ცეროდენები დაკავებულნი არიან შემეცნების საინტერესო გაკვეთილებით, რომლებიც სპეციალურად მათი ასაკისთვის ადაპტირებული მეთოდითაა შემუშავებული. დიდი ადგილი ეთმობა მათი მეტყველებისა და მოსმენის უნარის ჩამოყალიბებას, ასევე გარე სამყაროსა და საზოგადოებასთან კომუნიკაციის უნარების გაუმჯობესებას. მათთვის სახალისო პრინციპით ისწავლიან უცხო ენას, საბავშვო ლიტერატურას, გამოყენებით ხ
ელოვნების და ხატვას. მეცადინეობები მდიდარი თვალსაჩინოებებითა და სამაგიდო თამაშებით ნამდვილი აღმოჩენა იქნება, რაც მათი წარმოსახვისა და განვითარებისთვის აუცილებელია. ხშირად ივლიან თეატრში, კინოსა და გამოფენებზე, ჩაერთვებიან ორნატის მიერ ორგანიზებულ შეხვედრებში საინტერესო ადამიანებთან. ჩვენთან ძალიან მზრუნველი და თბილი გარემოა. ორნატის კარი ყოველთვის ღიაა, ნებისმიერ მშობელს შეუძლია დაესწროს გაკვეთილს და დარწმუნდეს ჩვენი 10 წლიანი გამოცდილებისა და პატარებთან მუშაობის მეთოდის ეფექტურობაში.
მეცადინეობა ტარდება კვირაში 2-ჯერ, 3 საათის განმავლობაში. ყოველთვიური გადასახადი - 150 ლარი.
ვარსკვლავები და ციცინათელები (სასკოლო მომზადება) :
ვარსკვლავები და ციცინათელები ძირეულ წინა სასკოლო მომზადებას გაივლიან მათთვის შერჩეული სპეციალური პროგრამით. განუვითარდებათ მოტორიკის და დისციპლინის უნარები. ამ ასაკში მნიშვნელოვანია მეტყველების დახვეწა, ინფორმაციის აღქმისა და საკუთარი აზრის გადმოცემის შესაძლებლობებზე მუშაობა, ისევე როგორც მათი კომუნიკაცია გარემოსთან და ურთიერთობის ხელოვნება. ეს სპეციალურად შემუშავებული პროგრამაა და უმნიშვნელოვანესია წინასასკოლო ბავშვისთვის. ასევე მნიშველოვან ცოდნასა და პრაქტიკას მიიღებენ სახვით ხელოვნებაში. სახალისო მეთოდებით გაეცნობიან მსოფლიოს საოცრებებსა და საინტერესო მოვლენებს. მიიღებენ საბაზისო ცოდნას უცხო ენაში.
მეცადინეობა ტარდება კვირაში 2-ჯერ, 3 საათის განმავლობაში. ყოველთვიური გადასახადი - 150 ლარი.
ლიდერები ( I კლასი):
ეს ახალი ეტაპი და საზოგადოებასთან ურთიერთობის ახალი გამოცდილებაა 1-ელ კლასელებისთვის. ამ ჯგუფში უკვე აქტიურად შემოდის საკუთარი აზრის ჩამოყალიბების და გადმომცემის უნარზე სამუშაო აქტივობები. ისწავლიან ურთიერთობას აუდიტორიასთან, საზოგადოებასთან, დაეუფლებიან ორატორულ ხელოვნებას, იწყებენ მუშაობას მათი ასაკისთვის ადაპტირებულ პროექტებზე. გაიმყარებენ საბაზისო ცოდნას უცხო ენასა და ქართულ ლიტერატურაში. პროფესიონალების დახმარებით შეძლებენ გაიუმჯობესონ უნარები მართლწერასა და მეტყველებაში. გაეცნობიან სამყაროს აღმოჩენებს, საოცრებებს, სხვადასხვა კულტურას და იმოგზაურებენ საინტერესო ქვეყნებში.
მეცადინეობა ტარდება კვირაში 2-ჯერ, 4 საათის განმავლობაში. ყოველთვიური გადასახადი - 150 ლარი.
ინტელექტუალები (უფროსი ასაკი):
როგორც უფროსკლასელთა გჯუფი, ორიენტირებულია განათლებული პიროვნების სწორ ჩამოყალიბებაზე, რაც გულისხმობს ლიდერული და ორატორული უნარების განვითარებას. აქტიურად იღებენ მონაწილეობას სხვადასხვა სერიოზულ თემებზე გამართულ დებატებში, ბავშვები სწავლობენ აუდიტორიასთან მუშაობას. ხშირად გვყავს სტუმრად ფსიქოლოგი, რომელიც სპეციალური პროგრამით, შერჩეული თემებით ეხმარება ბავშვებს სწორად მიმართონ თავიანთი ნიჭი, იმუშაონ ემოციურ ინტელექტზე და მართონ ემოციები, სიამოვნებით ერთვებიან ფსიქოლოგიურ აქტივობებში. აქვთ საშუალება იმუშაონ სხვადასხვა თემატურ პროექტზე, რადგან ორნატი ზრუნავს მათი პოტენციალის აღმოჩენასა და განვითარებაზე სხვადასხვა სფეროში.
მნიშველოვანი ყურადღება ექცევა მათ კომუნიკაციას საზოგადოებასთან, ლიდერული უნარჩვევების ჩამოყალიბებას. ისინი უკვე ანალიტიკური უნარებით იღებენ, ამუშავებენ ინფორმაციას და მსჯელობენ მათთვის საინტერესო საკითხებზე. აღმოაჩენენ ახალ შესაძლებლობებს ფერწერაში, დიდი მხატვრებისა და მსოფლიო მოღვაწეების მიღწევების საფუძვლიანი ცოდნით დაასრულებენ სასწავლო წელს.
განსაკუთრებულ ადგილს იკავებს გამოყენებითი უცხო ენა, რაც გულისხმობს უცხო ენაზე აზროვნებას, მეტყველებას და ინფორმაციის მიღებას.
მეცადინეობა ტარდება კვირაში 2-ჯერ, 4 საათის განმავლობაში. ყოველთვიური გადასახადი - 150 ლარი.
19/05/2026
30/11/2025