30/08/2026
💚🧡 მარიამ სირაძე - ,,რავის“ ჩინური ენის მასწავლებელი.
📚სკოლა დაამთავრა ოქროს მედალზე.
📚თავისუფალი უნივერსიტეტის
საერთაშორისო ურთიერთობების ბაკალავრი 70%-იანი დაფინანსებით
📚სერტიფიკატები
HSK Level 2
HSK Level 3
📚დებატების დიპლომი — GIDE (Georgian Institute of Debate and Education)
✨️მარიამს აქვს ჩინელებთან კომუნიკაციისა და თანამშრომლობის პრაქტიკული გამოცდილება.
✨️აქტიურად მონაწილეობს თავისუფალი უნივერსიტეტის კონფუცის ინსტიტუტისა და სხვა ჩინური ორგანიზაციების მიერ გამართულ კონკურსებსა და კულტურულ ღონისძიებებში.
✨️აქტიურად მონაწილეობს ჩინურენოვან და კულტურულ აქტივობებში, რაც ხელს უწყობს საერთაშორისო გარემოში კომუნიკაციის უნარების განვითარებას.
📗მარიამს აქვს ინგლისური ენის და ჩინური ენის კერძო მასწავლებლის პრაქტიკა.
ის ფლობს რამდენიმე უცხო ენას სხვადასხვა დონეზე -
🔸️ქართული მშობლიური
🔸️ინგლისური
🔸️ჩინური
🔸️თურქული
🔸️გერმანული
✨️ მარიამი გამორჩეული ადამიანია და კარგი მასწავლებელი. ჩვენ მისი, როგორც ადამიანის, ცხადზე უცხადესი უნარები დავინახეთ, მივხვდით, რომ ჩვენიანი იყო - რავიელების მასწავლებლების გუნდს რომ შეეფერება, ისეთი.
- ჩინურის სწავლების ამბავი საიდან ვიცით? საიდან და, თავად ჩინელს ვანდეთ ჩინურის მასწავლებლის კომპეტენციის გადამოწმება. ეს ჩინელი კი ზოგადი ენათმეცნიერების დოქტორანტია ქართველოლოგიის მიმართულებით.
ჰოდა, ასე შეგვიფასა მასწავლებლობის კანდიდატი -,,ძალიან კაი გოგონაა, მიხარია, ასე კარგად რომ იცის ჩინური და ვამაყობ ძალიან.
მარიამი რომ ლაპარაკობს, მგონია, რომ დიდი ხანი იცხოვრა ჩინეთში-ო" .
სწავლების მეთოდებით მოუწონა და მომავალში პროფესიული თანამშრომლობის იმედიც გამოთქვა.
✨️ასეთი კომპეტენტური და კარგი რეკომენდაციით წარვადგენთ ჩვენს მასწავლებელს და ძალიან გვიხარია, რომ "რავი" იქნება პირველი ოფიციალური სამსახური ბავშვობიდან ჩინურ კულტურასა და ჩინურ ენაზე შეყვარებული მარიამ სირაძის.
"ჩინური ენით ჯერ კიდევ ბავშვობიდან ვიყავი დაინტერესებული, ეს საოცარი კულტურა, დამწერლობა და ჟღერადობა ყოველთვის განსაკუთრებულად მიზიდავდა. უნივერსიტეტში ჩაბარებამდე უკვე მქონდა გარკვეული საბაზისო ცოდნა და ჩემით ვცდილობდი პირველი ნაბიჯების გადადგმას, თუმცა ნამდვილი გარდატეხა სწორედ სტუდენტობისას მოხდა.
უნივერსიტეტში ჩაბარების შემდეგ ჩემი ინტერესი პროფესიულ არჩევანად იქცა. აკადემიურმა სივრცემ და გამოცდილ ლექტორებთან ყოველდღიურმა მუშაობამ საშუალება მომცა, ენის გრამატიკასა და რთულ იეროგლიფიკას საფუძვლიანად ჩავღრმავებოდი.
შედეგად, ბავშვობის უბრალო გატაცება რეალურ ცოდნად, თავდაჯერებულობად და ჩემი მომავლის მნიშვნელოვან ნაწილად გარდაიქმნა" -
ამბობს მარიამი.
🌟
ცენტრში მარიამი წაიყვანს კურსებს:
🟢ჩინური ენა სკოლის მოსწავლეებისთვის
🟢სასაუბრო ჩინური ენა ასაკის შეუზღუდავად.
მარიამის ჩინური ენის კურსზე რეგისტრაცია დაიწყო.
დასარეგისტრირებლად მოგვწერეთ გვერდზე
📩
ან დაგვირეკეთ: 595 138 238
#რავი -სადაც განათლება და პიროვნული განვითარება თანაბრად პრიორიტეტულია
#რავი - ადგილი, სადაც ყოველთვის სიყვარულით გელოდებიან
