სსიპ გიორგი ჭყონდიდელის სახელობის ქალაქ ფოთის #7 საჯარო სკოლა

რუბრიკით ,,არა-ჩვეულებრივი გაკვეთილები''-ს ფარგლებში ჩატარებული შემაჯამებელი გაკვეთილი საგანში _ კომპიუტერული ტექნოლოგიები/პედაგოგი: მაია უჩანეიშვილი. მე-6 კლასის მოსწავლეებმა წარმოადგინეს მათ მიერ სასწავლო წლის მანძილზე შესწავლილი სხვადასხვა პროგრამებში შესრულებული პროექტები, ინტერნეტ მოქალაქეობისა და უსაფრთხოების წესები. პატარებმა კიდევ ერთხელ შეახსენეს ერთმანეთს და აუდიტორიას ინტერნეტში თავდაცვისთვის საჭირო რჩევები...

სსიპ ახალგაზრდობის სააგენტოს ინიციატივითა და ორგანიზებით, 2026 წლის 14 ივნისიდან 5 ივლისის ჩათვლით ხორციელდება პროექტი “გაეროს მოდელირება”, რომელიც აერთიანებს საქართველოს სხვადასხვა მუნიციპალიტეტში მცხოვრებ 14-18 წლის ახალგაზრდებს. პროექტის მიზანია ახალგაზრდებში გაეროს საქმიანობის, საერთაშორისო ურთიერთობებისა და გლობალური გამოწვევების შესახებ ცნობიერების ამაღლება. ასევე მათი აქტიური სამოქალაქო მონაწილეობისა და ლიდერული უნარების განვითარება.
პროექტი წარმოადგენს საგანმანათლებლო და სიმულაციურ პლატფორმას, რომლის ფარგლებში მონაწილეები მოირგებენ სხვადასხვა ქვეყნის დიპლომატების როლებს, იმუშავებენ თემატურ კომიტეტებსა და გენერალურ ასამბლეაში, იმსჯელებენ თანამედროვე გლობალურ საკითხებზე და შეიმუშავებენ რეზოლუციების პროექტებს. პროგრამა ორიენტირებულია ახალგაზრდებში კრიტიკული აზროვნების, არგუმენტირებული მსჯელობის, მოლაპარაკების, საჯარო გამოსვლისა და გუნდური მუშაობის უნარების განვითარებაზე.

შერჩეულ ახალგაზრდებს შორის ერთ-ერთი ჩვენი სკოლის მე- 11 კლასის მოსწავლე ლუკა მუკბანიანია.
გვიხარია და ვულოცავთ ლუკას.

დღეს სასტუმრო ,,პარკ გრინის'' საკონფერენციო დარბაზში ჩვენი სკოლის გუნდის პროექტის, რომელიც მოწონებულ და დაფინანსებულ იქნა გაეროს განვითარების პროგრამის მიერ / გრანტი 8000 ლარი/ - ბოლო აქტივობა გაიმართა, რომელსაც ქალაქის საგანმანათლებლო სფეროს წარმომადგენლები და მოსწავლეები ესწრებოდნენ. აქტივობის ფორმატი ინტერაქტიული იყო შემეცნებითი და პრაქტიკული ნაწილებით. ასევე გაკეთდა ცნობილი მსახიობის ჯანო იზორიას მონაწილეობით გადაღებული რილსის /Reels/ პრეზენტაცია. პროექტის მიზანი მინის ნარჩენების ინოვაციური მეთოდებით მართვა და ციფრული სკანერის დანერგვის პოპულარიზაცია იყო. ღონისძიება სკოლის დირექტორმა ნინო მორგოშიამ გახსნა, ხოლო პროექტის ხელმძღვანელმა ქრისტინე ბოჯგუამ და გუნდის წევრებმა: ბარბარე დარჯანიამ, ლუკა მუკბანიანმა და ელენე კვიტატიანმა აუდიტორიას წარუდგინეს QR სკანერის მუშაობის პრინციპები. 30-ზე მეტი სტუმარი კალმებსა და ბლოკნოტებზე დატანილი QR კოდებით პროექტის ფარგლებში გათვალისწინებული თამაშების მონაწილე გახდა, ხოლო მათ შორის გამარჯვებულებს გადაეცათ ბრედირებული ჩანთები.
ვფიქრობთ, რომ მოწვეული სტუმრები ჩვენი მხარდამჭერები არიან სუფთა და მწვანე მომავლის შექმნის საქმეში.
​ #მინისმეორესიცოცხლე #ჩვენიმოსწავლეები #ჯანოიზორია #მეშვიდელები

