სსიპ შოთა რუსთაველის სახელობის ქ. საჩხერის #3 საჯარო სკოლა

06/09/2026

ყურადღება!
თუ ხარ მე-10 ან მე-11 კლასის მოსწავლე და გინდა სკოლის ატესტატთან ერთად მიიღო პროფესიული განათლების დიპლომი, მაშინ საჩხერის N3 საჯარო სკოლაში შეგიძლია დაეუფლო ყველაზე მოთხოვნად პროფესიას.
ვაცხადებთ სტუდენტების მიღებას 9 სექტემბრის ჩათვლით პროგრამაზე ,,Front-end დეველოპმენტი".
დეტალებზე დაუკავშირდით სკოლის ადმინისტრაციას ტელეფონზე 593152891 ან მოგვწერეთ პირადი შეტყობინება.
📌ადგილები შეზღუდულია, გელოდებით!

31/07/2026

ვაკანსია : პროფესიული განათლების მასწავლებელი

პროფესიული საგანმანათლებლო პროგრამა: Front-end დეველოპმენტი

საკვალიფიკაციო მოთხოვნები:

კანდიდატი უნდა აკმაყოფილებდეს შემდეგ მოთხოვნებს:
• მინიმუმ პროფილური პროფესიული განათლება, ან შესაბამის სფეროში სამუშაო გამოცდილება, ან პროფესიული სწავლების მინიმუმ 1-წლიანი გამოცდილება, ან სფეროში აღიარებული საერთაშორისო სერტიფიკატის ფლობა;
• საგანმანათლებლო პროგრამების დაგეგმვის, შემუშავებისა და განვითარების პროცესების ცოდნა;
• Front-end დეველოპმენტის პროგრამისთვის შესაბამისი სასწავლო აღჭურვილობისა და რესურსების დანიშნულების ცოდნა.

სასურველი პროფესიული კომპეტენციები:
კანდიდატს სასურველია ჰქონდეს პრაქტიკული გამოცდილება Front-end დეველოპმენტის მიმართულებით და შეეძლოს ქვემოთ ჩამოთვლილი მოდულებიდან ერთ-ერთის ჩატარება :
1. ვებ გვერდის მარკირება და სტილებით გაფორმება
2. ვებ გვერდის სტილიზაცია Sass-scss პრე პროცესორის და Tailwind ფრეიმვორკის გამოყენებით
3. ვებგვერდის ინტერაქტიულობისა და ეფექტების შექმნა JavaScript-ის საშუალებით
4. დინამიური ვებგვერდის შექმნა typescript-ის საშუალებით
5. ვებგვერდის ინტერაქტიულობისა და ეფექტების შემუშავება React-ის საშუალებით
6. ვებ გვერდის ოპტიმიზაცია
7. ვერსიების კონტროლი Git ტექნოლოგიის გამოყენებით
8. პრაქტიკული პროექტი
9. ხელოვნური ინტელექტის გამოყენება

საკონტაქტო ტელეფონი: 593152891
ელ.ფოსტა: [email protected]

02/07/2026

ძვირფასო აბიტურიენტებო!
დღეს ერთიანი ეროვნული გამოცდები დაიწყო. ეს დღე მნიშვნელოვანი ეტაპია თქვენს ცხოვრებაში, მრავალწლიანი შრომის, მონდომებისა და მიზნისკენ გადადგმული ნაბიჯების შედეგი.

გვჯერა, რომ თითოეული თქვენგანი გამოცდაზე საკუთარი ცოდნით, პასუხისმგებლობითა და თავდაჯერებულობით წარსდგებით.

გისურვებთ წარმატებას, ძალასა და გამძლეობას. დაე, თითოეული გამოცდა გახდეს კიდევ ერთი ნაბიჯი თქვენი ოცნებებისა და მომავალი პროფესიული წარმატებისკენ.

გვჯერა თქვენი შესაძლებლობების და ვამაყობთ თითოეული თქვენგანით.

წარმატებებს გისურვებთ!

24/06/2026

ჩვენი სკოლის მხარდაჭერა ეკა მაკასარაშვილს
დარეკეთ 0 903 300 309
ეკა მაკასარაშვილი

18/06/2026

ჩვენი სკოლის საამაყო კურსდამთავრებული, წარმატებები ეკას

04/06/2026

29 მაისს საჩხერის საგანმანათლებლო რესუსრცენტრის ინიციატივით და ორგანიზებით პროექტის „ჩემი მემკვიდრეობა“ შემაჯამებელი ღონისძიება გაიმართა.

