სსიპ ქალაქ რუსთავის N7 საჯარო სკოლა
20/04/2025
როცა სიყვარული და სიკეთის კეთების სურვილი მძლავრობს,იქ უფლის მადლი ტრიალებს. ❤️მეშვიდესკოლელების ტრადიციული საქველმოქმედო სააღდგომო აქცია და ათობით გახარებული ოჯახი❤️.მადლობა მასწავლებლებს,მშობლებსა და მოსწავლეებს თანადგომისთვის🥰🥰.ქრისტე აღდგა! აღდგომის ბრწყინვალე დღესასწაულს გილოცავთ!❤️🥰❤️
29/03/2025
ფრანგული ენის სწავლების პროცესი აქტიურ ფაზაში გადადის: ფრანგული ენის მასწავლებლის ნინო დვალაშვილის ინიციატივით მეშვიდე სკოლის მეათეკლასელებმა მონაწილეობა მიიღეს ფრანკოფონიის თვის ფარგლებში ორგანიზებულ ფრანგულ-ქართულ ფესტივალში, რომელიც გაიმართა კავკასიის ფრანგულ სკოლაში. აღნიშნული აქტივობა მნიშვნელოვანი იყო მოსწავლეების მოტივაციის ასამაღლებლად და ფრანკოფონიულ კულტურასთან უფრო მეტად დასაახლოებლად.
აქტივობის ფარგლებში, მოსწავლეები შეხვდნენ ფრანგ სტუდენტებს, რომლებმაც მათთვის ქვიზი მოამზადეს. ქვიზის თემები მოიცავდა ფრანგულ კულტურას, ისტორიას, სპორტსა და მუსიკას. შეხვედრა ინტერაქციული და სასიამოვნო აღმოჩნდა მოსწავლეებისთვის, რადგან მათ ჰქონდათ საშუალება, შეემოწმებინათ საკუთარი ცოდნა და ახალი ინფორმაცია მიეღოთ.
შეხვედრის დასასრულს მოსწავლეებს მიეცათ შესაძლებლობა, დაესვათ თავისუფალი კითხვები, რაც აქტიურად გამოიყენეს. მოსწავლეებს ღონისძიების დასასრულს გადაეცათ სერტიფიკატები და საინფორმაციო ბროშურები, რომლებიც მათ სამომავლოდ ფრანგული ენის გაღრმავებაში დაეხმარება.უდავოა,რომ აღნიშნული აქტივობა ძალიან სასარგებლო და შთამაგონებელი იყო მოსწავლეებისთვის. მათ მიიღეს პრაქტიკული გამოცდილება ფრანგულენოვან გარემოში, რაც კიდევ ერთი მნიშვნელოვანი ნაბიჯია მათი მოტივაციისა და ენობრივი უნარების გაუმჯობესებისთვის.
06/04/2023
24/02/2023
სსიპ ქალაქ რუსთავის N7 საჯარო სკოლაში ჩატარდა ინტეგრირებული გაკვეთილი ინგლისურ ენასა და კომპიუტერულ ტექნოლოგიებში. თემა: clothes and shopping. გაკვეთილი წარიმართა საგანმანათლებლო-სასწავლო პლეთფორმების გამოყენებით. მოსწავლეებმა წარმატებით გაართვეს თავი ინგლისური ენის სამიზნე ლექსიკის წინადადებებში გამოყენებასა და გრამატიკულ დავალებებს. მათ საშუალება ჰქონდათ, აქტივობები სხვადსხვა კომპიუტერული პროგრამების (menti.com, learningapps.org, kahoot) საშუალებით შეესრულებინათ.
მასწავლებლები: Keti Okropiridze Ana Makharashvili
29/05/2019
29/05/2019
I- დ კლასის მოსწავლეებმა მშობელთა და უფროსკლასელთა ჩართულობით წარმოადგინეს სოციალური პროექტი - ,,გავალამაზოთ სკოლის გარემო“ ჩვენი პროექტის მიზანი იყო მოსწავლეებში ბუნებისადმი სიყვარული და ზრუნვის განვითარება. სკოლის ეზოს გამწვანება და გალამაზება თითოეული ჩვენგანის მოვალეობაა.
მასწავლებელი: ინგა ძიძიგური
04/02/2019
4 თებერვალს 7 საჯარო სკოლის ბიბლიოთეკაში ჩატარდა ,,მკითხველთა კლუბის" მორიგი შეხვედრა. მოსწავლეებმა წაიკითხეს ქართული ხალხური ზღაპრები, ისაუბრეს ქართული მითებისა და ლეგენდების შესახებ.