13/11/2022
სტატიების კონკურსი მოსწავლეებისთვის ❤️✍️✍️
„მიშგოვ ლარდა“ სტატიების კონკურსს აცხადებს.
✏️ კონკურსში მონაწილეობის მიღება შეუძლიათ მესტიის მუნიციპალიტეტის სკოლების X, XI და XII კლასების მოსწავლეებს.
✏️ კონკურსის თემატიკაა „სვანური სამართალი“.
კონკურსანტებმა უნდა დაწერონ, რით არის გამორჩეული და უნიკალური სვანური სამართალი, მოგვითხრონ საინტერესო ისტორიები, მაგალითად:
▪️ როგორ ხდებოდა სამართლის წარმოება სვანეთში;
▪️ სვანური სამართლის წესებისა და რიტუალების აღწერა (მაგალითად, სისხლის აღების წესი, „ლინტყოვ“, ხატზე დაფიცება და სხვა);
▪️ სვანური წესით შერიგების შესახებ (მედიაციაზე);
▪️ სვანური სამართლის პრინციპები, მაგალითად, „ლაგნაჟი ლიგნე“;
▪️ მახვში და მისი როლი სვანეთში;
▪️ ნებისმიერი სხვა თემა, რომელიც კავშირშია სვანურ სამართალთან.
✏️ მოთხოვნები:
▪️ სტატია უნდა იყოს თხრობის (ე.წ. სთორითელინგის) სტილში;
▪️ სტატია უნდა შეიცავდეს ახალ, ნაკლებად ცნობილ ინფორმაციას ან ცნობილი ფაქტების ახალ, ორიგინალურ მიწოდებას;
▪️ სტატია უნდა შეიცავდეს ავტორის მიერ მოპოვებულ ინფორმაციას (მაგალითად, საარქივო მასალებთან მუშაობისა ან ინტერვიუების გზით).
◻️ ტექნიკური მოთხოვნები:
▫️ სტატიის ენა- ქართული;
▫️ სტატიის სტრუქტურა: სათაური - ტექსტი - გამოყენებული ინფორმაციის წყარო;
▫️ ტექსტი: მინიმუმ 500 და მაქსიმუმ 1000 სიტყვა (ასევე, კონკურსანტს შეუძლია სტატიის ტექსტში ჩასვას ვიზუალური მასალა);
▫️ ფორმატი: PDF.
✏️ სტატიების შეფასების წესი:
კონკურსანტის მიერ წარდგენილი სტატია შესაფასებლად სპეციალურად დაკომპლექტებული ჟიურის წევრებს გაეგზავნება. ფინალურ ეტაპზე კონკურსანტი ონლაინ რეჟიმში სტატიის პრეზენტაციას გამართავს.
◻️ შეფასების ძირითადი კრიტერიუმები:
▫️ კონკურსის თემასთან შესაბამისობა;
▫️ კარგად სტრუქტურირებული და ლოგიკურად ორგანიზებული ტექსტი;
▫️ საინტერესო და შემეცნებითი სტატია, ინოვაციური ან შემოქმედებითი მიდგომების გამოყენებით;
▫️ არგუმენტირებული, კარგად დასაბუთებული სტატია.
✏️ სტატიების მიღების წესი:
▪️ ერთ კონკურსანტს შეუძლია წარმოადგინოს მხოლოდ ერთი სტატია;
▪️ სტატიები შემოწმდება პლაგიატზე, რომლის აღმოჩენის შემთხვევაში ნაშრომი არ განიხილება;
▪️ სტატიების მიღების ბოლო ვადაა 2022 წლის 7 დეკემბერი (21:00 საათზე თბილისის დროით). დაგვიანებით მიღებული სტატიები არ განიხილება.
🔴 სტატიის ასატვირთად გამოიყენეთ შემდეგი ფორმა: https://bit.ly/3gOozRz
ფორმის გაგზავნის შემდეგ, გთხოვთ დაელოდოთ დასტურს იმის თაობაზე, რომ თქვენი ნაშრომი მიღებულია 🔴
✏️ კონკურსის შედეგები და პრიზები:
შედეგები 2022 წლის დეკემბრის ბოლოს გამოცხადდება.
კონკურსის ფარგლებში სამი გამარჯვებული გამოვლინდება, რომლებსაც „საქართველოს უნივერსიტეტის“ სამართლის სკოლისგან ფულადი ჯილდო გადაეცემათ:
🥇 პირველი ადგილი- 500 ლარი
🥈 მეორე ადგილი- 400 ლარი
🥉 მესამე ადგილი- 300 ლარი
გარდა ამისა, გამარჯვებულები საქართველოს უნივერსიტეტის სამართლის სკოლისგან უპრეცედენტო საჩუქრებს მიიღებენ:
💥💥💥 საქართველოს უნივერსიტეტში სამართლის საბაკალავრო პროგრამაზე ჩაბარების შემთხვევაში, სამივე გამარჯვებულს სწავლა სრულად დაუფინანსდება! 💥💥💥
სამივე გამარჯვებული სტატია „მიშგოვ ლარდას“ და UG-ს სამართლის სკოლის Facebook გვერდებზე გამოქვეყნდება.
ℹ️ თუ კონკურსში მონაწილეობა გსურთ, ადევნეთ თვალი ჩვენს Facebook გვერდს, სადაც ახლო მომავალში სტატიის წერის ინსტრუქცია დაიდება.
დამატებითი კითხვების არსებობის შემთხვევაში, მოგვწერეთ ჩვენს Facebook გვერდზე ან ელფოსტაზე: [email protected]
გისურვებთ წარმატებას,
„მიშგოვ ლარდას“ გუნდი