ვირუსის ევოლუცია- ამ სათაურით ახორციელებდა წლის მანძლზე პროექტს საბუნებისმეტყველო ლაბორატორია, კერძოდ მე-11 კლასში პედაგოგი-ნანა ლაშქარავა. დღეს პროექტის ფინალი იყო, რომელსაც ესწრებოდნენ მოწვეული სტუმრები-ეპიდემიოლოგი ზიზი ცაავა და იმუნოლოგი
ლუიზა სილაგავა. ასევე სკოლის ექიმი და სკოლის მასწავლებლები. შეხვედრის ფორმატი ინტერაქტიული და საინტერესო იყო, რომელმაც გაზარდა მოსწავლეთა ცნობიერება ინფექციურ დაავადებებზე, მათ პრევენციასა და მათზე რეაგირებაზე.

პროექტში ჩართული იყვნენ პროფესიული განათლების სტუდენტები,რომლებმაც წარმოადგინეს ანიმაციური ფილმი.

კიდევ ერთი ზეიმი, კიდევ ერთხელ სცენაზე დაღვრილი ღიმილი, სითბო, სიყვარული, სიხარული, ემოცია და ენერგია... ამჯერად მე-3ბ კლასმა შეაჯამა ხათუნა მასწავლებელთან /ხათუნა გოგია/ თანამშრომლობის პერიოდი...
დღე იყო დღესასწაული...

სასიხარულო ინფორმაცია!
“საქართველოს ფოსტის” მიერ ორგანიზებულ “საერთაშორისო საფოსტო კავშირის” წერილის წერის საერთაშორისო კონკურსში” მისწერე წერილი მეგობარს იმის შესახებ, თუ რატომ არის ადამიანური კავშირი მნიშვნელოვანი ციფრულ სამყაროში” - საქართველოს ფოსტის რჩეული გახდა VIII კლასის მოსწავლე ანანო ზარანდია.
პედაგოგი: ნან დონდოლაძე
ანანო დაჯილდოვდა სერთიფიკატით,,ფოსტის რჩეული'' და ფულადი პრემიით.
ვულოცავთ ანანოს ამ წარმატებას

მოსწავლეებთან 3 წლიანი თანამშრომლობა შეაჯამა მესამე კლასის პედაგოგმა ქეთევან ბერაიამ, რომელიც ამავდროულად იყო ბედნიერების, იმედის, სიყვარულის ნამდვილი ფეიერვერკი...
სკოლას იმაზე დიდი ფუნქცია არ აქვს, ვიდრე მოსწავლისა და მშობლის გაბედნიერებაა, რაც სწავლასა და აღზრდას ეფუძნება...

2025-26 სასწავლო წლის ტრადიციული და დამაგვირგვინებელი ცერემონია მოსწავლეთა სკოლის გარეთ მიღწევათა განსაზოგადებლად...აღიარება მოზარდებს ახარებს და თავდაჯერებულობას მატებს...

მე-4 კლასელების კიდევ ერთი შემეცნებითი გაკვეთილი/პედაგოგი ნინო ჩიქობავა/ ,,საკლასო ოთახიდან გასული გაკვეთილების'' ფარგლებში. ცხენი სილამაზისა და ძალის განსახიერება, იპოდრომზე გატარებული თითოეული წუთი კი ბუნებასთან სიახლოვისა და შინაგანი ჰარმონიის საუკეთესო შეგრძნება. ნასწავლის განმტკიცება შეგრძნებებით უფრო ეფექტურია...

,,საკლასო ოთახიდან გასული გაკვეთილების'' ფარგლებში მე-4 კლასის მოსწავლეები პედაგოგმა ნინო ჩიქობავამ ზოოვეტერინართან წაიყვანა. დაკვირვების ობიექტი იყო ერთ-ერთი მოსწავლის ძაღლი -ლედი. მოსწავლეებმა ბევრ მათთვის საინტერესო შეკითხვაზე მიიღეს პასუხი, რამაც მათი შემეცნება უფრო გაზარდა ოთხფეხა მეგობრების მიმართ დამოკიდებულებაში...
გაგონილს ნანახი სჯობს...