ენერგეტიკის სასწავლო ცენტრი • Energy Training Center of GNERC

⚡ მიმდინარე სასწავლო კურსის „ელექტროენერგეტიკის რეგულირების მექანიზმები და პრაქტიკა“ ფარგლებში ტრენინგი ჩაატარა საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ, პროფესორმა დავით ნარმანიამ.

🔹 ტრენინგის ფარგლებში განხილული იყო ენერგეტიკული ბიზნესისა და პროექტების მართვის ძირითადი მიმართულებები, მათ შორის: ინფრასტრუქტურული პროექტების დაგეგმვა და განხორციელება, საინვესტიციო რისკების შეფასება და მდგრადი განვითარების მოთხოვნების ინტეგრირება პროექტების მართვის პროცესში.

🔹 განსაკუთრებული ყურადღება დაეთმო განახლებად ენერგიაზე მზარდ მოთხოვნას, ენერგოეფექტურობის პოლიტიკის მნიშვნელობასა და საერთაშორისო რეგულაციების გავლენას ადგილობრივ ეკონომიკურ და ბიზნეს გარემოზე.

📚კურსის მიზანია მონაწილეებისთვის ელექტროენერგეტიკის სექტორის რეგულირების მექანიზმების, თანამედროვე ტენდენციებისა და პრაქტიკული პროცესების შესახებ ცოდნის გაღრმავება.

🎓 ენერგეტიკის სასწავლო ცენტრში მიმდინარე სასწავლო კურსის „ელექტროსადგურების ოპერირების მექანიზმები“ — ფარგლებში ტრენინგი ჩაატარა ირაკლი გორდიაშვილმა თემაზე: „განახლებადი ენერგიების ქსელში ინტეგრაციის გამოწვევები“.

📌 ტრენინგის ფარგლებში განხილული იყო შემდეგი საკითხები:
▪️ საქართველოს ელექტროსისტემის მიმოხილვა
▪️ საბალანსო რეზერვების მიმოხილვა
▪️ ქარისა და მზის ელექტროსადგურების ინტეგრირებისთვის საჭირო ფაქტორები
▪️ ენერგიის შემნახველი ბატარეის სისტემა (BESS)

👨‍🏫 ირაკლი გორდიაშვილი არის ენერგეტიკისა და ელექტროინჟინერიის აკადემიური დოქტორი და საქართველოს ტექნიკური უნივერსიტეტის ასოცირებული პროფესორი. ამჟამად იგი ხელმძღვანელობს სს „საქართველოს სახელმწიფო ელექტროსისტემის“ სისტემის ადეკვატურობის სამსახურს.

⚡ აღნიშნული კურსი მოიცავს ელექტროსადგურების ოპერირებასთან, ქსელის ოპერატორებთან ურთიერთქმედებასა და ელექტროენერგეტიკის თანამედროვე ტექნოლოგიებთან დაკავშირებულ მნიშვნელოვან საკითხებს.

🟢 ენერგეტიკის სასწავლო ცენტრი ვიშეგრადის საერთაშორისო ფონდის მხარდაჭერით ახალ პროექტს იწყებს სახელწოდებით: „ენერგეტიკული ინფრასტრუქტურის უსაფრთხოება კლიმატის ცვლილებით გამოწვეული კატასტროფების დროს“.

📌 პროექტის მიზანია ვიშეგრადის ქვეყნების (უნგრეთი, ჩეხეთი, პოლონეთი, სლოვაკეთი) გამოცდილების გაზიარება საქართველოსთვის ენერგეტიკული ინფრასტრუქტურის მდგრადობისა და კლიმატთან დაკავშირებული კატასტროფების მიმართ მზადყოფნის საკითხებზე. პროექტის ფარგლებში დაგეგმილია სიღრმისეული კვლევის მომზადება, საუკეთესო საერთაშორისო პრაქტიკისა და რეგულაციების შესწავლა, ასევე საერთაშორისო ექსპერტების მიერ შესაბამისი რეკომენდაციების შემუშავება.

