ფაქტობრივი მდგომარეობა უნდა შეუდარდეს ბუღალტრული აღრიცხვის მონაცემებს

📍ხშირად ამ ინვენტარიზაციის შედეგების მის საბუღალტრო მონაცემებთან შედარებისას შესაძლოა გამოვლინდეს სხვაობა. კერძოდ, დანაკლისი ან/და ზედმეტობა.

➡️ გამოვლენილი დანაკლისი ითვლება გამოვლენის მომენტში მის საბაზრო ფასით მიწოდებად, ხოლო ზედმეტობა სარგებლად

➡️ჩაატარე ინვენტარიზაცია, აკონტროლე შენი სმფ-ის ნაშთები და გამოვლენილი დანაკლისი ზედმეტობა აღრიცხე/დაბეგრე შესაბამისად.

წინააღმდეგ შემთხვევაში, თუ ის საგადასახადო ორგანომ გამოგივლინა ⬇️

‼️დაბეგრავს მას სსკ-ის შესაბამისად და პლიუს:‼️

⭕️გამოვლენილ ზედმეტობაზე დაგაჯარიმებს მისი საბაზრო ღირებულის 5️⃣0️⃣% ის ოდენობით;
⭕️გამოვლენილ დანაკლისზე დაგაჯარიმებს მისი საბაზრო ღირებულების 1️⃣0️⃣% ის ოდენობით.