02/06/2023
იაკობ გოგებაშვილის სახელობის ქალაქ რუსთავის მე-11 საჯარო სკოლის მე-9 და მე-10 კლასის მოსწავლეები სამოქალაქო განათლების პროექტის ფარგლებში ეწვივნენ ქალაქ რუსთავის საქალაქო სასამართლოს. მოსწავლეები ადგილზე გაეცნენ ხელისუფლების ერთ-ერთი შტოს - სასამართლო ხელისუფლების მუშაობის პრინციპსა და მის მნიშვნელობას. მოსწავლეთათვის განსაკუთრებით საინტერესო აღმოჩნდა ნაფიც მსაჯულთა სასამართლოს მუშაობის შესახებ მეტი დეტალის გაგება.
მადლობას ვუხდით საქალაქო სასამართლოსა და მის მენეჯერს, ასევე, ჩვენს მასპინძელს გურამ კორკოტაშვილს საინტერესო და ინტერაქციული შეხვედრისთის. რუსთავის საქალაქო სასამართლო
30/05/2023
ერთ-ერთი აქტივობა რაც "მწვანე აქტივიზმის" ფარგლებში განხორციელდა იყო მაკულატურისა და პლასტმასას შეგროვება. აქტიური მოსწვლეების დახმარებით სკოლის ფარგლებში შეგროვდა გარკვეული რაოდენობის პლასტმასა და მაკულატურა, რომელიც დღეს ჩავაბარეთ ორგანიზაცია "გავიგუდეთ"-ში. ამ აქტივობის სანაცვლოდ "გავიგუდეთ" მომავალში, დარგვისთვის ხელსაყრელ პერიოდში, სკოლას გადასცემს ნერგებს, რითიც მოხდება სკოლის ეზოს გამწვანება.
01/05/2023
ძვირფასო მოსწავლეებო,
მოხარული ვართ გაცნობოთ, რომ ჩვენი სკოლა უახლოეს დღეებში ჩაატარებს ჭადრაკის ტურნირს. ჩვენ გვჯერა, რომ ჭადრაკი შესანიშნავი საშუალებაა ჩვენს მოსწავლეებში კრიტიკული აზროვნების, სტრატეგიული დაგეგმვისა და ინტელექტუალური განვითარების ხელშეწყობისთვის. ჩემპიონატში მონაწილეობის მიღება ხელმისაწვდომია რუსთავის მე-11 საჯარო სკოლის მოსწავლეებისთვის მე-8 დან მე-11 კლასის ჩათვლით. გამარჯვებული თვითმართველობისგან მიიღებს პრიზს 🤩
✨დეტალური ინფორმაციისთვის და მონაწილეობის მიღებისთვის გაეცანით აპლიკაციას
https://forms.gle/eJSPbCoCAbSM5CtJ7
პატავისცემით, თვითმართველობა 🫶
29/04/2023
ვეკუას სკოლის მოსწავლეთა თვითმართველობისა და ვეკუა TV-ის საქმიანობის კარგი პრაქტიკის გაზიარების მიზნით ილია ვეკუას სახელობის ფიზიკა-მათემატიკის ქალაქ თბილისის N42 საჯარო სკოლაში ჩატარდა ღონისძიება, სამოქალაქო განათლების პედაგოგთა ფორუმის დახმარებით.