✏️პროექტი ითვალისწინებს საგანმანათლებლო კომპონენტებსაც, მაშ შორის საჯარო ლექციებისა და ტრენინგების ორგანიზებას, რომლებიც მიზნად ისახავს ენერგეტიკის სექტორის წარმომადგენლების, საჯარო მოხელეებისა და ადგილობრივი თვითმმართველობის ორგანოების ცნობიერების დონის ამაღლებას. პროექტის საპილოტე რეგიონად შერჩეულია გურია. აქტივობები, რომლებიც მოიცავს კვლევის შედეგების პრეზენტაციასა და პრაქტიკული გზამკვლევის შექმნას, ხელს შეუწყობს საზოგადოების ინფორმირებულობის დონის ზრდას საქართველოს ენერგეტიკული უსაფრთხოების საკითხებზე. პროექტი იწყება 2026 წლის მაისში და დასრულდება 2027 წლის ოქტომბერში.

🔗 პროექტის შესახებ დეტალური ინფორმაცია განთავსებულია პროექტის ვებგვერდზე v4share.com

⚡ენერგეტიკის სასწავლო ცენტრში დაიწყო ახალი სასწავლო კურსი — „ელექტროენერგეტიკის რეგულირების მექანიზმები და პრაქტიკა“.

კურსის ფარგლებში პირველი ტრენინგი ჩაატარა ენერგეტიკის სასწავლო ცენტრის დირექტორის მოადგილემ, პროფესორმა ნუგზარ ბერიძემ.

ტრენინგზე სახელწოდებით— „ელექტროენერგეტიკის სექტორის სტრუქტურა“, განხილულ იქნა მნიშვნელოვანი საკითხები:
🔹 ენერგეტიკის განვითარების თანამედროვე ტენდენციები
🔹 განახლებადი ენერგორესურსების ათვისების მაჩვენებლები
🔹 ელექტროენერგიის წარმოება-მოხმარების თანაფარდობა
🔹 იმპორტ-ექსპორტის დინამიკა
🔹 აღრიცხვის მონაცემების დამუშავებისა და ანგარიშსწორების პროცესები
🔹 სხვა მნიშვნელოვანი საკითხები.

⚡️ სასწავლო კურსის „ელექტროსადგურების ოპერირების საფუძვლები “ ფარგლებში ტრენინგი ჩაატარა სემეკის ელექტროენერგეტიკის დეპარტამენტის დირექტორმა, თორნიკე აფრიაშვილმა თემაზე: ელექტროსადგურების ელექტრო-მექანიკური და საქსელო ნაწილი.

🔹ტრენინგის ფარგლებში განხილული იყო ელექტროსადგურებისა და ელექტროენერგეტიკული სისტემების ელექტრულ-მექანიკური ნაწილის ძირითადი მოწყობილობები, მათი დანიშნულება, მუშაობის პრინციპები და ენერგოსისტემაში ფუნქციონირების მნიშვნელობა. განსაკუთრებული ყურადღება გამახვილდა ელექტროსადგურებისა და ქვესადგურების ელექტრულ ძალოვან მოწყობილობებზე, აგრეთვე თანამედროვე ელექტროენერგეტიკული ინფრასტრუქტურის საიმედო და უსაფრთხო ოპერირების საკითხებზე.
კურსის მონაწილეებმა ასევე მიიღეს ინფორმაცია ელექტროსადგურებსა და ქვესადგურებში ავარიული რეჟიმების მართვის, ელექტრული დაცვის სისტემებისა და თანამედროვე ტექნოლოგიების შესახებ, მათ შორის მუდმივი დენით გადაცემის სისტემებისა (HVDC) და მათი გამოყენების პრაქტიკულ ასპექტებზე.

🎓თორნიკე აფრიაშვილს მინიჭებული აქვს საქართველოს ტექნიკური უნივერსიტეტის დოქტორის ხარისხი ენერგეტიკისა და ტელეკომუნიკაციის დარგში. 2018 წლიდან საქმიანობს საქართველოს ენერგეტიკისა და წყალმომარაგების მარეგულირებელი ეროვნული კომისიაში.

