Innovative Education Research Center/ინოვაციური განათლების კვლევითი ცენტრი

საერთაშორისო სტუდენტური პროექტი: ავსტრია, საბერძნეთი, საქართველო, სომხეთი

ილიას სახელმწიფო უნივერსიტეტი გიწვევთ მოტივირებულ სტუდენტებს ავსტრიის, საბერძნეთის, საქართველოსა და სომხეთის ერთობლივ საგანმანათლებლო პროექტში ღირებულებით განათლებაზე.

10–დან 14 მაისამდე შეგიძლიათ,

დაესწროთ 3-დღიან სტუდენტურ სამიტს კავკასიის უნივერსიტეტში;
მიიღოთ მონაწილეობა ვორქშოფებში სამშვიდობო და ინტერკულტურული დიალოგის საკითხებზე;
იმუშაოთ ერთობლივ სათემო პროექტებზე სომეხ და ქართველ თანატოლებთან ერთად;
მიიღოთ პროექტში მონაწილეობის დამადასტურებელi საერთაშორისო სერტიფიკატი.
დარეგისტრირდით, თუ

ხართ დაწყებითი სკოლის მასწავლებლის ინტეგრირებული პროგრამის II ან III კურსის, განათლების ადმინისტრირების სამაგისტრო საფეხურის I კურსის, ან მასწავლებლის მომზადების ერთწლიანი საგანმანათლებლო პროგრამის სტუდენტები;
ფლობთ ინგლისურ ენას (B2-C2);
გაინტერესებთ ღირებულებითი განათლება, სოციალური საკითხები და სამოქალაქო აქტივიზმი;
გაქვთ მზაობა პროექტის ყველა აქტივობაში სრულფასოვანი მონაწილეობისთვის.
ღონისძიების სამუშაო ენა: ინგლისური.

აპლიკაციის შესავსებად გადადით ბმულზე და დარეგისტრირდით 10 აპრილამდე:
https://docs.google.com/forms/d/1JUCcy56MqKJnMQSs9HC-SeTzSQr8TDYf8aCU1GEkvlE/edit

დამატებითი ინფორმაციისათვის დაგვიკავშირდით შემდეგ ელ: ფოსტაზე:
[email protected]

https://georgiatoday.ge/promises-of-quality-instruments-of-control-how-centralized-reform-reshapes-georgian-higher-education/?fbclid=IwY2xjawQOMbFleHRuA2FlbQIxMABicmlkETFVMEd3TzRXTG0yN2tyenBOc3J0YwZhcHBfaWQQMjIyMDM5MTc4ODIwMDg5MgABHtH4VENP3Lb9TN4OmHcCPM4rtjAZIThBSxlWsupwbwbnhrj156HC_LWKFaYH_aem_G4_aSBjW_eaKfvyke3htKg

Promises of Quality, Instruments of Control: How Centralized Reform Reshapes Georgian Higher Education - Georgia Today In October 2025, the Government of Georgia unveiled its “National Concept for Reforming the Higher Education System,” outlining seven steps to restructure the country’s public university sector. The document portrays Georgian higher education as misaligned with labor‑market needs, weak in in...

https://www.facebook.com/share/p/1DZGCp47fZ/

📣 ილიას სახელმწიფო უნივერსიტეტის განათლების სკოლის განცხადება დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო პროგრამის სტატუსის ცვლილების შესახებ

ჩვენ, აკადემიური და პროფესიული საზოგადოების წარმომადგენლები, ღრმა შეშფოთებას გამოვთქვამთ სახელმწიფოს მიერ მიღებული იმ გადაწყვეტილების გამო, რომელიც მასწავლებლის მომზადების ინტეგრირებული საბაკალავრო-სამაგისტრო პროგრამის (300 კრედიტი) 3-წლიანი საბაკალავრო პროგრამით ჩანაცვლებას ითვალისწინებს.

მიგვაჩნია, რომ აღნიშნული გადაწყვეტილება მიღებულია დარგის სპეციალისტების, უნივერსიტეტების, პროფესიული და აკადემიური საზოგადოების ჩართულობის გარეშე, რაც ეწინააღმდეგება მტკიცებულებებზე დაფუძნებული საგანმანათლებლო პოლიტიკის, აკადემიური თავისუფლებისა და პროფესიული ეთიკის ძირითად პრინციპებს. საგანმანათლებლო პროგრამები შემუშავდა დარგობრივი მახასიათებლების საფუძველზე, რაც ეფუძნება გრძელვადიან პროცესს და მოითხოვს უნივერსიტეტების წარმომადგენლების, დამსაქმებლების და პროფესიონალების პარიტეტულ ჩართულობას.