პროექტის მიზანი იყო კულტურული მემკვიდრეობის მნიშვნელობის გაცნობიერება ახალგაზრდებში, ტრადიციების, ადგილობრივი ისტორიებისა და საოჯახო მემკვიდრეობის შენარჩუნება და გაცოცხლება, ასევე ციფრული საშუალებებით შემოქმედებითი უნარების განვითარება;
საჩხერის N3 საჯარო სკოლის მე-10 კლასის მოსწავლეებმა ანი ამირანაშვილმა, ანი პეტრიაშვილმა, ანასტასია მაჭარაშვილმა და მე-12 კლასის მოსწავლემ რეზი გაფრინდაშვილმა ისტორიის მასწავლების მარინა აფხაძის და მედიაწიგნიერების მასწავლებლის ნინო ჩიხლაძის ხელმძღვანელობით აღნიშნული პროექტისთვის მოამზადეს ვიდეორგოლი ,,საჩხერის სინაგოგა და ებრაელთა სასაფლაო"
მადლობას ამ საინტერესო პროექტის განმხორციელებლებს.
საჩხერის საგანმანათლებლო რესურსცენტრი

02/06/2026

საქართველოს განათლების, მეცნიერებისა და ახალგაზრდობის სამინისტროს პროექტის „STEAM კლუბები საბაზო საფეხურზე“ ფარგლებში, საჩხერის N3 საჯარო სკოლის მათემატიკისა და ისტ-ის მასწავლებელი ანა მაჭარაშვილი, ჩატარებული ტესტირების შედეგების საფუძველზე, მოხვდა იმ 100 მონაწილეს შორის, რომლებიც გადავიდნენ პროექტის შემდეგ ეტაპზე!

შემდეგი ეტაპი გულისხმობს STEAM ბანაკში მონაწილეობას, რომელიც გაიმართება ქუთაისის საერთაშორისო უნივერსიტეტში (KIU) . ბანაკის ფარგლებში მონაწილეები გაივლიან ხუთდღიან ინტენსიურ გადამზადებას STEAM განათლების, სასკოლო კლუბებისა და პრაქტიკული აქტივობების მიმართულებით .
სასიხარულოა ის ფაქტი რომ 2026-2027 სასწავლო წლიდან საჩხერის N3 საჯარო სკოლაში, საბაზო საფეხურზე შეიქმნება STEAM კლუბი , რომელიც აქტიურად ჩაერთვება პროგრამით გათვალისწინებულ ყოველკვირეულ შეხვედრებსა და აქტივობებში, ხოლო პროგრამის ფარგლებში ჩვენი სკოლა ეტაპობრივად აღიჭურვება STEAM მიმართულების კომპონენტებითა და თანამედროვე რესურსებით
ჩვენი საჯარო სკოლის სახელით, ვულოცავთ ქალბატონ ანა მაჭარაშვილს ამ წარმატებას!
საჩხერის საგანმანათლებლო რესურსცენტრი
ანა მაჭარაშვილი

02/06/2026

აკაკი წერეთლის სახელმწიფო უნივერსიტეტის ინგლისური ფილოლოგიის დეპარტამენტის ორგანიზებით მაისის თვეში გაიმართა ყოველწლიური საერთაშორისო ინგლისურენოვანი კონფერენცია 'British, American and Georgian Cultural Studies' (‘ბრიტანული, ამერიკული და ქართული ყოფითი თავისებურებები’).
კონფერენციის მიზანია ახალგაზრდების სტიმულირება, მათში კრიტიკული აზროვნების განვითარება და პრეზენტაბელურობის, აუდიტორიასთან ურთიერთობის უნარების ჩამოყალიბება.

კონფერენციაში საჩხერის N3 საჯარო სკოლიდან მონაწილეობას ღებულობდა საბაზო საფეხურის 2 მოსწავლე:
დაჩი მიროტაძე (მე-10 კლასი, თემა: American and Georgian cinema)
დაჩი გაფრინდაშვილი(მე-9 კლასი, თემა:Easter traditions in Georgia and in the UK)

დეპარტამენტის პერსონალთან ერთად მოხსენებების შეფასებაში მონაწილეობდნენ უცხოელი ექსპერტები და ინგლისური ენისა და ლიტერატურის მეოთხე კურსის სტუდენტები.
დაჩი გაფრინდაშვილმა დაიმსახურა მესამე საპრიზო ადგილი ხოლო დაჩი მიროტაძეს გადაეცა სერთიფიკატი და საჩუქრები.

დიდი მადლობა საჩხერის საგანმანათლებლო რესურსცენტრს მხარდაჭერისთვის და მასწავლებლებს ნინო მაჭარაშვილს და ნინო ჩიხლაძე გაწეული შრომისთვის.
საჩხერის საგანმანათლებლო რესურსცენტრი
Ni Ni
Ninia Chikhladze
დაჩი გაფრინდაშვილი
Dachi Mirotadze

21/05/2026

დღეს ჩვენს სკოლაში განსაკუთრებული და ემოციური დღე იყო მე-12 კლასელებისთვის ბოლო ზარი დაირეკა.

ვულოცავთ თითოეულ კურსდამთავრებულს ამ მნიშვნელოვან დღეს და გვჯერა, რომ წინ დიდი წარმატებები და საინტერესო შესაძლებლობები ელოდებათ.
ძვირფასო მოსწავლეებო, სკოლაში გატარებული წლები მუდამ დარჩება თქვენს ცხოვრებაში ყველაზე თბილ და დასამახსოვრებელ პერიოდად. აქ შეიძინეთ ცოდნა, გამოცდილება, მეგობრობა და ის ღირებულებები, რომლებიც მომავალშიც გაგყვებათ.

განსაკუთრებული მადლობა ჩვენს მასწავლებლებსა და მშობლებს თქვენი მხარდაჭერა და თავდადება თითოეული მოსწავლის წარმატების საფუძველია.

გისურვებთ წარმატებულ მომავალს, ბედნიერებასა და მიზნების ასრულებას! 💙

18/05/2026