🟢 ენერგეტიკის სასწავლო ცენტრში მიმდინარეობს სასწავლო კურსი ელექტროსადგურების ოპერირების საფუძვლების შესახებ. როგორც ცენტრის დირექტორის მოადგილე, ტექნიკის მეცნიერებათა დოქტორი, პროფესორი ნუგზარ ბერიძე აღნიშნავს, კურსი პასუხობს ენერგეტიკის დარგის თანამედროვე გამოწვევებს, ხელს უწყობს შრომის ბაზრის მოთხოვნებთან შესაბამისი სპეციალისტების მომზადება-გადამზადებას და წარმოადგენს მნიშვნელოვან კომპონენტს ელექტროენერგეტიკის სფეროში პროფესიული განათლების მიმართულებით.

მისივე თქმით, ქვეყანაში მიმდინარე ახალი ჰიდროელექტროსადგურების, ქარისა და მზის ელექტროსადგურების პროექტების განხორციელება, არსებული ენერგოობიექტების რეაბილიტაცია და მოდერნიზაცია, მოითხოვს კადრებს, რომლებიც ერკვევიან თანამედროვე ტექნოლოგიებში, ავტომატიზაციისა და დისპეტჩერიზაციის სისტემებში.

⏩ „ელექტროენერგია წარმოადგენს ეკონომიკის განვითარებისა და მოსახლეობის ცხოვრების ხარისხის უზრუნველყოფის ერთ-ერთ უმნიშვნელოვანეს საფუძველს. ენერგოსისტემების უწყვეტი და საიმედო ფუნქციონირება პირდაპირ არის დამოკიდებული ელექტროსადგურების ეფექტურ ოპერირებაზე, მართვასა და ტექნიკურ გამართულობაზე.

✏️ ენერგეტიკის სექტორში მიმდინარე ტექნოლოგიური პროგრესი, განახლებადი ენერგიის წყაროების მზარდი ინტეგრაცია, ელექტროსადგურების ავტომატიზაციისა და ციფრული მართვის სისტემების დანერგვა მოითხოვს მაღალკვალიფიციურ კადრებს, რომლებიც ფლობენ როგორც თეორიულ ცოდნას, ისე პრაქტიკულ უნარებს ელექტროსადგურების ოპერირების მიმართულებით. ამასთან, ელექტროსადგურების ოპერირებისას განსაკუთრებული მნიშვნელობა ენიჭება ენერგოეფექტურობას, გარემოს დაცვასა და ავარიული სიტუაციების პრევენციას. ელექტროსადგურების ოპერატიული პერსონალისათვის აუცილებელია პროფესიული პასუხისმგებლობის, ტექნიკური აზროვნებისა და პრობლემების ანალიზის უნარების ჩამოყალიბება, რაც აუცილებელია თანამედროვე ენერგეტიკული სისტემის და ლიბერალური ელექტროენერგეტიკული ბაზრის ფარგლებში სხვადასხვა ტიპის ელექტროსადგურების ეფექტური ოპერირებისათვის”, - აღნიშნავს ნუგზარ ბერიძე.

📍 ენერგეტიკის სასწავლო ცენტრში მიმდინარე ელექტროსადგურების ოპერირების საფუძვლების შესახებ კურსის ტრენერებად მიწვეულნი არიან აკადემიური წრეების, ენერგეტიკული კომპანიებისა და მარეგულირებელი კომისიის მაღალი რანგის სპეციალისტები. კურსის პირველი ნაკადის ტრენინგები მიმდინარე წლის 21 აპრილს დაიწყო და 16 ივნისამდე გაგრძელდება. კურსის დასრულების შემდგომ მსმენელებს სერტიფიკატები გადაეცემათ.