როგორც ცნობილია, მასწავლებელი ასრულებს კრიტიკულად მნიშვნელოვან როლს ბავშვის განათლების პირველ და ფუნდამენტურ ეტაპზე. დაწყებითი საფეხურის მასწავლებლის პროფესიული კომპეტენციები განპირობებულია არა მხოლოდ საგნობრივი ცოდნით, არამედ ბავშვის კოგნიტური, ემოციური და სოციალური განვითარების სიღრმისეული გაგებით, ინტერდისციპლინარული სწავლებით, დიფერენცირებული და ინკლუზიური სწავლების პრაქტიკებით. ამგვარი კომპეტენციების ჩამოყალიბება მოითხოვს ხანგრძლივ, ეტაპობრივ და აკადემიურად დაბალანსებულ მომზადებას, რასაც 3-წლიანი საბაკალავრო პროგრამა ვერ უზრუნველყოფს.

მოქმედი პროგრამა, რომელიც 2025 წელს დამტკიცებული დარგობრივი მახასიათებლების საფუძველზე შეიქმნა, ეფუძნება მოსწავლეზე ორიენტირებულ სწავლებასა და ჰოლისტურ მიდგომას. ინტეგრირებული საბაკალავრო-სამაგისტრო მოდელი უზრუნველყოფს როგორც საგნობრივი ცოდნის, ისე პედაგოგიური და კვლევითი კომპეტენციების სინთეზს. პროგრამა ამზადებს ქართული ენისა და ლიტერატურის, მათემატიკისა და ბუნებისმეტყველების ინტეგრირებულ მასწავლებელს, ხოლო დამატებითი კრედიტების არჩევის შესაძლებლობა საზოგადოებრივ მეცნიერებებში მნიშვნელოვნად აფართოებს ახალგაზრდა კადრების დასაქმების არეალსა და შესაძლებლობებს.

არსებული ინტეგრირებული პროგრამის ერთ-ერთი უმთავრესი ღირებულებაა ხანგრძლივი, სისტემური და სუპერვიზირებული პრაქტიკა, რომელიც ეტაპობრივად აერთიანებს თეორიას სასკოლო გამოცდილებასთან. პროგრამის ხანგრძლივობის მკვეთრი შემცირება გარდაუვალად გამოიწვევს პრაქტიკული კომპონენტის მოცულობისა და ხარისხის დაქვეითებას, რაც, თავის მხრივ, დააზიანებს კურსდამთავრებულთა პროფესიულ მზაობას რეალური სასკოლო გარემოსთვის.

დაწყებითი საფეხურის მასწავლებლის მომზადების პროგრამაში ჩაშენებული სპეციალური მასწავლებლის მოდული, რომელიც საქართველოს პარლამენტის გადაწყვეტილებით ინტეგრირდა პროგრამაში, ამავდროულად წარმოადგენს ინკლუზიური განათლების სახელმწიფო პოლიტიკის მნიშვნელოვან საფუძველს. პროგრამა, ასევე, ორიენტირებულია გენდერულ მგრძნობელობასა და ინკლუზიაზე, რაც სტუდენტებს როგორც ფორმალური, ისე არაფორმალური განათლების მართვის კომპეტენციებს უვითარებს. პროგრამის შეკვეცა საფრთხეს უქმნის ამ მოდულის შინაარსობრივ სიღრმეს და პრაქტიკულ ეფექტიანობას, აგრეთვე, ადამიანის უფლებებსა და სპეციალურ განათლებაზე ორიენტირებული კურსების სწავლებას, რაც ეწინააღმდეგება თანასწორი განათლების უზრუნველყოფის დეკლარირებულ მიზნებს.

