ააიპ რუსთავის საბიბლიოთეკო გაერთიანება

13 მაისს საბავშვო ბიბლიოთეკაში "ნაკადული" მოეწყო ჯემალ ქარჩხაძის რომანის"ზებულონი"განხილვა.
ბიბლიოთეკის აქტიურმა მკი
თხველმა,24-ე ქართული გიმნაზიის მოსწავლემ, ნატალი ჭიღიტაშვილმა
საინტერესოდ მიმოიხილა ნაწარმოები, წაიკითხა ეპიზოდები რომანიდან.
ღონისძიებაში 26 -ე საჯარო
სკოლის VII კლასის მოსწავლეებმა მიიღეს მონაწილეობა(პედაგოგები:ნინო უბილავა; სოფიო ბაღდოშვილი; ლანა ბიწაძე).
წიგნის განხილვა მწერლის 90 წლის იუბილეს მიეძღვნა.

რუსთავის მერიის მხარდაჭერითა და საბიბლიოთეკო გაერთიანების ხელშეწყობით, რუსთავის მედიათეკაში, საქართველოს მწერალთა კავშირისა და კულტურის სამინისტროს ერთობლივი ლიტერატურული პროექტის, - ,, პოეზია უპირველეს ყოვლისა" ფარგლებში, დასკვნითი ღონისძიება გაიმართა.
საქართველო, პოეზიის დღეს 2007 წლიდან აღნიშნავს. წელს, რუსთავი ფესტივალის მასპინძელ ქალაქებს შორის იყო. ლიტერატურული ფესტივალი 5-დან 12 მაისის ჩათვლით ტარდება და მასში ქართველი მწერლებთან ერთად, მონაწილეობას ღებულობენ იტალიიდან, ლატვიიდან, სომეხეთიდან, თურქეთიდან, ისრაელიდან და ყაზახეთიდან ჩამოსული მწერლები, მთარგმნელები და ლიტერატურათმცოდნეები.
რუსთავის მედიათეკაში გამართულ ღონისძიებას, რუსთავის მერის პირველი მოადგილე კახა გურული და საკრებულოს დეპუტატი გრიგოლ ვეფხვაძე დაესწრნენ. ადგილობრივი ხელისუფლების წარმომადგენლებმა, რუსთავის მერიის მიერ მწერლების მხარდაჭერის მიზნით განხორციელებულ და დაგეგმილ პროექტებზე ისაუბრეს, ასევე ქვეყნებს შორის კულტურული კავშირების დამყარებაზე გაამახვილეს ყურადღება.
ღონისძიებას საქართველოს მწერალთა კავშირის თავმჯდომარე მაყვალა გონაშვილი უძღვებოდა. შეხვედრის ბოლოს, სტუმრებს სიმბოლური საჩუქრები გადაეცათ.

73 წლის ასაკში გარდაიცვალა გამოჩენილი ქართველი მხატვარი ჯემალ კუხალაშვილი. საბიბლიოთეკო გაერთიანება ღრმა მწუხარებას გამოთქვამს და სამძიმარს უცხადებს გარდაცვლილის ოჯახს.

დაიბადა 1952 წელს ხონში, საქართველო

1978 წელს დაამთავრა თბილისის სახლემწიფო სამხატვრო აკადემია, სახვითი ხელოვნების ფაკულტეტი, საქართველო

პერსონალური გამოფენები:

2025- რუსთავის ოთარ ჩხარტიშვილის სახელობის ხელოვნების გალერეა.
2011 – საქართველოს ეროვნული მუზეუმი, ქარვასლა, თბილისი, საქართველო
2011 – გალერეა “შარდენი”, თბილისი, საქართველო
2008 – გალერეა “შარდენი”, თბილისი, საქართველო
2005 – თანამედროვე ხელოვნების გალერეა, თბილისი, საქართველო
2004 – მოსკოვი, რუსეთი
2003 – თბილისის ისტორიის მუზეუმი ქარვასლა, საქართველო
1996 – გალერეა „TMS”, თბილისი, საქართველო
1996 – ეროვნული გალერეა, თბილისი, საქართველო
1994 – ქართული კულტურის ცენტრი “მზიური”, მოსკოვი, რუსეთი
1993 – ქართული კულტურის ცენტრი “მზიური”, მოსკოვი, რუსეთი
1991 – ქართული კულტურის ცენტრი “მზიური”, მოსკოვი, რუსეთი
1990 – მხატვრის სახლი, თბილისი, საქართველო
1988 – ბელგრადი – იუგოსლავია; მოსკოვი – რუსეთი; ფლორენცია – იტალია; ვენა – ავსტრია

ჯგუფური გამოფენები:

2009 – “მაისის თბილისი”, თბილისის ისტორიის მუზეუმი ქარვასლა, საქართველო
2009 – მხატვართა კავშირი, თბილისი, საქართველო
2008 – “ზამთრის სასახლე”, რუსეთი
2002 – გამოფენა სომეხ მხატვრებთან ერთად, ერევანი, სომხეთი
1998 – დიუსელდორფი, გერმანია
1996 – ერევანი, სომხეთი
1996 – ბარსელონა, ესპანეთი
1994 – სიეტლი, აშშ
1994 – ეროვნული გალერეა, თბილისი, საქართველო
1994 – გალერეა „TMS“ ,თბილისი, საქართველო
1992 – “მერანის” საგამოფენო დარბაზი, თბილისი, საქართველო
1993 – დიუსელდორფი, გერმანია
1992 – ბერლინი, გერმანია
1990 – მოსკოვი, რუსეთი
1990 – “დროუს” აუქციონი, პარიზი, საფრანგეთი
1988 – ბელგრადი, იუგოსლავია
1988 – მოსკოვი, რუსეთი
1988 – ფლორენცია, იტალია
1988 – ვენა, ავსტრია
1987 – მხატვრის სახლი, თბილისი, საქართველო
1985 – ვარშავა, პოლონეთი

N4 საბავშვო ბიბლიოთეკაში ჩატარდა ღონისძიება-,,ვაჟაფშაველა-ბუნების შვილი" სკოლა ,,რუსთველი"-ს მესამე კლასის მოსწავლეებს (მასწავლებელი-მედეა გოგიაშვილი,ეკა დავითაშვილი)გავაცანით მწერლის ბიოგრაფია და შემოქმედება.

საბიბლიოთეკო კვირეულის დახურვისა და ნომინანტების დაჯილდოების ცერემონია გაიმართა მთავარ ბიბლიოთეკაში.
მადლობას გიხდით თითოეულ თქვენგანს მხარდაჭერისა და თანამშრომლობისთვის

რუსთავის საბიბლიოთეკო გაერთიანება გილოცავთ ბიბლიოთეკარის დღეს !