⚡️ენერგეტიკის სასწავლო ცენტრში გრძელდება სასწავლო კურსი „ელექტროსადგურების ოპერირების საფუძვლები“. კურსის ფარგლებში ტრენინგი ჩაატარა შპს „ფოტომეიტ ევრაზია“-ს დირექტორის მოადგილემ კავკასიის რეგიონში და საქართველოს განახლებადი ენერგიის განვითარების ასოციაციის (GREDA) გამგეობის წევრმა, ლევან ბოსტიაშვილმა.

📚ტრენინგის ფარგლებში მონაწილეები გაეცნენ ფოტოვოლტური სისტემების მუშაობის პრინციპს. შეხვედრისას განსაკუთრებული ყურადღება დაეთმო მზის ენერგიის თანამედროვე ტექნოლოგიებს, განახლებადი ენერგიის განვითარებასა და სექტორში არსებულ გამოწვევებს.

🎓ლევან ბოსტიაშვილი არის ენერგეტიკისა და ელექტროინჟინერიის მაგისტრი, რომელსაც მრავალწლიანი გამოცდილება აქვს ენერგეტიკისა და განახლებადი ენერგიის სფეროში. იგი მუშაობს პროექტების მართვის, ტექნიკური სერვისისა და მენეჯმენტის მიმართულებით კავკასიასა და ცენტრალურ აზიაში.

⚡️ენერგეტიკის სასწავლო ცენტრში მიმდინარე სასწავლო კურსის „ელექტროსადგურების ოპერირების საფუძვლები “ ფარგლებში ტრენინგი ჩაატარა შპს „ფერის“ განახლებადი ენერგიის ტექნიკურმა დირექტორმა და კომპანია "MORRIGAN"-ის დამფუძნებელმა, გიორგი ბეჟუაშვილმა.

ტრენინგის თემა იყო: ქარის ელექტროსადგურების ოპერირება.

🔹კურსის მონაწილეები გაეცნენ ქარის ელექტროსადგურების საოპერაციო ეტაპზე აქტივის ეფექტიანი მართვის ძირითად მიმართულებებს, მათ შორის ტექნიკური ოპერირებისა და მომსახურების პროცესებს, HSE სტანდარტებს, ქსელთან შესაბამისობის მოთხოვნებსა და მარეგულირებელ ორგანოებთან კოორდინაციის მექანიზმებს.

📊ტრენინგის ფარგლებში ასევე განხილული იყო კომერციული და ფინანსური პროცესების მართვა, გამომუშავების პროგნოზირება და დისპეტჩერული კოორდინაცია, აქტივის გრძელვადიანი ღირებულების ოპტიმიზაცია და დაინტერესებულ მხარეებთან ეფექტიანი ურთიერთობის მართვა.

🎓გიორგი ბეჟუაშვილი არის ენერგეტიკის სექტორის ექსპერტი და სტრატეგიული მენეჯერი, რომელსაც მრავალწლიანი გამოცდილება აქვს განახლებადი ენერგიის პროექტების სრული ციკლის მართვაში.

🟢 სემეკის მიერ დაფუძნებული ენერგეტიკის სასწავლო ცენტრი რუსთაველის ეროვნული სამეცნიერო ფონდის მხარდაჭერით იწყებს სამწლიან პროექტს – „ენერგოინფრასტრუქტურის მზაობისა და ჭკვიანი ქალაქების განვითარების შესაძლებლობების კვლევა საქართველოს კონტექსტში“. პროექტი ხორციელდება ივანე ჯავახიშვილის სახელობის თბილისის სახელმწიფო უნივერსიტეტთან პარტნიორობით, ფუნდამენტური კვლევების საგრანტო კონკურსის ფარგლებში.