პროგრამის ხანგრძლივობის შემცირება, ამასთანავე, რისკის ქვეშ აყენებს კვლევითი უნარების განვითარებას, ხანგრძლივი დამოუკიდებელი პრაქტიკის გავლას და აკადემიური კომპეტენციების საფუძვლიან ჩამოყალიბებას. აღნიშნული ცვლილება გრძელვადიან პერსპექტივაში შეაფერხებს პროფესიაში შესვლის პროცესს და გარდაუვალ ზიანს მიაყენებს განათლების საერთო ხარისხს.

საერთაშორისო პრაქტიკა ცალსახად მიუთითებს, რომ დაწყებითი საფეხურის მასწავლებელთა მომზადება, უმეტეს შემთხვევაში, ხორციელდება მინიმუმ ოთხ-ხუთწლიანი პროგრამებით და ხშირად ითვალისწინებს მაგისტრის ხარისხის კვალიფიკაციას. პროგრამის საბაკალავრო დონემდე დაყვანა საქართველოს აშორებს საერთაშორისო საგანმანათლებლო სტანდარტებს და ამცირებს კვალიფიკაციის საერთაშორისო აღიარების შესაძლებლობას.

თუ გადაწყვეტილების მიზანი მასწავლებელთა დეფიციტის პრობლემის სწრაფად მოგვარებაა, მაშინ ჩვენი აზრით, პრობლემის ძირითადი მიზეზი არა მასწავლებელთა მომზადების ხანგრძლივობაში, არამედ პროფესიის დაბალ სოციალურ-ეკონომიკურ მიმზიდველობაშია. ყველაზე დიდი გამოწვევა არახელსაყრელი სამუშაო პირობები და შეზღუდული კარიერული პერსპექტივებია. მასწავლებელთა მომზადების ხელოვნურად შემცირება ამ ფუნდამენტურ პრობლემებს ვერ გადაჭრის; პირიქით, ეს გამოიწვევს პერსონალის ხარისხის დაქვეითებას და, გრძელვადიან პერსპექტივაში, სერიოზულ საფრთხეს შეუქმნის განათლების სისტემის მდგრადობას.

ვფიქრობთ, რომ განათლების სისტემის ისეთი ფუნდამენტური კომპონენტის ცვლილება, როგორიცაა მასწავლებლის მომზადება, შეუძლებელია განხორციელდეს ღია პროფესიული და აკადემიური კონსულტაციების გარეშე. ასეთი პრაქტიკა ასუსტებს მიღებული გადაწყვეტილებების ლეგიტიმაციას და ნდობას საგანმანათლებლო პოლიტიკის მიმართ.

ასევე უნდა აღინიშნოს, რომ მოქმედმა სასწავლო პროგრამებმა წარმატებით გაიარეს კლასტერული აკრედიტაცია 2025 წელს, რაც მათ შვიდი წლის განმავლობაში კანონიერად ფუნქციონირების საშუალებას აძლევს. ამ პროგრამების სამ წლამდე მექანიკურად შემოკლება მნიშვნელოვნად ცვლის სწავლის შედეგებს, რაც დარგობრივი მახასიათებლების ცვლილების და შემდეგ ხელახალი აკრედიტაციის ვალდებულებას წარმოქმნის.

აღნიშნული გადაწყვეტილება სტუდენტებზეც უარყოფითად აისახება (ან დემოტივირებას ახდენს მოქმედ სტუდენტებზეც). ამ ნაბიჯით სახელმწიფო ფაქტობრივად აღიარებს, რომ არჩეული პროგრამა გადატვირთულია არასაჭირო შინაარსით. ასეთი გზავნილი ზიანს აყენებს მასწავლებლის მომზადებისა და თავად მასწავლებლის პროფესიის ისედაც მყიფე რეპუტაციას და იწვევს სტუდენტებში განათლების სისტემის მიმართ უნდობლობას.

მოვუწოდებთ შესაბამის სახელმწიფო უწყებებს:
● შეაჩერონ მასწავლებლის მომზადების ინტეგრირებული პროგრამის სტატუსის ცვლილების პროცესი;
● დაიწყონ ფართო, გამჭვირვალე და მტკიცებულებებზე დაფუძნებული კონსულტაციები აკადემიურ და პროფესიულ საზოგადოებასთან;
● უზრუნველყონ, რომ მიღებული გადაწყვეტილებები ემსახურებოდეს არა მოკლევადიან ადმინისტრაციულ და პოლიტიკურ მიზნებს, არამედ განათლების ხარისხის გრძელვადიან გაუმჯობესებას და ბავშვის ინტერესებს.

გვჯერა, რომ მასწავლებლის მომზადების პროგრამის ხარისხი განსაზღვრავს ქვეყნის საგანმანათლებლო და სოციალურ მომავალს. სწორედ ხარისხიანი პედაგოგიური განათლებაა განათლების სისტემის მდგრადობისა და განვითარების ფუნდამენტი.

ილიას სახელმწიფო უნივერსიტეტის განათლების სკოლა

https://www.facebook.com/share/p/18Ltwgp4Hw/?mibextid=wwXIfr

ილიას სახელმწიფო უნივერსიტეტის უმაღლესი კოლეგიური ორგანოების განცხადება

2026 წლის 3 თებერვალს საქართველოს პარლამენტმა დაჩქარებული წესით განიხილა და მესამე მოსმენით დაამტკიცა უმაღლესი განათლების შესახებ საკანონმდებლო ცვლილებათა მეორე პაკეტი, რომელიც, სხვა საკითხებთან ერთად, ეხება უმაღლესი საგანმანათლებლო დაწესებულებების რეორგანიზაციას.

უმაღლესი განათლების შესახებ საქართველოს კანონში აღნიშნული ცვლილებებით, როგორც პირველი (16.12.2025), ისე მეორე (4.02.2026) პაკეტით, საქართველოს მთავრობამ დაიკანონა უფლება უმაღლესი საგანმანათლებლო დაწესებულებების ინსტიტუციური ავტონომიის მოშლისა და აკადემიური თავისუფლების შეზღუდვისთვის, რაც ეწინააღმდეგება საქართველოს კონსტიტუციას.

ილიას სახელმწიფო უნივერსიტეტის უმაღლესი კოლეგიური ორგანოები მიუღებლად მიიჩნევს საკანონმდებლო ცვლილებებს, რომლებიც წინააღმდეგობაში მოდის საქართველოს კონსტიტუციის 27-ე მუხლთან.

დაუშვებლად მიგვაჩნია განათლების ფუნდამენტური საკითხების საზოგადოებასთან შეთანხმების გარეშე დაჩქარებული წესით გადაწყვეტა.

მოვითხოვთ საქართველოს კონსტიტუციით გარანტირებული აკადემიური თავისუფლებისა და ინსტიტუციური ავტონომიის ხელშეუხებლობას.

▪️ილიას სახელმწიფო უნივერსიტეტის აკადემიური საბჭო
▪️ილიას სახელმწიფო უნივერსიტეტის წარმომადგენლობითი საბჭო
▪️მეცნიერებათა და ხელოვნების ფაკულტეტის საბჭო
▪️სამართლის სკოლის საბჭო
▪️საბუნებისმეტყველო მეცნიერებებისა და მედიცინის ფაკულტეტის საბჭო
▪️ბიზნესის, ტექნოლოგიისა და განათლების ფაკულტეტის საბჭო

----------

Ilia State University: Highest Collegial Governing Boards’ Statement

On 3 February 2026, the Parliament of Georgia, under an accelerated parliamentary procedure, through three hearing sessions adopted the second package of legislative amendments to the ‘Law on Higher Education’, which, among other issues, legalizes the reorganization of higher education institutions.

Through the amendments to the Law of Georgia on Higher Education – both the first package (16 December 2025) and the second package (4 February 2026), the Government of Georgia has legally secured the right to undermine the institutional autonomy of higher education institutions and to restrict academic freedom, which contradicts the Constitution of Georgia.

Ilia State University’s highest collegial decision-making boards consider the legislative amendments unacceptable, as they conflict with Article 27 of the Constitution of Georgia.

We deem it inadmissible to make decisions on fundamental issues of education through an accelerated procedure without agreement with the public.

We demand the inviolability of academic freedom and institutional autonomy guaranteed by the Constitution of Georgia.