პროექტის ფარგლებში განხორციელდება:

◾ საქართველოს სოციალურ-ეკონომიკური, ენერგოინფრასტრუქტურული და გარემოსდაცვითი კონტექსტის კომპლექსური კვლევა;
◾ ჭკვიანი ქალაქების სხვადასხვა მოდელთან ადაპტაციის შესაძლებლობების ანალიზი;
◾ განხორციელდება ქ.თბილისის, ქ. რუსთავის, ქ. ბათუმის, ქ. ფოთისა და ქ. ქუთაისის ენერგოინფრასტრუქტურის არსებული მდგომარეობის, ენერგოეფექტურობის და ჭკვიანი ტექნოლოგიების დანერგვის პოტენციალს შეფასება, რათა განისაზღვროს სახვადასხვა სფეროში ენერგოინფრასტრუქტურის როლი და შესაძლებლობები;
◾ ენერგეტიკული ინფრასტრუქტურის არსებული მდგომარეობისა და განვითარების პერსპექტივების შეფასება, ასევე მისი მდგრადი განვითარების მიზნებთან ინტეგრაციის პოტენციალის ანალიზი;
◾ შემუშავდება ჭკვიანი ქალაქების განვითარების კონცეფციებთან დაკავშირებული პრიორიტეტული მიმართულებების განსაზღვრაზე ორიენტირებული პრაქტიკული რეკომენდაციები;
◾ კვლევის შედეგების საფუძველზე შემუშავებდა საქართველოსთვის ჭკვიანი ქალაქების განვითარების პრაქტიკული გზამკვლევი.

⚡ენერგეტიკის სასწავლო ცენტრში მიმდინარე ტრენინგ-კურსის „ჰიდროელექტროსადგურების ოპერირება“ ფარგლებში ტრენინგი ჩაატარა პროფესორმა თემურ მიქიაშვილმა, თემაზე „თბოელექტროსადგურების ოპერირება“.

🏭მონაწილეები ტრენინგზე გაეცნენ თბოელექტროსადგურების ფუნქციონირების ძირითად პრინციპებს. ლექტორმა დეტალურად ისაუბრა თბოელექტროსადგურების ტექნოლოგიურ ციკლზე, ოპერირების ეფექტურ რეჟიმებსა და ენერგოეფექტურობის მართვის თანამედროვე მიდგომებზე.

🎓თემურ მიქიაშვილი არის ტექნიკურ მეცნიერებათა დოქტორი, პროფესორი და ენერგეტიკის დარგის საერთაშორისო კონსულტანტი, რომელსაც სითბური და ელექტროენერგიის სექტორში საქმიანობის 30 წელზე მეტი გამოცდილება აქვს. იგი არის საქართველოს ტექნიკური უნივერსიტეტის თბოენერგეტიკისა და თბოელექტროსადგურების დეპარტამენტის სრული პროფესორი და საქართველოს ენერგოინჟინერთა ასოციაციის (GAEE) აღმასრულებელი დირექტორი. ასევე ფლობს სერტიფიცირებული ენერგომენეჯერის (CEM) სტატუსს და არის აშშ-ის ენერგოინჟინერთა ასოციაციის (AEE) მოქმედი წევრი.

⚡ ენერგეტიკის სასწავლო ცენტრში მიმდინარე სასწავლო კურსის „ელექტროსადგურების ოპერირების საფუძვლები“ ფარგლებში ტრენინგი ჩაატარა ნატალი მაისურაძემ.

💧 ტრენინგის თემა იყო „ჰიდროელექტროსადგურების ოპერირება“. მონაწილეები გაეცნენ ჰიდროელექტროსადგურების აგებულებასა და ტიპებს, მდინარეთა ჰიდროლოგიურ მონაცემებს, წყლის რესურსების ოპერირების გრაფიკებსა და ჰიდროტექნიკური ნაგებობების მდგომარეობის კონტროლის პრინციპებს.

🎓 ნატალი მაისურაძე არის საინჟინრო-საკონსულტაციო კომპანია „ჰიდროდიაგნოსტიკას“ წარმომადგენელი და საინჟინრო გუნდის ხელმძღვანელი. იგი ჩართულია ჰიდროენერგეტიკისა და წყლის რესურსების მიმართულებით სხვადასხვა საინჟინრო და კვლევით პროექტში. ასევე არის საქართველოს ტექნიკური უნივერსიტეტის დოქტორანტი.