▪️Academic Board, Ilia State University
▪️Representative Board, Ilia State University
▪️Faculty Board, Faculty of Arts and Sciences
▪️Board, School of Law
▪️Faculty Board, Natural Sciences and Medicine
▪️Faculty Board, Business, Technology, and Education

გიწვევთ გერმანული ენის პედაგოგებს, სტუდენტებს, მოსწავლეებსა და ამ დარგით დაინტერესებულ პირებს ქალბატონ ნუნუ ცხოვრებაძის (პედ. მეცნ. დოქტორი) გერმანული ენის გრამატიკის ახალი წიგნის პრეზენტაციაზე.
🗓თარიღი: 14 ნოემბერი
⏱ დრო: 16:30 საათი
📍 ადგილი: საქართველოს გოეთეს ინსტიტუტი (მ. ზანდუკელის ქ. 16)

Wir laden Deutschlernende und -lehrende sowie alle Interessierten zur Präsentation des neuen Grammatikbuchs von Frau Dr. Nunu Tskhovrebadze ein.

🗓 Datum: 14. November
⏱ Zeit: 16:30 Uhr
📍 Ort: Goethe-Institut Georgien (M. Zandukeli Str. 16)

დაიცავი უნივერსიტეტი!
ჩვენ, საუნივერსიტეტო საზოგადოების წარმომადგენლები, პროფესორ-მასწავლებლები, სტუდენტები, კურსდამთავრებულები, საგანმანათლებლო სფეროს გულშემატკივრები, არ ვეთანხმებით უმაღლესი განათლების რეფორმის შემოთავაზებულ კონცეფციას, ვინაიდან:
ა) იგი არ შემუშავებულა და არ განხილულა საუნივერსიტეტო საზოგადოებასთან, საგანმანათლებლო სფეროს წარმომადგენლებთან;
ბ) განათლების სფეროში არსებული გამოწვევების დაძლევის შემოთავაზებული გეგმა ანტიკონსტიტუციურია, ეწინააღმდეგება საქართველოს კონსტიტუციით
გარანტირებული აკადემიური თავისუფლებისა და ინსტიტუციური ავტონომიის პრინციპებს;
გ) წარმოდგენილი გეგმის განხორციელება უმაღლესი განათლების სფეროში გამოიწვევს კატასტროფულ შედეგებს, მათ შორის მკვეთრად გააუარესებს სწავლებისა და კვლევის ხარისხს, დრამატულად შეამცირებს უმაღლესი განათლების ადგილს და როლს საზოგადოებრივ ქსოვილში, გამოიწვევს საქართველოს იზოლირებას საერთაშორისო საგანმანათლებლო სივრციდან, რაც საფრთხეს შეუქმნის მომავალი თაობების კეთილდღეობას.
მოვითხოვთ, შეწყდეს უნივერსიტეტების ავტონომიურობისა და აკადემიური თავისუფლების შეზღუდვის მცდელობა და გაიხსნას განათლების რეფორმის საკითხებზე ინკლუზიური დიალოგის პროცესი, რომელშიც წამყვან როლს აკადემიური საზოგადოების წარმომადგენლები შეასრულებენ!

დაიცავი უნივერსიტეტი! ჩვენ, საუნივერსიტეტო საზოგადოების წარმომადგენლები, პროფესორ-მასწავლებლები, სტუდენტები, კურსდამთავრებულები, ს.....

განათლების რეფორმა, რომელიც უშუალოდ უკავშირდება მომავალ თაობებსა და ქვეყნის გრძელვადიან განვითარებას, ყოველთვის ერთ-ერთი ყველაზე მგრძნობიარე და მნიშვნელოვანი საკითხია. შესაბამისად, სრულიად ლოგიკურია ის დიდი აჟიოტაჟი, რომელიც გუშინ წარდგენილმა უმაღლესი განათლების რეფორმის კონცეფციამ გამოიწვია. თუმცა, ცალსახაა, რომ რეფორმის ეს გეგმა მიმართულია ევროპული საგანმანათლებლო სტანდარტებისგან დაშორებისკენ, შეამცირებს უნივერსიტეტების ავტონომიას და ხარისხის დაცვის ნაცვლად, სისტემის პოლიტიკურ კონტროლს გაზრდის. ამ ფონზე, მართლაც სამწუხაროა იმის გაცნობიერება, რომ სამი ათეული წლის განმავლობაში გაწეული უამრავი შრომისა და ბრძოლის შემდეგ, რაც ქვეყანაში საგანმანათლებლო სივრცის გაჯანსაღებისა და მისი წარმატებულ სისტემებთან დაახლოების მიზნით მიმდინარეობდა, ამ მიღწევებს ასე უაზროდ გავანადგურებთ და რისკის ქვეშ დავაყენებთ საქართველოს წინსვლასა და ინტეგრაციას ევროპულ საგანმანათლებლო სივრცეში...
საინტერესოა, ამ კონცეფციის შექმნისას ვინმემ თუ იფიქრა იმაზე, რომ პრაქტიკული დანერგვის მექანიზმები კრიტიკულად მნიშვნელოვანია და ოთხგვერდიანი კონცეფცია, რაც არ უნდა კეთილშობილური იყოს მისი მიზნები, არაფერს ნიშნავს, თუ არ არსებობს დეტალური, დასაბუთებული და განხილული სამოქმედო გეგმა, ფინანსური გათვლები და რისკების ანალიზი... თუ არ არის ცნობილი, როგორ განხორციელდება ცვლილება, ვინ იქნება პასუხისმგებელი და რა რესურსები დაიხარჯება, საუბარი ნებისმიერ დადებით მხარეზე რთულია....
ერთ-ერთი ყველაზე მწვავე კრიტიკული შენიშვნა ამ რეფორმის პროცესის მიმართ კი ის არის, რომ რეფორმის კონცეფცია მომზადდა იმ გუნდის მიერ, რომელშიც არ იყვნენ წარმოდგენილი განათლების დარგის წამყვანი ექსპერტები, პოლიტიკის მკვლევრები, პედაგოგები და აკადემიური წრეების წარმომადგენლები. სერიოზულად დგება ასეთ დროს ყოველთვის ეჭვქვეშ პროფესიონალიზმისა და კომპეტენციის ნაკლებობა, რადგან განათლების სისტემა უაღრესად კომპლექსური ფენომენია და ცვლილებების დაგეგმვა მოითხოვს არა მხოლოდ პოლიტიკურ ხედვას, არამედ ღრმა ცოდნას სწავლების მეთოდოლოგიის, საერთაშორისო საგანმანათლებლო ტრენდების, ადგილობრივი საჭიროებების და სისტემის მუშაობის მექანიზმების შესახებ. რეფორმის ლეგიტიმაცია ეფუძნება არა მხოლოდ მის პოლიტიკურ მიზანშეწონილობას, არამედ მის სამეცნიერო და ექსპერტულ დასაბუთებას. როდესაც ექსპერტები გვერდზე არიან გადაყვანილი, იქმნება შთაბეჭდილება, რომ რეფორმა მხოლოდ ადმინისტრაციულ თუ პოლიტიკურ ინტერესებს ემსახურება და არა განათლების ხარისხის გაუმჯობესებას. არასპეციალისტების მიერ დაწერილი კონცეფცია, დიდი ალბათობით, არ ითვალისწინებს ყველა იმ პრაქტიკულ გამოწვევას, რომელიც მის განხორციელებას შეიძლება მოჰყვეს (ბიუროკრატიული, ფინანსური, პედაგოგიური). ეს კი საბოლოოდ რეფორმის ჩავარდნის ან არასასურველი შედეგების დადგომის რისკს ზრდის, სისტემური ნდობის კრიზისს იწვევს და ხარისხის ნაცვლად კონტროლის გაძლიერების ეჭვებს აჩენს. ამ ვითარებაში, საზოგადოებისა და აკადემიური წრეების მწვავე რეაქცია სრულიად ბუნებრივი და აუცილებელია პროცესის დასაბალანსებლად. ამიტომ ნუ გაუკვირდება რეფორმატორთა ჯგუფს, რომ ასეთ პირობებში ნდობის ფაქტორი ძალიან დაბალია....

Send a message to learn more

ინოვაციური განათლების კვლევითი ცენტრის პროფესორების ვიზიტი ბერლინისა და იენის უნივერსიტეტებში

ილიას სახელმწიფო უნივერსიტეტს მჭიდრო თანამშრომლობა აკავშირებს ბერლინის თავისუფალ უნივერსიტეტთან და იენის ფრიდრიხ შილერის სახელობის უნივერსიტეტთან. ამ თანამშრომლობის ფარგლებში სისტემატურად ხორციელდება აკადემიური, ადმინისტრაციული პერსონალისა და სტუდენტების მობილობა.
მიმდინარე წლის ოქტომბერ-ნოემბერში აღნიშნულ უნივერსიტეტებში სამუშაო ვიზიტით მიემგზავრებიან ინოვაციური განათლების კვლევითი ცენტრის მკვლევრები. ისინი წარადგენენ მოხსენებებს ცენტრში განხორციელებული კვლევითი პროექტების შესახებ.

ცენტრის პროფესორი ეკატერინე შავერდაშვილი ბერლინის უნივერსიტეტში ვიზიტისას (27.10-1.11.2025) წარადგენს გერმანული და ჰოლანდიური ფილოლოგიის ინსტიტუტში ორ მოხსენებას თემებზე: „ენების პოლიტიკა და გერმანული ენის როლი საქართველოში“ და „ისტორიული და თანამედროვე პერსპექტივები ლიტერატურული ტექსტების მნიშვნელობაზე უცხო ენის სწავლებისას საქართველოში: ემპირიული კვლევების შედეგები“.
ცენტრის მკვლევრები ეკატერინე შავერდაშვილი და თინათინ კიღურაძე იენის უნივერსიტეტში ვიზიტისას (7.12.-14.12.2025) წარადგენენ ორ მოხსენებას:
• განათლებისა და საგანმანათლებლო კვლევების ცენტრში: „განათლება მდგრადი განვითარებისათვის, როგორც მასწავლებელთა განათლების გამოწვევა“ (https://www.uni-jena.de/.../vortrag-bildung-fuer...)
• ინტერკულტურული კვლევების ინსტიტუტის 50 წლის იუბილეზე ლექციათა ციკლში (Ringvorlesungen): „მასწავლებლის მომზადება საქართველოში და გერმანული ენის მასწავლებლის მომზადების საერთაშორისო პროგრამა DLL“ (https://www.gw.uni-jena.de/.../plakat-ringvorlesung-50...).

15-16 მაისს ზალცბურგში გაიმართა PROVE პროექტის კონსორციუმის მნიშვნელოვანი შეხვედრა. შეხვედრაზე მონაწილეებმა დაგეგმეს პროექტის მომდევნო ნაბიჯები და თანამშრომლობის გაღრმავების გზები.
🔍 ამ პროექტის მთავარი შედეგი იქნება სამხრეთ კავკასიის უნივერსიტეტებში VaKE მოდელის გამოყენებით მომავალი მასწავლებლებისთვის კურსების მომზადება. კონსორციუმის მთავარი თემა იყო კურსების განვითარების გეგმისა და ვადების განხილვა, მათ შორის:

✅ზოგადი კურსების განვითარება
✅ უმაღლესი საგანმანათლებლო დაწესებულებებისთვის სპეციფიკური კურსები საზოგადოებრივ საკითხებზე
✅ მასწავლებელთა მომზადებისა და სტუდენტთა სასკოლო პრაქტიკის მოდულები VaKE მეთოდოლოგიის გამოყენებით
✅ მოქმედი მასწავლებლებისთვის განკუთვნილი პროფესიული განვითარების კურსები
✅ საზოგადოებაზე ორიენტირებული ინიციატივები
✅ მხარდაჭერისა და ზედამხედველობის მექანიზმები („კრიტიკული მეგობრები“)
📊 შეხვედრის მნიშვნელოვანი ნაწილი დაეთმო ხარისხის მართვისა და მდგრადობის გეგმას, რომელიც წარადგინა ალფრედ ვაინბერგერმა (PHDL). მან დეტალურად განმარტა, როგორ უნდა შევაფასოთ და ვაკონტროლოთ თითოეული კურსის ხარისხი, ასევე როგორ დავიცვათ პროექტის მდგრადობა და გავაძლიეროთ მისი შედეგები.
🤝 პროექტის კოორდინატორმა თამარ ასლანიშვილმა ასევე წარმოადგინა მომავალი აქტივობების სამოქმედო გეგმა 2025-2026 წლებისთვის.
🌟 შეხვედრის დასასრულს მონაწილეებმა ერთმანეთს გაუზიარეს გამოცდილება, წარმატებები და გამოწვევები, რამაც კიდევ უფრო გააძლიერა ერთიანობა და საერთო ხედვა.
#განათლება #საერთაშორისოთანამშრომლობა #მშვიდობისგანათლება #პარტნიორობა #განათლებისხარისხი #მდგრადობა